براونيز بكريما الخمس دقايق السرية
· تفرك مقادير العجينة بين أطراف الأصابع ثم تدعك بلطف حتى تصبح عجينة متجانسة .
· توضع العجينة في البراد لمدة ربع ساعة حتى يسهل فردها و استخدامها ثم تقطع العجينة العجينة إلى 18 – 20 كرة صغيرة .
· تحضر قوالب التارت الصغيرة و تفرد كل كرة من العجينة في قاع و جوانب القالب , لا داعي لدهن القوالب قبل استخدامها .
· يوضع الجوز في صينية في الفرن على درجة حرارة 180 لمدة10 دقائق , حتى تتحمص الحبات من دون أن يتغير لونها ثم يفرم الجوز بصورة خشنة .
· تخفق البيضة بالشوكة قليلاً مع الفانيليا ثم يضاف السكر و الزبدة و الجوز و تخلط المقادير جيداً حتى تتجانس مع بعضها البعض .
· توزع ملعقة صغيرة من الحشوة على القوالب الصغيرة , يملئ ثلاث أرباع القالب فقط لأن الحشوة ستنتفخ قليلاً عند النضج .
· تخبز قوالب التارت لمدة 15 دقيقة في فرن حامي على عيار 180 درجة مئوية أو حتى تحمر الأطراف ثم تترك في القالب حتى تبرد .
· بعد ان تبرد قوالب التارت تقلب بلطف ثم توضع في طبق مسطح للتقديم و يزين وجه القوالب بالشوكولا المذوبة أو بالقليل من الكريما الشانتيه مع حبيبات الشوكولا أو تقدم من دون تزيين حسب الذوق .
سر الوصفة :
عند تحضير العجينة لا تعجن لوقت اضافي و الا أصبحت العجينة قاسية و غير هشة .
مقادير عجينة التارت الهشة :
أربع مكعبات جبنة طرية متل كيري أو لافاش كيري أو 4 ملعقة كبيرة من جبنة فيلادلفيا
نصف باكيت زبدة
كوب + ملعقتين كبار طحين
مقادير الحشوة :
بيضة كبيرة
فانيليا
كوب سكر بني
2 ملعقة صغيرة زبدة مذوبة
كوب جوز
للتزيين :
كريما شانتيه و حبيبات شوكولا أو شوكولا مذوبة
• تفرك مقادير العجينة بين أطراف الأصابع ثم تدعك بلطف حتى تصبح عجينة متجانسة .
• توضع العجينة في البراد لمدة ربع ساعة حتى يسهل فردها و استخدامها ثم تقطع العجينة العجينة إلى 18 - 20 كرة صغيرة .
• تحضر قوالب التارت الصغيرة و تفرد كل كرة من العجينة في قاع و جوانب القالب , لا داعي لدهن القوالب قبل استخدامها .
• يوضع الجوز في صينية في الفرن على درجة حرارة 180 لمدة10 دقائق , حتى تتحمص الحبات من دون أن يتغير لونها ثم يفرم الجوز بصورة خشنة .
• تخفق البيضة بالشوكة قليلاً مع الفانيليا ثم يضاف السكر و الزبدة و الجوز و تخلط المقادير جيداً حتى تتجانس مع بعضها البعض .
• توزع ملعقة صغيرة من الحشوة على القوالب الصغيرة , يملئ ثلاث أرباع القالب فقط لأن الحشوة ستنتفخ قليلاً عند النضج .
• تخبز قوالب التارت لمدة 15 دقيقة في فرن حامي على عيار 180 درجة مئوية أو حتى تحمر الأطراف ثم تترك في القالب حتى تبرد .
• بعد ان تبرد قوالب التارت تقلب بلطف ثم توضع في طبق مسطح للتقديم و يزين وجه القوالب بالشوكولا المذوبة أو بالقليل من الكريما الشانتيه مع حبيبات الشوكولا أو تقدم من دون تزيين حسب الذوق .
سر الوصفة :
عند تحضير العجينة لا تعجن لوقت اضافي و الا أصبحت العجينة قاسية و غير هشة .
لوصفة باين انها سهلة اوى.. وبصراحة ماعملتش التارت قبل كده ابدا، فكنت عاوزة اعرف هو التارت له صينية فرن مخصوص ولا اى صينية جوانبها غير مرتفعة تفي بالغرض؟؟ :roll
كمان سؤال معلش.. هو انتى ليه دايما تحطى ملح على الكيك او الجاتوه؟؟
اصل احنا بنعمله من غير ملح وجربته بالملح ماحسيتش بفرق
ممكن تعملي التارت باي صينية مرتفعة أو بصينية التارت الخاصة لحتى يصير المنظر أجمل
أما هل التارت فما بينفع تعمليه الا بقوال الميني تارت لأن الحشوة سائلة نوعا ما و إذا جيت تقسميها رح تسوح في الطبق الكبير :zzz
نورتي نهى و اي سؤال تاني من عيوني
أما عن استخدام الملح فهو سر بسيط من أسرار وصفاتي و استعماله ضروري لحتى يصير التوازن بين الطعمة المالحة و الحلوة , و انت تضني ان ما في فرق بس هووو فيه
طيب شكلها ايه قوالب التارت الصغيرة؟؟
هي صورة للقوالب الي استعمل متلها و هي ممتازة الصراحة , عندي منهم 24 قطعة
[img]http://www.cookswares.com/images/dbimages/8453b.jpg[/img]
تسلمى لى منى.. انتى ذوق كتير اوى والله
انت الي زووء يا نهولة
أي سؤال من عيوني , بس نصيحة مني نصيحة كبيرررة كتيبر , جربي هل التارت و على ضمانتي , بيجننوووا 
مش ممكن يامنى انا دوخت كتير علشان الاقي القوالب دي وفييين على ما لقيت منها حجم صغير اوى.. هى فعلا بتبقي بحجم البسكوتة السادة كده مثلا..او حجم نصف كف اليد؟؟:roll 8)
وليا طلب عندك.. ياريت مقدار الزبدة توضحيه بالكوب او الملعقة لاننا بنجيبها سايبة مش باكيتات :roll
ايوه تمام هي تقريبا بحجم البسكوتة الصغيرة , بس استغربت انها مش متوفرة عندك :roll
من عيوني نهولة الزبدة كل كوب منها بيعادل باكيت و انت بقى قيسي كل الوصفات على هل الأساس
السلام عليكم و رحمة الله و بركاته
الوصفة شكلها كتير مميز و احلى شي اننا ممكن نساويها بالزبيب و ان شاء الله راح ساويها بالزبيب بس قليلي الزبيب منقطعو قطع زغار او منخليه متل ما هو و منستعمله
القوالب هادول انا كمان عندي منهم و هني اكيد ممتازين بس تأتاكد انت مكبرة صورة التورتات لصغار يعني هني تقريبا بحجم الحلوى اللي حاططتيها جنبهالان ازا حجمها متل اللي بالصورة بيكونو قوالب تانية اللي هي قوالب الكب كيك اللي بستعملهامع ان الارجح انها تكون القوالب لصغيرة متل الصورة التوضيحية بس حبيت اتأكد
كمان هل فينا نستعمل جبنة لافاش كيري
و ازا بتقدري شي يوم تحطيلنا وصفةالحلوى اللي جنب التارت لان شكلها حلو و مبينة طيبة و اكيد بدي جربا
اخر سؤال بعد مانخبزهم قديش بيضاينو و بعتقد لازم يظلو بالبراد مشان الشوكولا و هل فينانحفظهم في الفريزر لفترة
ناطرة اجابتك مشان جربن و خبرك بالنتيجة ان شاء الله و يمكن ساويهن عالعيد او قبل
بالتوفيق
سلام
هلا فيك أختي
الزبيب بتتركيه متل ما هو , و القوالب الي مستعملتها هنن أصغر قوالب متوفرة بالسوق و بقطر يا دوب 3 سم , أنا مو مجربتها بالجبنة الافاش كيري , بس و الله هلا كرمال عيونك قايمة جربها و ببقى بخبرك بكرة شو بيصير معي
الحلو الي بجنبها هو راس [URL=http://www.l2ma.com/content/view/429/2/]العبد[/URL]و هي وصفة للأخت غيث موجودة بالموقع
ممكن يبقوا معك بالبراد لتلاتة أيام و الفريزر مو مجربته :zzz
أكيد جربيه , ,,ممممممميز كتير
السلام عليكم و رحمة الله و بركاته
:cry :cry معقولة اختي منى راح تجربيه منشاني :cry :cry
الله لا يحرمني منك و يا رب تضبط ما بدي تخسري بسببي
ايه كتير حلو هادول هني القوالب لزغار اللي عندي لكان راح انطر النتيجة بفارغ الصبر و راح عالاكيد جربهن اماقبل العيد او منشان العيد ببقى بشوف بس عالاكيد يستاهلو التجربة و كمان راح جرب كاتو راس العبدو ببقى خبرك بالنتايج ان شاء الله
بالتوفيق
سلام
متل ما وعدتك جربته بالافاش كيري و طلع تمااااام و متل مو لازم , ان شاء الله تجربيه و يعجبك لان مستااهل , نصيحة استعملي سكر بني غامق و حضري الحشوة و اتركييها قبل ما تبدي بتحضير العجينة
السلام عليكم و رحمة الله و بركاته
تسلميلي اختي منى كتير فرحت لان ضبطت و هنا و صحة على قلوبكم يعني استعمل 4 لافاش كيري
و جازاك الله خيرا على النصيحة
بدي ساويها بكرا و مو متوافر عندي سكر بني يعني بدي ساويها بسكر ابيض و بالتالي راح تطلع بيضة و فكرت اني زينها بشوكولا فراح تعطي لون حلو مع ان عن جد بدي اللون البني الغامق بس شو ساوي بينفع بسكر ابيض تساويه بكرا او بلاها
وقولك فيني ضيف شوية كاكاو او راح تنتزع
بالتوفيق
سلام
ممكن الكاكاو أما السكر الابيض ما بيصير أبدا , السكر البني رح يدوب اما السكر الابيض رح يبقى حبيبات و ينزع كل الوصفة :zzz
السلام عليكم و رحمة الله و بركاته
لا تقوليها :cry يعني ما بينفع الابيض الحمد لله اني سالتك قبل ما ساويها طيب و السكر البودرة فيني اخلط كاكاو مع سكر بودرة او انطر السكر البني
بالتوفيق
سلام
الله يعافيكي ذكرتيني فيها كنا في الجنوب الامريكي ايام زوجي كان مبتعث يعملونها في كل حفلةومناسبة بس حجم كبير انتي دلعتيها وعملتيها بشكل صغير مرتب وشيك في التقديم
هلا سارونات , اختي سكر بني و بس لان اي سكر تاني ما رح يدوب و مو قصة اللون قصة القوام
هلا منونة
ان شاء الله تجربي الوصفة و تكون متل الي كنت تدوقيها , و اكيدة بالميني أحلى بسالحجم الكبير الواحد بيعبي راسه منها , فكرة كمان للتطبيق ان شاء الله
ايه يامنى اليوم فتحت الموقع الصبح وبصراحة كان منظر هالتارت تحفة بالفعل وقعدت فكر بالطعم شلون رح يكون عن جد تحفة
بس بدي اسألك عالسكر البني انا شفت هون اكتر من نوع في منه مدعبل وكبير وفي منه متل السكر العادي ياترى انو النوع المطلوب ؟
وكمية الزبدة بتطلع شي مية غرام
يعني الباكيت اللي ذاكرتيه بحدود 200
كمان سؤال هلأ انا عندي قالب تارت كبير فيني اعمله فيه ؟؟بماأنه هلكته لجوزي كل يوم بقله بدي اعملك توست بس بدي قالب بدي ساويلك تشيز كيك بس بده صينية بقا بدي جرب هالتارت بالقالب الموجود واذا زبط معي بتشجع وبروح بجيب قوالب :grin
كمان سؤال عالجيلي يلي ماله نكهة يلي مرة ذكرتي انه ورقات بيكون عم دوور كتير وماعم لاقي منه فيكي تعطيني شكل علبته او كيف بيكون موديله
عن جد طوولت عليكي بس انتي صايرة عم تورطي حالك معنا بتحطيلنا اكلات طيبة ونحنا منشتهي نجربها :grin الله يسلم ايديكي يارب على فكرة مبارح جبت دفتر وعم انقل عليه كل وصفاتك لانه بدي احفظهن عندي ورح سميه لقمة طيبة
هلا رنونة
عن جد الطعك تحفة مقرمش من برة و طري و لذيذ من جوى 
, انا استخدم النوع الناعم كتير و الي بيلزق على بعضه لما تفتحي العلبة و الزبدة 100 غ , القالب ما اتوقع ما بيصير لأن تقسيمه رح يكون صعب و رح تضيع الحشوة ما بين السكين و القالب , بس اذا كنت رح تجربيه لعيلتك فيك تجربي فيهم :grin
الجيلي الي ما اله لون بشتريه من دون قالب بالورقة موديله مستطيل شفاف و جامد و لما بنقعه في المي بيطرى و بيصير متل المعجون
بالعكس رنونة لا طولت و لا شي من عيوني اي سؤال و هناا يا رب و لا تعزبي حالك بالدفتر وصفات الموقع كلها رح تنطبع بالصور في كتاب و ببقى بعطيك نسخة منه
عن جد أحلى خبر بسمعه انه رح ينطبع كتاب والله كتير انبسطت لانه حتى اذا نقلتهن مارح استفيد مشان الصور بس لاتنسيني من الكتاب :grin
وبالنسبة للسكر البني انا لاقيت مية نوووع ونوع بقا بس انزل بدي اشتري الناعم اللي قلتي عليه
اما بالنسبة للجيلي فأنا فتلت كذا سوبر ماركت وماعم لاقي منه بأقسام الجيلي هو وجيلي الليمون لانه ماعم حب استخدم جيلي الموز بالتشيز كيك عم حسه بيغير الطعمة :upset وبالنسبة للتارت من وصفك لأله حسيت انه رح يصير مكركب بالقالب الكبير مشان هيك مارح جربه لاشتري القوالب لانه شكله بيشهي ومو ضياعة فيه وحاسسته يعني بيتقدم لضيوف يعني مرتب وفخم وتحضيره مو كتير صعب
شكرا كتير الك عذبتك بأسئلتي
:grin
هلا رنونة اكيد الك نسخة و موقعة كمان :grin , بالنسبة للجيلو , اوعا تشتري جيلو الليمون , طعمته فظيعة , متل الدواء الي طالع من البراد :roll ..
شو رأيك تحضري التارت بالقوالب الورقية هلأ للتجربه , رح تتعزبي شوي بتشكيل القالب بس أحسن ما تشتري قوالب صغيرة , انا هيك عملت لما جربتها أول مرة , هو صحي نتفت شعراتي و انا عم شكل التارتات , بس لما دقته نسيت تعبي , و رحت بعد كم يوم و اشتريت من القوالب المعدنية
شكرا كتير لاهتمامك ياستي ورح جرب التارت بالقوالب الورقية بس هنن بيقعدوا بالفرن ولا بيحترقوا ؟تاني شي انا بحب التارت كتير فيني اعمل هالتارت بحشوات فواكه؟؟يعني تارت وكريم باتسيير وفواكه
اما عن الجيلي اليوم للأسف جبلي جوزي علبتين جيلي ليمون قد مانقيت عليه بس مارح جربه اذا هيك منيح قلتيلي انا من يومين اشتريت جيلي شفاف بس بودرة وساويت تشيز كيك وقوامه كتير طلع متماسك وزابط بقا رح استغني عن جيلي الليمون بس في شغلة صارت معي بالتشيز كيك انه طلع شوي اله حموضة ياترى عن عصرة الليمونة ؟انا تقريبا حطيت شي معلقة بس …عم فكر بالمرة الجاية استغني عنها بالمرة …شو بتقولي؟
شكرا كتير لالك للكتاب ويارب يخلص بأسرع وقت ونعمل حفلة على شرفه
منوشة انا هلكتك اليوم بس حبابة في كم سؤال حاططتهن بموضوع الاقراص بعجوة وماجاوبتيني عليهن بعرف انك مشغولة بس بدك تتحمليني شوي
انا بقصد قوالب الكب كيك وهنن خصوصي للفرن , بس بما انهم طرايا رح يروحوا معك يمين و يسار و رح يعزبوك شوي بتشكيل القالب ..و هل العجينة ممكن تستعمليها لأي تارت بتحبيه و انا مجربته و طلع طيب كتير بس شوي دلع , لازم تضيفي اله شوية سكر و إذا بتستني علي ممكن نزل الك وصفتي للتارت الفواكه
بيجوز يكون جيلي الليمون عندكم بالامارات منيح , نحنا عندنا نوو :roll , يا ترى قصدك وصفة التشيز كيك الي بالموقع ؟ يا ريت تردي على نفس الوصفة لحتى شوف مقاديرها و ااقدر جاوبك
بس أكيد ممكن تستغني عن الليمونة و ما في شيؤ بالوصفة بيتغير ..
يلا الحقيني على الأقراص بعجوة و اسفة للتاخير بالرد
السلام عليكم و رحمة الله و بركاته
الحمد لله انك قلتيلي و الا كنت ساويتهن و ما ضبطو لكان ما راح ساويهن بهالعيد ان شاء الله بس يتوفر عندي سكر بني ببقى ساويهن و بخبرك بالنتيجة يلا خيرها بغيرها
بالتوفيق
سلام
ان شاء الله سارونات و انصحك تشتري سكر بني بيعطي طعم طيب كتير لأنواع الحلويات المختلفة و خصوصاً حلويات الشوكولا
[img]http://file11.9q9q.net/local/thumbnail/29116369/600×600.jpg[/img]
بتجنن الصورة , ان شاء الله يكونوا عجبوك و طلعوا مستاهلين
والله مستاهلين كتير ورائعين كمان بس مو متل صورتك انتي فنانة بالطبخ وبالتصوير
هادا بس من زوءك رنونة , على فكرة الخلفية الي حاططيتها بالصورة عطت للصورة نغم غير شكل .. الاجاصات مرتين و حلويين كتير , فكرة لطشتها و ببقى استعملها بشي صورة , طبعا من بعد اذنك
على حسابك انا وصوري واجاصاتي ..
يسلمو على التجربة ان شاء الله بس كان بدي اطلب منك طلب لو فيك تنزلي وصفة السينابون انا كتيير بحبها لما كنت بالامارات كنت اروح على محل خصوصي واشتري منها كتيير بحبها بقى اذا مافي غلبة يعني :roll عم عذبك معي يا منونة بس شو بدنا نعمل ما النا غيرك :grin
تكرم عيونك و الله و انا تحت امرك , بس و الله ما بعرف ايمتى فيني نزلها , ان شاء الله قريب و ما بتاخر عليك
مرحبا
أناحابة جرب هالتارت بس بدي أتأكد أديه يعني ملعقتين صغار زبدة مدوبة للحشوة؟؟
يعني ملعقتين شاي من الزبدة السائلة؟ولا شو
وكمان شغلة القوالب الي اشتريتن يمكن أكبر شوي زغيرة وارتفاعن اقل لأني دورت كتير ولاقيت هدول أنسب الشي -بيمشي حالن ولا شو؟؟
عم عذبك مو؟؟ :roll
الزبدة حوالي 20 غ لهل الوصفة و هي بتدوبيها قبل ما تحطيها للحشوة
القوالب ان شتء الله بيمشي حالهن , بس بيطلعوا اكبر شوي , هلا شوفي هل الوصفة مستاهلة و على ضمانتي ان شاء الله , لهيك حتى لو ما طلعوا اول مرة شكلهم تمام , المرة التانية بتعرفي كيف تحضريهم احلى , الطعم بكل الاحوال رح يكون يمييي
شكرا كتير الك عم عذبك معي
و لا يهمك يا جميل
وأخيرا اليوم جربت هالتارت ياستي كلمة تحفة قليلة عليه كتير طيب وبجنن بس طلعت جامدة مو سائلة متل ما قلتي-بجد تسلم ايديكي
منى شئد بيشهيواااااااااااااوووووووووووووووووووووووو
لو سمحتي سؤال باكيت الزبدة يلي ياصدك عنو كم غرام؟؟ ااااااااااااااااااا
شكرا
صحتين و الف عافية ريم
مطرح ما يسري يمري 
غريب هي لازم تسيل شوي , ما بعرف المهم ان طعمتها كان يممي
هلا ضحى حبيبتي
جربيها و ان شاء الله رح تعجبك كتيرررر
القالب 200 غ بيلزمنا نصه
يسلموا كلك ذوءءء
:zzz
[img]http://img33.imageshack.us/img33/8669/tartjoz.jpg[/img]
بيعقدوا , ووواو , شو هل الاخراج الحلو ياسمين , فنانة بالطبخ و التصوير و الشغل عليهم , ما شاء الله لا قوة الا بالله :zzz
تسلم ايدك يا ست الكل عملت تارت الجوز و طلع فظيع بجد بجد فنانة و صورت التارت بس ما بعرف كيف نزل الصور ممكن اتدليني كيف و الف شكر
صحة و الف الف هنا زهرة , هي واحدة من الوصفات المفضلة
ممكن تحملي الصور على الفيس بوك او على ايا موقع لتحميل الصور و بعدها بعدها شايفة تالت ايقونة الي فوق صندوق الرد , بتضفطي عليها و بتحطي رابط الصورة و بتعود بتطلع الصوة :zzz