الشاكرية


         وصفة : منى                 2007/10/07                 33 تعليقات
الشاكرية

·          تذوب السمنة على نار متوسطة ثم تضاف اللحمة و تقلب حتى يختفي اللون الأحمر و يجف مرقها تماماً .

·          يضاف البصل المفروم ناعماً جداً و يقلب لبضع دقائق من دون أن يتغير لونه ثم يضاف الماء المغلي و يترك حتى يغلي مرة ثانية .

·          توضع كل مقادير الباقة العطرية في كيس صغير خاص ثم تضاف للحمة و تخفف النار و يغطى الوعاء و يترك لمدة ساعة تقريباً أو حتى تنضج اللحمة تماماً .

·          يخفق اللبن مع النشاء و الملح و البهار جيداً حتى يصبح اللبن مثل الكريما .

·          يوضع مزيج اللبن على نار متوسطة و يحرك بشكل دائري باتجاه واحد كي لا يفرط اللبن , و يحرك حتى الغليان .

·          ترفع الباقة العطرية من مرق سلق اللحمة ثم يضاف المرق بالتدريج لمزيج اللبن حتى الحصول على قوام متوسط السماكة ثم تضاف قطع اللحم و تترك الشاكرية على نار هادئة لمدة عشر دقائق كي تأخذ اللحمة من نكهة اللبن .

·          تسكب الشاكرية في طبق التقديم و تقدم فوراً مع الأرز بالشعيرية أو البرغل المفلفل أو الفريكة .  

تنويعات و إضافات :

·          بعض ستات البيوت في الشام تزين الشاكرية بقلية ثوم , تسكب الشاكرية بطبق التقديم ثم يقلى ثوم مهروس و نعناع مجفف بالسمنة لمدة دقيقة أو دقيقتان ثم يسكب على وجه الشاكرية و يقدم فوراً و إن كانت الطريقة الأولى معروفة أكثر .

·          لتحضير ارمان بلبن : تطبق الوصفة كالسابق من دون اضافة البصل المفروم ناعماً أو قلية الثوم و النعناع .

·          لتحضير لبن أمه : يستبدل البصل المفروم ناعماً  بـ 10 حبات من البصل الصغير جدا يقلى قليلاً مع اللحمة من دون أن يتغير لونه ثم يتابع اعداد الوصفة كالسابق و لا تزين بالثوم و النعناع .  




نصف كيلو لحمة من فخذة الغنم مقطعة شقف كبيرة نوعا ما
1 – 2 ملعقة كبيرة سمنة
1 - 2 حبة بصل مفروم ناعم
4 كوب ماء
ملح
نصف أو ملعقة صغيرة بهار مشكل
كيلو من لبن الغنم الزبادي
2 ملعقة كبيرة نشاء أو نشاء الذرة ( كورن فلاور )

الباقة العطرية :

عود قرفة كبير
5 حبات هال كاملة
2 ورق غار
بضع حبات فلفل أسود و فلفل حلو
4 حبة قرنفل





• تذوب السمنة على نار متوسطة ثم تضاف اللحمة و تقلب حتى يختفي اللون الأحمر و يجف مرقها تماماً .

• يضاف البصل المفروم ناعماً جداً و يقلب لبضع دقائق من دون أن يتغير لونه ثم يضاف الماء المغلي و يترك حتى يغلي مرة ثانية .

• توضع كل مقادير الباقة العطرية في كيس صغير خاص ثم تضاف للحمة و تخفف النار و يغطى الوعاء و يترك لمدة ساعة تقريباً أو حتى تنضج اللحمة تماماً .

• يخفق اللبن مع النشاء و الملح و البهار جيداً حتى يصبح اللبن مثل الكريما .

• يوضع مزيج اللبن على نار متوسطة و يحرك بشكل دائري باتجاه واحد كي لا يفرط اللبن , و يحرك حتى الغليان .

• ترفع الباقة العطرية من مرق سلق اللحمة ثم يضاف المرق بالتدريج لمزيج اللبن حتى الحصول على قوام متوسط السماكة ثم تضاف قطع اللحم و تترك الشاكرية على نار هادئة لمدة عشر دقائق كي تأخذ اللحمة من نكهة اللبن .

• تسكب الشاكرية في طبق التقديم و تقدم فوراً مع الأرز بالشعيرية أو البرغل المفلفل أو الفريكة .


تنويعات و إضافات :

• بعض ستات البيوت في الشام تزين الشاكرية بقلية ثوم , تسكب الشاكرية بطبق التقديم ثم يقلى ثوم مهروس و نعناع مجفف بالسمنة لمدة دقيقة أو دقيقتان ثم يسكب على وجه الشاكرية و يقدم فوراً و إن كانت الطريقة الأولى معروفة أكثر .

• لتحضير ارمان بلبن : تطبق الوصفة كالسابق من دون اضافة البصل المفروم ناعماً أو قلية الثوم و النعناع .

• لتحضير لبن أمه : يستبدل البصل المفروم ناعماً بـ 10 حبات من البصل الصغير جدا يقلى قليلاً مع اللحمة من دون أن يتغير لونه ثم يتابع اعداد الوصفة كالسابق و لا تزين بالثوم و النعناع .
  • وصفات تانية ممكن تعجبك


التعليقات

  1. Rino 7 October 2007

    يا ستي فعلا الشكرية أم القرمان من أفخر الأطباق السورية و هي من الأصناف اللي بتكون براس القائمة لما بنفكر شو نعمل لما يكون عنا عزيمة بس بدك الصراحة القرمان الحلبي ألذ و أدسم لأنو لازال عنا لبن الغنم متوفر و بجودة أفضل من غير مدن و خصوصا بفصل الربيع
    بالمناسبة أنا نص شامية و نص حلبية و لهيك بعرف أنو أهل الشام بيعانو كتير ليحصلو على لبن جيد للطبخ
    الله يعطيكي ألف عافية وتعيشي و تزيدينا بكنوز الطبخ السوري

  2. منى 7 October 2007

    مممم , هي أول مرة بعرف أن اللبن الغنم مو متوفر كتير بالشام :roll

    هلا منسمع من أخواتنا المغتربات أن أكلات اللبن ما بقى الها طعم لما بيستعملوا اللبن المعلب الي بحس ما فيه جنس البركة

    مية اهلا و سهلا رينو :)
    و هلأ انت بالشام و الا بحلب ؟

  3. Rino 8 October 2007

    عزيزتي بالشام ما بيحصلوا الا لبن البقر و بيقى سايط و مالو طعمة
    أنا هلق بحلب بس قضيت أول 8 سنين من عمري بالشام
    زوجي حلبي و طبعا ولادي حلبية بس ابني البكر مصمم أنو هو شامي

  4. منى 8 October 2007

    حلوة الشام بتجنن و مننبسط فيها كتير لما منسافرلها ,, بس بتبقى حلب عندي غير .

    الله يخليكم لبعض يا رب و ان شاء الله تشوفي منهم الخير الكتير :)

  5. linda 8 October 2007

    اههههههه يا منى هل الاكلة والله صرلي عمر ما اكلتها
    كتير بحبا
    بتعرفي كنت نسيانتها
    يسلمو هل الادين يا رب

  6. منى 8 October 2007

    لك سلامتك من الاه ليندا :sigh

    و الله حاسة فيك و بغربتك , ان شاء الله بكرة القطط بتكبر و بتعبي عليك البيت

    الله يسلمك ليندا :)

  7. linda 8 October 2007

    انو قطط يا منى
    قولي طرزان وحش نمر ههههههههه كل شي الا القطط
    حاكم ابني يا ستي الله يجرينا منو على أد ما بيتشطين من صباحية الله لاخر الليل و الحمدلله ما ضل حدا ما لاحظ الامر
    و هديك شام صاحبة عص يا ساتر عليها كل صوت بتبخشلي ادني
    واعععععععععععععع :cry
    فتحيلنا قسم لنشكي همنا فيه :grin

  8. Rino 9 October 2007

    سمعانة في حدا عم يحكي عن الولاد و شيطنت الولاديا جماعة شو قطط و شوطرزان هادول حبابين تاعو شوفو اللي عندي مافيا يا جماعة الله يجيرنا و الله بيحطمولي أعصابي 3 صبيان ما شاء الله لاقوة الا بالله بس مطالعين الشيب على رموش عيوني
    و القرايبين بيقولولي جربي جيبي كمان بلكي الله بيبعتلك بنت لا يا عمي ما بدي العوض على الله والله بخاف عليها منون يمكن بيفكوها شقفة شقفة الله يخليهون بس :cry

  9. منى 9 October 2007

    :grin :grin
    ما شاء الله تبارك الله , و الله انا كنت مفكرة ابني عفريت و كل يوم على الافطار ماسكة دعوة ان الله يهدي سره ..
    طلعوا كل الصبيان ورشيين :x ..

    بس أحلى جملةهي قصة ان بيفكوها شقفة شقفة :grin :grin
    فرط قلبي من الضحك

  10. linda 10 October 2007

    ههههههههههه
    كلنا بالهوا سوا
    انا ابني فككها لبنتي و نتفلها شعراتها من زمان
    و ماضل عندي شي سليم بالبيت
    مو باقي الا الكنابيات سالمين لحد الان
    الله يبعت الخير :cry

  11. Rino 10 October 2007

    الله يحفظلي و يحفظلكون ياهون و الله هنن زينة الحياة بس التمن غالي كتير كتير كتير

  12. منى 10 October 2007

    و الله يا جماعة الي بيشوف مصيبة غيره بتهون عليه مصيبته :grin

    بعد ما قرأت ردودكم صرت شوف ابني ملاك و انا الي كنت مفكرته أكتر ولد شرير بالعالم :roll

  13. منى 5 December 2007

    و لا يهمك رينو :)

    ان شاء الله الاجر و الثواب عند الله , و الله بيباركلك فيهم و بينسوك كل هل التعب :)

  14. منى 21 December 2007

    :grin :grin :grin

    خليلي قلبهم الاولاد بلا شيطنة ما بتسوى حكايتهم

    كلهم هيك و بتقولوا بكرة بيعقلوا بس بيجي بكرة و بيرووح و هما على اشيطن الله يحميهم :)

  15. kuwaiti_girl 7 February 2008

    ههههههه سوالفكم جدا حلوة

    الله يخلي لكم عيالكم ان شاء الله وتفرحون فيهم بالتقى والعلم

  16. منى 16 February 2008

    أمين كوكو حبيبتي :) أحلى دعوة و الله ;)

  17. لارا مينا 29 April 2008

    مساء الوردأختي منى ألف شكر على الوصفة سويتها وزبطت معي من أول مرة ولله الحمد مع إني كنت متخوفة من اللبن وتسلم يديكي.

  18. منى 1 May 2008

    هلا لارا :) هنا و عوافي يا رب , كتير انبسطت انك جربتيها و عجبتك , مطرح ما يسري يمري :zzz

  19. A.m.a.L 27 May 2008

    مشكوووورة عالوصفة

    اذكر مرت عمي سوتها لنا من زمان
    لما كانت بزيارة عندنا .. وكانت وايد لذيذة .. تقريبا من خمس سنوات .. وكان ودي أذوقها مرة ثانيه ولقينا الطريقة 8) :cry

    ان شاء الله انا اسويها وتطلع ألذ بعد لان اتوقع في شوية اختلاف خفيف من ناحية البهارات او الباقة العطرية لان كان بس نعناع

  20. منى 27 May 2008

    هلا امل :) هي ممكن تنعمل بكتير اختلافات , بس الطريقة المذكورة فوق هي اكتر طريقة معروفة ;) و كل الطرق كتير طيبة مع اختلافات بسيطة , فيك تجربي و تشوفي شو بيعجبك , أهم الشي أن يكون اللبن مطبوخ بطريقة منيحة لحتى ما يفرط و بعدها انت و زووءك ..

    اختي الرد وصل بس هو بحاجة لموافقة المشرفة , و نور الموقع بأخت عزيزة و كريمة و ان شاء الله تجربيها و تعجبك , و لااا تنسي تخبريني ;)

  21. A.m.a.L 28 May 2008

    ولو اكيد رح جربها على أخر الإسبوع وان شاء الله اقولج النتيجه

    ومشكوورة حبيبتي ..
    :grin ما انتبهت على خاصية الموافقة عالتعليق

  22. منى 28 May 2008

    :grin بتحصل كتيررر عادي , المهم هلبا انك تجربيها و ياا رب تعجبك

  23. آرام 25 May 2009

    أخت منى البصل مو مذكور ضمن المقادير :)

  24. منى 25 May 2009

    كمان احم , الف شكر الك اخي للتنبيه :roll

  25. JoJo 10 June 2009

    وانا دايما باسمع بالمسلسلات السورية شاكرية شاكرية واقول شوو هاد الشاكرية
    واخيرا عرفتها
    بارك الله فيكي منى ويسلموو الايادي يارب :zzz

  26. منى 11 June 2009

    الله يسلمك جوجو و لو تجربيها لحتى تعرفيها شخصيا ما رح تندمي ان شاء الله :grin

  27. rmroom 17 October 2010

    انا دائما ما بيظبط معي اللبن مع أني بساوي بنفس الطريقة بس ما بخفق اللبن مع النشاء

  28. منى 17 October 2010

    ايه هادا الي رح يصير معك , لان النشا هو الي رح يمسك كل المقادير ببعضها البعض , جربي و بيزبط معك تمام ان شاء الله :)

  29. أم نوران 31 January 2011

    انا كتير بحب هالاكلة,يسلمو ايديكي .. بس انا تعلمتا من رفيقتي اللي بضيف عليها شوية زعفران هادا اللي متل الشعر :) وبيطلع لونها شوي مايل على صفار و طعمتها طيييييييييييييبة…
    بس على كل حال يسلمو ايدكي يا منى و الل عطيكي الف عافية و يخليلك ولادك بالاخير كل ولد لازم يجرب الشيطنة و لا ما بمشي الحال ;)

  30. منى 2 February 2011

    صح سمعت ان في ناس بيضيفوا هل الاضافة , سبحان الله نحنا مرغوب عنا يكون لونها ابيض , بس كله بالاخير طيب ;)

    الله يخليك يا رب و يحفظلك كل غالي على البك من كل شر

  31. ام يوسف 16 May 2011

    الله يعطيكِ ألف عافية ست منى على هل الطبخات الرائعة … من زمان بتابع وبطبق وبدعيلك ( جندية مجهولة )
    بس اليوم اضطريت سجل بعد ماقررت اطبخ شاكرية لأنو اتفاجأت انو مافي بيض مع اللبن ؟؟؟ هاد اولا وتانيا في حلقة مفقودة عندي انو لما بعمل هل طريئة اللبن مابيطلع جامد ممكن اعرف شو الئصة ؟؟ مشكورة سلفا وماقصرتي

  32. anoosh 23 January 2012

    مرحبا أنا متابعة حديدة نسبيا للموقع و اكتشفتوا بالوقت المناسب أول ما تجوزت من 6 شهور
    و ادمنت عليه بصراحة كل يوم عما اتغزل فيكي يا ست منى
    عملت شاكرية يوم الجمعة و طبقت وصفتك و حمد الله بيضتي وشي قدام بيت حمايي
    الله يقويك و يسعدك و يحمي بلدنا

  33. amoula 7 February 2012

    اختي منى انا كتير مشتهية على الشاكرية بس هون عنا بالخليج مافي لبن طيب ابداً :( , وكله محلون اكتر من لبن البقر اللي بسوريا فقلت بسألك عندك شي فكرة عن حدا مجرب يعمل الشاكرية فيو ؟حدا من المغتربات عطاكي فكرة , يعني اللبن اللي هون بدو كمان اضافة مي ولا متل ما هوه نحطو ونكترلو نشاء ؟

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)