براونيز بكريما الخمس دقايق السرية
اليوم وقت الكشف عن اسم طبقنا المميز و كتير أخوات عرفت الاجابة الصحيحة و منهم بعدوا كتير , الوصفة اليوم مهلبية الشوكولا و على قد مو سهلة و على قد مو طيبة ما بينشبع منها , إدمان من الصغار و الكبار , هادا الي صار بعيلتي عن جد تحضيرها ما بياخد أكتر من خمس دقائق .
أنا ما بحب المهلبية تكون سميكة كتير لهيك استخدم 3 ملاعق من النشاء لتحضير المهلبية , هي بتكون طرية و بتدوب في الفم و ممكن زيادة كمية الكورن فلاور إذا بتحبيها أسمك شوي .
أكيد كل ما استعملتي نوعية شوكولا منيحة بالوصفة رح تكون النكهة أطيب و فيك تستعملي أي نوع بس يكون شوكولا على حليب .
و فكرة لذيذة جداً اضافة بسكويت بالشوكولا للوصفة , و خصوصاً لعشاق الشوكولا , جودي قالتلي هل مهلبية البسكويت لازم يكون اسمها إدمان الشوكولا .
بالصحة و هنا
-المقادير:
ليتر حليب ( 4 كوب )
ثلاث أرباع كوب سكر
علبة قشطة أو قيمر أو ثلاث أرباع كوب كريم فريش
3 ملعقة كبيرة كاكاو بودرة
3 ملعقة كبيرة كورن فلاور
3 مكعب شوكولا على حليب
ليتر حليب ( 4 كوب )
ثلاث أرباع كوب سكر
علبة قشطة أو قيمر أو ثلاث أرباع كوب كريم فريش
3 ملعقة كبيرة كاكاو بودرة
3 ملعقة كبيرة كورن فلاور
3 مكعب شوكولا على حليب
- طريقة التحضير :
1- يقلب الكورن فلاور و السكر و الكاكاو مع بعض حتى يصبح مزيج متجانس ، يضاف الحليب و يقلب ع البارد تختفي كل الكتل من المزيج .
2- يرفع القدر على نار متوسطة و يحرك بمضرب سلك حتى يغلي و يثقل قوامه و يترك ليغلي لبضع دقائق .
3- يبعد القدر عن النار و تضاف الشوكولا و تقلب حتى تذوب و أخيراً تضاف القشطة و تحرك .
4- تسكب المهلبية في أطباق أو كؤوس التقديم و تترك لتبرد قليلاً ثم توضع في البراد حت وقت التقديم و يمكن أن تزيين بقطعة من بسكويت سيجار في الوسط أو بالفستق المبشور .
فكرة لذيذة :
يمكن تقدم المهلبية مع بسكويت بالشوكولا لتحضير طبق حلو لا ينسى , يكسر بسكويت بالشوكولا سادة أو محشي بالكريما لقطع متوسطة و يوزع في أطباق التقديم ثم تصب فوقه المهلبية الساخنة , ممم رائعة .
1- يقلب الكورن فلاور و السكر و الكاكاو مع بعض حتى يصبح مزيج متجانس ، يضاف الحليب و يقلب ع البارد تختفي كل الكتل من المزيج .
2- يرفع القدر على نار متوسطة و يحرك بمضرب سلك حتى يغلي و يثقل قوامه و يترك ليغلي لبضع دقائق .
3- يبعد القدر عن النار و تضاف الشوكولا و تقلب حتى تذوب و أخيراً تضاف القشطة و تحرك .
4- تسكب المهلبية في أطباق أو كؤوس التقديم و تترك لتبرد قليلاً ثم توضع في البراد حت وقت التقديم و يمكن أن تزيين بقطعة من بسكويت سيجار في الوسط أو بالفستق المبشور .
فكرة لذيذة :
يمكن تقدم المهلبية مع بسكويت بالشوكولا لتحضير طبق حلو لا ينسى , يكسر بسكويت بالشوكولا سادة أو محشي بالكريما لقطع متوسطة و يوزع في أطباق التقديم ثم تصب فوقه المهلبية الساخنة , ممم رائعة .
-
وصفات تانية ممكن تعجبك
أعتقد كاسترد شوكولا ،اممي ،شو ماكان شكله شهي :p
بكفي أن فيه شوكولا حبيبة قلبي :zzz
والله مبين من شكلا انها طيبة انا بقول هي كستردا بالشوكولا
والله اعلم
إي إي إي عرفتا انا اول واحد 8)
هي أكيد شوربة العدس :upset
الله اعلم انها عصيرعنب مطبوخ بالنشاء او السميدمع السكر انشاء يكون هو لاني احبه كثير
مهلبية بالشوكولااااااااااااا :p يميمي
السلام عليكم و رحمة الله و بركاته
اعتقد و الله اعلم انها مهلبية الشوكولا خصوصا اني طلبتها منك و قلتيلي ان شاء الله بتحطيها ان شاء الله تكون هي و ازا هي او مو هي ما بقول غير يسلم ايديكي و ما شاء الله الكؤؤس اللي حاطتهم فيهم كتير حلوين و فخمين
بالتوفيق
سلام
مرحبا لكل الأعضاء …أتوقع موس الشوكولا أو بودينج الشوكولا.
بودنج النشا بالشوكولا .. يم يم :p
من أولتك عم اتمزمز اعتقد شراب عرق سوس او خروب صح???? شو ما كان صحتين و هنا على قلبك كتير حلو انو الواحد يعرف يستمتع ولو باشياء صغيره . انا عم اتابع بصمت و مبسوطه عليكي كتير يا منى الله يرضى عليكي و يوفقك
السلام عليكم…شراب توت شامي…وإذا ماكان هوه ساويلنا ياه لو سمحتي :zzz
حبيبة البي منى هي توتية يعني توت شامي مطبوخ مع نشاء
انا حبيت سلم عليك منى وعلى الاخوات وصار له الموقع يومين ما عم يفتح عندي لسحور اليوم حتى مشي حاله و الحمد لله انا هالصورة ذكرتني بأكلة نحن ما بنعملها بس دايقتها وانا صغيرة عند عدة ناس وهي خبيصة بالدبس بتشبه هالصورة بس على وجهها بيحطوا جوز ما بعرف بقى او كمان ممكن تكون مهلبية بالشوكولا يالله منتظرين تنورينا بالجواب اليوم الله يعطيك العافية :roll
منى شكلا بيشبه المغلي نحن منسمي عبارة عن القرفة والكراوية معقولة هو
احتي منى بمناسبة رسوبي في الامتحان وما عرفت الطبق مع ان الاعمى يعرف انه شيكولاته اعملي لي اللي ابغاه عصير العنب المطبوخ
هي ما أعرفها منونة
ليكون قصدك دبس العنب المطبوخ مع النشاء إذا هيك من عيني هي قبل هي 
السلام عليكم و رحمة الله و بركاته
:zzz 
و بعدين صرت :cry عرفتي ليش لان فيها قشطة او كريم فريش :cry :cry يا ترى ممكن نستغنى عنهاو صير هيك :grin او ما بينفع و صير هيك :cry و ازا تنفع هل بعوض مقدار القشطة بالحليب او لا
جازاك الله خيرا اختي منى على تلبية الطلب الله لا يحرمني منك كتير فرحت لما عرفت انها مهلبية الشوكولا و انا عم اقرا الموضوع كنت هيك
بالتوفيق
سلام
يسلمو ئيديكي منى.. رمضان كريم
أنا جديدة هون.. شامية ساكنة بلامارات
بس ئليي من أول رمضان عم تابع الموقع.. بعتلك رسالة ان شاءالله تكون وصلتك
المهم انا متزوجة ئلي سبع تشهر.. وما كنت فوت عل مطبخ الا نادرا
صرت آخده كزا وصفة من عندك,, وكتير نجحو.. وجوزي غير رأيه بطبخي.. هوه عنده مطعم وصار يسألني عن طريقة طبخاتي مع انه هوه طباخ درجة أولى..
تسلم ئيديكي وئيدين الصبايا كلهون.. كنت ناويه أعمل ضيافة العيد حلوى الجيلو والكيك والكريم الطبقات لأنها طلعت بتجنن.. بس هلأ رح ساوي هل وصفة أطيب.. وأقدر بتطلع بلعيد..
ماشاءالله عليكي.. بس سؤال شو قصدك بمكعب شوكولا؟؟ يعني مشلا الجالكسي السادة بتجي ست مربعات.. آخد تلاته منهون؟؟
هلا سارونات انا عم ضيف القشطة قلت هلا رح تسأليني اذا فينا ما نضيفها :grin , فيك تستغني عنها بس متل ما قلتلك قبل الكريما بتعطي غني للوصفة و إذا ما حابة تضيفيها ما بتغيري شي من الوصفة و لا بتزيدي شي بس ما بتضيفيها
هلا فرح
على فكرة بنتي الصغيرة الدلولة حبيبة قلبي اسمها فرح يعني انت الك سكرة من أول رد الك , مية هلا فيك نورتي و نور الموقع , ان شاء الله جازة الدهر و السعادة و تشوفي من جوزك الخير الكتير ..
كتير انبسطت ان الوصفات عجبوك و ظبطوا معك و نورتي اخت غالية و كريمة
مكعب الشوكولا هو المكعب الي بيجي بألواح الشوكولا الكبيرة و مقداره 50 غ يعني وصفتنا لازمها 150 غ شوكولا , جربيها كتير طيبة و الله ما لحقت تبرد أكلوها الحلويين و هي لسا مفترة
رسالتك ما وصلتني للأسف لان كان في مشاكل باالرسائل بس هلا انحلت المشكلة و فيك تبعتيها مرةتانية , مية هلا و ردك و كلامك أسعدني جداً
السلام عليكم و رحمة الله و بركاته
:zzz 
:grin اي صحيح صايرة عم تعرفي اسئلتي قبل ما اسأل كتير فرحت
لكان راح ساويها ازا قدرت اليوم و بخبرك بالنتيجة و سؤالي كالعادة ازا بتضاين ليومين او ” بالبراد و هل بغطيها لما حطها بالبراد او لا و ان شاء الله تضبط معي
جازاك الله خيرا و وفقك
سلام
السلام عليكم و رحمة الله و بركاته
المهلبية في البراد هلأ و انا ساويت نص الكمية و ان شاء الله تضبط و تجمد
بالتوفيق
سلام
هلا سارونات , أكيد بتضاين و الاحسن انك تغطي وجها بصحن لحتى ما ينشف , بس ما أتوقع تضااين لان انا عندجي خلال نص ساعة كانت خلصت
يلا لما تدوقيها ابقي خبريني
السلام عليكم و رحمة الله و بركاته
طلعت كتير طيبة بس بدا شوية نشا كمان لان لما بتطلع جامدة شوي بتطلع احسن و انا زنتها بشوية فول سوداني مفروم خشن بس شوي بالنص بعد ما سكبتها بالكؤوس
جازاك الله خيرا اختي منى و كان بدي اسألك عن المهلبية الاصليةيعني البيضا كيف بتنعمليعني بس منشيل الكاكاو و الشوكولا او غير شي
بالتوفيق
سلام
يسلمو يا منى الزوء على ردك مو بس طبخاتك مزوئة ووكلامك كمان.. تتهني يارب
انا كتبتلك برسالة اعجابي بلموقع وفيكي. وبصبايا الي بشاركو.. الي بميز الموقع هوه التفاصيل الي بتقوليها.. يعني ازا سألت امي مع انها طباخة درجة أولى ما بتقلي على تفاصيل وسر الطبخة يمكن بتعتبرها بديهية.. عن جد كتير ساعدتيني.. صرت أعرف سر الطبخ.. وصرت اتفنن.. رح قلك شو جربت من عندك ونجح معي.. خدي عندك
الملوخية..مممم..
شوربة البصل شغله(جوزي أخد الوصفة يعلمها للشيف عنده.. أنا كتير شفت حالي..
دجاج ألفيردو
الفاهيتا
سبانخ بلحمة
شيخ المحشي بس مع اللبن.. بموت على هل أكلة
الباطرش.. واااااااااو بجنن صرت عايدته كزا مره
حلوى المولتو… انا كمان غرماي الشوكولاه
شوربة الفطر.. بدوخ طلعت.. ما كان عندي جوزة الطيب.. حطيت رشة ريحان.. كتير طيبتها.. ورشة قرفة(على فكرة طرت ش قرفة بأغلب الوصفات غير شكل)
وصرة الأوزي كمان زبطت معي..
أنا طولت عليكي.. بس من فرحتي بلموقع..
شكرا كتير منى.. والله يجعلها بميزان حسناتك
أنا للأمانه وحتى ما يضيع تعبك.. بعتت ئيميل لكل رفقاتي خبرتهون بموقعك.. صهري قلي شو هل موقع بجنن..
الله لا يضيعلك تعب انتي وادارة الموقع لأنه باين متعوب عليه بترتيب والتحديث..
يا سلاااااام على هالأفكار الحلوة
فعلا بتشهي الواحد يجربها ونشالله بكرة أنا أول المجربين ويارب تظبط معي.
بس للأسف و كالعادة فاتتني الحزورة هالمرة كمان :roll
الله يسلم دياتك الحلوين يا رب
والله يا منى الحلوة والشهادة لرب العالمين انك المصدر الاول المشجع الي لأتعلم الطبخ مع اني ماعندي اي خبرة سابقة
الله يجزيكي كل خير و ينولك مراد البك يا رب
هلا سارونات
منيح انك حبيتيها , أنا ما بحب وصفات المهلبية و الكاسترد تكون تقيلة لهيك ما كتير بكتر نشا , بس انت فيك تعدلي الوصفة على كيفك , المهلبية البيضا وصفة قريبة الها بس بتصير بالنشاء العادي , هلا في الموقع في مهلبية الرز , بتجنن فيك تشوفيها لوقت ما نزلك وصفة المهلبية العادية
مية هلا فيك فرح الله يخليك و يحفظك يا رب , كنت اتمنى الرسالة توصل , يلا الحمد لله هلا خلصت المشاكل , ان شاء الله الف الف صحة وهنا على الوصفات وحدة وحدة و خصوصا شوربة البصل, يا ستي انو جوزك طلب الوصفة مو قليلة
و إلي قلتيه مضبوط ان بحب اكتب كل تفصيلة صغيرة ممكن تخطر على بالي أو ممكن أكون سألت عنها الست الي علمتني الوصفة ..
بالعكس فرح لا طولت و لا شي , انك جربتي كل هل الوصفات بيعنيلي كتير , هنا و عافية يا حق و الف شكر ليك على الدعوات الحلوة ان شاء الله الك متلها و أحلى , نورتينا فروحة8)
هلا بدورة ,شو القمر غايب من زماان متل بدر رمضان , ان شاء الله تجربيها و تعجبك , خليلي عينك عندك ماماتك تعلمك الاكلات الحلبية و انا هون للتغيير , كل زووء يا قمر
و ان شاء الله الك متل هل الدعوات
السلام عليكم و رحمة الله و بركاته
انا ما طلعت عندي جامدة بعتقد لان ما خليتها تطول كتير على النار بتعرفي كيف طلعت طلعت من فوق جامدة بس شويييي و لما تجي تاكليها بالملعقة بتلاقي الداخل دايب
المرة التانية راح خليها تجمد اكتر تشوف كيف بتطلع بس هيك طلعت 10 على 10 خفت ما يتقبلوها لانها سايحة بس العكس قالوبتجنن و بدهن منها كمان و كمان :eek
الله يوفقك و يسهل دربك و يجازيك الجنة ان شاء الله
سلام
مية هلا و سهلا سارونات كتير انبسطت انها عجبتك و بيضت وجهك ادام عيلتك و المهم ان الفكرة وصلتك و انت بتتحكمي بالوصفة متل ما بتحبي :zzz
مرحبا..
شكرا كتيييييير على هالوصفة.. بس الله يسامحك.. زاد وزني مدري قديش من وقت تعرفت على موقعك :cry
جربتها مبارح وطلعت طيبة كتير. بس دخلت تعديل بسيط وهو اني حطيت كاسترد بدل الكورن فلاور وعطى طعمة ظريفة كتير للوصفة.. وكمان زينت وجه الكاسات بمكسرات مجروشة
يعطيكي العافية
هلا فيك دالو
يلا اذا كان هيك مو مشكلة , المهم الواحد ياكل لقمة و تكون طيبة أحسن من عشرة لتكبيس المعدة , صح 
هنا و مة عافية علىالمهلبية أنا بالعادة بزينها بشوكولا مبشورة بس بما أنها كانت للمسابقة فتركتها من دون تزيين لحتى ما توضح :grin
نورتي أختي
السلام عليكم
كيفك اخت منى
والله انا ما بعرف اديش عمرك بس انا بعتبرك متل والدتي او اختي الكبيرة لاني عم اتعلم الطبخ منك
لاني مغتربة ووما بعرف اطبخ كن كاسة رز بس رفيقتي قالتلي على موقع وصرت ضيع بدونو
بس انا :cry زعلانة لمن عم يوقف الموقع لانو ما بعرف شو اشتغل وقررت اكتب كل شي او انسخو عالكومبيور عندي لانو اذا رقف الموقع انا و زوجي منجوع :upset
من يومين قررت جرب المهلبية و جبت الاغراض اللازمة وانا فتحت النت لاشوف كيف ولا قيت الموقع واقف وبقيت لليل افوت و اطلع حتى اشتغل وطبختها ب 12 بالليل بس عملتها بدون شوكولا كتجربة اولى وحبها زوجي كتير واليوم بدي جربها بالشوكولا و اكتب باقي الوصفات
شكرا كتير الك و بالسلامة انتي وموقعك
وعليكم أفضل السلام و أتم التسليم نادين
ولي على ألبي , خسى الجوع , يا ستي بتنوري على طول و ان شاء الله ما بقى تنعاد..
انا مو كتير كبيرة , خليها متل اختك أحسن
ان شاء الله مية صحة و الف هنا و عافية علىالبك و قلب زوجك يا حق و شو ما جربتي خبريني , هنا عليهم مقدما 
يسلمو إيديكي على هالوصفة الحلوة. ظريفة وخفيفة وسهلة.. الزغار حبوها كتير :zzz ، وأنا كمان :roll
هنا و مية الف عافية على قلبك و قلب الصغانين الصغار الحلوين , نورتي أختي 8)
السلام عليكم و رحمة الله و بركاته
اليوم جربتها من غير شوكولا انا فكرتها ما بتنفع بس لما عرفت انو اختي نادين ساوتها و طلعت حلوة قلت تجربها لان جربتها بالشوكولا و طلعت بتجنن بس لان الشوكولا مو دايما متوفرة عندي :sigh حزنت كثيرا بس الحمد لله بتنفع بلا شوكولا و بتطلع كمان طيبة و هيك كل ما بدي بساويها حتى لو ما في شوكولا يخليلي ياكي اختي على هالفكرة
جازاكم الله خيرا و جعله في ميزان حسناتكم
سلام
الف صحة و الف هنا أختي على قلبك و قلب كل العيلة
الف شكر الك للدعوات و الك نتلها و اغلى ان شاء الله
هلأ ساويتا
وطلعت كتيييييييييييييييير طيبة :zzz وعم بتخيل شكل بوتاتي بس يرجعوا من المدرسة :p
يسلمو ايديك على كل اللي بتقدميه
هلا شفاء
مممم , الف صحة و هنا عبلى قلبهم و قلبك ,ان شاء الله تكون عجبتهم و لو اني متاكدة انهم رح يلحوسوا الصحن لحوسة
يعطيك العافية أخت منى .. البارحة جربت الوصفة وكانت لذيذة جداً .. ولو أنها دسمة شوي .. قصدي دسمة كتير
بس بتنفع تكون ضيافة مميزة جداً وتغيير شكل عن الرز بحليب والحبوب وغيره .. ألف شكر إلك.
الف صحة و هنا على قلبك يا حق .
معك حق هي دسمة بس طيبة , شو نعمل الحلويات من غير قشطة و شوكولا و سكر ما الهم طعم
اليوم جربتا
طيييييييييبة شكرا منى :p
عافية و الف صحة ضحى حبيبتي
اكيد كنتي حلوة و اكلتي عني صحنين تلاتة :zzz
اختي منى اليوم جربتا وطبقتها خطوة خطوة متل مو كاتبه يسلم دياتك
اليوم رح تزورني رفيقتي ورح شوف ردود الافعال
يسلم دياتك يارب ويخليلنا اياكي انتي وهاالموقع الكنز :zzz
يا رب تعجبك و تعجبك ضيوفك , ان شاء الله بتعجبهم , اما اذا عندها اولاد فأنا اضمن الك انك رح تصيري الملكة :grin
هل الكلام بس من زووءك يا عسل , نورتي
منى يا احلى منى بلعالم
طلعت كتير طيبه وعن جد شي بيبض الوش وكلن صارو بدن المقادييير قلتن هي منى احلى منى بلعالم
الله يجزيكي الخير ويجعل هالموقع بميزان اعمالك الحسنه
حمودة وكل ولاد رفقاتي عجبتن كتير وخاصه حطيت لبعض الكاسات بسكوت كتير حبو الاطفال الفكرة
:zzz
انا اليوم ساويت هالمهلبية مع تارت التمر لضيوفي
عن جد شي ببيض الوش اختي منى
بس ناوية المرة الجاية جربها بدون قشطة وبدون شوكولا لتكون اخف على بنتي الصغيرة
بالمناسبة للاخوات انا زودت مقادير النشا معلقتين تانيات وطلعت جيدة بس يمكن معلقة وحدة زيادة بتكفي للي بدو ياها سميكة
كتير طيبة صرت عاملتها اكتر من عشر مرات رائعة والمهم انو ولادي حبوها قال متل الدانيت وانا بقول اطيب من هالاكلات المصنعة وافيد الف الف شكر اختي منى
هلا ماسا
الف صحة و هنا على البهم , ايه بالفعل اصح و افضل , لان شو ما كانت الماركة موثوقة , بهل الايام صارت الواحدة فينا بتخاف على اولادها من كل شي :roll
هلا كرميلا
هنا و الف الف صحة و عافية على البك , هي واحدة من الوصفات المفضلة عند الكل , ان شاء الله مطرح ما سرى مرى :zzz
هلا ام احمد
الف صحة و هنا على البوهم الصغيرة , ربي يباركلك فيهم و تشوفي منهم كل الخير
فكرة حلوة رح جرب البسكويت المرة التانية ان شاء الله :zzz
وصفة بتجنن للاطفال لانو بناتي مابحبو يشربوحليب ساده فبنكهلون ياه بكاكاو اونسكويك بالفريز,فهي الوصفة مناسبة لانوكل الاطفال بحبو الشوكولاتة بس عندي كم سؤال:فيني استعمل اي نوع شوكولاتة متل الجالكسي_وطريق التقديم التانية مع البسكوت للاطفال بتتقدم وهي سخنة ولابعدماتبرد بالبراد.شكرا الك كتير
شكرا الك نور كلك زووء يا عسل