البطاطا المقرمشة باكليل الجبل


         وصفة : منى                 2013/04/20                 12 تعليقات
البطاطا المقرمشة باكليل الجبل

هي من وصفاتي المفضلة على اد مو سهلة و طيبة , كل ما بيكون لازمني دعم للوجبة الي عندي بحضرها و دايما بيتركوا الوجبة الرئيسية و بينزلوا فيها .
اكليل الجبل كتير طيب مع البطاطا , و لو عاملة روستو هل الوصفة رح تكون حفر و تنزيل معها , بس على اعتبار ان اكليل الجبل طعمته قوية بيكفي معلقة كبيرة مفرومة لكل كيلو بطاطا , رح تنكهها بطعم طيب من دون ما تحسي النكهة طاغية على بقية الوصفة .

بالصحة و الهنا

شو لازمنا ؟
2 كيلو بطاطا , مقشرة
ربع كوب زيت زيتون
2 فص ثوم , مهروس
2 ملعقة كبيرة اكليل الجبل , مفروم
طريقة التحضير
ツ تقشر البطاطا و تقطع مكعبات او أصابع طولية حسب الرغبة .
ツ تقلب مع الزيت و الثوم و اكليل الجبل و الملح حتى تتغلف بشكل كلي و ترتب في صينية فرن غير لاصقة بحيث تشكل البطاطا طبقة واحدة .
ツ تخبز البطاطا في الفرن لمدة 35 - 40 دقيقة على الرف السفلي على درجة حرارة 200 درجة مئوية أو حتى تنضج و تتحمر . تقلب عدة مرات أذناء الشوي .
ツ ترش بالمزيد من اكليل الجبل المفروم و الملح الخشن و تقدم فوراً .

فكرة :
يمكن استعمال حبات بطاطا صغيرة كاملة غير مقشرة لتحضير الوصفة .

التعليقات

  1. Lara Fansa 21 April 2013

    منى الغالية اشتقنا لك كومايات كومايات و الله بيشهد!!!
    تاني شي الله يحميكم و يصبركم يا رب

    • منى 21 April 2013

      اهلين لارا و انا كمان و الله حبيبتي اشتقتلك كتير , بعد زمان
      امين يا رب

  2. Lara Fansa 21 April 2013

    منى أنا كتبتلك تعليق أطول من هيك …كني ما وصل؟؟؟
    قلتلك فيه أنا كتير بعمل ه البطاطا

    • منى 22 April 2013

      لا ما وصل ..
      شو بتبليها ؟

  3. manar 29 April 2013

    كتير عجبتني الوصفة بس اذا بتعرفي منين ممكن اجيب اكليل الجبل طبعا انا بحلب

    • منى 30 April 2013

      منار انا جايبته و زارعته عندي بالبلكون , هو متوفر عند كل أهل الزرع , جيبي شتلة صغرة و جربي ازرعيها , ما في احلى من ريحتها لما تقعدي جنبها , و كمان ما في اطيب منها في الاكل

  4. اية صابوني 2 August 2013

    يم يم يسلمو ايديكي ست منى طيييييييبة

    • منى 4 August 2013

      بسلملي عيونك لولو :)

  5. مهاب الصباغ 29 September 2013

    تسلم أيديكي رح نجربها باينتها طيبة كتير

    • منى 12 March 2014

      الله يسلمك و يخليك , رح استنى رايك بعد التجربة

  6. ام محمد معتز 23 July 2014

    يعطيك العافية اخت منى …بيمشى الحال باكليل الجبل المجفف.♧♧♧

  7. منى 24 July 2014

    اهليين حبيبتي :)
    ما الي مجربتها , بس اكيد بتزبط , بس استخدمي كمية قليلة لان اكليل الجبل المجفف كتير طعمته قوية و طاغية

تقييم الوصفة
عاديةقد أحضرهاجيدةممتازةأكثر من رائعة (20 votes, average: 3.60 out of 5)