سموثي الفريز و جوز الهند


         وصفة : منى                 2013/07/02                 3 تعليقات
سموثي الفريز و جوز الهند

هل النوعية من العصاير كتير فخم و طيب و خرج مناسبة مميزة عندك , طعمة جوز الهند مع الفريز فيها شي كتير تغير شكل و انا بحب هل الطعمة كتير .


لتحضير الوصفة بيلزمنا علبة من كريم جوز الهند و هي شي غير حليب جوز الهند , طعمته و قوامه مختلف و هو الي رح يخلي الوصفة يم يممم و مميزة , و هي كانت متوفرة عنا بالسوبرماركات الكبيرة , هلا ما بعرف اذا في منها , بس بالنسبة للي برة سوريا رح تلاقوها جنب علب الحليب المكثف المحلى و هل القصص .


بالصحة و الهنا

شو لازمنا ؟
علبة كريم جوز الهند
3 أرباع كوب ماء أو حليب
500 غ فريز , منظف و مغسول
سكر حسب الرغبة
طريقة التحضير

• يوضع الفريز في قسم التجليد في الثلاجة بضعة ساعات حتى يجمد .
• تخلط جميع المقادير حتى يصبح السموثي ناعماً .
• يصب السموثي في أكواب القديم و يزين ببشر جوز الهند و يقدم فوراً .

التعليقات

  1. nosheenzaza 3 July 2013

    يم يم يم عجبتني الفكرة و اللون و الصورة كله من أحسنه.

    أول مرة أسمع بكريم جوز الهند. أكيد شغلة لذيذة.

    مدري ليش هلا طالعة موضة جوز الهند مشان الصحة و البشرة و ما إلى ذلك. منيح انه طلعوا بموضة شي طيب و عسى يكون مفيد فعلا.

    • منى 3 July 2013

      و الله طيبة و بتحسيها كريمة بس بطعمة مميزة
      كتير بحب جوز الهند و بقرطه لحاله , و مع الفريز طلع شغلة . بالنسبة للفوائد انا من رااي انو ما دام مو من زرع البلد فما الو فوائد النا , هيك بتوقغ رب العالمين خلق لكل بلد الزرع المناسب اله , بس هادا ما بيمنع انو نلقمشه و نتهنى فيه
      ان شاء تجربيها و تكون ع زوءك يا قمر و رح استنى رايك

  2. nosheenzaza 10 July 2013

    جربت شي قريب منها قبل كم يوم بسوق ببرشلونة. ما بعتقد بكريم جوز الهند بس كمان كان خيلة خاصة انه كان من فواكه طازجة و حقيقية. أنا جربت هذ النوع خصيصا لأنك حاطة الوصفة و ذوقك جدا موثوق ;) زوجي جرب كوكتيل بابايا و بطيخ أحمر و كمان كان خيلة. جربيه إذا متوفرة البابايا بسوريا.

    أول مرة أكلت البابايا ما بعرف ليش حسيت عم يجي منها ريحة بترول! أكلت نص بالزور و كبيت الباقي. يمكن كنت مشترية وحدة خربانة لأنو بالكوكتيل كانت طيبة. هي يمكن مشكلة تانية مع الشغلات المستوردة انه صعب الواحد بيعرف المنيح من الخربان.

    رأيك كتير معقول بالنسبة للزرع الحقيقي و المستورد. دائما الخضار المحلية أطيب و أفيد.

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)