براونيز بكريما الخمس دقايق السرية
· تدهن صينية بايركس ( القياس المتوسط ) بالزبدة ثم تغلف بورق زبدة و يشعل الفرن على درجة حرارة 180 .
· يوضع الطحين و السكر البودرة و الزبدة في وعاء و تفرك المقادير بلطف بأطراف الاإصابع حتى الحصول على عجينة متماسكة , بعد أن يتماسك العجين لا تعجن لوقت اضافي كي لا تصبح قاسية بعد الخبز .
· تمد العجينة في القالب المجهز بشكل متساوي ثم تخبز الصينية في الفرن لمدة 10 – 15 دقيقة ثم تترك جانباً حتى تبرد .
· في هذه الأثناء تحضر الحشوة , توضع الكيري و القشطة و اللبنة و البيض و الفانيليا و السكر في خلاط العصير و يمزج الكل حتى الحصول على مزيج ناعم ثم يسكب على العجينة الباردة .
· تذوب الشوكولا على حمام مائي و تحرك حتى تذوب الشوكولا تماماً .
· تسكب الشوكولا بشكل خيط رفيع على مزيج الجبنة بحيث توزع على وجه التشيز كيك بالتساوي , ثم تحرك الشوكولا بلطف باستخدام شوكة حتى الحصول على الشكل الرخامي المتموج مع الانتباه كي لا يمس القاع , يجب تنفيذ هذه المرحلة بسرعة كي لا تتجمد الشوكولا قبل اعطاء الشكل المطلوب .
· تعاد الصينية للفرن و تترك لمدة نصف ساعة تقريباً أو حتى يجمد مزيج الجبن , تخرج صينية التشيز كيك من الفرن و تترك حتى تبرد .
· توضع الصينية في الثلاجة لمدة أربع ساعات على الأقل ثم تقسم إلى مربعات و توضع في محافظ بليسيه ثم تقدم .
سر الطبخة :
· للحصول على أفضل طعم لمربعات التشيز كيك تترك المربعات خارج البراد لفترة بسيطة قبل تقديمها أي تقدم و هي بحرارة الغرفة .
كوب طحين + ملعقتان كبيرتان طحين
ربع كوب سكر بودرة
اصبع زبدة طرية ( 125 غ )
الحشوة :
12 حبة كيري
علبة قشطة ( أو 4 ملعقة كبيرة قشطة طازجة )
ملعقة كبيرة لبنة
3 بيضات
فانيليا
نصف كوب سكر
كوب شوكولا بالحليب مكسرة لقطع
• يوضع الطحين و السكر البودرة و الزبدة في وعاء و تفرك المقادير بلطف بأطراف الاإصابع حتى الحصول على عجينة متماسكة , بعد أن يتماسك العجين لا تعجن لوقت اضافي كي لا تصبح قاسية بعد الخبز .
• تمد العجينة في القالب المجهز بشكل متساوي ثم تخبز الصينية في الفرن لمدة 10 – 15 دقيقة ثم تترك جانباً حتى تبرد .
• في هذه الأثناء تحضر الحشوة , توضع الكيري و القشطة و اللبنة و البيض و الفانيليا و السكر في خلاط العصير و يمزج الكل حتى الحصول على مزيج ناعم ثم يسكب على العجينة الباردة .
• تذوب الشوكولا على حمام مائي و تحرك حتى تذوب الشوكولا تماماً .
• تسكب الشوكولا بشكل خيط رفيع على مزيج الجبنة بحيث توزع على وجه التشيز كيك بالتساوي , ثم تحرك الشوكولا بلطف باستخدام شوكة حتى الحصول على الشكل الرخامي المتموج مع الانتباه كي لا يمس القاع , يجب تنفيذ هذه المرحلة بسرعة كي لا تتجمد الشوكولا قبل اعطاء الشكل المطلوب .
• تعاد الصينية للفرن و تترك لمدة نصف ساعة تقريباً أو حتى يجمد مزيج الجبن , تخرج صينية التشيز كيك من الفرن و تترك حتى تبرد .
• توضع الصينية في الثلاجة لمدة أربع ساعات على الأقل ثم تقسم إلى مربعات و توضع في محافظ بليسيه ثم تقدم .
سر الطبخة :
• للحصول على أفضل طعم لمربعات التشيز كيك تترك المربعات خارج البراد لفترة بسيطة قبل تقديمها أي تقدم و هي بحرارة الغرفة .
كتير طيبة وخلصت بنفس اليوم اللي عملته فيه
مية أهلا و سهلا فيك قطة
ان شاء الله عوافي و هنا و صحة على قلبك و قلوب القطط الصغيرة يا رب
حبابة يا منة الحلوة قوليلي شو هي القشطة هل تباع في علب جاهزة و هل يمكن تحضيرها يدويا
شكرا كتير لك
هلا بتول
القشطة تباع بعلب و أشهر نوع بسوريا هو قشطة نستله ..
و فيك تحضريه يدوياً و رح حط لك الطريقة اليوم على الصفحة الرئيسية إذا الله راد ..
شكرا لاهتمامك عزيزتي منى
من عيوني بتول
الموضوع فيك تشوفيه [URL=http://www.l2ma.com/content/view/274/25/]على هل الرابط[/URL]
يم يم يم ما اطيبا و ما ادسما :grin
عملتا مبارحة و كتير حبوها اخواتي..
الله يسلو هالايدين الحلوين يا رب..
بس أنا بعد ما حطيت طبقة الجبنة و حطيت فوقها الشوكولا حركتا بالشوكة شوي متل ما ئلتي و رجعتا عالفرن و كلو متل عادة بس وئت صارت جاهزة للأكل و ئسمتها نتبهت انو معظم الشوكولا ترسب تحت طبقة الجبنة يعني صار عندي تئريبا 3 طبقات..
ليش عزلت برأيك؟
كان لازم أحرك الشوكولا أكتر؟
ولا نخفقت الجبنة كتير؟
ولا شو؟
و يسلمو كتير كتير كتير
طلعت كتير طيبة :p
:roll أكيد ما كان لازم تحركي الشوكولا اكتر , السبب الوحيد الي بيخطر ببالي ان الطبقة البيضا كانت سايلة كتير من اللبنة ما كانت سميكة أو حجم البيض كان كتيررر كبير أو ممكن تكوني أضفتي شوية سوائل مع الشوكولا لما دوبتيها , يا ترى فيك هي شي ؟؟
و على كل هنا و عوافي و المرة التانية ان شاء الله بتظبط معك تمام التمام
والله برافو عليكي يا منى الحلوة..
صح طبقة الجبنة كانت سائلة منيح, و كميت البيض مع انو حطيت متل ما ئلتي 3 بيضات, بس حسيتون طلعوا كتار..
هاااااااااااا..
هلأ عرفت السبب.. يسلمو كتير و رح ارجع جربا مرة تانية ونشالله بتطلع أنجح
بس الحمدلله كلون حبوها و خلصت بسرعة :p
صحة و هنا على قلبك و قلبون يا رب , بس انا صاار لازم دوء :roll
ملحوقة مو هيك :grin , عم امزح معك , ان شاء الله بتجربيها مرة تانية و بتظبط معك
أما شو وصفة يا منى!
بتتقلي بالدهب عليها
حضرتها أول مبارح وقدمتها مبارح لضيوفي.. ما شاء الله اختفت الصينية خلال دقائق.. طيبة كتير وخفيفة وما بتزعج متل التشيزكيك تبع المحلات والشوكولا متجانسة مع مزيج الجبنة بطريقة خيالية.. طرية وبتدوب بالتم.. يممممميي..
يالله حاجتي غزل فيها :grin
شكرا كتير منوش
بتعرفي بحس إنو ما فيني جرب شي وما احكيلك.. بيجيني شعور بالذنب.. ما فيني ردلك جميلك بشي فـ عالقليلة قلك شكرا وإنت أكيد بتنبسطي إني جربت الطبق وعجبني كتير
مممم , و الله دالو انك خطيرة بالوصف , يا عمي حاسة حالي غطست في الشوكولا :grin
خليلي عينك و الله كتير بنبسط انك جربتي الوصفة بالاول و كمان بنبسط اكتر لما بشوف انها نجحت معك و عجبتك , عوافي دالو يا قمر و الشكر كل الشكر الك :zzz
السلام عليكم و رحمة الله و بركاته
صارلي فترة عبالي ساوي تشيزكيك بس لما شوف كميات الجبن الكبيرة المستعملة بطل
هالوصفة عجبتني و ان شاء الله ببقى جربها
اختي منى ما بينفع لافاش كيري لانو مالح مو هيك بس هل مستحيل استعمله او ممكن جرب
كمان هل فيني اعرف مقدار الشوكولا بالغرام
بالتوفيق
سلام
هلا اختي
انا مو مجربتها الا بالافاش كيري و ممكن تستعملي الفيلادلفيا اكيد
الشوكولا 100 غ و اي سؤال تاني انا بالخدمة
السلام عليكم و رحمة الله و بركاته
شكرا جزيلا اختي منى
انا كتبت الوصفة و راح جربها قريبا ان شاء الله بس بدي اسالك عن الصينية البابركس المتوسطة قديش حجمها كمان قلتي نغلفها بورق الزبدة يعني من جميع النواحي بس حبيت اتاكد من جميع النواحي مو هيك يعني من تحت و من الجوانب منغلفها
كمان هل ممكن استعمال صينية عادية للوصفة
بالتوفيق
سلام
أختي الصينية 24 * 16 و منغلفها من جوى كلها لحتى تصير سهل ان تطله معنا لمن نجي نقدمها
يسلمو على هالحلو…..لسا ما جربتو
بس بدي اسأل انو نحنا مندوب شزكلا خام ومنحطها…ما بتنحرق بالفرن؟؟؟طيب بعد ما بتطلع مو بتيبس متل ما كانت؟؟
طيب شو رئيك لو حطينا بدالها شوكلا سائلة..الي بتجي بعلب
هلا عبورة
ع
انا بحضرها بهل الطريقة و بتطلع يم يم , بس اكيد فيكي تجربي , اتوقع بالشوكولا السائلة رح تصير اسهل , رح استنى رايك بعد التجربة
يا سلام على هالوصفة يا منى شكلها بجنن واكيد رح اعملها بس بدي اسألك لما نحط مزيج الجبنة والشوكولاتة ونرجعها عالفرن بكون الفرن مشعول من فوق ؟
يسلموا كتير والله يخليلنا ياكي
هلا ليان
مستاهلة ان شاء الله التجربة و ان شاء الله تظبط معك و تحبيها
ما بده تشعلي الفرن من فوق , نحنا بنا تجمد طبقة التشيز كيك من دون ما يتغير لونها :zzz
تسلم الأيادي..ممكن سؤال مستعجل اذا سمحت؟شو ضرورة اللبنة طالما الكمية قليلة كتير؟وما فينا نستبدلها بمكعب زيادة او اكتر جبن كريمي؟
اللبنة رح تعطي طعم حموضة خفيفة , و انا جربت من دنها مرة , بس حسيت باللبنة بتطلع اطيب . و اذا مو حابة تضيفيها , احذفيها من الوصفة من دون استبدال :zzz
شكرا جزيلا على سرعة الرد الله يجزيك الخير..لان اليوم بدي جربها ان شاء الله
ان شاء الله
اتمنى تعجبك
الله يجزيك الخير ست منى..عملتها وكانت لذيذة متل باقي الأكلات اللي جربتها من عندك..بس حسيت ان طبقة البسكويت الاولي كانت مو طرية متل طبقة الجبن..يا ترى هيك لازم تكون الا لازم تكون طرية متل اللي فوقها؟؟
لا لازم تكون مقرمشة متل ايا طبقة تارت و طبقة الجبنة بتكون طرية
هنا و الف صحة و عافية :zzz
خلص معناها طلعت معي نورمال ومظبوطة..تسلم ايدك ست منى..
الله يسلمك
هنا و صحة
مرحبا يا منى , لك شوووووووووووووووووووو هالتشيز كيك هاد اليوم كان عندي عزيمة لرفقاتي وعملتلون ياه طار عقلون الصبايا عليه وكتير حبو وكلون طبعا طلبو الوصفة , الله يسلمك ايديكي يارب شي طبيعي يكون الاكل الطيب والمميز من هالموقع
الف عافية و صحة و يسسسسس انو حدى جديد جرب هل الوصفة
اليوم كمان عندي عزيمة وكمان رح اعمل هالتشيز كيك مرة تانية خلص صار شغلتي وعملتي :grin كل ما اجاني ضيوف ررح اعملون ياه شكرا كتير مرة تانية منى
صحتين و عواافي , كتير مبسوطة ان الوصفة صارت من ضمن قائمة وصفاتك المعتمدة , ممنونة ثقتك في
ان شاء الله بدي جرب الوصفة قريباانا جربت كذا وصفة حلو من عندك وان شاء الله ببقى بنزل الصور..
:zzz
ست منى بدي أسألك ..انا بعد اسبوع بدي انزل مع زوجي واولادي علبنان وبتعرفي بقه الغربتلية لما يجو العيلة والاحباب والاصحاب بيجو يسلمو…فشو بتنصحيني بضيافة هيك تكون طيبة وبتبيض الوج ومو كتير بتاخد وقت ؟؟ حاسة حالي بدي إنزنق لأن بتعرفي مسؤولية الاولادابني زيد عمره 3 شهور وضياء 3 سنين الله يسلمون ، فشو بتنصحيني؟؟
قصدك رح تعملي حلو و الا سفرة و الا شو على الضبط ؟