براونيز بكريما الخمس دقايق السرية· في البداية نخفق البيض مع بشر الليمون والبرتقال والفانيلا ونضيف السكر بشكل تدريجي
نستمر بالخفق حتى يبهت لون الخليط ويتضاعف حجمه
· نبدا بإضافة الطحين للمزيج بشكل تدريجي مع مراعاة التحريك بنفس إتجاه حركة الخلاطة الكهربائية لمنع خروج الهواء من الخليط
· بعد ان نقوم بإضافة الطحين كاملا
· نضيف عصير البرتقالة ونستمر بالتحريك البطيء للحصول على مزيج متجانس
· اخيرا نضيف الزبيب المنقوع بعد ان نقوم بتجفيفه نضع نصف الكمية ونحركها بالمزيج والنصف الآخر نضعه بعد انو نقوم بصب المزيج بالقالب
· نكون قد حمينا الفرن على درجة 180
· في أول 10 دقائق نترك درجة الحراة 180 بعد ذلك نخفضها لل 160 حتى نحافظ على طراوة الجاتو
· ملاحظة : ممكن أن نضيف معلقة صغيرة من الطحين على الزبيب ونخلطها معه بحيث نضمن ان يتم تغليب كامل الحبات وهذا يساعد على بقاء حبات الزبيب في منتصف الجاتو وعدم نزولها للقاع وصحتين وعافية.
4 بيضات
كاسة طحين
ثلاث أرباع كاسة سكر
بشرة ليمونة كاملة وبرتقالة كاملة
عصير برتقالة واحدة
رشة فانيلا
معلقة صغيرة باكينج باودر
نصف كاسة من الزبيب المنقوع في الماء الساخن
• في البداية نخفق البيض مع بشر الليمون والبرتقال والفانيلا ونضيف السكر بشكل تدريجي
نستمر بالخفق حتى يبهت لون الخليط ويتضاعف حجمه
• نبدا بإضافة الطحين للمزيج بشكل تدريجي مع مراعاة التحريك بنفس إتجاه حركة الخلاطة الكهربائية لمنع خروج الهواء من الخليط
• بعد ان نقوم بإضافة الطحين كاملا
• نضيف عصير البرتقالة ونستمر بالتحريك البطيء للحصول على مزيج متجانس
• اخيرا نضيف الزبيب المنقوع بعد ان نقوم بتجفيفه نضع نصف الكمية ونحركها بالمزيج والنصف الآخر نضعه بعد انو نقوم بصب المزيج بالقالب
• نكون قد حمينا الفرن على درجة 180
• في أول 10 دقائق نترك درجة الحراة 180 بعد ذلك نخفضها لل 160 حتى نحافظ على طراوة الجاتو
• ملاحظة : ممكن أن نضيف معلقة صغيرة من الطحين على الزبيب ونخلطها معه بحيث نضمن ان يتم تغليب كامل الحبات وهذا يساعد على بقاء حبات الزبيب في منتصف الجاتو وعدم نزولها للقاع وصحتين وعافية.
يسلم هل الديات غفران , شكلها بيشهي
و مو صعبة
ها انا ايا كاتو ما فيه زيت او زبدة بيخفس معي الا اذا خفقت البياض لوحد و الصفار لوحد , بس انتي طريقتك فيها شي جديد و هو طريقة الخبز , يمكن هادا السر الي ناقص , بقى رح جربها و خبرك شو بيصير معي
ان شاء الله
السلام عليكم ورحمة الله وبركاته. كيفك عزيزتي غفران إن شاء الله تكوني منيحة شكلوكتير طيب ورح جربو باقرب فرصة انا حابة احكي معك وقت بتكوني فاضية انا دائما اون لاين وتسلم دياتك عل الكاتو
هلا gsm
تسلم دياتك على هالكاتو أنا بعمل شي بيشبهو بيطلع كتير طيب و يتفوح ريحة البرتقال بكل البيت الله يعطيك العافية
منونة أنا من فترة شهرين بعتلك وصفة شوربة يا ترى إميتى رح تنشريها
سلامي لكل الصبايا
ام السوس مشان الله لا تزعلي مني , ما شاء الله الوصفات كتيرة و انا عم يخطر ببالي انشر الوصفة اول ما بتوصلني و ببقى بحطها على الصفحة الرئيسية بعدين , لان عم حس ان الاخوات عم يزعلوا مني للتاخير :roll
الله يسلمك يا منى كتيير انبسطت لما دخلت ولاقيتك منزلة الوصفة بس في ملاحظة انا نسيت اكتبها انو لازم تضيفي الطحين معلقة معلقة للخليط وما بتضيفي اي كمية طحين لحتى تتجانس الكمية السابقة وكمان ما بنضيف العصير لحتى نحصل على مزيج متجانس يسلموا ايدك ويا ريت تنزليلنا صورة من تطبيقك
اهلين وسهلين ام تسنيم ان شاء الله تجربي الجاتو ويطلع على ذوقك يا ستي انا حاليا فاضية وكمان على طول اون لاين مييت السلامة يا ستي :zzz
اهلين اخت سهى الله يسلمك يا رب انا كتيير بحب نكهة البرتقال والليمون بالجاتو وبالفعل بتصير ريحة البيت غير شكل يا ريت تجربيه وتخبرينا على النتائج
يسلم إيدكي يا غفران
شكله كتير طيب و خفيف ‘ خصوصي إنه بدون زبدة أو زيت
إن شاء الله بجربه قريبا.
أنا اشتريت الماكينة اللي بتعمل أيس كريم و حابة جرب فيها البوظة العربية
بقى إذا عندك وصفة يا ريت تدعمينا فيها ع السريع
يعنى إذا ما فيها سقالة 8)
لا و الله ميوسة ما عندي وصفة مجربتها و طالعة تمام :roll
الله يسلم ايديك غفران البارحة فورا جربتو عندي مقاديره وطلع شي نظم لون وطعمة بتعرفي انا زدت المقادير للضعف منشان القالب عندي المهم بعد ما طلع بيجنن قلت منيح اني ضاعفت المقادير وخفيف كتير كتير شكرا لك غفران كان لذيذ وسهل وما شاء الله تسابقنا على اكله شكرا لك وجزاكم الله عنا كل خير
يسلمو عالوصفة أخت gsm بس لو سمحتي تعطينا تقريبا كمية عصير البرتقال بالكوب لأن بتعرفي أختي بتختلف الكمية حسب حجم البرتقالة وكمان في أنواع برتقال فيها عصير أكتر من غيرها وشكرا مرة تانية :zzz
مو مشكلة و لا يهمك
هلق أنا عندي وصفة بس بدها كتير تعديلات ، فقلت بآخد من عندك شي مضمون
يالله، إن شاء الله إذا جربتها و ظبطت رح إبعتلك ياها.
الله يسلمك غيوثة كتيير انبسطت انك جربتيه وعجبك وصحتين وهنى على قلبك وعلى قلب كل مين اكله :zzz :zzz
السلام عليكم اخت ميساء بالنسبة لكمية العصير تقريبا بنحتاج لربع كوب من عصير البرتقال إن شاء الله تجربيه ويطلع على ذوقك :roll
هاي اخت منى انا كل يوم بطل عالوصفات ازا زادو انشاالله يباركلك هالموقع انا عم انتظر الوصفات يلي وعدتينا فيهم مشان عيدالام ولاتنسي الكليروالسينابون الله يوفقك عم استناكي ماعندي ثقة الابوصفاتك بجربهم عالعمياني :roll
تكرم عيونك و الله يديم المحبة و المعروف دوما
يسلمو هالديات على هالوصفات الحلوة
عندي سؤال لخبيرات الجاتو
انا بعمل جاتو كتير طيب وبتابع كل الوصفات لطور الجاتووالحمدلله كل مرة بيطلع اطيب واطيب، بس ملاحظة انو اطراف الجاتو بتطلع قاسية شوي ما بعرف شو السبب، يعني الجاتو كلو هش وطري كتير بس الاطراف شوي قاسية شو السبب ممكن يكون :roll
ممكن تكون الصينية الها علاقة , هل المشكلة بتصير لما بتستعملي صواني تيفال , و ممكن انك عم تزيدي الخبز
انا بستعمل وعاء بايركس والخبز ما بزيد الوقت
يمكن الحرارة العاليه اول ما بحط القالب بالفرن السبب؟
ممكن , بكل الاحوال هب المشكة ممكن تنحل اما بتخفيض درجة الحرارة لل 170 درجة و تاني شي اذا ما نجحت اول حركة ممكن تنقصي وقت الخبز كم دقيقة , نجرب و نشوف
يسلمو يا منى ، كلك زوق بجد ، ربنا يخليكي النا ولحبايبك يارب