فتة المقالي


         وصفة : منى                 2009/09/17                 33 تعليقات
فتة المقالي

·         تقطع البصلة لجوانح رقيقة ثم تدعك بالسماق و تترك جانباً حتى اعداد بقية المقادير .

·         ترفع اوراق البقدونس عن العروق ثم تغسل و تترك حتى تجف . تخلط مقادير الصلصة و يضاف القليل من الماء إذا دعت الحاجة , الصلصة يجب أن تكون متوسطة السماكة .

·         تقطع الخضار لمكعبات ثم تقلى بالزيت كل نوع على حدة , ترفع و ترش بالملح و توضع على ورق ماص .

·         تقطع الخسة باليد لقطع كبيرة ثم تفرش في طبق التقديم .

·         تخلط الخضار المقلية مع الحمص و البصل المتبل و تقلب بلطف ثم ترتب فوق الخس , يوزع البقدونس و الخبز المقلي على وجه الفتة .

·         قبل التقديم مباشرة توزع الصلصة على الفتة و تقدم فوراً .






نصف كيلو كوسا
نصف كيلو بانجان
نصف كيلو بطاطا
كوب حمص مسلوق
نصف خسة صغيرة
رغيف خبز محمص
حبة متوسطة بصل
ملعقة كبيرة سماق مطحون
نصف باقة بقدونس

الصلصة :

2 كوب لبن زبادي
3 ملعقة كبيرة مايونيز
فنجان صغير طحينة
فص ثوم مهروس
رشة ملح
القليل من الماء





• تقطع البصلة لجوانح رقيقة ثم تدعك بالسماق و تترك جانباً حتى اعداد بقية المقادير .

• ترفع اوراق البقدونس عن العروق ثم تغسل و تترك حتى تجف . تخلط مقادير الصلصة و يضاف القليل من الماء إذا دعت الحاجة , الصلصة يجب أن تكون متوسطة السماكة .

• تقطع الخضار لمكعبات ثم تقلى بالزيت كل نوع على حدة , ترفع و ترش بالملح و توضع على ورق ماص .

• تقطع الخسة باليد لقطع كبيرة ثم تفرش في طبق التقديم .

• تخلط الخضار المقلية مع الحمص و البصل المتبل و تقلب بلطف ثم ترتب فوق الخس , يوزع البقدونس و الخبز المقلي على وجه الفتة .

• قبل التقديم مباشرة توزع الصلصة على الفتة و تقدم فوراً .
  • وصفات تانية ممكن تعجبك


التعليقات

  1. semo 17 September 2009

    ياسلام شي كتير حلو

    من يومين كان بدي اعمل فتة فروج قلت رح ادخل على موقع منى شوف طريقتها بعمل الفتة

    دورت بكل الاقسام مالقيت ولا فتة موجودة

    استغربت كتير وان شاء الله هي بتكون بداية الفتات

    لان الموقع بحاجة الها متل فتة المكدوس والحمص والفروج واللحمة

    او بالاحرى نحنا بحاجة الها :grin

    الله يخليلنا ياكي يارب نحنا طمعانين فيكي كتير بس هادا من عشمنا فيكي وكرمك اللي ما الو حدود

    مبارح جربت صينية التوست وطلعت شي فخم كتير ودعيتلك بعدها كتير دعوة صافية من القلب

    وعلى فكرة هي الفتة جديدة على

    نحن بحماة ما بنعرفها اكيد هي حلبية رح جربها واعطيكي خبر ان شاء الله

  2. ام دانية 17 September 2009

    شكلها حلو كتير وباينتها طيبة ان شاءالله رح جربها يسلمو هل الديات :zzz وعلى فكرة باينتا العزيمة كانت غير شكل الله يديم المحبة بيناتكن

  3. منى 17 September 2009

    هلا سمسومة :)
    ايه و الله تكرم عيونك و عيون كل الاخوات ان شاء الله رح نزل كل الوصفات , يا الله هل المطبخ شو ما حطيتي فيه بيبقى ناقص 8)

    هنا و الف الف صحة على التوست , كتير انبسطت انها عجبتك و انك جربتيها و اتمنى كمان تجربي هل الفتة , و هي الوصفة مو حلبية , هي جديدة و ابتكار جديد من وصفة أصلية ;)

  4. منى 17 September 2009

    هلا ام دانية :)
    ان شاء الله تجربيها و تحبيها و ممنوتك انا كتير اختي للمرور , سلامي لاخواتك كلهم ;)

  5. لارا مينا 17 September 2009

    أنا بضم صوتي لصوت الأخت سيمو
    فعلا بحاجة وصفات الفتات على أنواعها..
    وأنا كنت ناوية أعمل فتة الحمص ودورت مالقيتها فبطلت أعملها مع إن عندي كتب طبخ كثيرة موجودة فيهاالوصفة
    بس بصراحة ماصرت أثق غير فيكي خصوصاالوصفات السورية القديمة والشعبية مثل الفتات وغيرها.
    تحياتي :)

  6. هنادة 17 September 2009

    الأخت المحترمة منى :
    شكراً على هالأكلة وأنا من هواة الأكلات الغريبةبالطعم و الشكل و المضمون و شكلها مغري و مكوناتها جداً طيبة كل واحد لوحدة فكيف إذا كانت مجموعة في طبق واحد .
    بس بدي أعرف أختي الغالية إذا كان عندي وصفة لأقدمها لكم فقط ارسلها إيميل عادي وأنتم تقومون بعمل باقي الخطوات. لك مني كل الشكر و الاحترام. :zzz

  7. منى 18 September 2009

    هلا لارا :)
    تكرم عيونك الحلوة حبيبتي و انا كتير بشكر ثقتك في و كلامك الطيب , ربي يديم المعروف و يجمعنا في جنة عرضها السموات و الارض :)

  8. نور الأسلام 18 September 2009

    السلام عليكم كيفك منى تحياتي الك :) ولكل الاخوات حبيت اسلم عليكي ويسلمو اديك هي فته جديده انا بعمل فتة الدجاج رح جربها انشاء الله وعزيمة السحور بتجنن والله يديم المحبه وبيتك عطول انشاء عامر بالحب والخير تحياتي وكل عام وانت بخير :)

  9. منى 18 September 2009

    هلا هنادة :)
    نورتي و شرفتي و اتمنى تجربي هل الوصفة و تكون متل ما بتحبي

    اذا حابة تشاركي بايا وصفة فممكن ترسليها كرد عادي او تبعتيها كايميل و انا رح كمل الباقي ان شاء الله ;)

  10. منى 18 September 2009

    هلا نور :)
    اشتقتلك صار الك فترة غايبة عنا , ان شاء الله تكوني مشغولة بالخير و تكون صحتك تمام انتي و كل العيلة

    كل سنة و انتي كمان سالمة و بخير و يا رب تجربي الوصفة و تعجبك :)

  11. نادين 25 September 2009

    كيفك منى يسلم ايديكي يارب وانا كتير متشجعه اعملها بس سؤالي انو بهي الحاله هي فته باردة بتكون مو متل باقي الفتات
    شكرا الك

  12. نوارة 26 September 2009

    الله يسلم دياتك ياميمو انا من وقت ما شفت اسمها عم بستنى تنزل يعني شكلها بجنن وانا بحب الفتات يعني ضروري اجربها

  13. منى 27 September 2009

    هلا ندوش :)
    هي فتة باردة مو سخنة , او فيك تقولي فاترة , غير عن بقية الفتات بس يممم يمم

  14. منى 27 September 2009

    هلا نوارة :)
    يا رب يا رب تجربيها و تكون على زووءك , مستاهلة و انا رح استنى رايك بعد التجربة ان شاء الله , و صحة و هنا على قلبك و قلب محمد و البي بي :zzz

  15. نادين 27 September 2009

    يااااااااااااااااااااااااااي يا منى ما بتصدقي شو صار
    انا عم اقلي وكنت كتير كتير خايفه ومابعرف شو طالع اكل وشغلات من شان حسان قول اذا كانت مو طيبه او ما حبها
    وهو يقلي جوعان وانا خاف اكتر انو ما يحبها وهو اكل اممممممممممم قلي تسلم ايديكي متل بالدعايات هههههههههههه
    كانت كتير كتير طيبه و طبعا عملت دعايه الها والكل يقلي من وين من لقمه طيبه
    يسلم ايديكي بس انا ضفت شغله وحدة وهي اني تبلت المقالي بشويه سماق وفليفله حمرا
    شكرا الك

  16. رنا 28 September 2009

    ياعيني شي طيب والله

    ياستي وصفتك بتشبه وصفة لقيتها عالنت اسمها فتوش تركي ..طبقة خبز محمص وفوقها قطع باذنجان مقلية …بعدين بقدونس وبصل اخضر مفروم وفوقها صوص اللبن نفسه …كتير طيبة
    ويمكن وصفتك اطيب واطيب لان فيها بطاطا …لازم جربها ;)

  17. منى 28 September 2009

    هلاا ندوش :)
    و الله و الله حسيت فيكي , مارق كتير على راسي اخت هل الموقف و بيكون البي على كفي ليقوم ينتزع مراق العيلة كلها على الغدا بسبب واحدة من تجاربي :roll

    الف الف هنا على البك و الب الباشا و ممنونة كتير ثقتك في و تجربت الوصفة و كمان الدعاية الي عملتيها :zzz

  18. منى 28 September 2009

    هلاا ندوش :)
    و الله و الله حسيت فيكي , مارق كتير على راسي اخت هل الموقف و بيكون البي على كفي ليقوم ينتزع مراق العيلة كلها على الغدا بسبب واحدة من تجاربي :roll

    الف الف هنا على البك و الب الباشا و ممنونة كتير ثقتك في و تجربت الوصفة و كمان الدعاية الي عملتيها :zzz

  19. منى 28 September 2009

    هلا رنونة :)
    اي هل الوصفة فيك تعمليها بالبانجان او بالكوسا او بالبطاطا حسب المتوفر و بالتلاتة اطيب الشي ;)

    جربيها و ان شاء الله رح تحبيها كتير

  20. رنا 28 September 2009

    الف مبروك ندوشتي لنجاح الوصفة …صايرة معلللللمة ياخيتو ….بكرا لازم جربها لشادي ….حاكم حماتي مسافرة وهو واقف عالدقرة والنقرة :sigh ذوقه مو كتير صعب بس انا مو كتير بعرف اطبخ …هداك اليوم عملت سلق بزيت عطاني 4 من عشرة بس :grin

  21. منى 28 September 2009

    يا حبيبي , عنده كمان دفتر علامات , قوليلو لكن يحسن علاماتو و الا رح يفيق شي يوم و يعطيكي غياب و يبقى هو يورجينا عضلاته :grin

  22. رنا 29 September 2009

    ههههههههههه والله افكارك خطيرة مامنوشة …وين كنتي مخبيتيها والله الخبرة الها دورها حتى بالزواج …ياستي لنشوف اليوم قديش العلامة بالعجة :grin من يومين عملت كوسا محشي مكشر على قولته …لاني نسيت حط دبس بندورة بالحشوة ..بس طيب يعني مااشبه شي :grin

  23. منى 29 September 2009

    ايه طبعا الخبرة الها , خبرة تناعش سنة انا , سنة ورا سنة منتعلم فيهم نطنش و نكون ااقل حساسية و اكتر ثقة و عرفانين حالنا شو عم نعطي و اديه هو مهم و مو مستنين علامات من حدى :zzz

  24. ام نور 29 September 2009

    يا سلام على هالفتة غير شكل سلم دياتك منى وبضم صوتي لا انصار الفتة   :)

  25. منى 30 September 2009

    تكرم هل العيون الحلوة ام نور :)

    ان شاء الله تجربي هل الفتة و تعجبك كمان

  26. رنا 30 September 2009

    يااااااااااااااااي كلامك بيجنننننن ;)

  27. عاشقة البطاطس 4 November 2009

    اختي كيف اكتب تعليق ووين وايش اضغط :cry

  28. منى 5 November 2009

    رنونة الحلوة :)

  29. عاشقة البطاطس 5 November 2009

    ههههههههههه لان العليق يتاخر احسبه مازبط
    تسلمين يا قمر

  30. منى 5 November 2009

    الله يسلمك حبيبتي , معلش هادا لان لساك جديدة معانا و ما اتعرفتي على نظام الموقع مزبووك , مرة تانية شرفتي و نورتي و ميييية السلامة :)

  31. منى 5 November 2009

    أختي عاشقة البطاطس , تعملي متل ما عملتي تمام لمن كتبتي التعليق السابق ;)

  32. na3oom 28 March 2010

    يا سلام أديش اشتهيت عليها
    ممكن سؤال على طريقة قلي نور
    لأني مابريد أقلي الخضرة كتير بس عند الحاجة ضيوف يعني

  33. ام هادي 22 May 2012

    شو مشان فتة المكدوووووووووس
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟
    ؟؟؟؟
    ؟

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)