أقراص


         وصفة : منى                 2009/10/11                 19 تعليقات
أقراص

·         تخلط جميع المقادير من غير الماء ثم يضاف الماء تدريجياً و تعجن لحتى ما تطلع روحها .

·         بمعنى أنه كل ما زاد العجن كل ما طلعت أقراص عم تقرش و متل البيتيفور .و من الأفضل أن تدار على ماكينة الكبة دورين حتى تغني عن العجن بالإيد و كسر الظهر و الإيدين من الكتف.

·         تترك لتختمر على الأقل 6 ساعات و الأفضل من قبل بيوم.

·         لو كانت العجينة قاسية شوي ممكن إضافة شوية حليب دافئ لتطرى.

·         تعمل منها كور ثم تفرد على شكل قرص مدور و تقرص بالإيد بشكل زجزاج يعني ( و عنا بسوريا الها قالب متل قالب البيفور بتقطعي فيه ليعطيكي الشكل المقرص من غير ما تعملي كل قرص لوحده بحيث انك تفردي العجينة كاملة و تقطعي الأقراص).

·         ثم بالشوكة تغز من فوق كل قرص مجموعة غزات (مللا مصطلح  ) بحيث تعطي شكل جمالي و تساعد على سواها من المنتصف (و كمان في بسوريا أداة تسمى منقش للأقراص دعسة وحدة منو تغنيكي عن تدعيسات بالشوكة و تعطيكي شكل حلو)

·         و تخبز في فرن حامي على الرف الوسط لغاية ما تشقر من فوق و من تحت. و دوقيها و ادعيللي .     

3 كيلوم طحين
كيلو سمنة متل سمنة مازولا للحلويات بتطلع أطيب
كاسة كبيرة زيت
3 كاسات سكر بودرة ناعم
من 2-3 ملعقة خميرة فورية
3 ملعقة محلب ناعم بودرة
ملعقة صغيرة شمرة مطحونة
قليل من الماء الدافئ بنحو نصف كوب





• تخلط جميع المقادير من غير الماء ثم يضاف الماء تدريجياً و تعجن لحتى ما تطلع روحها .

• بمعنى أنه كل ما زاد العجن كل ما طلعت أقراص عم تقرش و متل البيتيفور .و من الأفضل أن تدار على ماكينة الكبة دورين حتى تغني عن العجن بالإيد و كسر الظهر و الإيدين من الكتف.

• تترك لتختمر على الأقل 6 ساعات و الأفضل من قبل بيوم.

• لو كانت العجينة قاسية شوي ممكن إضافة شوية حليب دافئ لتطرى.

• تعمل منها كور ثم تفرد على شكل قرص مدور و تقرص بالإيد بشكل زجزاج يعني ( و عنا بسوريا الها قالب متل قالب البيفور بتقطعي فيه ليعطيكي الشكل المقرص من غير ما تعملي كل قرص لوحده بحيث انك تفردي العجينة كاملة و تقطعي الأقراص).

• ثم بالشوكة تغز من فوق كل قرص مجموعة غزات (مللا مصطلح ) بحيث تعطي شكل جمالي و تساعد على سواها من المنتصف (و كمان في بسوريا أداة تسمى منقش للأقراص دعسة وحدة منو تغنيكي عن تدعيسات بالشوكة و تعطيكي شكل حلو)

• و تخبز في فرن حامي على الرف الوسط لغاية ما تشقر من فوق و من تحت. و دوقيها و ادعيللي .
  • وصفات تانية ممكن تعجبك


التعليقات

  1. منى 11 October 2009

    هنودة مشان الله لا تزعلي مني , مع انه حقك و الله . كمبيوتري كان مرضان لهيك مو عرفانه راسي من رجلي , بقى حقك علي :?

    نجي للوصفة , هي اول مرة اسمع فيها و شكلها شغل معلمين , يا ريت لو كان في صورة لحتى شوف شو قصدك بالقالب تبع النقش ..

    يا ترى هدولة هنن الاقراص الي بيسموهم قربان حلو ؟؟ و كمان سؤال هنن مشهوريين بايا منطقة في سوريا ؟ و اخر الشي الاسم مناسب الا نو ؟

    الله وكيلك من وصفك حسيت بقرقشتهن تحت سناني , ان شاء الله رح جربهن قريب , الف الف شكر الك للوصفة المميزة و بانتظار بقية وصفاتك , بكيس محكم الاغلاق لحتى ما توقع منهم شي واحدة على الطريق :grin

  2. بشرى 11 October 2009

    منوشة صباح الورد , اسمهن صح أقراص ..

    هنادي يسلم إيدكي يارب عهالوصفة الرائعة , نحنا منوصي عليها من دير الزور خصوصي هيه والكليجة يا سلامممم ما أطيبها عالفطور مع الشاي ..

    خلص عالتجريب لانو هون بالسعودية مافي قربون :grin

    وياريت حبيبتي لو عندي طريقة للكليجة تفيدينا فيها .. لانو أكلة طيبة كتير 8)

    يا أختي كل أكل أهل الدير طيب ليش الكذب :eek

  3. semo 11 October 2009

    مممممممممممممم يسلمو ايديكي هنودة هي الوصفة من زمان عم استناها

    بتتذكري منى من زمان سألتك عن القراص وقلتيلي ما عرفتن هدول هنن اللي عم دور عليهن

    الله يسلم هالايدين ياهنودة وجربيهن منى كتير رح يعجبوكي اكيد وانا رح جربهن بسرعة بس بدي اسألك هنودة المحلب والخميرة الملعقة صغيرة ولا كبيرة؟؟

    وياريت لو تعطيني درجة حرارة الخبز

  4. منال 11 October 2009

    سلام عليكم كيفك اختي منى هي الاقراص كتير شغله طيبه وخاصة في البد مع مشروبنا التقليدي المته بس مو نفس المقادير انا بقلل السمنه واضع مقدار كامل من الحليب هيك اخف ومفيده للاطفال اكتر اذا بتحبي ارسل لك المقادير وشكرا اختي هنادي :) :zzz :zzz :zzz

  5. لارا مينا 11 October 2009

    ألف شكر أخت هنادي على الوصفة شكلها روعة .. بس ياليت تحطي صورة علشان نشوف كيف الشكل النهائي لأن مافهمت كثير كيف نشكلهاأو أي واحدة من العضوات حتى لو صورة أقراص جاهزة من السوق,
    وينفع نحطها بالعجانة أسهل وأسرع ولا لأ ؟
    وماكينة الكبة قصدك فيها فرامة اللحم وأي شفرة نستخدم الناعمة ولا الخشنة؟
    تحياتي لكي :)
    و ماعليه اتحملينا شوي .

  6. ام نور 11 October 2009

    السلام عليكم جميعا سلم دياتك اخت هنادي على هالوصفة الرائعة وصفتك مشهورة عنا بلبنان كتير وناس بيسموها كعك العيد وناس مرقد المهم بالعيد لازم تكون موجودة وبيضيفوها مع باقي الحلويات وبتذكر من شي عشر سنين كانت كل ست بيت تعمل كعكاتها ببيتها وتتباهى فيون وكل وحدة تقول كعكاتها اطيب ولكن مع الاسف بهل زمن صاروا قلال الستات الي عم يعملوهون على ايدون وصار كل الكعك متشابه بالطعم والشكل لان بيشتروا مننفس المحل :) وطريقتي من البابا طريقة محلات اصلية صرت عاملتا اكتر من عشرين مرة ومين ما اكلا عندي بيقلي شو هالكعك اعطيني الوصفة ميشان هيك رح افيدكون فيا ولعيونكون رح قوم اعمل كيلو واصوروا بالخطوات وارسله غدا الى منى انشالله لان وصفة بتستاهل التجربة :)

  7. ام برهان 13 October 2009

    انا كتير فرحانة انو تعرفت على لقمة طيبة وعليكم اكلاتكون مانها معقدة انا بعدني جديدة على الطبخ والمطبخ تفائلتكتير بوصفاتكم نشالله اقدر فيدكم متل ما اكيد رح استفيدمنكم :)

  8. ام برهان 13 October 2009

    باعتبارني ضيفة جديدة ما حلوة ادخل وفايلي فاضي مشان هيك رح ضيف بقسم المقبلات اكلة اسمها كشكة بما انو ما بعرف كيف بدي ضيف وصفة رح اكتبها هون بعدين انتو بتعلموني وين بقدر نزل وصفة
    مقادير الكشكة
    لبنة ملعقيتن او تلاتة او حسب الكمية يللي بدكون ياها
    شوية برغل ناعم
    شوية كعك مطحون
    زيت زيتون
    ملح
    بصلة مفرومة ناعم
    وجوز يا مفروم خشن او مفروم ناعم حسب الرغبة
    بقدونس مفروم
    التحضير
    بينلخطو كلون سوا وللتزيين بعد ما تنمد الكشكة بلصحن بينحط فوقها بقدونس وزيت
    نشالله تعجبكون

  9. منى 15 October 2009

    هلا ام برهان :)
    شرفتي لقمة طيبة كله , مية اهلا و سهلا فيكي , ان شاء الله تجربي شي وصفة و تكون متل ما بتحبي و اكتر

    سلمن على الكشكة رح ضيفها كوصفة اذا سمحتي ;)

  10. هنادي 15 October 2009

    منوش و الله ما شفت الرد غير هلأ ….أنا معقول أزعل منك…الله يسامحك…بتمون عالرقبة …و الرقبة سدادة …يا شيف :p

    بالنسبة للأقراص الإسم بيشهي ;)

    و أنا كان غلطي إني ما صورتن العيد الماضي…بس إن شاء الله إذا عملتن عالعيد الجاي بصورلك ياهن و البصورلك القالب أو القطاعة تبعن ، شنو و الله ما فيي اعمل هلأ ((من الوحام عقبال عندك :p )) و إذا عملت بالعيد الكبير فكتر خير الله :grin

    ما بعرف إذا بيقولولن بمطرح تاني قربان حلو :x ،و بالنسبة النا “بحمص” مشهورين كتير و كنت مفكرة انو بكل سوريا معروفين….طلعوا النا خص نص 8)

    و اهلا و سهلا بالشيف نورت ..

  11. منى 15 October 2009

    ان شاء الله عقبال قيامك بالسلامة يا رب , و رح استنى الصور لما الله بيقسم :)

    عقبال العايزين يا قمر , انا الله يباركلي بالي عندي ;)

  12. هنادي 15 October 2009

    بشورة و إيديك يا حلو..بس ماني من الدير ولا بعرف شو هاي الكليجة :upset

    جريبين و خبريني كيف طلعوا…و صحتين مسبقاً

  13. هنادي 15 October 2009

    سيموووو…إن شاء الله تعملين و تاكلين عوافي عا قلبك…

    حبيتي المحلب و الخميرة بمعالق كبار….والخبز بتقريباً درجة 160-180 …حسب فرنك إذا حامي كتير او لأ….

    و صحتين مقدما

  14. هنادي 15 October 2009

    أهلا منال نورتي :)

  15. هنادي 15 October 2009

    لارامينا ..حبيبتي للأسف ما عندي صورة الا بس اعملا مرة تاني بصورا بإذن الله…

    و بالنسبة لماكينة الكبة هي بتحطيا فيا كونا بدا تريحك عن الدعك بإيدك (( كالشفرات الناعمة)) والعجانة غالباً بتخلط المواد مو بتدعكا دعك…بس إذا ما توفر غيرا جربي فيا شوي لتريحي إيدك…

    و جربيا و أن شاء الله مأكول العافية

  16. هنادي 15 October 2009

    أم نور ….و دياتك يا رب….و رح استنى كعكاتك و جربن بأقرب وقت بإذن الله …شو في أطيب من أكل و حلو لبنان…..غير سوريا طبعاً :p

  17. هنادي 15 October 2009

    هلا أم برهان…

    نورتي الموقع….و هلا فيكي بين أخوتك :)

  18. ام عمر 15 October 2009

    تسلم ايدك يا ريت في صور للطريقة وللشكل النهائي :zzz

  19. semo 20 October 2009

    حبيبتي بدي اسألك سؤال تاني بعرف اني غليظة

    بس من يومين وصلتني معلومة جديدة انو في ناس بتستخدم خميرة الامونياك قالولي بتطلع اطيب من الخميرة الفورية

    عندك فكرة عن هالموضوع وعن كمية الخميرة ولا لأ؟؟

تقييم الوصفة
عاديةقد أحضرهاجيدةممتازةأكثر من رائعة (2 votes, average: 3.00 out of 5)