شوربة البنفسج


         وصفة : منى                 2009/05/10                 22 تعليقات
شوربة البنفسج

·          يوضع الزيت مع البصل و الملفوف على نار متوسطة و يقلب لمدة 10 – 15 دقيقة .

·          يرش الطحين و يقلب لمدة دقيقة ثم يضاف المرق بالتدريج مع التقليب بعد كل اضافة .

·          تضاف الجبنة و  البقدونس في حال استخدامه و تترك على نار هادئة لمدة 15 دقيقة , الشوربة ألذ إذا بقيت بعض القرمشة في أوراق الملفوف .

·          تبعد الشوربة عن النار و تضاف الكريما ثم تقدم فوراً .   





2 ملعقة كبيرة زيت زيتون
حبة متوسطة بصل مفروم ناعم
ثلث حبة ملفوف أحمر ( ما يعادل كوبان و نصف تقريباً )
2 ملعقة كبيرة طحين
2 ملعقة كبيرة جبن كريمة
5 كوب مرق
القليل من البقدونس المفروم ( اختياري )
3 ملعقة كبيرة كريما سائلة





• يوضع الزيت مع البصل و الملفوف على نار متوسطة و يقلب لمدة 10 – 15 دقيقة .

• يرش الطحين و يقلب لمدة دقيقة ثم يضاف المرق بالتدريج مع التقليب بعد كل اضافة .

• تضاف الجبنة و البقدونس في حال استخدامه و تترك على نار هادئة لمدة 15 دقيقة , الشوربة ألذ إذا بقيت بعض القرمشة في أوراق الملفوف .

• تبعد الشوربة عن النار و تضاف الكريما ثم تقدم فوراً .
  • وصفات تانية ممكن تعجبك


التعليقات

  1. ميساء 10 May 2009

    شو هاد يا ميمو والله الربيع هالسنة أحلى و أبهج معك أنت ووصفاتك يسلم دياتك هلأ نازلة أشتري ملفوفة حمرة وفول أخضر بدي ساوي هالشوربة وفول أهل حلب يا أحلى حلبية :zzz وببقى بخبرك عن النتائج

  2. سلاف 10 May 2009

    يسلم ايدكي يارب يامنى 000 ماشاء الله غبت كم يوم لقيتك منزله كومة وصفات بغيابي 00 وكلهن منظرهن بشهي000 مبدعه الله يخليلنا ياكي من يوم يومك :)
    لما شفت هالشوربه عالصفحه الرئيسيه قلت لحالي يالله شو هاللوحه هي ؟؟ شو هالالوان المغريه ؟؟ صرت اتغزل فيها قبل مافوت عالوصفه00 عنجد هاللون طالع معك قصة وحكايه بيستاهل الواحد يتغزل بهالشوربه 00 لان فعلا منظرها كله انوثه
    00
    يعطيكي الف عافيه يارب وان شاء الله رح جربها هاليومين بما انه مقاديرها متوفره عندي 00 منى اكيد فينا نستبدل الكريما بالقشطه ؟؟؟ ولا مابتطلع طيبه ؟؟
    شكرا كمان مره ومرات ميمو00

  3. رنا 10 May 2009

    لونها عن جد بيجنن …لا لازم جربها …يسلم ايديكي ونيال هالاولاد عليكي ;)

  4. منى 10 May 2009

    هلا ميوسة :)
    ان شاء الله دايما ايامك حلوة و منورة بالايمان و الصحة و الهنا ..

    انا عم استناك , ان شاء الله تكون النتايج على زووءك ;)

  5. منى 10 May 2009

    هلا سلوفة :)
    و الله دايما عم اسال وين هل الغطة , و كماان راحت عليك احلى مساابقة :roll كنت اتمنى تشاركي فيها

    اظن فيك تستبدلي الكريما بالقشطة , المفروض تطلع طيبة ;)

    مية اهلا و سهلا و ان شاء الله تجربيها و تكون متل ما بتحبي

  6. منى 10 May 2009

    هلا رنونة :)
    ان شاء الله تجربيها و تكون متل ماا بدك , هادا بس من زووءك يا عسل :zzz

  7. ام دانية 10 May 2009

    يسلم هل الديات يارب ويخليكي لعيلتك واحبابك اللون والمنظر لحالهن عم يحكووووو :) ان شاءالله رح جربها تغير شكل عن باقي الشوربات يعطي العافية باينتو الربيع عندكن غير شكل :cry

  8. منى 10 May 2009

    هلا ام دانية :)
    مشان الله مسحي هل الدمعات و هلا ما منلاقيكي الا صرتي بحلب و مبسوطة بهواياتنا و جونا الحلو :zzz

    ان شاء الله تجربيها و تحبيها

  9. تورتاية بالكريز 10 May 2009

    تسلم ايدك يامنمون ياحبوبة ماحلى الربيه وشورباتهوالوانه الله يجعل ايامكن كلها ربيع وسعادة يارب
    عجبني تعديلك للوصفة جدا الصراحةمش بعترف بشوربة بمااااااء ابدا :roll لازم مرق مع اي نوع شوربة لتكون اغنى والنكهة متاصلة ومتجانسة فيها ومفيش احلى من الطبيعي الله يعطكي العافية غالتي باذن الله اجربها لما اجيب كرنب احمر جوزي بيحبه ودايما يجيبه للسلطة جزيت الجنة ياقمر ويارب ما ننحرم منك يارب

  10. منى 11 May 2009

    هلا حبية قلبي ام ياسمين :)
    و انا متلك , ما بيقبى الها نكهة حقيقة او طعم , ان شاء الله تجربيها و تكون متل ما بتحبي و تعجب العيلة كلها

    الف الف شكر الك لدعواتك الغالية , دعوة كريمة من اخت كريمة و محبة ;)

  11. سارونات 11 May 2009

    السلام عليكم و رحمة الله و بركاته

    سلطة الانوثة و شوربة الانوثة و عقبال حلو الانوثة :grin

    اختي منى كالعادة عم اقرأ الوصفة و قول هالمكونات بقدر استعملها لحد ما وصلت للكريما خبريني اذا بتنفع بلا كريما

    بالتوفيق
    سلام

  12. منى 11 May 2009

    هلا سارونات :)
    اكيد أختي واصلا الوصفة الاصلية ما فيها , ممكن تحضريها متل الطريقة الي ذاكرتها منال في الببلوج تبعها ;)

  13. سارونات 12 May 2009

    السلام عليكم و رحمة الله و بركاته

    طيب كتير حلو لكان
    اختي منى الاخت منال حطت مكعب خضار و اناناطرة منك مرق الخضار اذا فيكي بأقرب فرصة مشان استعملو في وصفات الصيف

    بالتوفيق
    سلام

  14. سارونات 12 May 2009

    رجعت مرة تانية و كمان سؤال

    اختي منى في عندي جبن بنكهة الثوم و الاعشاب و الوصفة ما فيها ثوم بس شو رأيك بينفع حطو او حط بس جبن عادي

    سلام

  15. منى 12 May 2009

    هلا سارونات :)
    اختي ممكن تستعملي جبن عادي اتوقع الذ و رح نزل الوصفة قريب باذن الله ;)

  16. athora 10 July 2009

    تسلم ايدج حبيبتي وجربي الملفوف البنفسجي مع

    العيش(الرز) وايد لذيذ ولونه عجيب

  17. منى 11 July 2009

    هلا فيك اختي :)
    نور الموقع باخت غالية و كريمة , يا ريت لو نشوفك على طول معنا :zzz

    سبحان الله تعرفي جايبة ملفوف احمر و ناوية جرب فيه نصيحتك باذن الله و ببقى بنزل تطبيقي

  18. dado 21 November 2009

    والله يا منوش لازمني عقوبة مرتبة
    صرلي كم شهر عم اتمتع واتنعم واتنغم بهالشوربة بدون ما قلك!! ما بيصير
    بس انا ما توقعت إنو ما رديت على هالشوربة البهية والأكابرية والناعمة. بس هلأ لما كنت عم اتسكع في جنبات الموقع وشوف شوفي ما في .. اكتشفت جريمتي… لذلك حبيت قلك معذور انا يا سنونوتي .. أفلا تعذريني؟

  19. linavarly 16 December 2009

    صباح الخير منى
    شوربة البنفسج شهية و لونها مميز
    جربتها لأول مرة من يومين, الضيوف حبوا اللون و كانت ناجحة وتحضيرها بسيط , طعم الشوربة طعم طبيعي لطيف و محبب و خصوصا بالشتاء
    شكرا يا منى
    مع كل أمنياتي الطيبة بالسنة الجديدة
    كل سنة وأنت وأسرتك بألف خير
    لينا

  20. منى 18 December 2009

    دلوش أحلى و اذوق رد بيوصلني من سنتين لهلا , يعني بعد ما قراته اكيد حسيت باحساس أخر :zzz

    الف هنا و صحة و عافية يا رب بكل لقمة حبيبتي و انا مبسووطة كتير انك حبيتيها , بس لا تنسي تخبريني اذا جربتي غيرها و كمان كانت يممي ;)

  21. منى 18 December 2009

    هلا لينا :)
    الف هنا و صحة و عافية يا رب , كتير انبسطت انها عجبتك و ان شاء الله انتي كمان سالمة انتي و كل عيلتك الكريمة :zzz

    شرفتينا اختي

  22. ocean7 29 December 2010

    واوووووووو
    لطالما كنت بعشق البنفسج
    عنجد خيلة خيلة هالوصفة
    الله يعطيك الفعافية يا منى
    ما لح اقول لك لح جربها لانو زوجي ما بيحب التجريب و ما في حدا غيرو ياكل – مع اني والله شو بتمنى اطبخ اصناف جديدة
    بس والله زحل عقلي فيها هالوصفة

تقييم الوصفة
عاديةقد أحضرهاجيدةممتازةأكثر من رائعة (1 votes, average: 4.00 out of 5)