براونيز بكريما الخمس دقايق السرية
تقريباً كيلو فول أخضر
كيلو سلق
3/4 كاسة زيت بلدي
ملح
ثوم
كزبرة مفرومة
• نضع الزيت والفول فوراً قبل أن يحمى الزيت و نقلب الزيت حتى ينضج تقريباً .
• نكون فرمنا السلق (الأعواد والأوراق قطع صغيرة) , نضع السلق فوق الفول ونضع الملح (يجب عدم وضع الملح فوق الفول فوراً أو قبل النضح حتى ما يحمر الفول ويضل أخضر بلونه)
• أخيراً نضع الكزبرة و الثوم و تقدم مع الخبز العربي .
ممم , طعمتها على طرف لساني , اكيد طيبة كتير
اليوم عندي سلق رح شيل شوي منه لحتى جرب هل الوصفة بكرة ان شاء الله
جربتها و كانت طيبة كتير و مع الليمون الحامض بتفرط الريق
سلم دياتك دمدومة
والله هيئتها طيبة الله يسلم ايديك يا رب رح اجربها قريبا لاني حابة اعمل اكلة بالفول الاخضر شكرا لك اختي
تسلم ايدك طبخه شهيه ولذيذه والاهم سريعه وسهله
مرحبا ست منى والله كتير فرحت بعودة الموقع لأن مر يومين كان عم يطلع بداله شي تاني انشاء الله ماننحرم منك ولا من هالموقع الغالي على قلبي هو و صاحبتوو تسلم ايدك أختي دمشقية على هالأكلة جربتها وطلعت طيبة كتير كتير بس بقدر أعرف اذا كان لازم نقشر الفول متل مو ظاهر بالصورة ولا الفول اللي عندك بيجوز قشرتو قاسية وفي كمان أكلة بالفول منعملها بالشام قريبة جدا لهالوصفة اسمها فولية نفس الطريقة بس منقلي الفول أول بالسمنة بعدين نكون سالقين لحمة غنم شقف نضعها مع المرقة فوق الفول ونتركها تغلي على نار هادية وقريب ماتستوي نضع السلق المفروم والتوم عالبارد ونتركها تتسبك شوي ويقدم الى جانبها رز بشعيرية يمي شو طيبة :zzz
مرحبا يااحلا حلبية واحلا طباخة في العالم
بل فعل بتزكرينا باكلات البلد تسلم ايديكي ياعزيزتي اذا تكرمتي علي بدي منك طريقة القيمق فهمتي علي او القشطة يلي متل مستت وشكرا باي ميادة باكير
هلا ميوسة
الله يخليلي ياكي و ربي يديم المحبة و المعروف دايما .
الصراحة ما بعرف شو اصولها لهل الاكلة و هلا بعد سؤالك انتبهت ان ما في فول مقشر في الوصفة :roll ان شاء الله تشوف دمدومة الوصفة و تجاوب عن اسئلتنا
هي الفولية الي ذكرتيها كتيررر طيبة , و تغير عن الفولية الي نعملها بحلب :zzz ان شاء الله وقت الفول ببقى بنزلهم هنن التنتين
هلا ميادة
الله يسلمك اختي و يحفظك بحفظه يا حق , القيمق طريقته ما بعرفه تمام , بس ممكن القشطة الي بتتحضر بالبيت , مو متل القيمق اكيد بس بتسد للكنافة و القطايف و غيره و هي [URL=http://www.l2ma.com/content/view/218/2/]وصفتها[/URL]
حبيبتي منى ألف صحة وهنا على قلبك وقلب عيلتك يا رب
فرحت كتير إنها عجبتك
حبيبتي بالنسبة للفول والله نحن بنعمله من دون تقشير يمكن لأن بيكون طري والقشرة طرية يعني ما بتأثر بالأكل أبداً.
أختي غيث إن شاء الله بتجربيها وبتعجبك بغذن الله
أختي muna فرحت إنها عجبتك وإن شاء الله بتعجبك طعمتها
أما حبيبتي منى عن الفولية فبعرفها بس ما بنطبخها بالبيت لأننا كلنا ما منحبها :grin
:grin هن بينادوا يا حيف على حق اللحمة يا فول مع ان انا كتيررر بحبها
معناها غلطت بالتطبيق , ان شاء الله بوقت الفول برجع بسويها و تكون على اصولها
حبيببتي منى لا غلطي ولا شي
يعني إذا انت بتحبي الفول مقشر فمافي مشكلة
أما لما بيكون الفول أخضر فمناخد قرون الفول لصغار وبتكون قشرتهون الخضرة طرية منفرمهن بقشرتهن الخضرا ومنطبخهون بالزيت والثوم والكزبرا طبعاً يعني مقلا بفول بس بلا سلق
وألف صحة وهنا على قلبك وعلى قلوب الكل حبيبتي
خليلي عينك دمدومة , ان شاء الله رح اعملها أكيد :zzz سلم دياتك حبيبتي
اختي منى تسلم ايدك يا رب
ممكن تعكيني طريقة سلطة السلق الله يكرمك يا رب
عندي سلق وحابة جرب هالسلطة كتير قالوا لي عنها انها طيبة وقالولي ياها بس نسيتها :grin بس رجعت لهون ههههههههههههههههه
مستنيتك
هلا ام عمر
بالسلق ممكن تعملي سلطتين , اما باللبن أو الطحينة , المهم بتسلق السلق و بتخليه ليضفى منيح . بعدها بتبليه اما بلبن مع توم و نعناع و ملعقة طحينة أو بطحينة و ليمون و ثوم و كمان نعناع , و ممكن تبليها بس بالليمون و فليلفة حمراء و زيت و نعناع :zzz يا ترى ايا سلطة انت بتقصديها
التنتين طيبات ان شاء الله رح جربهن
تسلم ايدك يا حق
ان شاء الله تجربيهم و يعجبوكي و الف هنا و عافية مقدما
اخت منى بدي اسالك ليش الفول بيحمر معي بالطبخ قصدي الفول مقلى
هلا ام عمر
, لا تزعلي مني و الله مشغولة كتير و ما بقيت فاضية متل الأول و حاسة حالي مقصرة كومايات
متل ما ذكرت دمشقية , اضافة الملخح باول الطبخ هو الي رح يغير لون الفول
انت لا تاخذيني بصلتي دائما محروقةةةةةةة
بس كنت بدي اطبخو وقال زةجي لو طلع احمر ما رح اكلو :cry
منشان هيك طوشت رايك باسئلتي :upset
المهم تسلم ايدك يا رب والله يبارك لك بوقتك وتفضيلنا متل اول :zzz
خليلي عينك يا ام عمر , الله يسلمي ياكي على هل الدعوات الغالية و ان شاء الله بيطلع لون الفولات على زووء الباشا :zzz