معكرونة بالحليب والجبنة


         وصفة : منى                 2009/02/17                 13 تعليقات
معكرونة بالحليب والجبنة

·          نسلق المعكرونة مع إضافة القليل من الملح مع ماء السلق.

·          نحمي الفرن على درجة حرارة 180

·          في هذه الأثناء نذوب الملح والفلفل وجوزة الطيب في الحليب.

·          بعد تصفية المعكرونة من ماء السلق نضعها في طبق بيريكس أو صينية فرن صغيرة مدهونة بقليل من الزبدة. ثم نصب فوقها مزيج الحليب.

·          ثم نغطيها بالجبنة المبشورة ومن بعد نضع البقسماط. أخيراً نرش الزبدة أو السمنة المذوبة بالتساوي على سطح الطبق.

·          نخبزها في الفرن لمدة 30-35 دقيقة أو حتى احمرار السطح وجفاف الحليب , تقدم ساخنة وصحة وهنا. 





500 غ معكرونة (أي نوع ما عدا السباغيتي)
نصف لتر حليب
ملعقتان صغيرتان ملح (أو حسب الرغبة)
نصف ملعقة صغيرة فلفل أسود مطحون
رشة جوزة الطيب (اختياري)
جبن مبشور (أي نوع جبن يذوب بالحرارة - أنا أفضل مزيج الشيدر والموزريللا معاً، أجده أقل دسما وأكثر نكهة من غير)
بقسماط (Bread Crumble) أو كعك مدقوق
ملعقتا طعام زبدة أو سمنة مذوبة





• نسلق المعكرونة مع إضافة القليل من الملح مع ماء السلق.

• نحمي الفرن على درجة حرارة 180

• في هذه الأثناء نذوب الملح والفلفل وجوزة الطيب في الحليب.

• بعد تصفية المعكرونة من ماء السلق نضعها في طبق بيريكس أو صينية فرن صغيرة مدهونة بقليل من الزبدة. ثم نصب فوقها مزيج الحليب.

• ثم نغطيها بالجبنة المبشورة ومن بعد نضع البقسماط. أخيراً نرش الزبدة أو السمنة المذوبة بالتساوي على سطح الطبق.

• نخبزها في الفرن لمدة 30-35 دقيقة أو حتى احمرار السطح وجفاف الحليب , تقدم ساخنة وصحة وهنا.
  • وصفات تانية ممكن تعجبك


التعليقات

  1. منى 17 February 2009

    سلم هل الديات دالو , متل العادة وصفاتك سهلة و مميزة :)

    الف شكر الك للوصفة و الصورة كمان و بانتظار وصفات تانية منك :zzz

  2. سارونات 27 February 2009

    السلام عليكم و رحمة الله و بركاته

    سبحان الله بالايام الماضية كنت عم فكر بهيك وصفة يعني تكون فيها بس معكرونة و حليب و جبن بس خطر عبالي بيشاميل هيك اكيد راح تطلع اخف ان شاء الله بجربها بأقرب فرصة
    عندي سؤال ليش ما عدا السباغيتي هل لفانها ما راح تشرب حليب متل باقي المعكرونات او شو
    سلم دياتك على الوصفة و جازاك الله خيرا و ربين يوفقك
    سلام

  3. أم الهدى 2 March 2009

    يعطيك العافية ، هالوصفة كتير طيبة وبتشبه كتير يلي أنا بساويها وبصراحة اليوم كنت عم فكر أكتب الوصفة وأبعتها لمنى بس شكلك سبقتيني :zzz بس أن بضيف لمزيج الحليب بيضة وبحط مع المعكرونة بقدونس مفروم بيعطيها طعمة كتير طيبة

  4. ميساء 9 March 2009

    يسلمو دالو كتير كتير طيبة هالمعكرونة وأنا بعملها على طريقة الأخت أم الهدى وبتطلع روعة وبصراحة هالوصفة عندي خاصة بشهر رمضان ومعروفة عند أولادي باسم معكرونة رمضان شكرا حبيبتي وفعلا وصفاتك مميزة :zzz :zzz وبالمناسبة مشان الله منى نزليلنا الوصفة رقم 600 رح ينطف قلبي عليها اشتقنا لوصفات الكيك اللي بتجنن من تحت دياتك

  5. منى 10 March 2009

    هلا ميوسة :)
    ان شتاء الله اختي قريبة الوصفة صارت ,
    الله يخليك و يحفظك يا حق و يديم المعروف دوما

  6. سارونات 11 March 2009

    السلام عليكم و رحمة الله و بركاته
    اختي انا راح جربها بكرا بس راح استغني عن الزبدة ما بعرف اذا بتنفع من غير زبدة او لا كمان راح ضيف بيضة للحليب
    اللي بتعرف انها ما بتنفع من غير زبدة تخبرني

    بالتوفيق
    سلام

  7. dado 12 March 2009

    السلام عليكم
    انشالله ما كون اتأخرت عليكن
    أهلين منوش شكرا كتير الك على تنزيل الوصفة
    أنا كنت مسافرة ومبارح رجعت
    اختي سارونات أكيد بينفع بدون زبدة بس الأكلة محتاجة شوية زفر سواء زبدة أو سمنة أو زيت.
    مشان المعكرونة بحس السباغيتي بتنخبص عالطبخ بهالطريقة.. ما بعرف إذا ما سلقتيها كتير ممكن تزبط.. أنا ما جربتها من قبل هيك
    انشالله تعجبك بس تجربيها

    أم الهدى.. انشالله المرة الجاية رح جربها على طريقتك.. أنا بحب المعكرونة والبقدونس والجبنة.. بحسها خلطة معتبرة
    ميساء.. أهلا فيكي.. وعنجد طيبة كتير برمضان بتفتح الشهية وما بتقل.. والولاد بيحوا هيك أكلات أكتر من الطبخ يلي فيه مرق وزفر.

  8. سارونات 13 March 2009

    السلام عليكم و رحمة الله و بركاته

    جربتها اليوم بس ما ضبطت معي منيح يعني السطح طلع كتير ناشف لهيك ما خليتو يحمر كتير و المعكرونة ظلت مبينة يمكن عرفت السبب بدي ارعف هل استعملت جبنة كتير يعني غطيت السطح كامل تحتى ما صارت المعكرونة تبين او شو لان بدي ارجع ساويها و بدي تضبط معي منيح
    بدي ارجع ساويها و معك حق بدها شوية زبدة مع انها بلا زبدة ما بها شي

    بالتوفيق
    سلام

  9. mayada 13 March 2009

    السلام عليكم لو سمحتي ممكن تعطينا وصفة الكاتو رقم 600 وشكرا سلام ميادة

  10. shams 6 January 2010

    الله يعطيك العافية بس كيف عمل البقسماط

  11. ظل أمرأة 2 February 2010

    شكرا على هذه الاكلة اللذيذة انا بموت فيها وان شالله في تقدم مستمر

  12. ليان 2009 17 March 2010

    يسلموا على الطبق الخفيف والشهي انا من عشاق المعكرووونة واكيد رح اجربوا

  13. حمودي 20 January 2011

    صااااااااارت حلوه كتير بس نقص عليها الجبن ما عملت كثير
    وكمان اضفت لها بيضه وكبزه
    :eek
    ……………
    اي هيا ما تخرج قطع اقصد يعني ما تقدري تقطعيها الى قطع ؟ صح ؟
    :?
    مع خاااااااااااالص تحياتي
    Ahmed

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)