براونيز بكريما الخمس دقايق السرية· تمزج مواد خلطة الفليفلة و توضع جانباً و يضاف زيت الزيتون حتى تتكون لدينا خلطة قابلة للمد .
· يوضع كوبان من الطحين مع بقية المواد في محضرة الطعام و يمزج الكل لمدة ربع ساعة , هذه المرحلة هدفها الحصول على عجينة طرية .
· يضاف باقي الطحين بالتدريج و تدعك العجينة حتى الحصول على عجينة ناعمة و طرية , قد تحتاجين للمزيد من الطحين و ذلك حسب نوعية الطحين و حرارة الجو .
· تغطى العجينة و تترك حتى يتضاعف حجمها ثم تقطع إلى كرات بحجم البيضة الصغيرة و ترش طاولة العمل بالطحين ثم ترق إلى دوائر رقيقة باستعمال الشوبك .
· يحمى الفرن إلى درجة حرارة عالية جداً 250 درجة مئوية و ذلك كي تبقى المناقيش طرية .
· تنقل الدوائر إلى صاج فرن كبير و تدهن خلطة الفليفلة عليها ثم تخبز المناقيش في الفرن الحار لمدة 5 دقائق تقريباً حتى تنضج .
3 كوب طحين
ملعقة صغيرة ملح
ملعقة كبيرة سكر
ملعقة صغيرة خميرة فورية
ربع كوب زيت عادي
كوب و ربع ماء حار
- خلطة الفليلفة :
5 ملعقة كبيرة دبس فليفلة
ربع إلى نصف كوب زيت زيتون
نصف ملعقة صغيرة كمون
نصف ملعقة صغيرة زعتر أخضر
ملعقة صغيرة فليفلة حمراء ناعمة
ملعقة كبيرة من الزعتر الذي يستعمل للمناقيش
رشة حبة البركة ( اختياري )
• تمزج مواد خلطة الفليفلة و توضع جانباً و يضاف زيت الزيتون حتى تتكون لدينا خلطة قابلة للمد .
• يوضع كوبان من الطحين مع بقية المواد في محضرة الطعام و يمزج الكل لمدة ربع ساعة , هذه المرحلة هدفها الحصول على عجينة طرية .
• يضاف باقي الطحين بالتدريج و تدعك العجينة حتى الحصول على عجينة ناعمة و طرية , قد تحتاجين للمزيد من الطحين و ذلك حسب نوعية الطحين و حرارة الجو .
• تغطى العجينة و تترك حتى يتضاعف حجمها ثم تقطع إلى كرات بحجم البيضة الصغيرة و ترش طاولة العمل بالطحين ثم ترق إلى دوائر رقيقة باستعمال الشوبك .
• يحمى الفرن إلى درجة حرارة عالية جداً 250 درجة مئوية و ذلك كي تبقى المناقيش طرية .
• تنقل الدوائر إلى صاج فرن كبير و تدهن خلطة الفليفلة عليها ثم تخبز المناقيش في الفرن الحار لمدة 5 دقائق تقريباً حتى تنضج .
السلام عليكم ورحمة الله وبركاته
الله يسلم ايديك يا رب
لو بتعرفي اديش مشتهية هل الاكلة
و من الاسبوع الماضيي و هوي الجو عنا غيم و شتا
ما قدرت ساوي دبس فليفلة
بس خلص ما دام عطيتيني الطريقة
الباقي ان شالله قريبا
يعطيكي العافية
على فكرة انا ما عم فوت لانو عندي ناس
و لا كنتي شفتيني هون على طول
مية اهلا و سهلا فيك
و الله الموقع نور من جديد بردك ليندا
الله يبعت الخير بكل مكان ,
ما في أحلى من المطر
ان شاء الله تجربيها بعد ما يصحى الجو و رح تعجبك اكيد باذن الله ..
و اي سؤال تاني انا بخدمتك
هلأ تصبحي على خير 8)
السلام عليكم و رحمة الله:
جربتا و حبيت اتشكرك عليها كتير كتير طيبة يسلمو على هالوصفات الحلوة و على فكرة هي اول مرة بحياتي بعمل عجينة بس الحمدلله ظبطت و حبوها اهلي كتير شكرا ميمو الحلوة :p
ان شاء الله عوافي و هنا و صحة يا رب
الله يجبر بخاطرك و تسلمي بدور على تجربتك وصفاتي
مية أهلا و سهلا
مرحبااااااااا
يعني انا كتير مشغولة و ما عم اقدر مشط شعري متل ما بيقولو من كتر الشغل
بس جيت خبرك يا ام المون انو عملتها و اخيرا
و حياة الله انو اول ما حطيتها بتمي دغري اتزكرت لما كنت اكلها بالشام
نفس الطعمة بتجنن
يالله شو انبسطت فيها
رح روح اعمل المحمرة كمان بما انو صار عندي كنز
قصدي دبس الفيلفة
يا سلام شو طيب مع الاكل
والله انتي اول وحدة كل وصفة بتحطيها وبطبقها بتطلع ما في اطيب منها
صرت شو ما شوف هون طبق و انا قلبي مرتاح
و متأكدة انو الكل رح يحبها
الله يخليلنا ياكي يا رب
هنا و هنونة يا رب على قلبك , كتير كتير انبسطت ان قدرت رجعلك ريحة الشام و لو للمحة بسيطة , ان شاء الله تزوريها قريب , بس مو بالصيف :grin
انا متلك بموت على دبس الفليلفة , و باستخدمه مع السلطة و الطبخ و غيررره و غيراته , على قولة اولادي , ماما بس الكاتو ما بتحط عليه فليلفة :grin
يا ترى جبتيه جاهز و الا حضرتيه على ايدك ؟
الله يسلمك ليندا سعيدة كتير بثقتك فيني و الله يديم المحبة و المعروف
والله هل السنة ما رح زور الشام يا منى بس امي رح تجي لعندي الاسبوع الجاي
ههههههههههههههههههههههه عجبتني هي ماما بتحط دبس فليفلة على كل شي الا الكاتو
هو كتير طيب بيني وبينك
حبيبتي انا اشتريتو جاهز
لاني صرلي سنة عم استنى تشمس اسبوع كامل ما عم يمشي الحال بيجي شمس شي 3 او 4 ايام وبعدين بتصير تشتي
فقدت الامل و اشتريت جاهز
شو بدي قلك
ساويت المجدرة كمان طلعت نفس طعمة المجدرة يلي امي كانت تعملها
بتشهي الله يسلم ايديكي
ييييي الله يهنيكم ببعض يا رب , هيك فرحتك ما بتعطيها لحدى
المهم انه صار عندك , نم نمممي ..
هنا و عوافي على المجدرة لنوشة , خليلي عينك شو بيلهف قلبي بس ما شفت اسمك 8)
يسلمو كتير على الوصفه
زوجي كتير بيحبى
وانا مرة جربت متل هالوصفه
بس طلعو الناقيش يابسين ومرقمدين :cry
في وصفه بشان تطلع طريه
ويسلمو كتير على اهالوصفات الطيبه
هلا اختي ام احمد
ربي يبارك في احمد و يحفظه من كل سوء و شر و يكون قرة عين الك و لابوه
اختي جربي هل الوصفة بتفاصيلها متل درجة الحرارة و التخمير و ان شاء الله رح تعجبك
ان شاء الله راح جرب الوصفة بكرة بس سؤال على الطاير
شو هو زعتر المناقيش
هو الزعتر الي مناكله مع الزيت و نلفه عروسة و هو غير الزعتر الاخضر
ان شاء الله تجربيه و يكون متل ما بتحبي و اطيب
سلام عليكم منى انا لما شفت هل الوصفة مدري ليش فرط ريقي عليها بس بدي اسالك
انا عندي دبس فليفة صاير بيشبه دبس البندورة يعني عندي ياه جاهز وهو كتيير حد عم افكر اخلطه مع دبس البندورة لحتى اخفف حداديته بس المشكلة إنو الدبس صاير متل المعجون مو متل الدبس تبع شغل البيت يلي بنعمله المشكلة هون مستحيل تلاقي فليفة حدة ومافي أبدا شمس عندنا ونزلتي على حلب مطولة كتيييييييييييييييير بقى شو رايك أجرب هل الأكلة بالدبس يللي عندي قولك بيمشي الحال
جربيه , ليش لا , و اذا حد كتير خلطيه مع معجون الطماطم بيخفف الحدادية و طعمته طيبة
كيفك منمون ؟؟ شو قصدك بمحضرة الطعام ؟؟
ماكينة العجينة اللي بشوفها بالتلفزيون ولا شغلة تانية ؟؟ :grin
وبيمشي الحال اعجنها بلا ماكينة اساسا ولا العاجينة قاسية ؟؟