سلطة الخضار المشكلة بصوص اللبن


         وصفة : منى                 2007/12/17                 18 تعليقات
سلطة الخضار المشكلة بصوص اللبن




2 حبة كبيرة بندورة , مقطعة شرائح رقيقة
1 - 2 حبة متوسطة خيار , مقطع شرائح
1 حبة فليفلة خضراء , مقطع شرائح
1 حبة فليفلة حمراء , مقطع شرائح
حبة بصل أبيض أو أحمر , مقطع شرائح
قلب خسة

الصلصة :

نصف كوب لبن
2 ملعقة كبيرة مايونيز
ملعقة كبيرة زيت زيتون
2 ملعقة كبيرة عصير ليمون أو خل
رشة سكر
ملعقة صغيرة زعتر أخضر
1 – 2 فص ثوم , مهروس
ملح





• تمزج مقادير الصلصة و تترك جانباً حتى إعداد الخضار , يمكن إعداد الصلصة قبل عدة ساعات من موعد التقديم .

• تجهز الخضار و تصف بشكل جميل في طبق مسطح للتقديم .

• توزع صلصة اللبن على الخضار و تقدم فوراً .

  • وصفات تانية ممكن تعجبك


التعليقات

  1. تورتاية بالكريز 5 September 2010

    تسلم ايدك ياقمر وكل سنة وانت طيبة يارب وبصحة وهنا
    معاك حق في الحر احلى حاجة واخف حاجة السلطات انا مبسوطة جدا اني لقيتك منزلة لوصفة جديدة وحشتنا وصفاك الحلوة الشهية واطلالتك الجميلة ربنا مايحرمنا من وجودك ياقمر وتنعاد عليك وعلينا الايام بخير وفرح يارب

  2. gsm 6 September 2010

    اول شي كل عام وإنتي بألف خييير ولكل أخواتنا بلقمة طيبة تاني شي يميييييييييييي خلص اان اليوم من كل بدي رح اعملها اليوم بإذن لله واكيد رح تطلع طيبة ويمي متل كل وصفاتك يا منوش بس بدي أسأل قولتك معلش بلا المايونيز ولا رح يأثر على النكهة قلت لحالي يعني بالناقص دسم إسمي عم اعمل رجيم :sigh

  3. منى 6 September 2010

    امين ام ياسمين :) تنعاد علينا و نحنا اقرب من رب العالمين و بطاعته قلوبنا عامرة و مليانة , امين

    ان شاء الله دوما في جديد , الله يديمك و يحفظك من كل شر

  4. Jassy 7 September 2010

    السلام عليكم ورحمة الله

    تحضير الأكلة برمضان (خصوصي وصفة جديدة) متل الحمل …… بتتشوقي كتير وانتي ولا درياااانة شو ناطرك ولا عندك فكرة، وحتى أحيانا ما بتسترجي تسكبي صحن للجيران ….. ليصير وقت الافطار وتدوقيهاوتروقي أعصابك … متل الحمل يلي بتستنيه وبالولادة بترضي عن حالك وبترتاحي ههههههه

    ما توقعت هالدريسينغ يطلع لهالدرجة طيب .. طيب طيب طيب
    يسلمو كتير :) حصير اعملها عطول

    والسلام عليكم

  5. اماني 8 September 2010

    كل عام وكل افراد لقمة طيبة بالف خير وانشالله ينعادعلينا وعليكم بالخير وتسلم ايديكي يامن فعلا شكلهامشهي واكيدح جربهاباذن الله

  6. wedadswed 11 September 2010

    مرحبا يا منى ويا صبايا أنا مو داخلة لأحكي عن الطبخ لكن داخلة لطلب المساعدة منكن أرجوكن تهتمو للموضوع أنا حامل في الشهر السابع وصرلي شهرين عمبعاني من الإكتئاب الشديد وفي ناس وشيوخ قالو سحر بس للمعلومة أنا عانيت من الأعراض من غير حمل بس أخف وعانيت منها في حمولي السابقة مع العلم ان الإكتئاب بيصير أول الحمل بس أو بعد الولادة بس أنا بيختلف من بطن لبطن ومع العلم أنو ما صار معي في أولادي التلاتة الأولانيينأرجوكم أريد تجاربكم ونصائحكم ودعمكم

  7. نور الأسلام 11 September 2010

    السلام عليكم كيفك منى كل عام وانت بخير ينعاد عليك وعلى عيلتك واهلك واحبابك بالخير واليمن والبركه وعلى جميع اسرة لقمه طيبه :) كل سنه وانتو سالمين وجميع الامه الاسلاميه

  8. منى 12 September 2010

    و عليكم السلام نور :)
    و يتعاد عليك و على احبابك و الغوالي عليك باحسن حال , و ان شاء الله نكون من عتقاء الشهر

  9. منى 12 September 2010

    السلام عليكم وداد
    ولي على قلبي ان شاء الله :roll , و الله العظيم حسيت فيك و وجعني قلبي و انا عم اقرا ردك . ما عندي فكرة عن السحر او هيك قصص , ممكن تشوفي طبيب لحتى تقطعي الشك باليقين

    و الله وداد كلنا متلك , الا ما تعدي علينا هل القصص مع الحمل و بعده , اكتر شي فادني ان كون بجنب أهلي و خواتي و ما ابقى لوحدي لان كل ما بقيتي لوحدك بتفكري أفكار سلبية اكتر و بتاخدك هل الافكار و بتجيبك و بتتسلى فيكي و بتإذيكي من جوى

    لازم تركزي على النقاط الايجابية بحياتك و تحاولي تعملي الاشياء الي بتهويها أو ممكن تعملي شي خاص فيك بتحبيه كتير و كنت ماجلتيه لسبب او لاخر . يعني هلا احسن وقت لتمارسي شي من الانانية و تفكري بحالك اول الشي لحتى تطالعي حالك من الجورة الي انتي فيها , و حطي بذهنك ان ما في حدى ممكن يساعدك اكتر منك انت بهل الظروف .
    و لازم تحطي ببالك انك هلا في أحلى مراحل الانوثة و أجملها لان انت عم تحققي الشي الي ربنا خلقك أنثى مشانه :)

    حبي حالك كتير و ديري بالك عليها و يا رب يا رب تكون فترة و بتعدي و نحنا كلنا معك دوما و انا اتمنى ان تفضفضي لحتى ترتاحي

    ب

  10. wedadswed 12 September 2010

    الحقيقة من كتر الالم نسيت عيد عليكن كل عام وانتم بخير كلكن وينعاد عليكن بالخير والبركة والصحة عزيزتي منى انا كتير فرحانة بردك وإهتمامك وكلامك كله صح بس أنا في السعودية وما في حدا جنبي غير كم صديقة وهدول مو متل الاهل بس ماشي الحال بس متل ما قلتي رح حاول اتسلى بشي إيجابي وتسلمي على الإهتمام

  11. ام رومل 14 September 2010

    السلام عليكم
    كل عام وانتو بخير
    مع انو متاخره بس احسن من بلا
    منى اشبك ولا شي جديد لا برمضان ولا بالعيد
    نستنى جديدك بفارغ الصبر لانو تقريبا كل شي بالقائمه تنفذ
    بدنا شي جديد
    ويسلمو ايديكي سلفا

  12. منى 16 September 2010

    هلا فيك ام رومل :)
    و انت بخير و عافية و صحة
    ان شاء الله اختي , بس ما بتعرفي اديه مشغولة و حتى النت ما عم ااقدر فوت عليه بالايام :roll

  13. منى 16 September 2010

    هلا وداد :)
    و عليك ان شاء الله و ان شاء الله فترة و بتمرق , حتى لو كنت لحالك , ممكن يكون حدى قريب منك يساعدك
    انا هون دوما للمساعدة و طمنيني عنك حبيبتي

  14. منى 16 September 2010

    هلا اماني :)
    و عليك و على كل عيلتك الكريمة
    ان شاء الله تجربيها و تكون طيبة و مستاهلة :)

  15. na3oom 22 October 2010

    يسلمو هالإيدين عملتها لما كانت بنت حماي عندي وتميزت السلطة بهالصوص الكريمي بس مو دسم بزيادة
    عندي فكرة دريسنغ تاني للسلطة باللبن جربي وقولي لي رأيك فيه
    من غير عيارات أنا مشكلتي بحط على الدواء
    لبن + خردل + عسل
    استوحيتها من صلصة الهني ماسترد بس زدت علها اللبن لتتخففها وتصير للسلطة

  16. منى 10 November 2010

    ممم يا سلام , كان متاكدة ان طعمتها رح تكون طيبة و انا صوص الهني مسترد بحبه كتير

    يسلموا كتير على الاضافة و الف صحة و هنا على البكم :)

  17. yaso 19 November 2010

    السلام عليكم
    اخت منى
    اريد تجربة الصلطة ولكن اريد ان اعرف اذا كان الزعتر المطلوب اخضر ام يابس
    و شكرا

  18. منى 20 November 2010

    انا استخدمت الزعتر اليابس , بس اذا متوفر الاخضر بيطلع لسا اطيب واطيب و فيك تستعملي حوالي معلقتين كبار من الزعتر الطازج ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)