ميني تارت الجوز


         وصفة : منى                 2007/06/26                 49 تعليقات
ميني تارت الجوز

·          تفرك مقادير العجينة بين أطراف الأصابع ثم تدعك بلطف حتى تصبح عجينة متجانسة .

·          توضع العجينة في البراد لمدة ربع ساعة حتى يسهل فردها و استخدامها ثم تقطع العجينة العجينة إلى 18 – 20 كرة صغيرة .

·          تحضر قوالب التارت الصغيرة و تفرد كل كرة من العجينة في قاع و جوانب القالب , لا داعي لدهن القوالب قبل استخدامها  .

·          يوضع الجوز في صينية في الفرن على درجة حرارة 180 لمدة10 دقائق , حتى تتحمص الحبات من دون أن يتغير لونها ثم يفرم الجوز بصورة خشنة .

·          تخفق البيضة بالشوكة قليلاً مع الفانيليا  ثم يضاف السكر و الزبدة و الجوز و تخلط المقادير جيداً حتى تتجانس مع بعضها البعض .

·          توزع ملعقة صغيرة من  الحشوة على القوالب الصغيرة , يملئ ثلاث أرباع القالب فقط لأن الحشوة ستنتفخ قليلاً عند النضج .

·          تخبز قوالب التارت لمدة 15 دقيقة في فرن حامي على عيار 180 درجة مئوية أو حتى تحمر الأطراف ثم تترك في القالب حتى تبرد  .

·          بعد ان تبرد قوالب التارت تقلب بلطف ثم توضع في طبق مسطح للتقديم و يزين  وجه القوالب بالشوكولا المذوبة أو بالقليل من الكريما الشانتيه مع حبيبات الشوكولا أو تقدم من دون تزيين حسب الذوق .  

سر الوصفة :

عند تحضير العجينة لا تعجن لوقت اضافي و الا أصبحت العجينة قاسية و غير هشة .

 

 




مقادير عجينة التارت الهشة :

أربع مكعبات جبنة طرية متل كيري أو لافاش كيري أو 4 ملعقة كبيرة من جبنة فيلادلفيا
نصف باكيت زبدة
كوب + ملعقتين كبار طحين

مقادير الحشوة :

بيضة كبيرة
فانيليا
كوب سكر بني
2 ملعقة صغيرة زبدة مذوبة
كوب جوز

للتزيين :

كريما شانتيه و حبيبات شوكولا أو شوكولا مذوبة






• تفرك مقادير العجينة بين أطراف الأصابع ثم تدعك بلطف حتى تصبح عجينة متجانسة .

• توضع العجينة في البراد لمدة ربع ساعة حتى يسهل فردها و استخدامها ثم تقطع العجينة العجينة إلى 18 - 20 كرة صغيرة .

• تحضر قوالب التارت الصغيرة و تفرد كل كرة من العجينة في قاع و جوانب القالب , لا داعي لدهن القوالب قبل استخدامها .

• يوضع الجوز في صينية في الفرن على درجة حرارة 180 لمدة10 دقائق , حتى تتحمص الحبات من دون أن يتغير لونها ثم يفرم الجوز بصورة خشنة .

• تخفق البيضة بالشوكة قليلاً مع الفانيليا ثم يضاف السكر و الزبدة و الجوز و تخلط المقادير جيداً حتى تتجانس مع بعضها البعض .

• توزع ملعقة صغيرة من الحشوة على القوالب الصغيرة , يملئ ثلاث أرباع القالب فقط لأن الحشوة ستنتفخ قليلاً عند النضج .

• تخبز قوالب التارت لمدة 15 دقيقة في فرن حامي على عيار 180 درجة مئوية أو حتى تحمر الأطراف ثم تترك في القالب حتى تبرد .

• بعد ان تبرد قوالب التارت تقلب بلطف ثم توضع في طبق مسطح للتقديم و يزين وجه القوالب بالشوكولا المذوبة أو بالقليل من الكريما الشانتيه مع حبيبات الشوكولا أو تقدم من دون تزيين حسب الذوق .

سر الوصفة :

عند تحضير العجينة لا تعجن لوقت اضافي و الا أصبحت العجينة قاسية و غير هشة .


  • وصفات تانية ممكن تعجبك


التعليقات

  1. نهى 11 March 2008

    لوصفة باين انها سهلة اوى.. وبصراحة ماعملتش التارت قبل كده ابدا، فكنت عاوزة اعرف هو التارت له صينية فرن مخصوص ولا اى صينية جوانبها غير مرتفعة تفي بالغرض؟؟ :roll

    كمان سؤال معلش.. هو انتى ليه دايما تحطى ملح على الكيك او الجاتوه؟؟
    اصل احنا بنعمله من غير ملح وجربته بالملح ماحسيتش بفرق

  2. منى 11 March 2008

    ممكن تعملي التارت باي صينية مرتفعة أو بصينية التارت الخاصة لحتى يصير المنظر أجمل :)

    أما هل التارت فما بينفع تعمليه الا بقوال الميني تارت لأن الحشوة سائلة نوعا ما و إذا جيت تقسميها رح تسوح في الطبق الكبير :zzz

    نورتي نهى و اي سؤال تاني من عيوني

    أما عن استخدام الملح فهو سر بسيط من أسرار وصفاتي و استعماله ضروري لحتى يصير التوازن بين الطعمة المالحة و الحلوة , و انت تضني ان ما في فرق بس هووو فيه :)

  3. نهى 11 March 2008

    طيب شكلها ايه قوالب التارت الصغيرة؟؟

  4. منى 11 March 2008

    هي صورة للقوالب الي استعمل متلها و هي ممتازة الصراحة , عندي منهم 24 قطعة
    [img]http://www.cookswares.com/images/dbimages/8453b.jpg[/img]

  5. نهى 12 March 2008

    تسلمى لى منى.. انتى ذوق كتير اوى والله :)

  6. منى 12 March 2008

    انت الي زووء يا نهولة :) أي سؤال من عيوني , بس نصيحة مني نصيحة كبيرررة كتيبر , جربي هل التارت و على ضمانتي , بيجننوووا ;)

  7. نهى 6 April 2008

    مش ممكن يامنى انا دوخت كتير علشان الاقي القوالب دي وفييين على ما لقيت منها حجم صغير اوى.. هى فعلا بتبقي بحجم البسكوتة السادة كده مثلا..او حجم نصف كف اليد؟؟:roll 8)
    وليا طلب عندك.. ياريت مقدار الزبدة توضحيه بالكوب او الملعقة لاننا بنجيبها سايبة مش باكيتات :roll

  8. منى 6 April 2008

    ايوه تمام هي تقريبا بحجم البسكوتة الصغيرة , بس استغربت انها مش متوفرة عندك :roll

    من عيوني نهولة الزبدة كل كوب منها بيعادل باكيت و انت بقى قيسي كل الوصفات على هل الأساس ;)

  9. سارونات 14 September 2008

    السلام عليكم و رحمة الله و بركاته
    الوصفة شكلها كتير مميز و احلى شي اننا ممكن نساويها بالزبيب و ان شاء الله راح ساويها بالزبيب بس قليلي الزبيب منقطعو قطع زغار او منخليه متل ما هو و منستعمله
    القوالب هادول انا كمان عندي منهم و هني اكيد ممتازين بس تأتاكد انت مكبرة صورة التورتات لصغار يعني هني تقريبا بحجم الحلوى اللي حاططتيها جنبهالان ازا حجمها متل اللي بالصورة بيكونو قوالب تانية اللي هي قوالب الكب كيك اللي بستعملهامع ان الارجح انها تكون القوالب لصغيرة متل الصورة التوضيحية بس حبيت اتأكد
    كمان هل فينا نستعمل جبنة لافاش كيري
    و ازا بتقدري شي يوم تحطيلنا وصفةالحلوى اللي جنب التارت لان شكلها حلو و مبينة طيبة و اكيد بدي جربا
    اخر سؤال بعد مانخبزهم قديش بيضاينو و بعتقد لازم يظلو بالبراد مشان الشوكولا و هل فينانحفظهم في الفريزر لفترة
    ناطرة اجابتك مشان جربن و خبرك بالنتيجة ان شاء الله و يمكن ساويهن عالعيد او قبل
    بالتوفيق
    سلام

  10. منى 14 September 2008

    هلا فيك أختي :) الزبيب بتتركيه متل ما هو , و القوالب الي مستعملتها هنن أصغر قوالب متوفرة بالسوق و بقطر يا دوب 3 سم , أنا مو مجربتها بالجبنة الافاش كيري , بس و الله هلا كرمال عيونك قايمة جربها و ببقى بخبرك بكرة شو بيصير معي

    الحلو الي بجنبها هو راس [URL=http://www.l2ma.com/content/view/429/2/]العبد[/URL]و هي وصفة للأخت غيث موجودة بالموقع

    ممكن يبقوا معك بالبراد لتلاتة أيام و الفريزر مو مجربته :zzz

    أكيد جربيه , ,,ممممممميز كتير

  11. سارونات 15 September 2008

    السلام عليكم و رحمة الله و بركاته
    :cry :cry معقولة اختي منى راح تجربيه منشاني :cry :cry
    الله لا يحرمني منك و يا رب تضبط ما بدي تخسري بسببي
    ايه كتير حلو هادول هني القوالب لزغار اللي عندي لكان راح انطر النتيجة بفارغ الصبر و راح عالاكيد جربهن اماقبل العيد او منشان العيد ببقى بشوف بس عالاكيد يستاهلو التجربة و كمان راح جرب كاتو راس العبدو ببقى خبرك بالنتايج ان شاء الله
    بالتوفيق
    سلام

  12. منى 16 September 2008

    متل ما وعدتك جربته بالافاش كيري و طلع تمااااام و متل مو لازم , ان شاء الله تجربيه و يعجبك لان مستااهل , نصيحة استعملي سكر بني غامق و حضري الحشوة و اتركييها قبل ما تبدي بتحضير العجينة ;)

  13. سارونات 17 September 2008

    السلام عليكم و رحمة الله و بركاته
    تسلميلي اختي منى كتير فرحت لان ضبطت و هنا و صحة على قلوبكم يعني استعمل 4 لافاش كيري
    و جازاك الله خيرا على النصيحة
    بدي ساويها بكرا و مو متوافر عندي سكر بني يعني بدي ساويها بسكر ابيض و بالتالي راح تطلع بيضة و فكرت اني زينها بشوكولا فراح تعطي لون حلو مع ان عن جد بدي اللون البني الغامق بس شو ساوي بينفع بسكر ابيض تساويه بكرا او بلاها
    وقولك فيني ضيف شوية كاكاو او راح تنتزع
    بالتوفيق
    سلام

  14. منى 17 September 2008

    ممكن الكاكاو أما السكر الابيض ما بيصير أبدا , السكر البني رح يدوب اما السكر الابيض رح يبقى حبيبات و ينزع كل الوصفة :zzz

  15. سارونات 18 September 2008

    السلام عليكم و رحمة الله و بركاته
    لا تقوليها :cry يعني ما بينفع الابيض الحمد لله اني سالتك قبل ما ساويها طيب و السكر البودرة فيني اخلط كاكاو مع سكر بودرة او انطر السكر البني
    بالتوفيق
    سلام

  16. muna.g.7 20 September 2008

    الله يعافيكي ذكرتيني فيها كنا في الجنوب الامريكي ايام زوجي كان مبتعث يعملونها في كل حفلةومناسبة بس حجم كبير انتي دلعتيها وعملتيها بشكل صغير مرتب وشيك في التقديم

  17. منى 21 September 2008

    هلا سارونات , اختي سكر بني و بس لان اي سكر تاني ما رح يدوب و مو قصة اللون قصة القوام

  18. منى 21 September 2008

    هلا منونة :) ان شاء الله تجربي الوصفة و تكون متل الي كنت تدوقيها , و اكيدة بالميني أحلى بسالحجم الكبير الواحد بيعبي راسه منها , فكرة كمان للتطبيق ان شاء الله

  19. رنا 21 September 2008

    ايه يامنى اليوم فتحت الموقع الصبح وبصراحة كان منظر هالتارت تحفة بالفعل وقعدت فكر بالطعم شلون رح يكون عن جد تحفة
    بس بدي اسألك عالسكر البني انا شفت هون اكتر من نوع في منه مدعبل وكبير وفي منه متل السكر العادي ياترى انو النوع المطلوب ؟
    وكمية الزبدة بتطلع شي مية غرام
    يعني الباكيت اللي ذاكرتيه بحدود 200 :?
    كمان سؤال هلأ انا عندي قالب تارت كبير فيني اعمله فيه ؟؟بماأنه هلكته لجوزي كل يوم بقله بدي اعملك توست بس بدي قالب بدي ساويلك تشيز كيك بس بده صينية بقا بدي جرب هالتارت بالقالب الموجود واذا زبط معي بتشجع وبروح بجيب قوالب :grin
    كمان سؤال عالجيلي يلي ماله نكهة يلي مرة ذكرتي انه ورقات بيكون عم دوور كتير وماعم لاقي منه فيكي تعطيني شكل علبته او كيف بيكون موديله
    عن جد طوولت عليكي بس انتي صايرة عم تورطي حالك معنا بتحطيلنا اكلات طيبة ونحنا منشتهي نجربها :grin الله يسلم ايديكي يارب على فكرة مبارح جبت دفتر وعم انقل عليه كل وصفاتك لانه بدي احفظهن عندي ورح سميه لقمة طيبة ;)

  20. منى 21 September 2008

    هلا رنونة :) عن جد الطعك تحفة مقرمش من برة و طري و لذيذ من جوى ;) , انا استخدم النوع الناعم كتير و الي بيلزق على بعضه لما تفتحي العلبة و الزبدة 100 غ , القالب ما اتوقع ما بيصير لأن تقسيمه رح يكون صعب و رح تضيع الحشوة ما بين السكين و القالب , بس اذا كنت رح تجربيه لعيلتك فيك تجربي فيهم :grin

    الجيلي الي ما اله لون بشتريه من دون قالب بالورقة موديله مستطيل شفاف و جامد و لما بنقعه في المي بيطرى و بيصير متل المعجون ;)

    بالعكس رنونة لا طولت و لا شي من عيوني اي سؤال و هناا يا رب و لا تعزبي حالك بالدفتر وصفات الموقع كلها رح تنطبع بالصور في كتاب و ببقى بعطيك نسخة منه ;)

  21. رنا 21 September 2008

    عن جد أحلى خبر بسمعه انه رح ينطبع كتاب والله كتير انبسطت لانه حتى اذا نقلتهن مارح استفيد مشان الصور بس لاتنسيني من الكتاب :grin
    وبالنسبة للسكر البني انا لاقيت مية نوووع ونوع بقا بس انزل بدي اشتري الناعم اللي قلتي عليه
    اما بالنسبة للجيلي فأنا فتلت كذا سوبر ماركت وماعم لاقي منه بأقسام الجيلي هو وجيلي الليمون لانه ماعم حب استخدم جيلي الموز بالتشيز كيك عم حسه بيغير الطعمة :upset وبالنسبة للتارت من وصفك لأله حسيت انه رح يصير مكركب بالقالب الكبير مشان هيك مارح جربه لاشتري القوالب لانه شكله بيشهي ومو ضياعة فيه وحاسسته يعني بيتقدم لضيوف يعني مرتب وفخم وتحضيره مو كتير صعب
    شكرا كتير الك عذبتك بأسئلتي
    :grin

  22. منى 22 September 2008

    هلا رنونة اكيد الك نسخة و موقعة كمان :grin , بالنسبة للجيلو , اوعا تشتري جيلو الليمون , طعمته فظيعة , متل الدواء الي طالع من البراد :roll ..

    شو رأيك تحضري التارت بالقوالب الورقية هلأ للتجربه , رح تتعزبي شوي بتشكيل القالب بس أحسن ما تشتري قوالب صغيرة , انا هيك عملت لما جربتها أول مرة , هو صحي نتفت شعراتي و انا عم شكل التارتات , بس لما دقته نسيت تعبي , و رحت بعد كم يوم و اشتريت من القوالب المعدنية ;)

  23. رنا 22 September 2008

    شكرا كتير لاهتمامك ياستي ورح جرب التارت بالقوالب الورقية بس هنن بيقعدوا بالفرن ولا بيحترقوا ؟تاني شي انا بحب التارت كتير فيني اعمل هالتارت بحشوات فواكه؟؟يعني تارت وكريم باتسيير وفواكه
    اما عن الجيلي اليوم للأسف جبلي جوزي علبتين جيلي ليمون قد مانقيت عليه بس مارح جربه اذا هيك منيح قلتيلي انا من يومين اشتريت جيلي شفاف بس بودرة وساويت تشيز كيك وقوامه كتير طلع متماسك وزابط بقا رح استغني عن جيلي الليمون بس في شغلة صارت معي بالتشيز كيك انه طلع شوي اله حموضة ياترى عن عصرة الليمونة ؟انا تقريبا حطيت شي معلقة بس …عم فكر بالمرة الجاية استغني عنها بالمرة …شو بتقولي؟
    شكرا كتير لالك للكتاب ويارب يخلص بأسرع وقت ونعمل حفلة على شرفه ;)

  24. رنا 22 September 2008

    منوشة انا هلكتك اليوم بس حبابة في كم سؤال حاططتهن بموضوع الاقراص بعجوة وماجاوبتيني عليهن بعرف انك مشغولة بس بدك تتحمليني شوي ;)

  25. منى 22 September 2008

    انا بقصد قوالب الكب كيك وهنن خصوصي للفرن , بس بما انهم طرايا رح يروحوا معك يمين و يسار و رح يعزبوك شوي بتشكيل القالب ..و هل العجينة ممكن تستعمليها لأي تارت بتحبيه و انا مجربته و طلع طيب كتير بس شوي دلع , لازم تضيفي اله شوية سكر و إذا بتستني علي ممكن نزل الك وصفتي للتارت الفواكه

    بيجوز يكون جيلي الليمون عندكم بالامارات منيح , نحنا عندنا نوو :roll , يا ترى قصدك وصفة التشيز كيك الي بالموقع ؟ يا ريت تردي على نفس الوصفة لحتى شوف مقاديرها و ااقدر جاوبك ;) بس أكيد ممكن تستغني عن الليمونة و ما في شيؤ بالوصفة بيتغير ..

    يلا الحقيني على الأقراص بعجوة و اسفة للتاخير بالرد ;)

  26. سارونات 23 September 2008

    السلام عليكم و رحمة الله و بركاته
    الحمد لله انك قلتيلي و الا كنت ساويتهن و ما ضبطو لكان ما راح ساويهن بهالعيد ان شاء الله بس يتوفر عندي سكر بني ببقى ساويهن و بخبرك بالنتيجة يلا خيرها بغيرها
    بالتوفيق
    سلام

  27. منى 23 September 2008

    ان شاء الله سارونات و انصحك تشتري سكر بني بيعطي طعم طيب كتير لأنواع الحلويات المختلفة و خصوصاً حلويات الشوكولا

  28. رنا 11 November 2008

    [img]http://file11.9q9q.net/local/thumbnail/29116369/600×600.jpg[/img]

  29. منى 11 November 2008

    بتجنن الصورة , ان شاء الله يكونوا عجبوك و طلعوا مستاهلين ;)

  30. رنا 11 November 2008

    والله مستاهلين كتير ورائعين كمان بس مو متل صورتك انتي فنانة بالطبخ وبالتصوير ;)

  31. منى 11 November 2008

    هادا بس من زوءك رنونة , على فكرة الخلفية الي حاططيتها بالصورة عطت للصورة نغم غير شكل .. الاجاصات مرتين و حلويين كتير , فكرة لطشتها و ببقى استعملها بشي صورة , طبعا من بعد اذنك ;)

  32. رنا 12 November 2008

    على حسابك انا وصوري واجاصاتي .. ;)

  33. gsm 2 September 2009

    يسلمو على التجربة ان شاء الله بس كان بدي اطلب منك طلب لو فيك تنزلي وصفة السينابون انا كتيير بحبها لما كنت بالامارات كنت اروح على محل خصوصي واشتري منها كتيير بحبها بقى اذا مافي غلبة يعني :roll عم عذبك معي يا منونة بس شو بدنا نعمل ما النا غيرك :grin

  34. منى 3 September 2009

    تكرم عيونك و الله و انا تحت امرك , بس و الله ما بعرف ايمتى فيني نزلها , ان شاء الله قريب و ما بتاخر عليك ;)

  35. ream 20 November 2010

    مرحبا
    أناحابة جرب هالتارت بس بدي أتأكد أديه يعني ملعقتين صغار زبدة مدوبة للحشوة؟؟
    يعني ملعقتين شاي من الزبدة السائلة؟ولا شو

  36. ream 20 November 2010

    وكمان شغلة القوالب الي اشتريتن يمكن أكبر شوي زغيرة وارتفاعن اقل لأني دورت كتير ولاقيت هدول أنسب الشي -بيمشي حالن ولا شو؟؟
    عم عذبك مو؟؟ :roll

  37. منى 20 November 2010

    الزبدة حوالي 20 غ لهل الوصفة و هي بتدوبيها قبل ما تحطيها للحشوة

    القوالب ان شتء الله بيمشي حالهن , بس بيطلعوا اكبر شوي , هلا شوفي هل الوصفة مستاهلة و على ضمانتي ان شاء الله , لهيك حتى لو ما طلعوا اول مرة شكلهم تمام , المرة التانية بتعرفي كيف تحضريهم احلى , الطعم بكل الاحوال رح يكون يمييي ;)

  38. ream 20 November 2010

    شكرا كتير الك عم عذبك معي :)

  39. منى 21 November 2010

    و لا يهمك يا جميل

  40. ream 22 November 2010

    وأخيرا اليوم جربت هالتارت ياستي كلمة تحفة قليلة عليه كتير طيب وبجنن بس طلعت جامدة مو سائلة متل ما قلتي-بجد تسلم ايديكي

  41. DOUHA 25 June 2011

    منى شئد بيشهيواااااااااااااوووووووووووووووووووووووو

    لو سمحتي سؤال باكيت الزبدة يلي ياصدك عنو كم غرام؟؟ ااااااااااااااااااا

    شكرا

  42. منى 25 June 2011

    صحتين و الف عافية ريم :) مطرح ما يسري يمري :)
    غريب هي لازم تسيل شوي , ما بعرف المهم ان طعمتها كان يممي

  43. منى 25 June 2011

    هلا ضحى حبيبتي :)
    القالب 200 غ بيلزمنا نصه ;) جربيها و ان شاء الله رح تعجبك كتيرررر

  44. DOUHA 25 June 2011

    يسلموا كلك ذوءءء

  45. منى 26 June 2011

    :zzz

  46. Jassy 2 August 2011

    [img]http://img33.imageshack.us/img33/8669/tartjoz.jpg[/img]

  47. منى 2 August 2011

    بيعقدوا , ووواو , شو هل الاخراج الحلو ياسمين , فنانة بالطبخ و التصوير و الشغل عليهم , ما شاء الله لا قوة الا بالله :zzz

  48. زهرة البيلسان 18 October 2011

    تسلم ايدك يا ست الكل عملت تارت الجوز و طلع فظيع بجد بجد فنانة و صورت التارت بس ما بعرف كيف نزل الصور ممكن اتدليني كيف و الف شكر

  49. منى 19 October 2011

    صحة و الف الف هنا زهرة , هي واحدة من الوصفات المفضلة ;)

    ممكن تحملي الصور على الفيس بوك او على ايا موقع لتحميل الصور و بعدها بعدها شايفة تالت ايقونة الي فوق صندوق الرد , بتضفطي عليها و بتحطي رابط الصورة و بتعود بتطلع الصوة :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)