تمر منيون


         وصفة : منى                 2009/09/18                 35 تعليقات
تمر منيون

·         تزال بذور التمر ثم يطحن على ماكينة فرم اللحمة مع الزبدة على الشفرات المتوسطة لمرة واحدة أو مرتان .

·         يكسر البسكويت ثم يضاف للتمر مع القرفة و القرنفل و يدعك الكل جيداً .

·         يشكل التمر بهيئة كرات ثم يغمس نصفه في الفستق و نصفه في السمسم و يقدم .


نصف كيلو تمر
نصف باكيت زبدة ( 100 غ )
2 – 3 باكيت بسكويت سادة
ملعقة صغيرة مسطحة قرفة
ربع ملعقة صغيرة قرنفل

للتزيين :

فستق ناعم
سمسم





• تزال بذور التمر ثم يطحن على ماكينة فرم اللحمة مع الزبدة على الشفرات المتوسطة لمرة واحدة أو مرتان .

• يكسر البسكويت ثم يضاف للتمر مع القرفة و القرنفل و يدعك الكل جيداً .

• يشكل التمر بهيئة كرات ثم يغمس نصفه في الفستق و نصفه في السمسم و يقدم .
  • وصفات تانية ممكن تعجبك


التعليقات

  1. سوزان 18 September 2009

    يسلمو ايديك عن جد شي بيجنن..هالاكلات الطيبة اللي الواحدما بيعرف شو بدويعمل ليعمل…اكيد رح جرب هالتمر منيون متل ما قلتي كتير مغذي خاصة للولاد…والله بكل وصفة بعملها بدعيلك كتير حتى اليوم عملت محشي كوسا وطلع كتير طيب …
    كل يوم بالليل بنيم ولادي وجوزي وبفتح الموقع مشان اقرا على رواء وما حدا يزعجني…

  2. منى 18 September 2009

    هلا سوزان :)
    انا كتير كتير مبسوطة فيك و بردك , بتعرفي انا متلك بحب الهدوء كتير و يكون الكل نايم و انا اما على النت او مع شي كتاب 8)

    الف الف صحة و هنا على المحشي و على كل شي جربتيه و ان شاء الله تجربي هل التمرات و يكونوا على زووءك

  3. dado 19 September 2009

    هاي منوش
    عجبتني كتير هالوصفة وانا بحب التمر كتيير وعندي عجوة.. وانشالله بحضرها عالعيد.
    بس دخيل عينك.. إيمتى منضيف الزبدة عالوصفة؟ ;)

  4. منى 19 September 2009

    هلا دالو :)
    ان شاء الله تجربيها و تحبيها حبيبتي , الزبدة منديرها مع التمر وقت الفرم على الماكينة لحتى يسهل هل القصة ;)

    عم استنى رايك بعد الدوقان

  5. semo 19 September 2009

    مع اني مو من عشاق التمر والعجوة بالذات

    يعني في انواع معينة بحبها من التمر بس اضافة البسكويت الو اكيد رح يعطيه طعم كتير طيب

    والواحد بيتشجع ياكل هالاكل اللي الواحد جهل هالايام فوائدو العظيمة

    مرة قرأت مقال انواللي ما بياكل 7 تمرات باليوم رح يندم على كل يوممر بدون حبات التمر

    من فوائدو العظييمة وخصوصا اللي عندها اطفال الطفل صعب ياكل التمر بس متل ماقلتي بهالطريقة بيرغب

    بعرف ولد صغير الله يخليه لاهلو من كتر ما بيحب الكرة اي شي مدور بياكلو على اساس انو طابة :grin

    يسلمو ايديكي يا منمونتي ويخليلك هالقطاط ويحميهن وكل عام وانت بالف خير وان شاء الله العيد الجاية بتكوني على جبل عرفة

  6. منى 19 September 2009

    لك سمسومة ليكون عم تحكي عن مروان :roll الله وكيلك الله وكيلك التلفزيون دوما على القنوات الرياضية , و بين اجرييه دوما في كرة , و لما بعصب من صوت الطرق و باخد الطابة الكبيرة بيلعب بطابة التنس و اذا خفيتها بيجيب كم ورقة و بيحطهم بجراب و بيلعب فيهم :grin
    اللمبادير على شكل كرة قدم و الساعة و شو ما بدك

    التمر فوائده لا تعد و لا تحصى و انا هلا صرت بحب التامر على اد مو مفيد , يا رب تجربيه و يكون على زووءك و الف الف شكر الك للدعوة الحلوة , ان شاء الله انا و انت و كل مشتهي يا رب :cry

  7. فوزه 19 September 2009

    شكرا كتير على هالوصفه انا بصراحه ماعندي اولاد بس بعمل اكلات بالتمر لما يكون رفقاتي و اولادهم عندي عم يزوروني و كل الاولاد بياكلوا و ثاني يوم الامهات بتتصل معي و بتاخد الطريقه :p

  8. لارا مينا 20 September 2009

    كل عام والأخت منى وجميع الأعضاء وكل حبايبهم بألف خير .. تحية من القلب إلى القلب بهذا العيد العظيم عيد الخير والعطاء والتسامح والتواصل وينعاد علينا جميعا أعوام وأعوام … بااااااي

  9. ام احمد الغالي 20 September 2009

    كل عام وانتو بخير
    ويسلم دياتك منوشه العسل
    على هالوصفات الطيبه

  10. dado 22 September 2009

    كيفك منوش
    كل عام وإنتي وكل الصبايا بألف خير.. آسفة تأخرت بالمعايدة.. بس ما صحلي.
    جربت هالأستاذ منيون.. شي بياخد الأعل ;)
    جربته مع سمسم بس لأنو كنت عم حضره الساعة أربعة الصبح وما كان عندي فستق.
    على فكرة عملته بالحليب المغلي مو بالزبدة وكتير كتير طلع ظريف ومتماسك.. ومريح للضمير 8)
    شكرا منوش

  11. منى 24 September 2009

    هلا فوزة :)
    الف صحة و هنا على الب رفقاتك و قطهم , باين جمعاتكم غير شكل .

    نورتي و نور الموقع فيك اختي و اتمنى تجربي الوصفة و تكون على زووءك و تعجب كمان الضيوف ;)

  12. منى 24 September 2009

    هلا لارا يا قمر :)
    و انت كمان ينعاد عليك بالخير و الطاعة و البركات تكون عليك و حواليكي و بقلبك و ببدنك و يا رب السنة الجاية نكون احسن من هل السنة بكتير في الدين و الدنيا

  13. منى 24 September 2009

    هلا دالو القطة :)
    انا الي اتاخرت , بس بتعرفي صار الي كم يوم حاسة حالي ما عم امشي عم طير من كتر العبطة و المشاوير و الروحات و الجيات , يلا ان شاء الله السبت بترجع الحياة للرتم العادي .

    هنااا و الف الف عافية و صحة و بتعرفي متل ما عملتي , انا كنت مفكرة طريقة سيما بدها اختراع , طلع بس تكر و حليب مغلي و بعدها منشلف البسكويتات و خلصت خلصنا . بقى يا ستي هنا و الف عافية على البك و الب ضميرك و ان شاء الله رح اعملها انا كمان قريب بالحليب :zzz

  14. نوارة 26 September 2009

    الله لا يحرمنا من وصفاتك
    يعني جد وقت ما بعرف شو بدي اطبخ بدخل لهون
    جربت هديك المرة دجاج بريمفيرا بجنن كتير كتير طيب
    وبكرة رح اعمل شيخ اللمحشي مطبق
    بس سؤال باكيت البسكوت بهالوصفة كم غرام
    وسلام

  15. منى 27 September 2009

    هنا و الف صحة نوارة :) على كل لقمة اكلتيها او ناوية تاكليها عنا .

    هل التمر ان شاء الله رح يعجبك , البسكويت حوالي 100 غ للعلبة الواحدة , هلا بتعرفي بسكويت سامي , كان وزن العلبة 100 غ بس هلا مع الغلا صار 80 غ , بقى انتي بتضيفي لحتى يطلع عندك شي بيشبه السوكسيه الي منعرفه ;)

  16. رنا 28 September 2009

    ههههههههه عن جد اول وصفة لمنى خانم بقدر اتحكم فيها بالمقادير …بالعادة كله بيكون عالميلي :grin وشفت ردك لدالو على طريقة سيما كيف بتشتغل وتذكرت اكلة قال بدها تعملها سلفتي برمضان مابعرف اذا بتعرفيها هي صايرة بسكويت شاي بتطحنية وبتحطي معه حليب مكثف بعدين بتقسمي العجينة وبتخلي نصها بالكاكاو بتبرمي العجينة السودا وبتغلفيها من النص التاني العسلي بتصير على قولة اهل حلب دقماق ممكن انك تدحرجيها بالمكسرا وتخليها تاني يوم بالفريزر بعدين بتتقطع …المهم طحنت سلفتي شي 5 علب بسكويت وحطت فوقهن علبة حليب مكثف …المهم ماصارت عجينة قابلة للتشكيل ابدا …وياحرام طلبت مني مساعدة قال رنا حطلها حليب لبين ماتنعجن :roll قلتلها لا ..المفروض تتقيدي بالوصفة …قالتلي شو اعمل :upset مافي حدا يجبلي حليب مكثف …قلتلها ولا يهمك انا بساويلك …المهم طبختلها حليب مكثف وقعدنا نكت ونعجن نكت ونعجن لبين ماصارت عجينة وزبطت بس شو القصة انه طلعت حللللللللللوة كتير …بس طيبة يعني ماشي حالها اتصلت سلفتي باختها يلي عطتها الوصفة وقالتلها هيك طلعت حلوة كتير …قالتلها ليش تتفالحو تحطو حليب مكثف حطوا حليب عادي وخلصت القضية :sigh انا اتطلعت هيك وقلت يمكن مابقى تستشيرني بعمرها :sigh الاحلى منها انه من كتر ماكترت الوصفة من ورا اختراعاتي زاد حجمها كتير وطلعت بالنهاية عصايتين بس كباااااااار كتير وطوال يعني بالزور وسعوا بالفريزر …اجا جوزي المسا فتح الفريزر قال ولي شو هاد …قلتله هي مشان اذا حدا فكر يعذب مرته :grin
    يمكن حكيت كتير بس مابعرف فيقوني اليوم الصبح البنات وحدة بدها نونو ووحدة بدها ترضع قام فقست النومة وعملت صبحية عالموقع بقا بدك تتحملي :grin
    وبالنسبة لوصفتك انشالله رح جربها باقرب وقت لانه عن جد بترضي الكبار والصغار :)

  17. رنا 28 September 2009

    بس حبيت ضيف شغلة ….قريت كم يوم معلومة عن الحكمة من تناول عدد فردي من التمر وحبيت شارككم فيها

    حذر الأطباء من الاكثار من تناول التمر للاشخاص المصابين بمرض السكري لانه يرفع نسبة السكر لديهم
    كما حذر الاطباء المصابون بامراض الكلى من تناول التمر لانه يرفع نسبة البوتاسيوم لديهم
    وحثت السنة النبوية على تناول التمر باعداد فردية (3 .. 5 ….7 )على سبيل المثال
    فقد اكتشف باحث امريكي مؤخرا فائدة تناول التمر باعداد فردية اذ تبين له ان تناول التمور باعداد فردية تتحول السكريات الى كاربوهيدرات تكسب الجسم طاقة
    اما اذا تم تناولها باعداد زوجية تتحول الكاربوهيدرات الى سكاكر وبوتاسوم مما تتسبب في التأثير على وظائف الكلى

  18. gsm 10 October 2009

    سلامة عليكم منونة بجد هي الوصفة بتشبه وصفة ماما كانت تعملنا ياها بس كانت تحط توابل متل القرنفل وهيل وقرفة وتحطلها شوية زبدة بعدين تدعبلها وتحطلها يا فستق يا جوز هند يا سمسم بس انا إمبارح اخدت وصفة جاتو بالتمر والجوز انا كتيير بحب هل الجاتو من إيدين ماما بس رح اعملها وإذا نجح معي رح ابعتلك الوصفة لأنو عن جد كتيير مغذية طولت عليك ما تواخينا

  19. منى 11 October 2009

    لك رنون ما بعرف وين طار ردي , المهم كتبتلك رد طويل عريض و كنت عم اشرب قهوة معك بالصبحية :zzz

    الحليب المكثف المحلى مع البسكيت ما كتير حبيت طعمته , هيك حسيته صار شي بيشبه اكل الاولاد الي مو كتير طيب

    دخلك بقيان عندك من هل العصاية :grin

    بس مشان الاولاد , ما يروح فكرك لبعيد

    ان شاء الله الك الاجر و الثواب على تربية الاولاد و اصبر عليهم , بهل العمر بيجننوا الي ما مشتهي يجن .

    كمان الف شكر الك للمعلومات الي ضفتيها عن التمر , يا ستي شو ما اجا بالحديث او القران نحنا علينا ننفذ و بس لان منعرف انه صح :zzz

  20. رنا 12 October 2009

    صح بيصير بيشبه اكل الاولاد شلون بتعرفي :grin
    ياستي شفت بالموقع وصفة بتشبهها تبع كرات التويكس بس هديك بالتوفي وفي طريقة للتوفي انه بتحطيها ببمي سخنة للحليب بتصير توفي بس انا مو مجربة
    ياستي شكرا الك على ردك واهتمامك والله يخلي ولادك يارب :grin ويصبرني

  21. منى 16 October 2009

    رنونة عرفت لاني بزمناتي مجربة وصفة لمنال بنفس المبدا :roll

    الله يصبرك و ان شاء الله بتنفرج عليكي قريب , هل اصعب و احلى ايام , اتهني فيها :zzz

  22. منى 16 October 2009

    هلا gsm:)
    الله يخليلك ماما و يديمكم لبعض بصة و عافية :zzz
    رح استنى منك وصفة الكاتو الي قلتي عليه و ان شاااء الله بينجح معك و يصير تمام ;)

  23. gsm 27 October 2009

    سلام عليكم منونة انا امبارح لجربت الجاتو التمر هو كتيير نجح معي بس المشكلة انو الجوز والتمر نزل للقاع مع انو اتبعت الطريقة من ماما بحذافيرها ما بعرف شو المشكلة على كل كمان اسبوعين نازلة لعندن زيارة ان شاء الله ببقى بشوف كيف بتعملها وبارسلك المقادير لأنو حاسة هلق في شي غلط يمكن عم تطلع معي الجاتو مريقة شوي

  24. نوران 7 November 2009

    السلام عليكم
    الله يعطيكن العافيه
    انا صار مكتشفه هالموقع من كم يوم
    بس جربت وصفات جدا رووووعه
    جربت كاتو بحشوة السنكرز واخذت منه عالحديقه كتير كان طيب
    وعملت اليوم معكرونه بالباشميل كانت تحفه يسلمو ايديكن كتيير
    وبالنسبه لهالوصفهطيبه كتييير بس انا كنت اعملها بمعجون التمر بدون زبده ولا بسككوت واعملها كرات واحشيها جوز واغلفها بجوز الهندبس هاي حلوة كتير فيها اشياء منوعه خصوصا للاولاد وان شاء الله نستفيد منكم اكتر الله يعطيكن العافيه

  25. خولة 3 June 2010

    أهلين منى

    ممكن تستبدلي البسكويت بالكورنفلكس المجروش ويطلع الطعم مقرمش وحلو ..

    وممكن نفس التمرة تفتحيها من النص وتحشيها ببسكوت مجروش مع الطحينية والمكسرات

    بالهناء والعافية :zzz

  26. منى 3 June 2010

    هلا غفران :)
    ان شاء الله تزبط معك و انا بانتظار الطريقة ان شاء الله ;)

  27. منى 3 June 2010

    هلا نوران :)
    مية هلا فيك اختي و الف الف هنا على البك بكل شي جربتيه .

    ان شاء الله تجربيها و تكون كمان على زووءك , نورتي اختي ;)

  28. منى 3 June 2010

    هلا خولة :)
    الف شكر الك للاضافة , ان شاء الله بجربه قريب

    البسكويت و الطحينة جربتهم مرة و كانوا طيبين كتير
    شكرا الك للاضافة و منورة اختي

  29. رهف 11 November 2010

    السلام عليكم ورحمة الله وبركاته: كيف حالك أختي منى
    كنت عبفكر شو رح أعمل حلويات جديدة للعيد فقلت مالي منى وأكيد عندها الحل فان شاء الله رح أعملها لاني الظاهر كتير طيبة ورح جرب كمان مهلبية الفراولة
    سلامي الحار لحضرتك

  30. منى 11 November 2010

    جربيها و ان شاء الله ما بتندمي , كتير مناسبة الوصفة

    شو رايك تجربي مهلبية الشسوكولا , خطيرة و خصوصا اذا في اولاد :zzz

  31. رهف 26 November 2010

    السلام عليكم أختي منى:
    جربتوا عالعيد وبصراحة كلمة طيب قليلة كتير الطريقة سهلة والطعم رائع تسلم ايديكي وفي عندي رفيقة عراقية طلبت طريقته

  32. لينا74 15 April 2011

    مرحبا منى
    شلونك حابة اعرف البسكويت مطحون بودرة ولا مكسر على فكرة من خلال حكيك عن نفسك قبل ماتكتبي الوصفات حسيت اني بعرفك بتتذكري جيرانكم بيت بشير صباغ وبنتهم لينا يلي تزوجت على فرنسا هي انا اذا ما تذكرتيني اسالي امك عنا وحابة راسلك اذا ما في مانع بس ما بعرف شلون وبس اجي لسوريا منشوف بعضنا انشاء الله وشكرا على الوصفات الحلوة وعلى هالمواءدالمرتبة

  33. لينا74 16 April 2011

    مرحبا منى سالتك سؤالين بس ما رديتي علي بعدين بدي اعرف عرفتيني ولا لاء لو سمحتي ارجو الرد وشكرا

  34. منى 21 April 2011

    هلا لينا :)
    هلا مامام مسافرة بس انا بتذكر انو كان عنا جيران بيت الصباغ كانوا ساكنين بالطابق الاول و بذكر اسم واحدة من البنات اسمها ياسمين , بقى هي اختك ;)

    بكل الاحوال الدني صغيرة و الناس كلها بتعرف بعضها بس يحكوا كلمتين

    فيك تبعتيلي عن طريق اتصل بنا , او بالفيس بوك و ان شاء الله بتوصلي بالسلامة و منشوف بعض ;)

    البسكويت لهل الوصفة مكسر
    ان شاء الله تجربيه و يكون نمي نمي , ر ح استنى رايك ان شاء الله

  35. لينا74 27 April 2011

    مرحبا منى شلونك بتشكرك انو رديتي علي جربت وصفة التمر وعجبتني كتير واذا عندك وصفات حلوة للتمر بتمنى تحطينا ياهن …وعلى فكرة فعلن انا اسم اختي ياسمين ونحنا كنا ساكنين في الطابق الاول وهلق تاكدت تماما انو انتي منى بنت جيرانا فرحتيني كتير وعندي طلب تاني لوسمحتي كلما بتعملي عزيمة او بوفيه تصوريهن. لانك مزوءة كتير في الطبخ وترتيب السفرة وشكرا لك كتير.

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)