تقريباً أيا شي فيه كراميل بيحبوه الكل , بس مو لدرجة انو كراميل و نسكافيه يصير من وصفات أولادي المفضلة !

هلا أنا بالعادة اي اشي فيو منبهات متل كولا و شاي ما بعطيه لأولادي الا بااقل كمية ممكنة . و بالنسبية للنسكافيه أو القهوة ما في داعي ما رس ضغوطاتي لان الطعم المر لحالو بينفر الاولاد , لهيك لما حضرت هل الوصفة اول مرة , و كنت ناوية اتمزمز فيها لوحدي و لملذاتي الشخصية , ما كان خاطر ببالي انو صوت الخلاط رح يخبرهن انو في شي عم يصير من ورا ضهرهم , و انو الريحة رح تسحبهن من غرفهن لعندي , و اخر شي لما دوقتهن من كاستي ما كنت متوقعة انو يحبوا هيك مزيج نكهات …

هلا كل كم يوم بيقلي كريم بدي نثكافيه كراميل

الوصفة ما في اسهل منها , و خصوصي اذا كان التوفي موجود عنك بالبراد , كلو بالخلاط و بعد ثواني يمم , و المفروض انو تكون الرغوة كبيرة , بس انا على وقت ما جهزت التصوير كانت الرغوة راحت ….

بالصحة و الهنا