براونيز بكريما الخمس دقايق السرية
معكرونة بصلصة البيتزا
علبة معكرونة حلزونية ( 350 غ )
كوب و نصف أو كوبان من صلصة البيتزا الإيطالية أو صلصة البيتزا بالتتبيلة الخاصة
2 حبة جبنة طرية متل لافاش كيري أو كيري أو ملعقتان من أي نوع أخر
كوب و نصف جبنة مبشورة
2 ورقة غار
للتزيين :
بقدونس مفروم ناعماً جداً أو رشة زعتر أخضر
• تسلق المعكرونة و يضاف ورق الغار لماء السلق .
• تصفى المعكرونة و يحتفظ بالقليل من ماء السلق لترقيق صوص البيتزا .
• توضع المعكرونة في قدر و يضاف فوقها الصوص مع الجبنة الكريم و القليل من ماء السلق حسب الحاجة و تترك على نار متوسطة لمدة خمس دقائق مع التقليب حتى تتغلف بكل الصوص .
• يضاف كوب من الجبنة المبشورة و يقلب الكل بلطف حتى تذوب الجبنة ثم يسكب في طبق التقديم و يرش بالباقي من الجبنة و البقدونس أو الزعتر و يقدم .
يا عيني عالأفكارالحلوة بتعرفي هم على قلبي لما الولاد بيسألوني ماما شو عنا عالعشا لأنن ما كتير بيحبو الحواضر و هاي يا منى فكرة جديدة و حلوة عالتطبيق السريع بس ناطرة شوف طريقة السوس الجديدة
تسلم إيديكي
و انا متلك رينو ..
يعني يا محلى الغدا عندي جنب الفطور أو العشا :roll
الله يسلمك يا عسل و الصوص الجديد الطيب على الطريق
السلام عليكم و رحمة الله و بركاته جازاك الله خيرا اختي منى الوصفة حلوة لا مالحة و سهلة :grin عم استخف دمي بعرف انو ثقيل ان شاء الله راح اجربها
بدي اسالك عن شي في صوص للمعكرونة بينباع و بيكون فيه قطع خضر صغيرة كتير طيب انا دقتو مرة بدي اعرف ازا بتعرفي شي طريقةو شو الخضر اللي فينا نحطهاو ربنا يوفقك و يسهل دربك
سلام
هلا سارونات
دمك شربات و عسل :grin , ان شاء الله تجربيها و تكون على زووءك , هلا الصوص الي عم تحكي عليه ما عرفته :roll و فينا نضيف للصوص العادي الفليلفة و الذرة و الفطر و الكوسا , اي شي بيعجبك ممكن تجربيه
الله يخليك و يسلمك و لا انحرم من هل الدعوات الحلوة
السلام عليكم و رحمة الله و بركاته
تسلميلي يا اختي منى
بدي اعرف جبن لافاش كيري لما بضيفو بحطو هيك مثلثات او بقطعوو انا ما راح حط جبن مبشور فشو لازم ساوي يعني صاعف كمية الجبن او لا
كمان راح اعملا بمكرنة السباغيتي فهل راح يفرق شي و ورق الغار منضيفو بالاول او بعد ما تغلي الماي
بالتوفيق
سلام
ضيفيه على كيفك و هورح يدوب بالصوص .. كمية الجبنة على كيفك , فيك ما تحطي حبنة ابدا و فيك تحطي على زووءك
ما بتفرق اذا استعملتي السباغيت أو غيره و ورقة الغر بتضيفيها بعد ما تغلي المي
اي سؤال تاني من عيوني
السلام عليكم و رحمة الله و بركاته
جربتها و طلعت كتير طيبة و لمسة البقدونس بالاخير كتير مميزة و بتعطي لون حلو للطبق
جازاك الله خيرااختي منى و جعله في ميزان حسناتك
بالتوفيق
سلام
نسيت قول اني ساويتها بالضبط متل ما قلتي يعني بالجبن مثلثات و بالمبشور و طلعت كتير طيبة و من قبل ساويتها بس بالصوص و الجبن مثلثات و طلعت كمان طيبة و هلأ رايحة شوف وصفة معكرونة البيتزا
بالتوفيق
سلام
منى بدي اسالك عن الرافيولي عندك شي طريقة الا كيف منطبخا مشكورة
هنا و عافية سارونات
كتير بنبسط بتجربتك لوصفاتي و كمان بدعواتك ان شاء الله الك متلهم و اغلى اختي
هلا ام نور
ان شاء الله و من عيوني لاحلى قمر
السلام عليكم و رحمة الله و بركاته
اختي منى عندي طلب اذا ممكن شو رايك بس يكون في عندك وقت تساوي ملف كامل عن المعكرونة من البداية يعن يطريقة تحضير العجينة في البيت و عمل انواع عديدة منها للازانيا و الفيتوتشيني و الرافيلوني و هيك بعرف هالموضوع بدو كتير شغل و وقت بس حبيت اقترح عليك الفكرة و اذا عجبتك بس يصير عندك وقت تنفذيها
بالتوفيق
سلام
فكرةممتازة سارونات و انا كتير بحب هل القصص , بس متل ما قلتي بدها وقت و شغل كتير و بالاول بال و انا هلا مشغولة بالف قصة و حكاية , ربي يسر الامور و بركي بنزل هيك ملف خصوصا الك بس على التيسير اذا ربنا راد
وصفة أكتر من رائعة .. سهلة وسريعة ولذيذة جداً .. أسعفتني البارحة بعد عدة تجارب فاشلة مع البيتزا .. ونكاية بالبيتزا غنجت المعكرونة أكتر وحطيت معها فطر ومرتديلا وفليفلة وريحان أخضر .. ولا ألذ من هيك
هلا ارام , الف هنا و صحة و عافية , الحمد لله خطر ببالك تجربها و منيح انها عجبتك
المرة التانية رح جرب غنج معكرونتي على طريقتك :grin و لا يهمك ان شاء الله البيتزا بتزبط معك و بتكون على زووءك غير مرة
جربتا اليوم رووووووووووعة وسهلة ولابقة ما الصيف
شكرا منى
هنا و الف عافية ضحى حبيبتي , شكرا الك يا زووء على كل شي