براونيز بكريما الخمس دقايق السرية
2 كيلو جزر أحمر
عظام خاروف
الحشوة :
كوب و نصف رز مصري
ربع كيلو لحمة غنم مفرومة مدهنة
نصف ملعقة صغيرة بهار مشكل
1 ملعقة كبيرة رب البندورة
رشة قرفة
رشة فليلفة حمراء ناعمة
المرقة :
4 فص ثوم مهروس
ملعقة كبيرة نعناع يابس
عصير حصرم أو دبس رمان
ملعقة كبيرة رب البندورة
ملح و بهار
• يغسل الجزر و يبشر ثم يحفر و يفرغ لبه . يغطى قاع طنجرة كبيرة بعظام الخاروف .
• يغسل الرز حتى ينظف ثم يخلط مع باقي مقادير الحشوة و يضاف القليل من الماء للحشوة لتسهيل الحشي .
• تحشى حبات الجزر بالرز و ترتب في الطنجرة المجهزة ثم يغطى المحشي بثقل مناسب لمنع خروج الحشوة منه أثناء الطبخ .
• يذوب رب البندورة بالقليل من الماء ثم يوضع فوق المحشي مع الحمض و الثوم و النعناع و ما يكفي من الماء لغمر المحشي .
• توضع الطنجرة على نار متوسطة و بعد أن تغلي تهدى النار و تترك لمدة ساعة و نصف أو حتى ينضج المحشي .
• يقدم المحشي فوراَ مع الصلصة و الفليلفة الحرّة و الفجل و النعناع .
السلام عليكم كيفك منى سلم هالديات محشي بيشهي شكلو ولونو بس سبحان الله اول مرة بسمع بنوع هالجزر يا ريت لاقي منو لا جربو :p
و عليكم السلام و رحمة الله و بركاته ام نور
لو فيك تدوقيه أو ابعت الك كم محشية , حتى ممكن يصير مسقعة و أخوتنا المسيحية بيعملوا معه كبة حيلة , بيطلع لونها تحفة
يسلم هالايدين يارب 00
سبحان الله بتلاقي كل شيئ طيب بسوريا ويكون بموسمه نحن بهالغربه محرومين كتير شغلات00 ياسلام هلأ عالجارنك وعالعقابيه 00 والجزر الاحمر يا امي شو طيب مع الملفوف
منى انتي عم تعذبينا بهالصور المغريه 00 :eek عم تعملي فينا شم ولا تدوق
:sigh
المشكله هون غالبا كل شيئ عنا بلاستيكي بهالغربه فيه شغلات بتشتهي عليها مابتلاقيها هون ولما مننزل بالصيف بكون راح وقتها وبنتحسر على حالنا :upset
هلأ المهم بدي اسألك هدا الجزر ممكن يتيبس او ينحفظ بالفريزر ولا مابصير هيك شيئ ؟؟؟
عم اكتب الرد وكل شوي اطلع لعند الصوره
تسلمي يأاحلى منى بالدنيا هالبقدونسه شو عاطيه جمال للصوره وللصحن كمان اشتهيت عليها هههههه ماشاء الله عليكي فنانه :zzz
ههههههههه يسلموا ايديكي انا امي لهلأ بتجيب جميع انواع المحاشي محفورة بس متل ماقلتي انا امي كتير شطورة ومو شغلة كسل بس مدرسة انكليزي وبتجي صوتها مبحووووووووح وخلقها ضيييق :grin
ياستي هالجزرات بياخدو العقل وشهيتينا عليهن لانه هون مافي جزر احمر ابداااا مدري ليش مابيلتقى لاهو ولا التوم الاخضر …سبحان الله :zzz
بس اكلة كتير طيبة يسلم دياتك
السلام عليكم
كيفك منى والله انك اخت عزيزه وغاليه اي والله هلا الربيع بسوريا بيكون غير شكل الخضار والورد والهوا والنسيم هنيالك والله اشتقنا لسوريا ولربيع سوريا ولهوا سوريا وكلشي بسوريا تحياتي الك ويسلم دياتك
اولا سلم ايديك على هالاكلات الطيبات
نحنا بحمص بنطبخ جزر اصفر ما برتقالي اصفر ننقعه ليلة بالماء الساخن وعصير البرتقال والليمون لتخفيف حلاوته قليلا ونطبخه بالماء والثوم وقليل من معجون البندورة وعندما يقارب على الاستواء نضيف طحينة ودبس رمان ما كثيفة كتير بس اكلة ان شاء الله وطبختها السنة الجاية انزلها بالموقع
يسلموا هالأيدين منى هي أول مرة بشوف جزر أحمر ياترى بالشام في منه لأني صارلي زمان مانزلت عالشام بالربيع
بقدر ساويه بالجزر العادي
انشا الله بيعيشوا هالايدين يا رب والله اشتهيت مد ايدي واخد شي محشية أنا كتير بحبو لمحشي الجزر بس مابشوف بالشام ابدا جزر أحمر بس الأصفر موجود وبينباع محفور خالص بسوق التنابل :grin أكيد سمعانة بهالسوق والله أنا مو تنبلة ابدا بس متل ما قلتي أحيانا الوحدة بتضطر تشتري هيك شغلات شكرا حبيبة قلبي يا سفيرةو رائدة المطبخ السوري في عالم النت ياقمر أنت بس طلب أخير اذا في مجال تنزلي وصفة الكبة الصاجية لو بدون صورة لأن بدي اعملها وبدي ياها على أصولها من تحت دياتك الحلوين وشكرا لكل جهودك
يعطيكي العافية شكلو مغري بس انا ولامرة دايقتو بتذكر لما كنت صغيرة كانت ماما تعملو مسقعة وكنت حب هل الاكلة كتير بس بالمانيا مافي جزر احمر ياترى ممكن تصير المسقعة بالجزر العادي :roll واذا بتصير ياريت تعلمينا طريقتا :grin هاد من بعد اذنك طبعا
مرحباللجميع بلموقع واصدقاء الموقع والست منى يسلمو هلايدين بس شكلنا يلي بلغربة بهلموقع اكتر من يلي بسوريا فتت عماقرأ الوصفة طبعا بلحلم التطبيق لان هون مافي جزر احمر ليش شو في شي ينشها عكل حال خليا بلقلب تجرح من كتر ماقرأت التعليقات عنجد غصيت لسوريا ولكل شبر بسورياطولت عليكم عكل حال ست منى كتري من هل اكلات مشان نشتاق اكتر وننزل علبلاد اسرع مرة تانية يسلمو ايديكي ويخليلنا هلموقع الحلو لان بلنسبة الي انا بلاه بضيع
: :roll
هلا سلوفة
الله يسلمك و يحفظك و يخليكيو ترجعي لسوريا و انت محملة بالخير و البركة عليك و على كل عيلتك .
الجزر ما بيتيبس و لا بينحفظ بالفريزر , معلش لا تزعلي , بس ما بدنا شي اش منكان
هادا بس من زووءك يا قمر و الصحن كله و اكبر باقة بقدونس لحسابك :grin
هلا رنونة
كلامك صح و احيانا لازم الواحدة تستعين بشي جاهز لضمان و سلامة عقلها بأخر النهار :grin
الله يسلمك و يخليك
هلا نور
الله يخليك و يسلمك و يباركلك بعيلتك و ترجعي لسوريا و انت سالمة و غانمة و مبسوطة و باحلى صحة و عافية يا حق :zzz
هلا فروحة أحلى الصبايا
شكلها هل الوصفة الي قلتيها بتجنن , انا رح استناها و لو فيك تبعتيها من دون صور لان عندي جزر و حبيت حضر فيه هل الوصفة , يممي
هلا سمسومة
و الله ما بعرف اذا متوفر بالشام او لا , و على كل هدا الجزر مو موضة جديدة عندنا بحلب , هادا متوفلر من وقت ستي و جدي
الجزر الاصفر بيعملوا اللبنانية محشي , بس انا مو مجربته , بيحفروه و بيحشوه لجمة و صنوبر و بصلة و بعدا يطبخوه بالمي مع عصير الحصرم , اتوقعه طيب كتير :zzz
هلا ميوسة
اكيد سمعانة فيه و كل ما روح للشام لازم افتل فيه 4 او 5 مرات لشوف اذا شي مو موجود بحلب عندنا لحتى اخده معي
كلك زووء يا قمر و فهمت من كلامك ان ممكن نعمل محشي بالجزر الاصفر العادي ؟
تكرم عيونك رح نزلها بركي هل اليومين او اسبوع الجاي بالكتير
هلا ام دانية
عوافي على قلبك وربي يخليك ماماتك بصحتها و قوتها
ما اتوقع بتصير المسقعة بالجزر الاصفر و على كل رح اسالك فريق الدعم الفني :grin
هلا ام كريم
متل ما قلتي كتير هون من الاخوات مغتربات و في كتير من سوريا بس هدولة على المخفي , يعني بيدخلوا و بيقروا و بيمشوا :roll
خليلي عينك ام كريم ان شاء الله بترجعي لسوريا و انت حاملة و محملة الخير و الصحة و العوافي و الهنا
السلام عليكم اختي منى كيفك انا بعتليك من كم يوم بلنسبة للحلويات ما رديتي ارجو منك الرد جزاك الله خير باي ميادة
هلا ميادة
ما وصلني شي , يا ترى وين بعتيهم ؟
والله ياست منى موكل الاخوات المغتربات بيدخلو وبيطلعو على الماشي :cry والله انا يوميا بدخل واذا انا ما صحلي بيدخل زوجي وبقلي وكتير من الوصفات انا عملتها وكانت طيبية لانو الوصفة من دياتك :zzz بس للاسف بنوتاتي الله يخليلي ياهن مو مخليني اعمل شي لذلك ما بفضى دائما اكتب :upset
له يا ام دانية
اناما عم ااقصد الخوات الي عم يردوا , انا عم ااقصد عن ناس متل رفقاتي و قريباتي بيدخلوا و بياخدوا الوصفات و مو مشتركات و لا بيعلقوا
الله يخليلك البنوتات و تشوفيهم عرايس بيسروا القلب و الخاطر يا حق
يسلمو منى على الوصفة .. أنا دقت الجزر البنفسجي مدري الأحمر .. بس ما دقته على شكل محشي ،وقتها ما كان محفور وماما ما بتقدر تحفره لقساوته ،لذا ما صرلي قسمة دوقه ..
؟وبوسيلنا القطاقيط الحلوين ..
بس بيني وبينك ، أفضل أكون من قسم المتفرجين على قولتك؛ مو بس لأن ما عنا عنا جزر ،بس ما دخلت مخي فكرة حلو وحامض وما بتخيل رح آكلها هلأ بحملي .. ممكن بعد ما يروح الوحام وأرجع لطبيعتي :roll
بس سؤال : متى آخر وقت لتواجد هذا الجزر؟ رح أنزل آخر شهر خمسة وما بعرف هل بكون موجود وقتها
هلا امولة
في كتير ناس ما بتفضل هل الطعمة , انا عني بحب التغيير هل الطعمة بالذات بموت عليها :zzz
الجزر لا ما بقى متوفر متل قبل و يمكن كمان اسبوع ما بقى نشوفه , حتى امبارحة كنت بالمول و ما لقيت منه :roll يعني لاخر خمسة اتوقع مستحيل يبقى
بوساتك بيوصلوا و نورتي حبيبتي و ربي يقومك بالسلامة