معكرونة بصلصة اللبن و الثوم


         وصفة : منى                 2007/04/30                 10 تعليقات
معكرونة  بصلصة اللبن و الثوم

     ·          يقلب الثوم بالسمنة قليلاً ثم يضاف الفلفل و الملح و اللبن و يترك الصوص حتى يغلي .

·          تسلق المعكرونة و تصفى من دون أن تغسل ثم توضع مع الصوص و تترك لتتشرب من الصوص ثم تزين بالبقدونس و تقدم ساخنة .     
             


كيس معكرونة اسطوانية الشكل ( 250 غ ) مسلوقة
نصف كيلو لبن
4 فص ثوم مدقوق
ملعقة سمنة أو زبدة
ربع ملعقة صغيرة فلفل أبيض مطحون طازج
ملح
بقدونس للتزيين
• يقلب الثوم بالسمنة قليلاً ثم يضاف الفلفل و الملح و اللبن و يترك الصوص حتى يغلي .

• تسلق المعكرونة و تصفى من دون أن تغسل ثم توضع مع الصوص و تترك لتتشرب من الصوص ثم تزين بالبقدونس و تقدم ساخنة .
  • وصفات تانية ممكن تعجبك


التعليقات

  1. بدور 10 November 2008

    اليوم كنا عمنحكي عن هالاكلة انا و بنت حماي اية وشتهيت عليها و ئلت رح طلّع عليها بهالموقع الحلو ;)

    نحنا ما منعملها كتير بس وئت كنت ادرس بالاردن كانت رفيئتي تعملها احيانا و دئتا عندها :)

    الله يسلم دياتك يا قمر والله ما بيخفى عنك شي ولا بيصعب عليكي شي الله يسلم دياتك الناعمين يا رب :zzz

  2. منى 10 November 2008

    مممممم , خيانة من ورا ظهري , بس ما تكونوا شربتوا كابتشينو بتكون كملت الخيانة :x

    عم امزح معك , هي سهلة و خرج الواحدة تعملها اذا مستعجلة

  3. الدمشقية 21 December 2008

    انا بحب المعكرونة باللبن بس بصراحة بحب قلي المعكرونة بالسمنة أو بالزيت أولاً ثم بحطها بصحن التقديم وبحط فوقها اللبن والثوم مع معلقة طحينة :)
    تسلم ايدك يارب

  4. منى 22 December 2008

    ممم , اتوقعها بتجنن بهل الطريقة , ان شاء الله بجربها و الف شكر الك حبيبتي :)

  5. سارونات 28 January 2009

    السلام عليكم و رحمة الله و بركاته
    اختي منى ما عرفت اي معكرونة بتناسب
    اللي عم شوفها بالصورة ما بعرفها فيني استعمل سباغيتي او اي نوع معكرونة تاني
    بالتوفيق
    سلام

  6. سارونات 29 January 2009

    السلام عليكم و رحمة الله و بركاته
    شو قلتي اختي منى
    كمان بدي اسألك اذا وصلتك وصفة غراتان بطاطا خفيف تحتى اذا ما وصلت ارجع ابعثها مرة تانية
    كمان راح ابعثلك بالرد الجاي وصفة بسيطة هي عجة البطاطا بالسبانخ و الجبن الابيض و ان شاء الله تعجبكم و تجربوها
    بالتوفيق
    سلام

  7. منى 16 February 2009

    أختي فيك تستعملي اي نوع تفضليه , انا بحب استعمل اما المعكرونة الشرايط أو السباغيتي أو الفراشات .

    الوصفات وصلوا و نشرت منهم وصفة الجبنة و الغراتان على الطريقة و الف الف شكر الك للوصفات سارونات

  8. gsm 23 October 2009

    سلام عليكم منونة انا اليوم عملت هل الطبخة بس مع تعديل انا ما غليت اللبن وما حطيت سمنة بس سلقت المعكرونة وصفيتها وكنت مجهزة اللبن مع التوم وضفت المعكرونة فوق الصلصة وطلعت كتيير خفيفة حاكم هل اليومين فاقس كيفي كتيير على اللبن واللبنة الله وما كيلك ما عم آكل غيرن شكله البيبي من عشاق اللبن واللبنة :grin يسلموا إيديك يا حلو :zzz

  9. عماد 13 March 2016

    لو سمحتو سؤال، كل مرة بغلي اللبن بيفقس، وصار جربت عدة طرق مرات بضل عم حركو ليغلي و مرات بتركو يغلي على مهلو ومرات بعلي النار و دائما بيفقس بس يغلي، حدا بيقدر يعطيني حل او طريقة صح لاغليه؟؟

    • منى 19 March 2016

      جرب تدوب معه نشا ع البارد و تحركه لتختفي كل قطعه ، بعدها حطه على النار الوسط وحركه وما تتركهولا لحظة حتى يغلي . رح يزبط أكيد

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)