براونيز بكريما الخمس دقايق السرية· تفرك حبات البرتقال جيداً و تغسل ثم تقسم كل حبة إلى نصفين بشكل عرضي , يضغط على كل نصف بأطراف الأصابع للتخلص من أكبر كمية ممكنة من العصير مع الاحتفاظ باللب , يحفظ العصير جانباً .
· يقطع كل نصف إلى ربعين ثم يقسم كل ربع إلى شرائح بشكل عرضي و ينقع بالماء مع تغير الماء عدة مرات حتى تزول منه المرارة تماماً , قد يحتاج لعشر ساعات أو أكثر أحياناً .
· بعد أن يتم التأكد من زوال المرارة توضع قطع البرتقال على مصفاة , يوضع ماء في قدر كبير و يترك حتى يغلي ثم تضاف قطع البرتقال و تسلق لمدة نصف ساعة أو حتى تطرى .
· ترفع قطع البرتقال على مصفاة و تترك حتى تصفى , في هذه الأثناء يحضر قطر البرتقال , يوضع العصير مع السكر على النار و يترك حتى يذوب السكر و يغلي لمدة خمس دقائق .
· تضاف قطع البرتقال و بعد أن تغلي تهدى النار و يترك المربى حتى تتشرب قطع البرتقال من القطر و يسمك القطر تقريباً لمدة ساعة على نار خفيفة .
· بعد أن يصل القطر للسماكة المطلوبة و تنضج حبات البرتقال بالقطر تضاف عصرة الليمونة و يبعد القدر عن النار , يسكب المربى بمرطبانات زجاجية و يحفظ في البراد حتى وقت الاستعمال .
· يقدم المربى مع خبز التوست أو الخبز العربي مع الزبدة أو الجبنة البيضاء .
4 – 5 حبة برتقال
4 كوب سكر
4 كوب عصير برتقال
عصير حبة ليمون
• تفرك حبات البرتقال جيداً و تغسل ثم تقسم كل حبة إلى نصفين بشكل عرضي , يضغط على كل نصف بأطراف الأصابع للتخلص من أكبر كمية ممكنة من العصير مع الاحتفاظ باللب , يحفظ العصير جانباً .
• يقطع كل نصف إلى ربعين ثم يقسم كل ربع إلى شرائح بشكل عرضي و ينقع بالماء مع تغير الماء عدة مرات حتى تزول منه المرارة تماماً , قد يحتاج لعشر ساعات أو أكثر أحياناً .
• بعد أن يتم التأكد من زوال المرارة توضع قطع البرتقال على مصفاة , يوضع ماء في قدر كبير و يترك حتى يغلي ثم تضاف قطع البرتقال و تسلق لمدة نصف ساعة أو حتى تطرى .
• ترفع قطع البرتقال على مصفاة و تترك حتى تصفى , في هذه الأثناء يحضر قطر البرتقال , يوضع العصير مع السكر على النار و يترك حتى يذوب السكر و يغلي لمدة خمس دقائق .
• تضاف قطع البرتقال و بعد أن تغلي تهدى النار و يترك المربى حتى تتشرب قطع البرتقال من القطر و يسمك القطر تقريباً لمدة ساعة على نار خفيفة .
• بعد أن يصل القطر للسماكة المطلوبة و تنضج حبات البرتقال بالقطر تضاف عصرة الليمونة و يبعد القدر عن النار , يسكب المربى بمرطبانات زجاجية و يحفظ في البراد حتى وقت الاستعمال .
• يقدم المربى مع خبز التوست أو الخبز العربي مع الزبدة أو الجبنة البيضاء .
تسلمي على الوصفة الحلوة يارب ويارب دايما بافضل صحة وحال
ياترى لو قللت السكر شوي بيمشي الحال ولا تخرب
ولك جزيل الشكر لعيونك الحلوة ياقمر
هلا بيك ام ياسمين يا عسل انت
أختي ما بتقدري تخففي السكر لان السكر هو الي رح يخلي القطر يسمك , و إذا خففت السكر رح يكون القطر خفيف متل المي :roll
بس فيك بعد ما تحضري المربى تاكلي قطع البرتقال بس من دون القطر و تتركي القطر و تضيفيه للكاتو مثلا بيعطيه طعمة كتير طيبة
عنجد ما شالله وصفات مميزة الله يعزك يا رب
اليوم كنت بالسوق فكان في رجال عامل بسطة وعم بيبيع عليا مربيات شي بيخطر عالبال وشي ما بيخطر سبحان الله جيتي ببالي يا منى وقلت وينك لو تجي تشوفي شي مربى البطيخ الاحمر شي الاصفر شي الكستنا شي الاناناس…………واللفتلي نظري التين كل حبة بحالا ومصفوفين فوء بعض بمرطبان لا درجة بتحتاري شو تشتري وكل هالانواع مرتو الي عاملتون عا يدا 
ممممم , شي بيشهي ..
بحس المربيات فن لحاله , و على سيرة مربى التين , امي بتعمل أطيب مربى تين في حلب , و مين ما بيجي لعندها لازم تضيفه صحن صغير فيه ثلاث تينات أو أربعة مع فستق حلبي ..
و مين ما بيشوفه بيستغرب شو هاد , و بس ما دااقه :eek
رح نزل وصفته بوقت التين إذا الله راد
المهم .. اشتريتي شي ؟؟
إذا اشتريتي , لا تنسي تاكلي عني كم لقمة :grin
الصراحة ما اشتريت لان شغل بيت كتير غالين نار السعر
مبارح اتصلت فيني وقالتلي عم تعمل مربى البرتقال وعاملة حسابي فحكيتلا عن الانواع الي شفتا بالسوء قالتلي عادي وقالتلي اسا في مربى البصل تصوري البصل بيعملوا مربى قال عندون المربى فن بحد ذاتو واكتر شي بيتقنو ستات الكبار بالعمر فسبحان الله
والعالم بيقصدوا قصد عاساس صناعة مضمونة بلا مواد حافظة بس في صاحبتي فرنسية كتير شاطرة بالمربى وكل ما عملت لا الا بتعمل حسابي
:eek بصل
لا هي اول مرة بسمع فيه
بعرف شي اسمه مربى البصل وبيكون حلو بس هاد بيقدموه مع الروستو و غيره , أظن هادا هو الي قصدته ..
يا ترى كيف بتعمل المربى صاحبتك ؟
حقك تستغربي انامتلك استغربت قالتلي انو طعمتو حلوة
بس حد شو او كيف بيقدموا ما سالتا هيدي صاحبتي ماشالله عنا كتير بتعمل مربى ما بتخلي نوع يعتب عليا وكل هالانواع متعلمتا من جدتها بس سبحان الله ولا مرة خطرلي جرب اتعلم منا كيف او اسالا شو حاطا معو بس لفتتلي نظري انو في انواع بيحطوا معا خمر ما بتظبط بلاها بس هي لان مسلمة ما بتعمل هالانواع 
انا اتعلمت منا انواع من الاكل متل تارت او سومون اذا سامعة فيا ,
gateau moelleux,brioche
وغير شغلات كمان و هي تعلمت اكلات لبنانية
مني حكيتيلا عن موقعك كتير عجبا بس المشكلة ما بتعرف عربي
هلا ام نور
ما شاء الله عليها صاحبتك , عن جد لو كنت محلك كنت اتعلمت منها كل شي
هيك فرصة ما كتير بتصح :roll
سامعة بهل التارت و كمان بموس السومون , بس و لا مرة دقته
البريوش سبحان الله رح نزل وصفته هل الاسبوع اذا الله راد , بس الكاتو الي ذكرتيه ما فهمت شو معناه :roll
ام نور صار في كتيررر وصفات لازم تعلميني ياها , متل هل التارت و البسبوسة الي طلعت متل الجاهزة 8) و غير شغلات كمان
انشالله بس لا يمضى العيد بخير بنزل وصفات عرواء ومع صور كمان لان كتير الان مشغولة بالبيتي فور والكعك والمعمول :p يا ريت اذا بتشاركينا بافكار لا الضيافة بكون الف شكر
هلا ام نور
عم استناهم يا عسل , و الله يعطيك الف عافية مقدما
اختي ام نور أنا لهل العيد حضرت حلى الممبريلو , كتير ضيافة جديدة و مميزة , مع الكرابيج و المعمول و أكيد متل ما خبرتك المهلبية و الميني بيتزا بس هدول رح اعملهم بيوم الضيوف ..
بس
انا بحس الناس من كتر مابتاكل من حلو العيد طول الايام الاربعة , إذا قدمولها أشيا جديبدة بيكون أحسن
لهيك بحب بجهز صينية كبيرة بحط عليها أنواع مختلفة من الكاتو المقطع ميني , كتير تغيير شكل
يا سلاااام لك والله شي كتير كتير بشهي رح خلي ماما تعملي هالمربى شكلو كتير طيب وفعلا شي غريب وجديد :p
و أنا بانتظار مربى التين ميمو لإني كتير بحبو بس نحنا ما منعملو بالبيت أنا دئتو أول مرة من رفيئتي بالاردن وكتير حبيتو.
والله يسلم هالايدين ويعطيكي العافية يا رب انتي و ام نور وكل مين بعلمنا شي جديد :zzz
هلا بدورة
كلك زووء بدور و ان شاء الله بتحبيه انت و كل اهلك
ان شاء الله من عيوني أطيب مربى تين , بس بشرط تبقي تدوقيني منه
انشالله بينعاد عليكي وبتعملي حلويات وتكوني بصحة وعافية يا رب .حلى الممبريلو ما عرفت شو هيدا نازل بالموقع وما انتبهتلو
انا عملت معمول بس على طريقة والدي فيا نتفة فرق او زيادي على طريقتك وحسب الاخت نداء طيبين وعملت نوع من انواع الكعك منسمي المرقد اذا سامعة في مشهور بي لبنان ونداء قالتلي عن اسمو بحلب بس نسيت كتير طيب وبيتي فور,وبسبوسة والكاتو بالتفاح مع الصوص الذهبي عنجد ما حدا داقو عندي وما حبو وتفاجىء بهل نكهة وسالني شو سر هالطعمة ومن وين جايبي هالوصفة .
gateau moelleux هيدا الكاتو من بعد ما اتصفحت بالموقع لقيتيك منزلي شبيه في او ممكن نفس الوصفة بس زايدة او منقصة هو بالموقع الكاتو ب3 خطوات معناه الكاتو اللين او الطري وكتير بيعملو بفرنسا بس عوض الكاكو بيحطو شوكولا حلواني وبيدوبو مع الزبدة انا كتير بعمل رهيب بيطلع رح ابعتلك المقادير جربي وقوليلي
اخت منى كيف ممكن ابعتلك صورة عالموقع لا وصفة عملتا ما ظبط من التعليقات
هلا حبيبتي ام نور
الممبرلو هو حلى السفرجل على الطريقة الاسبانية , أكيد عرفتيه..
صحتين و هنا و على طريقة باباتك معناها غيرر شكل , عوافي و هنا يا رب ..
هدا المرقد مو سامعة فيه ابدا,و لو تعرفي شو انبسطت ان عجبك كاتو التفاح ..
عم استنى وصفة الكاتو الي حكيتي عليها , أنا اكيدة انها بالشوكولا رح تطلع اطيب من الكاكاو
ام نور لازم الصورة تحمليها بالأول على شي موقع للتحميل و بعدها بتبعتي رابطها مع الرد
و هي موقع تحميل منيح http://www.lakii.com/vb/uploader/
سلامات يا منى … رح وافيكي بآخر اخباري في المطبخ..
يا ستي عملت مربى البرتقال وطلع طيب كتير بس هي اول مرة انا بذوقه مشان هيك ما عرفت أقارنه بأي شي لأعرف إذا نجح او لأ… جوزي قال لي انه طيب بس مو متل مربى سته… على كل انا حبيته بس توقعت انه يؤكل مع توست وقطعة زبد بيطلع اطيب من المربى العادي مع جبنة وخبزة متل الورد مثلاُ أو المشمش…
على كل انا حبيته وعلى فكرة إله نكهة مميزة بتشبه مربى الكباد شوي؟؟؟ صح؟؟؟
المهم انه جوزي حبه وأنا كمان طبعاً ويسلموا إيديكي يا رب..
بالنسبة لتارت التمر عملته بس الصراحة ما كتير حبيته… ما ميزت لا طعمة التمر ولا القشطة ولا شي بعد الخبز… قبل ما أخبزه دقته وكان طيب وإله نكهة مميزة بس بعد الفزن ما حسنت اميز الكونات والصراحة ما كتير حبيته ولا زال عندي في البراد لحد الآن (وهدا شي غريب بالنسبة للحلو اللي بشفطه ديماً اول شي).
هلا نورا
بالأول صحتين و هنا على المربيات و متل ما قلتي هو قريب للكباد و النارنج و انا بحب أكله أكتر الشي لحاله من دون شي
زعلتيني على تارت التمر :roll , يلا ازرعيها بدقني هل المرة , يمكن ما كانت الطعمة على زووءك , و الله مع ان كل عيلتي و رفقاتي كتير بيحبوه 8)
سلم دياتك على الوصفة و هلا نزلتها , شي بيشهي
السلام عليكم و رحمة الله و بركاته
جازاك الله خيرا اختي منى و ان شاء الله راح جربو بموسم البرتقال بدي اسالك عن الرمان هلا موسمه فكيف منساوي مربى الرمان ازا بتعرفي و عصير الرمان و هل فينا نساوي دبس الرمان بالبيت و كمان اي وصفات تانية بالرمان
بالتوفيق
سلام
ان شاء الله رح نزل كم وصفة بالرمان , بس مو مربى الرمان , ما سمعت فيه أبدا .. دبس الرمان عصير رمان لفان , يعني لا حامض و لا حلو , بينعصر و يصفى و يغلى على النار لحتى يسمك و يعقد و يصير دبس , و بجاول نزله كمان هل السنة اذا الله عطاني عمر