سلطة الباذنجان و الفيتا


         وصفة : منى                 2011/09/28                 10 تعليقات
سلطة الباذنجان و الفيتا

انو تكون اللقمة الي عم تاكليها متل سمفونية رائعة كلها مكملة بعضها و كل نغمة فيها عم تدعم التانية لحتى تصير احلى , هل الوصف بيلبق على وصفتنا . النعومة و الطعم الكريمي من قطع الباتنجان المقلي , الطعم القوي اللاذع من الجرجير , الطعمة الغنية من الفيتا و اللمسة الفريش من البندورة و كلو دايب بصلصة الخل البلسميك .

من اربع مقادير بس طلعت معي هل السلطة الطيبة و السهلة و المميزة , بجد يمكن بحياتي ما اتهنيت بسلطة متل هل السلطة , لازم و حتما و فورا تجربيها

بالصحة و الهنا




2 حبة متوسطة باذنجان , مقشرة و مقطعة مكعبات و مقلية او مشوية
2 حبة متوسطة بندورة , مقطعة مكعبات
باقة جرجير , مورقة
مكعب متوسطة فيتا

الصلصة :

2 معلقة كبيرة زيت زيتون
2 – 3 معلقة كبيرة خل بلسميك
ملح و فلفل أسود




• تخلط مقادير الصلصة و تترك جانباً , في حال عدم توفر خل البلسميك يمكن استعمال دبس الرمان لتتبيل هذه السلطة .

• يقلب الجرجير و الباذنجان و البندورة مع الصلصة , تصب في طبق التقديم . توزع الفيتا على الوجه و تقدم فوراً .


التعليقات

  1. آرام 29 September 2011

    ألحان هالسمفونية عم ترن بأدني من قبل ما دوقها. ورح جربها بالخل البلسميك ودبس الرمان، الاتنين طيبين كتير.
    أكيد لازم وحتما وفورا عالتجريب … بس بدها روحة ع المول بالأول لأن ما عندي فيتا.
    إلى الأمام مع باقي وصفات الباذنجان.

  2. منى 29 September 2011

    ان شاء الله تطلع الروحة مستاهلة و تكون على زووءك ..
    النا حبيتها بالبلسميك اكتر هيك كلها تغير شكل

    رح استنى رايك ان شاء الله :)

  3. غيث 29 September 2011

    يعطيك العافية ميمو فاقس كيفك على الباذنجان والله انا رح اجربها بالباذنجان المشوي اخف وكمان مع دبس الرمان سبحان الله انا ما كتير عبحب طعم الخل الظاهر بالطعام شكرا منى لوصفاتك الحلوة وجزاك الله كل خير :)

  4. منى 30 September 2011

    اي غيوثة , عنا عشر وصفات بالباذنجان , حكينا هيك بجروب لقمة طيبة , بس كانو انتي مو معنا في الفيس بوك ؟

    رح استنى رايك ;)

  5. farah 1 October 2011

    :zzz :zzz شكرا على هالوصفات اللذيذةعلى هالحالة صار بدها القصة شي 10 كيلو باذنجان :grin

  6. منى 2 October 2011

    بوشك على اول محل جيبي سحارة لان لسى ما خلصنا :grin

  7. آرام 3 October 2011

    مريت البارحة لعند الخضرجي لأشتري جرجير، قلي (ما بدك بانجان اليوم أستاذ؟!!!) :)
    جربتها البارحة بالخل البلسمي وطلعت نغم … وجربتها اليوم بدبس الرمان وطلعت أنغام وأشجان 8)
    يسلموا إيديك مايسترو منى :)

  8. منى 3 October 2011

    :grin جيب جيب لسى الخير لادام

    صحتين و الف الف عافية و هنا , شكرا الك ارام لتجربتك وصفاتي , عوافي

  9. سالي 19 August 2014

    شكرا بدي جربها.. بس سؤال شو هو الخل البلسميك؟

    • منى 27 August 2014

      هو الخل المعتق بصناديق من خشب ، طعمته بتجنن و موجود بكل السوبرماركات الكبيرة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)