سمبوسك الجبنة و الجزر


         وصفة : منى                 2013/06/17                 4 تعليقات
سمبوسك الجبنة و الجزر

هل السمبوسك تغير شكل عن سمبوسك الجبنة العادي , طعمته بتجنن , سخن و الجبنة بقلبه سايحة و عم تشط و تمط , و لما بيكون في هيك صحن على السفرة , كل المقبلات التانية بتبين باهتة جنبه .


تقليب الجزر بزيت الزيتون رح تخلي طعمته مميزة و بتفرق كتير عن اضافة الجزر و هو ني , و أناهل السمبوسك و كل سمبوسط بحضره بعجينتي الي ما بغيرها , أسهل و أطيب عجينة سمبوسك , مقرمشة , ما بتغب زيت , سهلة , و مكوناتها موجودة بكل بيت , الله يحفظ النعم علينا دوماً . أما الشكل ففيك تعليها متل شكل السمبوسك العادي , و فيكي تعمليها بهل الشكل المثلث , كمان أكشن و شي حلو


بالصحة و الهنا

شو لازمنا ؟
مقدار من عجينة السمبوسك

الحشوة :

2 ملعقة كبيرة زيت زيتون
2 حبة كبيرة جزر , مبشور
2 علبة كبيرة جبن كرافت , مبشورة
2 ملعقة كبيرة كزبرة مفرومة ( اختياري )
طريقة التحضير

• يقلب الجزر بالزيت على نار هادئة حتى يشقر , يبعد عن النار و يترك حتى يفتر .
• يقلب الجزر و الجبنة المبشورة و الكزبرة .
• تقطع العجينة و تحشى بالحشوة ثم تقفل و ترتب على صينية مسطحة و تكرر العملية حتى الانتهاء من كل الكمية .
• تقلى في الزيت الغزير و تقدم فوراً . فكرة : يمكن استعمال رقائق سمبوسة سويتز عوضاً عن العجينة المنزلية الصنع .

التعليقات

  1. zsoukar 15 September 2013

    hالله يسلم هاليدين

    • منى 9 October 2013

      الله يسلمك يا رب

  2. zsoukar 15 September 2013

    مرحبا. عندي سؤال من فضلك ماهو البديل عن جبنه كرافت؟ شكرا

    • منى 9 October 2013

      ممكن ايا جبنة صفرا بتحبي طعمتها , او جبنة حلوم

      ايا سؤال تاني من عيوني

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)