تشيز كيك بالسويسرول


         وصفة : منى                 2009/08/23                 18 تعليقات
تشيز كيك بالسويسرول

·         نحضر السويسرول: نخلط البياض مع رشة ملح حتى يصبح متل الكريما .

·         نخلط الصفار مع السكر و الفانيليا حتى يدوب السكر و يصبح الخليط فاتح , نضيف ملون الطعام و نخلطه جيداً .

·         ننخل الطحين و البيكينغ باودر و نضيفهم لخليط الصفار ثم نضيف البياض بالتدريج مع لتقليب بلطف من تحت لفوق كي لا نخسر الهوا في البياض المخفوق .

·         ندهن صينية مستطيلة اما بالسمنة و رشة طحين يا بالطحينة و رشة طحين .

·         نضع الخليط بالصينينة و نخبزها على درجة 180 مدة تلت ساعة تقريبا و اذا لم تستوي اتركيها أكتر .

·         عندما تستوي تخرج فوراً من الفرن و تلف بمنشفة مطبخ مرطبة بالقليل من الماء و نتركها لتبرد .

·         بعد أن تبرد تفرد بلطف كي لا تتكسر و تحشى بحشوة من اختيارنا  ,  ممكن مربى فراولة و ممكن حشوة التشيز كيك التي سأذكر طريقتها و انا حضرتها بحشوة التشيز كيك .

·         نجهز الحشوة : نخفق الكريما مع الدريم ويب حتى يصبح قوامها جامد .

·         نذوب الجيلاتين بربع كاسة ماء مغلية .

·         نخفق الجبنة و نضيفها للمزيج و نضيف الجيلاتين و نخلطهم جيداً .

·         نبطن زبدية بورق نايلون . نقطع السويسرول لحلقات و نرصهم على داير الزبدية .

·         نضع الحشوة و نضع فوقها بقية قطع السويسرول ثم نغطيها و نضعها بالفريزر 3 ساعات تقريبا و بتكون جاهزة .






5 بيضات مفصولين الصفار لحال و البياض لحال
رشة ملح
كاسة سكر
كاسة طحين
معلقة صغيرة بيكنغ باودر
معلقة صغيرة فانيليا
ملون طعام أحمر (اختياري)

للحشوة :

2 كوب كريما
2 مغلف دريم ويب (أنا حطيت دريم ويب للتحلية ممكن تستغني عنها بإضافة حليب مكثف محلى أو سكر انت و ذوقك )
8 حبات كيري أو أي جبنة كريمية متل فيلادلفيا كمان
ملعقة كبيرة جيلاتين بودرة سادة (و اللي مو متوفر عندها الجيلاتين السادة فيها تحط جيلاتين بأي نكهة بتحبها متل الفريز بيطلع لونه حلو بس بدها تنتبه انه الجيلي بالنكهات فيه سكر)





• نحضر السويسرول: نخلط البياض مع رشة ملح حتى يصبح متل الكريما .

• نخلط الصفار مع السكر و الفانيليا حتى يدوب السكر و يصبح الخليط فاتح , نضيف ملون الطعام و نخلطه جيداً .

• ننخل الطحين و البيكينغ باودر و نضيفهم لخليط الصفار ثم نضيف البياض بالتدريج مع لتقليب بلطف من تحت لفوق كي لا نخسر الهوا في البياض المخفوق .

• ندهن صينية مستطيلة اما بالسمنة و رشة طحين يا بالطحينة و رشة طحين .

• نضع الخليط بالصينينة و نخبزها على درجة 180 مدة تلت ساعة تقريبا و اذا لم تستوي اتركيها أكتر .

• عندما تستوي تخرج فوراً من الفرن و تلف بمنشفة مطبخ مرطبة بالقليل من الماء و نتركها لتبرد .

• بعد أن تبرد تفرد بلطف كي لا تتكسر و تحشى بحشوة من اختيارنا , ممكن مربى فراولة و ممكن حشوة التشيز كيك التي سأذكر طريقتها و انا حضرتها بحشوة التشيز كيك .

• نجهز الحشوة : نخفق الكريما مع الدريم ويب حتى يصبح قوامها جامد .

• نذوب الجيلاتين بربع كاسة ماء مغلية .

• نخفق الجبنة و نضيفها للمزيج و نضيف الجيلاتين و نخلطهم جيداً .

• نبطن زبدية بورق نايلون . نقطع السويسرول لحلقات و نرصهم على داير الزبدية .

• نضع الحشوة و نضع فوقها بقية قطع السويسرول ثم نغطيها و نضعها بالفريزر 3 ساعات تقريبا و بتكون جاهزة .


  • وصفات تانية ممكن تعجبك


التعليقات

  1. semo 24 August 2009

    مممممممممممممممممممممممممممم

    شي بيشهي ما شاء الله

    شو هاللون الاحمر مبين لحفلة عيد زواج هالحلو

    اول مرة بشوف اكلة رومانسية

    الله يخليكن لبعض

    ويسلم دياتك على هالاكلة اللي منظرها بيدوب

    وخصوصا عالصيام كل سنة ونت بالف خير

    لك والله مشتهية شوفا لمنى وبوسا من بين عيونها

    لانها عرفتنا وجمعتنا بهالموقع الحلو

    والله مبارح كل اليوم عم ادعيلها

    الله يخليلنا ياها ويعطيها ليرضيهاوتشوف قطاطها الصغار باعلى المراتب

    يسلم هالايدين سوما وكل عام وانت بالف خير

  2. منى 24 August 2009

    سلم هل الديات , عن جد اغراء , و هل الطبق الحلو بين الاحمر , خلص عرفنا شو صار فيه لأبو الشباب , دور و الباقي علينا نحنا الي هون , شم و لا تدوق :cry

    الله يعطيكي الف عافية سمسومة و انا بانتظار الوصفة المقلمة التانية ;)

  3. منى 24 August 2009

    خليلي عينك يا سيمو على هل الدعوة , ان شاء الله انت و كل الغوالي على قلبك , دعوة من اخت لاختها بيوم صيام :)

  4. لارا مينا 25 August 2009

    الله سلم هالإيدين أخت سوما فعلا منظره أكثر من رائع ولازم نجربه أكيد بس كم عدد البيض في الوصفة؟
    واكيد بنخبرك بالنتيجة ورمضان مبارك عليكي .

  5. منى 25 August 2009

    هي وقعت مني اثناء النسخ و اللصق , هلا تم التعديل , الف شكر لارا للتنبيه :)

  6. ام نور 26 August 2009

    تحفة هالقالب لون الاحمر عاطي جمال الله يبارك فيكي وعقبال المية سنة زواج

  7. ام احمد الغالي 26 August 2009

    ماشاء الله شي رومانسي وطيب :)
    عن جد ضليت صفنانه بلصورة ماشاء الله كتير حلوة
    انا ما جربت السيسرول ولا مرة بس منظر هالقالب خلاني غامر يسلم دياتك يارب

  8. ام دانية 26 August 2009

    يمممممممممممممممم شو كلو حلو وباينتو طيب يسلم هل الديات

  9. Iman 27 August 2009

    يا الله يا سيمو على هاتشيز كيك المغريه. كتييييير عجبتني و عجبني كتير طريقه التقديم بتدل على ذوق رفيع. هممم راح اسميها شارلوت التشيز كيك لانها جامعه بين الاتنين. شكرا كتير على الوصفه. و يسلموا ايديكي.

  10. نوارة 27 August 2009

    الله يسلم دياتك فعلا اكلة رومانسية وشكلها بيغريكي انو تاكليها
    بس انا ما فهمت كيف بدي احشيها :? يعني انا بلف الكاتو وبعملو سويسرول بعدين بحط طبقتين ؟؟؟؟

  11. souha 27 August 2009

    السلام عليكم
    كل عام و أنت بخير مباركة طاعتك تسلم دياتك شي بيشهي و يارب تضلي انت و أبو الشباب دايمن لبعض :zzz
    بس بدي أسألك من وين جبتي الصبغة الحمرا لأنو فتل راسي و أنا عم دور على ملونات غذائية و ماكنت لاقي الله يعطيك العافية ;)

  12. بشرى 28 August 2009

    شي غرام وانتقام .. فايقة من بكير وعم اتفتل بالموقع وشفت هالصورة عم يخطرلي هلأ قوم جربه قد ما منظرو بيشهي :p

    يسلم ايديكي .. مرة عملت شبيه إلو بس بشوكولا كمان طلع طيب ومنظرو حلو الابيض مع الاسود .. يعني كفكرة ..

    بس الأحمر أحلى 8)

  13. رنا 28 August 2009

    ههههههه عيد زواجي بعد بكرا منيح عطيتيني فكرة ظريفة :p الله يسلم هالايدين المبدعة

  14. soma 2 September 2009

    السلام عليكم
    وصفتي نازلة بالموقع و أنا مالي دريانة عنجد لا تواخذوني كنت عم افتح الموقع و ما عم يفتح معي و بعدين انشغلت بتعرفوا الدنيا رمضان الله يعيده علينا و عليكم و بنتي الظريفة ألمى خانم ما بتخليني مد إيدي عاللابتوب لأن بتحب تكسره أو تخلعله زراره هيك هوايتها
    مالي عرفانة على مين بدي رد كلكم ذوق و حكيكم بيجنن و انشالله تضل بيوتكم عامرة بالحب و الرومانسية بتعرفوا أقرب طريق لقلب الرجل معدته و نحنا عم نعمل امستحيل ليرضوا الأفندية
    أما بالنسبة للملون الغذائي أخت سهى أنا مقيمة حاليا بالإمارات و مليان عنا منه بالسوبرماركات بقسم البيكينغ باودر و الفانيليا و هالقصص و انشالله شهرين أو تلاتة و نازلين نستقر بالشام اذا الله راد و ييسر ادعولي
    أما بالنسبة للسويسرول أخت نوارة فأنا بعد ما طلعت الكيك من الفرن دغري قلبته على فوطة مطبخ نظيفة و مرطبة بالمي و لفيته هوة و الفوطة مع بعض و تركته ليبرد و بعدين فردته شوي شوي مشان ما ينكسر بس ما رح ينفرد معك كتير و حاولت حط عليه طبقة الكريما و بعدين رجعت لفيته و رصيته بنايلون و بعد شوي قطعته و رصيته بالزبدية

  15. منى 9 September 2009

    :zzz

  16. لارا مينا 9 September 2009

    الله يسلم إيديكي أخت سوما فعلا مميزة عملت مثلك بالزبط بس عكست المعادلة يعني الكريما حمراء استخدمت فيها جلي فراولة والكيكة بيضاء لأن ماعندي صبغة وكمان خفقت الصفار قبل بعدين خفقت البياض علشان مايهبط وبس وحطيت صورة تطبيقي وأتمنى الأخوات يجربوه وإنتو خلصتوه بـ 3 أيام إحنا خلصناه بيوم واحد :grin

    [img]http://up4.m5zn.com/9bjndthcm6y53q1w0kvpz47xgs82rf/2009/9/8/04/rd081c72p.jpg[/img]

  17. ام عون 10 September 2009

    :eekيسلم الايادي ان شاء الله رح اعملها اليوم لزوجي

  18. منى 10 September 2009

    ان شاء الله تعجبه :) مية هلا ام عون

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)