صحن الباذنجان بحمص على الطريقة التركية


         وصفة : منى                 2009/01/22                 26 تعليقات
صحن الباذنجان بحمص على الطريقة التركية

·          يفرم البصل جوانح أو خشن و يقلب بزيت الزيتون حتى يطرى .

·          يغسل الباذنجان و يمكن أن يقشر أو يترك بدون تقشير حسب الرغبة ثم يقطع لمكعبات متوسطة , و يمكن استعمال لب الباذنجان لتحضير هذه الوصفة , يفرم لمكعبات خشنة .

·          يرفع الحمص من ماء السلق و تحتاج الوصفة لنصف كوب مسلوق و جاهز .

·          يضاف الباذنجان مع الحمص للبصل و يقلب لبضع دقائق ثم يضاف دبس الفليلفة و البندورة و الملح و القليل من الماء .

·          بعد أن تغلي تهدى النار و يغطى القدر و يترك حتى ينضج الباذنجان و يمتص أغلب الصوص .

·          يسكب الباذنجان في طبق التقديم و يترك حتى يفتر .

·          يمزج الثوم مع اللبن ثم يقدم مع الطبق و مع الخبز و يمكن الاستغناء عن صوص اللبن حسب الرغبة أو الذوق و لكنه إضافة لذيذة للطبق .    




2 حبة باذنجان
نصف كوب حمص مسلوق
حبة وسط بصل
2 حبة كبيرة بندورة مقشرة و مفرومة
5 ملعقة كبيرة زيت زيتون
ملعقة صغيرة دبس فليلفة ( و الأطيب تكون حرّة )
تلت أو نصف كوب ماء
ملح

صوص اللبن :

3 – 4 ملعقة كبيرة لبن
فص كبير ثوم مهروس





• يفرم البصل جوانح أو خشن و يقلب بزيت الزيتون حتى يطرى .

• يغسل الباذنجان و يمكن أن يقشر أو يترك بدون تقشير حسب الرغبة ثم يقطع لمكعبات متوسطة , و يمكن استعمال لب الباذنجان لتحضير هذه الوصفة , يفرم لمكعبات خشنة .

• يرفع الحمص من ماء السلق و تحتاج الوصفة لنصف كوب مسلوق و جاهز .

• يضاف الباذنجان مع الحمص للبصل و يقلب لبضع دقائق ثم يضاف دبس الفليلفة و البندورة و الملح و القليل من الماء .

• بعد أن تغلي تهدى النار و يغطى القدر و يترك حتى ينضج الباذنجان و يمتص أغلب الصوص .

• يسكب الباذنجان في طبق التقديم و يترك حتى يفتر .

• يمزج الثوم مع اللبن ثم يقدم مع الطبق و مع الخبز و يمكن الاستغناء عن صوص اللبن حسب الرغبة أو الذوق و لكنه إضافة لذيذة للطبق .
  • وصفات تانية ممكن تعجبك


التعليقات

  1. غيث 22 January 2009

    السلام عليكم ميمو الله يعطيك الف عافية شوربة العدس التركية كانت كتير طيبة بدي اسألك هي الاكلة عنا بحلب ما بتشبه البانجان المكمور بس بدون حمص ولا شو انا ما بعرف بالمقالي كتير منشان مشاكلهم الهضمية ما بعملهم لهيك ما عرفت ان هي الاكلة هيه المكمور ولا لا على حسب مالي شايفته عند اقربائي بس صراحة انا ما عاملته بالبيت وشكرا لجهودك يا فنانة :upset

  2. ام نور 22 January 2009

    سلم هالديات يا منى ويعطيكي العافية حبيبة قلبي هالاكلة منعملا بلبنان بس ما كنت اعرف انو اصلا تركي كتير بحبا بتذكر كنا نقلي مكعبات الباتنجان والمقادير والطريقة ذاتها طريقتك

  3. منى 22 January 2009

    هلا غيوثة :)
    هنا و الف عافية على الشوربة , و كلامك صح هل الاكلة بتشبه المكمور شوي و هي رابط لطريقته [URL=http://www.l2ma.com/content/view/27/2/]كاملة[/URL]

    و المكمور منقلى البانجان لوحده و ما بده حمص و هادا اخف كتير من المكمور لان كله كم ملعقة زيت :zzz

  4. منى 22 January 2009

    هلا ام نور حبيبتي :)
    صح سبحان الله أصلا الوصفات في كتير بيشبه بعضه ما كنا نحنا شعب واحد من فترة مو بعيدة ;)

    إذا بتحبي جربيه هيك لأن أخف و كمان بتجنن

  5. muna.g.7 22 January 2009

    اختي منى الصورة تنطق مشهيه جداتسلمي على هالابداع لو مو الوقت متاخر كان قمت عملتها لكن بكرة انشاء الله قبل ما تشرق الشمس ارسل السواق سوق الخضار يجيبلي كم كيلو باذنجان

  6. منى 23 January 2009

    هلا منونة :)
    الله يخليك حبيبتي و لا يحرمني هل الطلة الغالية , ان شاء الله تساويها و تكون على زووءك ;)

  7. أم علي 23 January 2009

    مممممممممممممممممممم شكلها لذيذة وخفيفة تسلم ايدك يا مبدعة :)

  8. منى 24 January 2009

    هلا ام علي :)
    الله يسلمك و يخليك يا زووء :) ان شاء الله تجربيها و تكون على زووءك

  9. dentamaniac 27 January 2009

    مممممممممممممممممممممممم
    تسلم ايديكي يا منى
    كنت محتاره شو اطبخ
    انقذتيني…و ما دامت من تحت دياتك اكيد رح تطلع روعه

  10. منى 27 January 2009

    هلا دكتورتنا :)
    الله يسلمك حبيبتي , ان شاء الله تكوني جربتيها و عجبتك , لا تنسي تخبريني

  11. أم ساطور 1 February 2009

    تسلم ايدك يا مدام منى شكل الطبق ظريف ان شاءالله رح جربو واكيد رح يعجبني :eek

  12. منى 1 February 2009

    هلا ام ساطور :)
    هيك بعد زماان عنك , ان شاء الله تجربيه و يعجبك و لاا تنسي تخبريني :)

  13. dado 11 February 2009

    مرحبا مرة تالتة ;)
    عم نط من وصفة لوصفة.. يا ستي جربت هالطبق المعتبر.. وهذا أقل ما يمكن قوله في توصيفه.
    حضرت الوصفة وطلعت الكمية كبيرة شوي فـ قسمتها نصفين. وتم تناولهما كالتالي:
    1 – بالخبز العربي مع صوص اللبن وكانت أكتر من طيبة.
    2 – مع الرز المفلفل.. ويا عيني شو طيبة.. مبارح كنت عم اكل وقول شو هاد يا منى.. شو هالذوق يا منى.. مو من قليل منموت على اكلات الزيت!!
    بعدين سكتت وكملت أكل لأنو ما حسنت استنى :grin

  14. منى 16 February 2009

    دالو هيأتي رح اطلب منك التعليق على كل وصفة لان عن جد بوصفك بحس حالي شميت الريحة و دقت و الا شوي شبعت :grin

    هنا هنا يا قمر و انت و الله الزووء كله , عن جد بتخجليني بردودك , ربي يديم المعروف دايما و كتير مبسوطة فيك و انك عم تجربي من الوصفات و عم تكون على زووءك ;)

  15. DOUHA 1 August 2009

    كتير سهلة وخفيفة والله اطيب من المكمور واخف يسلمواا :p

  16. منى 1 August 2009

    عوافي ضحى :) الله يسلمك يا رب , انا الي شاكرة ثقتك في يا قمر

  17. سكرة 16 December 2009

    جربتها اليوم طلعت روعة واعجبت زوجي ;) :p

  18. سكرة 16 December 2009

    تسلم ايدك عن جد روعة

  19. منى 17 December 2009

    اهلا و سهلا سكرة :) هنا و الف الف صحة و هنا على البك و الب ابو الشباب , كتير انبسطت انك جربتيها و طلعت على زووءكم

  20. zena al afandi 16 March 2011

    الله يجزيكي الخير يارب على هالقسم الرائع واللي أنا برأي صحي وأخف من باقي مطبخنا الحلبي 8) يخزي العين عليه أديش مالو دسم بالمرة  :zzz. مع إنو جوزي روح قلبو أحط بكل شي لحوم أو دجاج أو أسماك بس هالأكلة حبها كتيير وخلصها كلها وطبعاً أنا بالنسبة إلي أكلة ملوكية…تسلمي يارب 

  21. سارونات 22 July 2011

    السلام عليكم و رحمة الله و بركاته
    منووووووووووووووووووووش اشتقتلك كتير و اشتقت للموقع و لخواتي يالموقع بعرف اني كنت مقصرة بس كنت كتير مشغولة بالدراسة الا اني كنت كل ما اقدر ادخل عالموقع

    انا جربت الوصفة اليوم و طلعت كتير طيبة

    سلام

  22. Lost spoon 5 August 2011

    Salamat Mona and Ramadan Kareem,
    Sorry for the silly question, but what is )debs el felfelh) exactly? is it the red pepper soft paste? because when you say “debs” I immidiatly think of something more soft like “debs el remman”. Yes, I dont have that much knowledge but I trust you with all your dishes but being an eggplant lover, I just have to try this one. for a group iftar tomorrow :x
    yssalem edekey ya rabb

  23. منى 5 August 2011

    هلا يا قمر :)
    رمضان كريم عليك و على كل عيلتك و رفقاتك و ان شاء الله نكون من عتقائه :)
    يا ستي دبس الفليفلة هو متل معجون , بيتسمى بالمحلات التركية , ما دامك ببلد غربي , بـ red pepper pasteو هو قوامه متل دبس البندورة , بس على اخشن و في قسم اسئلة و اجوبة بتلاقي صورة اله ;)

    رح استنى رايك

  24. Lost spoon 5 August 2011

    Thanks for the answer Mona, it is what I usually have and use, but I was just afraid it is another type that you would use….it is already cooking my dear, well wait for Iftat and Ill post you the result (which I am sure will be as great as all your other recipes) thanks again.
    Rola

  25. Lost spoon 6 August 2011

    Mona….half the dish was eaten before adding the yougort (; and since I knew it was going to be a great dish, I made DOUBLE the ammount….tomorrow my friends will get a taste and I will be teasing them before sharing the recipe….thanks again.

  26. sundusaa 18 October 2012

    هالطبق من اطباقي المفضله واليوم اكلناه على الغداء :zzz

    سويته مره لصديقاتي .. وعجبهم كثيييير واخذوا الوصفه ;) تسلم ايديك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)