براونيز بكريما الخمس دقايق السرية· يوضع الحليب و البيض و الفانيليا و السكر و الطحين في خفاقة العصير و يمزج الكل حتى الحصول على مزيج متجانس .
· يوضع مزيج الكاسترد على نار متوسطة و يقلب الكل بمضرب سلك حتى يغلي و يبدأ بالسمك .
· يبعد الكاسترد عن النار و تضاف الزبدة و يقلب حتى تذوب الزبدة و تمتزج مع الكاسترد ثم يؤخذ مقدار نصف كوب تقريباً من الكاسترد و يمزج بالشوكولا و يقلب بسرعة حتى تذوب الشوكولا بحرارة الكاسترد .
· في طبق بايركس تمد طبقة من البسكويت ثم طبقة من الكاسترد بالحليب و تكرر العملية حتى انتهاء كمية الكاسترد بالحليب و البسكويت على أن تكون أخر طبقة بسكويت .
· تمد طبقة كاسترد الشوكولا فوق أخر طبقة من البسكويت و يوضع الكاسترد في البراد حتى وقت التقديم .
· عند التقديم يزين وجه الكاسترد بالشوكولا المبشورة و يقدم بارداً جداً .
4 كوب حليب
2 بيضة
2 – 3 فنجان سكر
فانيليا
4 ملعقة كبيرة طحين
ملعقة كبيرة زبدة
2 – 3 علبة بسكويت سادة ( بوزن 100 غرام للعلبة )
نصف كوب شوكولا مفرومة لقطع صغيرة ( أو أكثر حسب الرغبة )
للتزيين :
شوكولا بيضاء مبشورة
• يوضع الحليب و البيض و الفانيليا و السكر و الطحين في خفاقة العصير و يمزج الكل حتى الحصول على مزيج متجانس .
• يوضع مزيج الكاسترد على نار متوسطة و يقلب الكل بمضرب سلك حتى يغلي و يبدأ بالسمك .
• يبعد الكاسترد عن النار و تضاف الزبدة و يقلب حتى تذوب الزبدة و تمتزج مع الكاسترد ثم يؤخذ مقدار نصف كوب تقريباً من الكاسترد و يمزج بالشوكولا و يقلب بسرعة حتى تذوب الشوكولا بحرارة الكاسترد .
• في طبق بايركس تمد طبقة من البسكويت ثم طبقة من الكاسترد بالحليب و تكرر العملية حتى انتهاء كمية الكاسترد بالحليب و البسكويت على أن تكون أخر طبقة بسكويت .
• تمد طبقة كاسترد الشوكولا فوق أخر طبقة من البسكويت و يوضع الكاسترد في البراد حتى وقت التقديم .
• عند التقديم يزين وجه الكاسترد بالشوكولا المبشورة و يقدم بارداً جداً .
السلام عليكم كم ملعقة كاسترد وهل أخلطه مع الحليب أم مع الماء الرجاء كتابة مقدار الكاسترد البودرة بصراحة دائما لا ينجح معي :sigh وهل يمكنك تقدير المدة التي سيبقى فيها الكاسترد على النار حتى يسمك وهذه الكمية لكم شخص و شكرا جزيلا
هلا فيك بتول
نجي على الأسئلة واحد واحد
[U]كم ملعقة كاسترد؟ وهل أخلطه مع الحليب أم مع الماء؟[/U]
أختي بطريقتي ما في و لا معلقة كاسترد لأن رح تحضري الكاسترد بس شغل ايدك و هو أطيب بمية مرة من الكاسترد البودرة و عن تجربة
[U]الرجاء كتابة مقدار الكاسترد البودرة [/U]
بالنسبة للكاسترد الجاهز كل كوب من الحليب السائل بده ملعقة كبيرة من بودرة الكاسترد , بدوبي الكاسترد بالحليب البارد و بعدها بتحطي الكل على النار و بتحركي لحتى يغلي و بعد ما بيغلي بتخليه دقيقة تقريباً .
[U] وهل يمكنك تقدير المدة التي سيبقى فيها الكاسترد على النار حتى يسمك [/U]
من بعد ما بيغلي يا دوب كم دقيقة و بيسمك , يعني أقل من 5 دقائق و بيكون جاهز
[U]وهذه الكمية لكم شخص[/U]
تقريباً لخمس أشخاص
[U] و شكرا جزيلا[/U]
مية أهلا و سهلا فيك بتول و أي سؤال تاني أنا بالخدمة
:roll شكرا جزيلا لك هلق فهمت
لكني أحاول حفظ الصفحة على كمبيوتري و داءما يطلع خطأ في صفحة ويب مع العلم أن كل المنتديات الأخرى أستطيع الحفظ منها بسهولة و أنا أفضل حفظ الصفحة حتى ما أغلط بالمقادير يا ترى فيك تساعديني و تفيديني و لا تواخذيني عبتقل عليك شكرا
مية أهلا و سهلا بتول
أختي هي المشكلة عم تصير معي كمان و حاول كتير المهندس الي صمم الموقع حلها بس من دون نتيجة :sigh
فيك تعملي نسخ للطريقة و لصق على أي ملف وورد
هلا فيك أختي
يمييييييييييييييييييييييييييييييييييي
يعني شو اعمل شق حالي نصين
و الله انتي يا منى تحفة
كان بدي اسالك عن الكسترد يلي بينعمل بالبيت و هي الطريقة جاهزة
الله يسلم هل الادين يارب
:grin
موتيني من الضحك ليندا
ان شاء الله عوافي يا رب مقدماً
رح يعجبك أكيد ان شاء الله
الله يسلمك يا عسل
و ايقي خبريني شو بيصير معك
والله يا منى فعلا إنك تحفة 8)
محتارة شو جرب
من وئت ما تعرفت عالموقع صارت هواتي جرب بهالأكلات و وزني في صعود :roll
بالنسبة لحفظ الصفحة أنا كان يصير عندي كمان خطأ وماتنحفظ لحتى جربت أحفظا بتردد
(file name.mht) مو
(file name.html)
و مشي الحال نشالله تظبط معكون
كيف بدور ؟؟
كيف ممكن تحفظي الصفحة بهل الطريقة ؟
عفوا عالتأخير بالرد بس ظروفي صعبة شوي ما عبئدر أدخل متل أبل 8)
بالنسبة لحفظ الصفحة بدخل على:
ملف\حفظ الصفحة باسم\بختار:web archive single file(.mht)
نشالله تكوني فهمتي علي :zzz
خبريني شو بصير معك
هلا بدور
و الله بعرف ظروفك و الله يكون بالعون ..
هلأ جربت , بس ما مشي الحال , طلعلي مستطيل كأن عم يحفظ , بس صار النت بطيء كتير و بعدها انعل قلبي و لغيت الفكرة :roll
يلا مو مشكلة المهم ان فهمت القصة
يا ربي والله أنا بتنحفظ معي الصفحة بثواني :sigh
خلص نشالله بجبلك الطريئة بالتفصيل ونشالله بيمشي الحال
ان شاء الله بدور
على كل الصفحات كلها عندي بالوورد , بس انا كان عندي فضول اعرف الطريقة بس
ياي يا بدور شكرا كتتتتتتتتتتتتتتر على طريقة الحفظ لانها زبطت معي وبسرعة مدهشة :grin
حبيبتي منى تسلم إيدك على هل وصفة وباين عليه خفيف مش دسم
بس عندي سؤالين الأول بنفع أحط بدل الشوكولا كاكاو
والتاني شو مقدار الفنجان يلي بتقصديه فجان قهوة ولا شاي
وشكرا كتير إلك
وياترى حبيبتي بتعرفي طريقة عمل لقمة القاضي يعني العوامات
وألف شكر إلك
هلا ام الهدى
أكيد بينفع أختي , بس رح يصير شوي صعب لان ممكن الكاكاو يتكتل :roll
لقمة القاضي ما عندي ليها وصفة ممتازة , الوصفات الي مجربتها لحد هلا هنن وصفات عادية , ان شاء الله أول ما تطلع معي الوصفة الي بتستاهل نزلها , رح يكون أول صحن ليك
رووووعة ما شاء الله.. سويتها امس حبيبتي منى وطلعت بتجنننننن.. بتعئد غير شكل.. ولادي ماتوا عليها صحتين وهنا يا عمري عليهم :grin الله يسعدك يا منى.. مشتاءة اجرب شغلات كتير من هالموقع الروعة!!!
هنااااااا ام عمر على قلوبهم الحلوة الصغونة , الله يخليك يا رب ام عمر و ما انحرم من هل الطلة الحلوة و الكلمات الحلوة
و ان شاء الله بيبيض وجهي ادامك بغير تجارب
حبيبتي منى أول الشي ألف شكر والله يعطيك العافية على ردودك واجاباتك انا دايما معذبتك معي بأسئلتي الله يعطيك ألف عافية
حبيبتي المرة الماضية جربت الكاسترد كطعم طلع كتير طيب بس صار معي شغلة انو لما جيت أسكبه طلع مريق وبالتالي ما مسك صار سائل (فصفيت الكاسترد من الطبق ،طبعا البسكوت تشرب نص الكمية تقريبا فأضفت عليه جيلي ومشي الحال ولما داق جوزي الطبق قال طعمة الجيلي كتير طيبة شو عاملة له قلتلو هي طعمة الكاسترد يلي ما ظبط فقال أصبح كل مرة اعملي كاسترد وما تظبطيه وحطي جيلي مشان يطله طيب هيك ههههههههههههه لانو هو كتير بحب الجيلي) فيا ترى السبب انو كان لازم أتركه على النار أكتر مع انو بتذكر تركته 10 دقايق ، أو لازم أزود شوي الطحين ، ودرجة السماكة كيف لازم تكون يعني مثلا متل القشطة ولا أقل أو أكتر، يي شقدني سقيلة وجعتلك راسك
مشكورة كمان مرة تانية
هلا ام الهدى
الله يسامحك على هل الحكي , حبيبتي انا تحت أمرك و انت و اسئلتك على راسي 
الكاسترد طلع مريق لسبب واحد على ما أظن , و هو ان معالق الطحين ما كانت معرمة على الاخر , لهيك طلعت معك مريقة ..
بتعرفي فكرتك كتير حلوة , المهم انك ما رميتي الكاسترد و سويتي فيه شغلة عجبت عيلتك
سمماكة الكاسترد رح تطلع كانها بيشاميل أو أخف شوي و بعد ما يبرد رح يسمك أكتر
حبيبتي الله يجزيك الخير اليوم رجعت جربت الوصفة وزودت الطحين متل ما قلتيلي وفعلا طلع رووووووووووووعة
طعم كتير لذيذ أطيب من الكاسترد البودرة بمليون مرة تسلم ايديك صار جربت كذا وصفة من وصفاتك وطلعو طيبين كتير
الله يعطيك العافية
هناااااا و عافية ام الهدى
, كتير انبسطت انك جربتيها مرة تانية و ظبطت معاك , كلك زووء و هنا على كل شي جربتيه و عجبك 
تسلم يدك على هذه الوصفة المنعشة
انا عندي وصفات من تحضيري
كيف استطيع وضعها في الموقع
ياريت تجاوبيني بأسرع وقت
هلاا منونة
فيك تبعتيها باي رد و انا رح اضيفها باسم اذا الله راد 
و يا ريت لو من الوصفات السعودية الحلوة أكون ليك شاركرة 
السلام عليكم و رحمة الله و بركاته
سمعانه كتير بالكاسترد البودرة بس ما بعمري دايقتو و بما انك ساويتيه بالبيت فصار لازم جربو و مبين طعمتو حلوة و راح جربو باقرب فرصةبس قليل ما منغطيه بالبراد يعني منخليه متل ما هو و كمان قديش بيضاين بالبراد
الله يوفقك يا اختي منى و ينولك كل اللي ببالك عن جد كل يوم عم اتعلم منك شي جديد و ما بيتقدر بتمن مهما دعيتلك ما بقدر وفيكي حقك
و ان شاء الله يتلاقي الاجر بالاخرة
سلام
هلا إذا عيلتك صغيرة فلازم تغطيه بنايلون و هو بيبقى بالبراد يوميين أو تلاتة تقريباً
مية هلا اختي نورتي
السلام عليكم و رحمة الله و بركاته ان شاء الله راح جربو قريبا جدا بدي اسالك البسكويت بينحط متل ما هو يعطي ما منطحنو
بالتوفيق
سلام
لا أختي ما بده طحن , متل ما هو
السلام عليكم و رحمة الله و بركاته
تسلميلي اختي منى و ستتم التجربة قريبا ان شاء الله و راح خبرك بالنتيجة
بالتوفيق
سلام
عم استناك
السلام عليكم و رحمة الله و بركاته
اشتريت بسكويت بس ما لقيت البسكويت العادي اللي هو رفيع اشتريت واحد شوي سميك فهل بينفع حتى لو كان سميك او بنطر تاشتري بسكويت رقيق
بالتوفيق
سلام
ما بتفرق شو ما كان البسكويت يكون , المهم يكون سادة و انت بتبقي بتتحكمي بالكمية الي رح تستعمليها في الطبق
السلام عليكم و رحمة الله و بركاته
كتير حلو لكان راح جربا و ببقى خبرك بالنتيجة و ناطرة وصفة مهلبية الشوكولا بفارغ الصبر
بالتوفيق
سلام
السلام عليكم و رحمة الله و بركاته
بعد النجاح الساحق لمهلبية الشوكولا امبارحه جربت الكاسترد و النتيجة :eek روعة و اللون ما ساويت ابيض مع شوكولا و انما لان ما خليتها تطول على النار بالاول فما جمدت و بالتالي خلطت الابيض مع شوية من كاسترد الشوكولا فصار لون بني فاتح كتير حلو فساويت في كؤوس منخفضة و عريضة طبقة بسكويت و طبقة كاسترد و هيك و اخر طبقة خليتها كاسترد و بعدين حطيتلها بالنص كاسترد الشوكولا و شوية فول سوداني مقطع خشن و طلعت الالوان بتجنن و الطعمة كتير طيبة و ان شاء الله بالمرة الجاية بساويه متل ما قلتي و بعتقد الطعمة راح تختلف و تطلع كتير طيبة كمان
ما بعرف شو قول تحتى اشكرك على مساعدتك مافيني غير ادعيلك دعوة الخير اللي ان شاء الله تسهل دربك و الله يجازيك الجنة ان شاء الله
مممم , فكرة حلوة الي قلتي عليها , هنا يا ستي و مية عافية عليكم , ألف شكر ليك على الدعوات الغالية , أغلى هدية و الله أختي , و ان شاء الله الك متل هل الدعوات و أحلى
اهلين بالجميع اناكنت بعمل هالوصفة من قبل بتغيير بسيط لو تجربوه بحط نشا بدل الطحين وظرف كريم كرامل بدل البيض وبيطلع طيب وبيصير مثل القالب بس جربت وصفتك ولقيت فكرة البيض حلوة بس الطحين لا رجعت عملتها نفس وصفتك بس بالنشا وطلعت تمام يسلمو ايديك عبنعذبك معنا
فيكي تعمليها كمان بالنشا , و المهم انك تعدلي الوصفة لحتى تكون على زووءك
هنا و الف عافية اختي على كل لقمة
كتير حبيتو هالحلو :zzz
بس بدي اسأل سؤال
أنا بدي استخدم بسكوت دايجستف
و هو يمكن أسمك و أتقل من البسكوت السادة
فـــفي داعي إني غمسو بشوية حليب قبل ما مدّو
ولا بيمشي حالو و بيفنّش بدون تغميس بالحليب
7ayah Dayyen
هلا اتوقع لازمه تغميس لحتى ما يطلع ناشف كتير :zzz
عملت هالحلو و غمست البسكوتات بالحليب
عملت منو صحنين
واحد لرفقاتي و واحد لزوجي
و كلن انبسطوا عليه و حبوه
و خاصة إنو خفيف عالمعدة و مو كتير تقيل
لأنو ما فيه لا كريمة و لا جبنة متل بعض أنواع التيراميسو
شكراً كتير
7ayah Dayyen
صحتين و الف الف هنا , انا هادا النوع الوحيد الي باكله من الكسترد , بحسه بينعنش
الحمد لله انه زبط معك , صحتين و هنا يا حلو
:zzz
ياااااااااااااسلام والله احسن من الكاسترد العلب بالف درجه
وكمان الزبده والكاكاو عطاه طعم غير شكل
………………
بس بدي اسئلك ليش عم يصير فيه كتل صغيره ؟
هيا ما ارثرت ع الطعم بنوب
……………..
مع خاااااااااالص تحياتي
AHMED
تسلم إيديكي على هالكاسترد الرائع..
فعلا منظره بشهي..مع أني بعمري ما دقته و أنا بعرف إن الجاهز ما طيب لذلك ما تورطت و لا مرة فيه..
على كل حال أنا رح أجربه بكرا بس نصف الكمية ..
بس ممكن أعرف شو يعني خفاقة العصير؟يعني الخلاط؟؟
و سؤال تاني هلأ أنا ما عندي صحن بايركس ..برأيك بشو أسكبه؟
مثلا اذا رح أسكبه على صحون صغار فكيف بدي أحط البسكويت؟
بانتظار ردك يا حلو
هلا اخي احمد
صحة و الف عافية يا رب , و الكتل الصغيرة ممكن تطلع اذا ما قلبت منيح و بسرعة و حلها انك تضرب المزيج بالخلاط العامودي بيصير سلس و ناعم
هلا ملك
ان شاء الله تجربيه و يعجبك و الخلاط هو نفسه خفاقة العصير او مضرب العصير و بتطبيق البسكويت متل الوصفة تمام بس بتزوعيها على صحون صغيرة
طيب رح أجربه بكرا
ان شاء الله
منووشة..أول شي بدي أسألك الزبدة أساسية بالوصفة؟؟
لأني نسيت أحطها آخر شي :roll
و تاني شي يسلمو كتير عالوصفة لأنها سهلة كتير و طيبة و تغيير شكل :zzz
بس لسه ما عرفت رأي أبو الشباب لأنه بالشغل..
و آخر شغلة..آه تذكرت قبل الأخيرة بالصورة الكاسترد أبيض أما أنا طلع مائل للصفار يا ترى ليش؟
و آخر شي شو الشوكولاتة اللي بتستعمليها؟؟؟؟؟
و يسلموووووووو كتيييير و آسفة على كتر الأسئلة
وينك منوشة؟
عأساس اذا ضيعناك منشوفك هون
Mona khanum, another great recipe. My mom used to make it when we were young, and it would go in less than half hour
the only difference was that she would put sliced bananas above the cookies and under the chocolate part….ya lateef shu kant tayebe.
يسلمو ايديك عالوصفات الحلوة والله شي بشهي بس حلبه اسالك هبق الكب الي بقيس فيه الحليب نفسه اقيس فيه السكر ملا كيف؟؟؟؟؟ ومعلش ما احط فانيليا لانو هلق ما عندي؟؟؟ وشكرا
هالوصفة عن جد بتجنن :eek , لسا هلأ خلصتها وحطيتها بالبراد ومجربتها من قبل طبعاً والنتائج كانت روعة , بس بزعل عليها :sigh حاسستها مو آخدة حقها بالموقع :roll :roll لازم نضل نعمل الها تحديث عالفايس لينتبهو عليها الصبايا لانو بتعجببب الصغير والكبير والمقندق بالسريررر :grin وسهلة ومميزة كتيييييييير , هلا عم عد الدقايق لتبرد وبلش فيها :grin :grin الله يسلم ايديكي ياارب
آخر مشاركة كانت من شي سنتين…
بنوتي اليوم مشتهية على شي حلو تعملو معي وطلعنا بهالوصفة الحلوة والسهلة …
الصراحة كنت راح أعملها بالكاسترد الجاهز لأنو أجاني مرة وماعرفت أعملو ولاحبيتو … طلعت عاطيتو لحدا تاني وأجتني هالوصفة من السما … سهلة كتير والكاسترد طلع بجنن .. الصراحة اعتمدتو … وأحلى شي بنتي اتعرفت عليك ست منى .. واتعرفت عالموقع .. وصارت تسأل عنك وعن ولادك الله يحميهم ويحفظهم … وقالتلي نيالهم ولادها امهم صبح وضهر ومسا بتطبخلهم أكلات طيبة ماشاء الله لا قوة إلا بالله … قلتلها خليها على الله وادعيلهم الله يفرجها عليهم عن قريب …
منمون خانم يسلمو كتير على كل وصفة حاطيتيها .. مهما كانت صغيرة … ومهما كانت قديمة … بس ممكن تحدثي الصورة لحتى انشرها على بنترست.
اهليييين و الله بعد
اهليييين و الله بعد زمان
كتير انبسطت برجعت , و معك القطة بنتك كمان , مية هلا فيها و فيك
عوافي و الف هنا ع قلبك و قلبها , ابوس روحها , الله يفرج ع الجميع
و الله عماشتغل بالموقع كل يوم ما عبوقف , بس شغل ما عبيخلص , الصور و المقدمات , و شي رايح و شي ضاايع , المهم الوصفات بقيوا ع حالهن , و الباقي بيرجع ع مهلو ان شا الله
منورة , مبسوطة فيك كتير