خبز بيدا التركي


         وصفة : منى                 2009/01/24                 54 تعليقات
خبز بيدا التركي

·          يمزج السكر و الخميرة و الماء الدافئ في كوب ثم يغطى الكوب و يترك جانباً في مكان دافئ , في الميكرويف مثلاً أو في خزانة فوق الفرن .

·          يترك المزيج مغطى لمدة 10 – 15 دقيقة حتى تتفاعل الخميرة و تشكل رغوة كبيرة .

·          ينخل الطحين في وعاء ثم يعمل حفرة في وسطه . يضاف مزيج الخميرة و اللبن و الزيت و الحليب و يقلب الكل بملعقة خشبية حتى تتجانس المقادير .

·          توضع العجينة على سطح مرشوش بالقليل من الطحين ثم تعجن لمدة عشر دقائق أو حتى تصبح لدينا كرة ناعمة و مطاطية و لا تلتصق بأطراف الأصابع .

·          يدهن وعاء عميق بلاستيكي بالزيت ثم توضع فيه العجينة و تغطى بالقليل من الزيت . يغطى الوعاء بشكل محكم بورق لاصق بلاستيكي و تترك العجينة في مكان دافئ حتى يتضاعف حجمها لمدة ساعتين أو حسب الفصل .

·          بعد أن تنتفخ العجينة يربت عليها بقبضة اليد ثم تدعك حتى ترجع لحجمها الأصلي و تقسم لكرتان .
توضع العجينة على صينية مغطاة بورق الزبدة ثم يضغط عليها بالابهام لتأخذ شكله , تغطى بمنشفة ثم تترك حتى تنتفخ مجدداً لسماكة سنتيمتر أو 2 سنتيمتر  لمدة ساعة تقريباً .

·          يحمى الفرن على درجة حرارة 200 درجة مئوية . يمزج صفار البيض و النسكافييه حتى تذوب حبات النسكافييه ثم تدهن العجينة و ترش حبات السمسم حتى تغطي كل العجينة .

·          يوضع وعاء صغير مضاد للحرارة يحتوي على ماء مغلي على الرف السفلي من الفرن , هذا الطبق سيخرج بخار سيجعل خبزي طري , توضع صينية الخبز على الرف المتوسط في الفرن و تترك لمدة 15 – 20 دقيقة تقريباً أو حتى تنتفخ و يحمر وجهها .

·          يخرج الخبز من الفرن و يقدم فوراً أما إذا أردت أن تقدميه فيما بعد فيترك لمدة عشر دقائق ثم يلف مجدداً بمنشفة  ليبقى الخبز طري و لذيذ جداً .

·          يقدم الخبز مع الزبدة و العسل و سأقوم بإضافة عدة تغميسات رائعة مع هذا الخبز إن شاء الله و هذه صورة للخبز مع الزيت و الزعتر , يممي  .

 




2 ملعقة صغيرة خمبرة حبيبات
نصف ملعقة صغيرة سكر
2 ملعقة كبيرة ماء دافئ
ثلاث أرباع حليب دافئ ( أو أكثر بقليل حسب نوع الطحين )
3 كوب طحين
ملعقة صغيرة مسطحة ملح
2 ملعقة كبيرة زيت زيتون
2 ملعقة كبيرة لبن

المزيد من الطحين و زيت الزيتون

للوجه :

صفار بيضة صغيرة
بضع حبات من النسكافييه
2 ملعقة صغيرة سمسم أو مزيج من السمسم و حبة البركة





• يمزج السكر و الخميرة و الماء الدافئ في كوب ثم يغطى الكوب و يترك جانباً في مكان دافئ , في الميكرويف مثلاً أو في خزانة فوق الفرن .

• يترك المزيج مغطى لمدة 10 – 15 دقيقة حتى تتفاعل الخميرة و تشكل رغوة كبيرة .



• ينخل الطحين في وعاء ثم يعمل حفرة في وسطه . يضاف مزيج الخميرة و اللبن و الزيت و الحليب و يقلب الكل بملعقة خشبية حتى تتجانس المقادير .

• توضع العجينة على سطح مرشوش بالقليل من الطحين ثم تعجن لمدة عشر دقائق أو حتى تصبح لدينا كرة ناعمة و مطاطية و لا تلتصق بأطراف الأصابع .

• يدهن وعاء عميق بلاستيكي بالزيت ثم توضع فيه العجينة و تغطى بالقليل من الزيت . يغطى الوعاء بشكل محكم بورق لاصق بلاستيكي و تترك العجينة في مكان دافئ حتى يتضاعف حجمها لمدة ساعتين أو حسب الفصل .



• بعد أن تنتفخ العجينة يربت عليها بقبضة اليد ثم تدعك حتى ترجع لحجمها الأصلي و تقسم لكرتان .
توضع العجينة على صينية مغطاة بورق الزبدة ثم يضغط عليها بالابهام لتأخذ شكله , تغطى بمنشفة ثم تترك حتى تنتفخ مجدداً لسماكة سنتيمتر أو 2 سنتيمتر لمدة ساعة تقريباً .



• يحمى الفرن على درجة حرارة 200 درجة مئوية . يمزج صفار البيض و النسكافييه حتى تذوب حبات النسكافييه ثم تدهن العجينة و ترش حبات السمسم حتى تغطي كل العجينة .

• يوضع وعاء صغير مضاد للحرارة يحتوي على ماء مغلي على الرف السفلي من الفرن , هذا الطبق سيخرج بخار سيجعل خبزي طري , توضع صينية الخبز على الرف المتوسط في الفرن و تترك لمدة 15 – 20 دقيقة تقريباً أو حتى تنتفخ و يحمر وجهها .

• يخرج الخبز من الفرن و يقدم فوراً أما إذا أردت أن تقدميه فيما بعد فيترك لمدة عشر دقائق ثم يلف مجدداً بمنشفة ليبقى الخبز طري و لذيذ جداً .

• يقدم الخبز مع الزبدة و العسل و سأقوم بإضافة عدة تغميسات رائعة مع هذا الخبز إن شاء الله و هذه صورة للخبز مع الزيت و الزعتر , يممي .

  • وصفات تانية ممكن تعجبك


التعليقات

  1. ام محمد 24 January 2009

    ماشاء الله لاقوة الابالله الله يحميلك كريم واخواته
    ويديمك فوق راسهم :)

  2. سمسمة 24 January 2009

    ان شاء الله بيعيشوا ايديكي يامنى خانم وان شاء الله بتفرحي بكريم وهو عريس الله يحميلك ياه هو وأخواته
    حبيبة قلبي في خبز بتركيا اسمه خبز الحياة وسبب تسميته لأنه بيحتوي على مواد مفيدة للصحة ياترى عندك فكرة عنه

  3. ام كريم 25 January 2009

    اختي منى سلامات يسلم هلايدين منظرو بشهي بقى كيف الطعمة بس بدي اسالك صرلي 3 ايام عمافتح الموقع بيطلع موقع عناوين وبصراحة غط على قلبي لمى فتح اليوم ماعطيت فرحتي لحدا يعني العطل من وين :? والله يخليلك كريم ويحمي انبسطت في لان اسمو عاسم ابني وبنفس العمر

  4. أم علي 25 January 2009

    تسلم ايدك منظرو بيشهي كيف الطعمة :grin الله يحميلك كريم ويخليلك ياه :)

  5. ام نور 25 January 2009

    يوضع وعاء صغير مضاد للحرارة على الرف السفلي من الفرن منى حبيبتي ما فهمت لا شو نحط هادا الوعاء شو الهدف منو لو سمحت :? عفكرة هالخبز بشتري منو كل ما رحت اشتري من عند الاتراك كتير بيعجبني طري وطيب فالف شكر انك نزلت الطريقة انشالله رح جربو لان اكيد شغل البيت احسن

  6. أم الهدى 26 January 2009

    ما شاء الله تسلم دياتك ريحتو وصلت لعندي ، فعلا الخبز التركي طعمه رائع وان شاء الله يكون نفس يلي باكلو بالمطعم التركي ، رح جربو إذا الله راد بس سؤال عزيزتي لازم أستعمل الخميرة الحبيبات ، انا عندي الخميرة الفورية الناعمة، وغذا بينفع أستعمل نفس المقدار يلي ذكرتيه ولا بيفرق المقدار
    سؤال تاني عندك فكرة شي عن طريقة عمل الكوردون بلو
    وألف شكر إلك عزيزتي

  7. Rino 26 January 2009

    تسلم إيديكي يا منى خبزبيشهيييييييي وعندي سؤالين إذا سمحت السؤال الأول مكرر عن سؤال الأخت أم نور
    السؤال الثاني إذا حبيت أعملو و أقدمو عالفطور لازم فيق قبل شي 3-4 ساعات و لا في طريقة ممكن حضر الخبز على مراحل و أخبزو عالفطور؟؟

  8. منى 26 January 2009

    هلا ام محمد :)
    الله يحفظك و يحفظلك احبابك اختي و الف شكر الك للدعوة الغالية

  9. منى 26 January 2009

    هلا سمسومة :)
    خليلي عينك على الدعوات الغالية , و ان شاء الله انت و كل احبابك و الغاليين على قلبك الهم متل هل الدعوات و اكتر :)

    اتمني اختي ساعدك بس ما عرفته و الله , ممكن يكون نفس هل البيدا بس باستخدام طحين كامل !

    يلا خيرها بغيرها و سامحيني هل المرة :roll

  10. منى 26 January 2009

    هلا ام كريم :)
    كان في مشكلة و الحمد لله انحلت , الله يبعد المشاكل يا رب

    ابوسه هادا كريم هدية من عند الله , ربي يحفظه و يحفظ ابنك و اولاد المسلمين كلهن و نشوف منهم خير و بركة كتير باذن الله ;)

  11. منى 26 January 2009

    هلا ام علي:)
    الله يسلمك اختي و يحفظ الغاليين عليك و يحفظلك قلبك و بدنك يا حق :)

  12. منى 26 January 2009

    هلا ام نور :)
    معك حق حبيبتي , هلا عدلت الموضوع و ان شاء الله النقطة وضحت , انا بحط صحن فيه مي مغليه لحتى تطالع من بخارها و بهيك بيكون الخبز طري و بيجنن
    ان شاء الله تجربيه و يكون متل ما بتحبي و لا تنسي تخبريني

  13. منى 26 January 2009

    هلا ام الهدى :)
    ان شاء الله اختي تجربيه و يكون متل الي بتدوقيه و اطيب ;)
    الخميرة الحبيبات هي نفسها الخميرة الفوريه الي هي عبارة عن حبيبات ناعمة و هيك منفرقها عن الخميرة التازة الي ممكن الواحد يشتريها من الفرن ;)
    الكورون بلو وصفة كنت وعدت فيها رفقاتي من وقت طويل , ان شاء الله بس ما خلصت المنيو التركي بتكون من أول الوصفات الي بنزلها

  14. منى 26 January 2009

    هلا رينو :)
    هلا عدلت الوصفة , ان شاءالله تكون النقطة وضحت ;)
    ممكن تقللي كمية الخميرة و تحضري العجينة قبل بيوم بالليل و تخليه ليتخمر لتاني يوم الصبح و بعدها بيكون عليك بس تفرديه و تخليه يرتاح شوي قبل ما تدخليه للفرن , ان شاء الله تجربيه و يعجبك حبيبتي ;)

  15. omtasneem 26 January 2009

    السلام عليكم ورحمة الله وبركاته. تسلم دياتك الحلوين عزيزتي منى هادا الخبز مافينا بلاه هون بالمانيا وخصوصي اذا خبزنا العربي ماتواجد عندي سؤال ومابعرف اذا هونفس السؤال الي سئلولك ياه اخواتي بالموقع وهو الخميرة عنا ياها اما بظروف وعبارة عن تقريبا بودرة او مكعبات والخميرة فيها بتدوب بالمي وشكرا لك واسفة عالتكرار

  16. نهى 27 January 2009

    م م م، الصور فكرتنى بخبز كانت بتعمله جدتى كنت بحبه كتير بس كانت بتحط جواه حبة البركة مش فاكرة اسمه للأسف.
    انا ناوية اجربه اليوم لانه فعلا فتح نفسي اوى بس ياتري قصدك باللبن الزبادى ولا الحليب :upset
    عندنا بمصر الحليب هو اللبن والزبادى مانقول عليها لبن بس زبادى، بتستخدمى ايه فيهم بالظبط :?

  17. Rino 27 January 2009

    أختي الغالية منى
    مبارح المسا جربت الوصفة و بنفس الوقت اللي كان الخبز فيها بالفرن و عم بتهفهف ريحتو عالبيت و الجيران كنت عم بغلي جبنة خضرا مع المحلب و حبة البركة و دخل زوجي على غفلة و شمشم هالروايح و أللي مو حرام عليكي وصلت مواصيلك للخبز بالبيت ارحمي سكري يا بنت الحلال
    طبعا ما قاوم جبنة مغلية تازه و خبز سخن طالع من الفرن و بدينا العشا ببسم الله الذي لا يضر مع اسمه شيئ في الأرض و لا في السماء و هو السميع العليم و مشي الحال
    تسلم إيديكي عالوصفة و دايما بانتظار الجديد

  18. منى 27 January 2009

    هلا ام تسنيم :)
    و لا يهمك , انا هون تحت الامر و بالخدمة لاي سؤال
    الخميرة المقصوة ممكن تجي بضرف أو أيا عبوة المهم انها متل حبوب صغيرة و بتدوب بالمي بس بعد ما نحركها , يعني مو فوراً متل الحليب البودرة مثلا بتاخد وقت بس بعدها بتدوب ;)
    ان شاء الله كون فدتك و اي سؤال تاني انا تحت امرك

  19. منى 27 January 2009

    هلا نهى :)
    القمر ما بيطل الا مرة بالشهر و انا بشتقلك , تبقى يا ريت لا تطولي الغيبة ;)
    معاك حق , اللبن المقصود هو اللبن الزبادي

    ان شاء الله تجربيه و يعجبك :)

  20. منى 27 January 2009

    الف هنا و الف عافية , الله وكيك يا رينو من وصفك كاني قرطتلي كم لقمة من الخبز مع الجبنة السايحة و الله حرام عليكي يا بنت الحلال وصفك بيشهي .

    ألف ألف هنا و عافية دايما و ان شاء الله تعجبك بقية الوصفات كمان ;)

  21. نهى 28 January 2009

    تسملي لي يامنى على ذوقك وكلامك الجميل، انا دايما بابص عللى الموقع واتابع الجديد بس اما الاقي حاجة على ادى اقدر اعملها باتكلم على طول 8)
    كان عندى سؤال بس مكسوفة تقولى عليا :? ، هو ايه هو اليقطين بالظبط؟؟ :eek

  22. منى 28 January 2009

    ان شاء الله تكون دايما الوصفات على زووءك :)

    اما اليقطين فهو القرع العسلي أو القرعة و في اله صورة على [URL=http://www.l2ma.com/content/view/540/2/]الرابط التالي[/URL]

    اي سؤال تاني من عيوني

  23. الدمشقية 2 February 2009

    منى حبيبتي بالفعل باين على هالخبز لذيذ ولا يقاوم :grin :grin
    يعني يمكن إذا بجربه بالبيت أخواتي ببطلوا ياكلوا خبز من الفرن :x
    سلم ايدك يا رب

  24. TOOLEEN 2 February 2009

    السلام عليكم
    جدا حلو ومشهي مع الاختبارات الي تعبتني
    مشكوورة حبيبتي
    منى باسئلك مافية طريقة ثانية للوعاء الي فيه مويه لان الفرن بتاعنا رف واحد :sigh :)

  25. منى 2 February 2009

    هلا دمدومة :)
    صحة و هنا على قلبهن بس كل شي اله شي , كمان خبزنا الرقيق ما في اطيب منه :zzz
    الله يسلمك و يخليك يا قمر

  26. منى 2 February 2009

    هلا تولين :)
    و عليكم افضل السلام و اتم التسليم , ان شاء الله تمضى الاختبارت على خير و تكون من المتفوقات 8)

    لو ما عندك رفين ممكت تحطي الوعاء الي فيه مي على نفس الرف , لما تشعلي الفرن حطي الوعاء فيه فوراً لحتى يطالع من بخاره و بعد ما يحمى الفرن منيح تبقى تخبزي فيه البيدا ;)

  27. نهى 6 February 2009

    منى.. للأسف جربت الخبز ده وطلع مش قادرة اقولك حجر تدقيه فى الحيط ما يندق :grin
    وكمان مش هش من جوة.. حسيته مكبوس مش زي الصورة عندك باين هش وطري
    الاول الخميرة ماخمرتش كويس يادوب عليت شوية في الكوباية ما فارتش والعجينة نفسها كانت قاسية كتير اوى مش طرية وناعمة زى ماحكيتي ياترى ايه السبب؟ :x
    وحطيت فى الرف السفلي للفرن صينية بها ماء مثل ما حكيتي.. دليني غلطتى فين :cry

  28. منى 6 February 2009

    الغلط كان واضح بنفس ردك و هو ان الخميرة الي عندك مش منيحة و الدليل انها ما فارت :roll

    الخميرة اذا كانت عاطلة شو ما عملتي بعدها مستحيل ينجح معاك المعجنات كلها , ان شاء الله بس تجيبي خميرة جديدة تجربي الوصفة و تعجبك لان متل ما قلتي هش و يممي ;)

  29. غلا 7 February 2009

    صار عندي مجلد وورد فية اغلب وصفاتك
    تبغي الصراحة مافية احد مثلك
    يعطي المقادير والطريقة بهذي الدقة
    يعطيك الف عافية
    ودي اعرف كيف اعمل الكريمه البيضاء بالدريم ويب

  30. منى 7 February 2009

    هلا و مية هلا أختي غلا :)
    هادا بس من زووءك و ان شاء الله تجربي منها و تعجبك ;)

    يا ترى قصدكم الكريما البودر الي نخفقها مع الحليب ؟

  31. غلا 8 February 2009

    اغلبها جربتها وطلعت تجنن
    اية نعم

  32. نهى 17 March 2009

    بصراحة مش عارفة الوصفة دى مش ظابطة معايا ليه؟؟:?
    جربتها تانى واستنيت لما خمرت وفارت زى الصورة بس مش عارفة وانا باعجن ماحسيتش العجينة طرية بالعكس كانت قاسية جدا هى اصلا ماستوعبتش الطحين كله ولما زودت شوية لبن صغيرين بقت سايلة جدا
    والخميرة اللى باستخدمها دى احسن نوع صدقيني انتى ممكن تكونى عارفاها اسمها saf-instant
    ياريت تصبري عليا وتساعديني

  33. نهى 18 March 2009

    بس الخميرة اللى استخدمتها ماكانت جافة كانت فورية.. ياترى هو ده السبب؟؟

  34. منى 18 March 2009

    هلا نهى :)
    ما اتوقع المشكلة بالخميرة , يمكن بنوعية الطحين او طريقة الخبز .

    يا ريت المرة التانية اذا حابة تجحربيها ممكن تحطي كل كمية الطحين مع بقية المقادير و تضيفي الحليب شوية شوية لحتى تصير العجينة متل مو حابة , ممكن تزيدي كمية السائل أو تنقصيها حسب نوعية الطحين , و ما دامها الخميرة ارتفعت معك معناها الغلط مو منها و كمان الله اعلم :roll

  35. حنان 15 April 2009

    السلام عليكم اريد وصفة الخبز الشامي الرقيق

  36. منى 15 April 2009

    تكرم عينك اختي , ان شاء الله بنزله قريب :)

  37. JoJo 8 June 2009

    ماشاء الله عليكي منى
    وصفة رائعة جربتا والحمدلله بتشهي كثير وعجبت جوزي تسلمي كثير يارب
    ياريت تشوفي تطبيقي للخبز علي لكِ ;) :zzz

  38. JoJo 8 June 2009

    يسلموووووووو طريقة بتجنن جربتها وبتشهي كثير ;) :zzz

  39. منى 8 June 2009

    هلا جوجو :)
    الف صحة و مليون هنا و عافية على قلبك و قلب ابو الشباب و كل العيلة ..

    كتير انبسطت انك جربتيه و عجبك و هلا لاحقتك على لك لشوف شو طالع من الفرن ;)

  40. dado 18 June 2009

    مرحبا
    جربت الخبز.. وطلع كتير طيب وظريف وطري.. بس أنا ما حطيتله سمسم لحتى خفف شوية زيوت.
    تقريباً الرغيف طلع وزنه 115 غ وبهيك وزن في 269 كالوري.

  41. منى 18 June 2009

    الف عافية و صحة و هنا يا حق :)

    و الله تاريه ما في كتير كالوري هل المنظوم :zzz و يا ترى الوحدات الحرارية مع سمسم او نو ؟

  42. dado 19 June 2009

    عوافي على قلبك منوش :)
    هي الحسبة مع السمسم.. قدرت إنو كمية العجين هي ممكن تاخد معلقتين سمسم وحسبتها.

  43. منى 20 June 2009

    ابوس قلبك يا دالو , ممننوتك و الله ;)

  44. لمياء 7 January 2010

    جزاكى الله خيرا على هذا الخبز اللذيذ
    موفقه باذن الله

  45. لمياء 7 January 2010

    جزاكى الله خيرا على هذا الخبز اللذيذ
    موفقه باذن الله

  46. منى 8 January 2010

    امين يا رب و انتي كمان اختي الكريمة :)

  47. DOUHA 27 April 2011

    اليوم جربتا بتجنننننننننننننننننننننن يسلموا

    والله اطيب من الخبز

  48. nono0 8 November 2011

    مشكوووووووووووووووووره

  49. منى 8 November 2011

    هلا :)

  50. منى 8 November 2011

    صحتين و الف هنا ضحى على البك يا رب بكل لقمة ;)

  51. نورطعمة 23 December 2013

    يعطيكي الف عافية فيني نكه هاخبز باليانسون والشوملر والكركم والسمسم وحبة البركة متل اقراص العيد الصفرة

    • منى 23 December 2013

      ما كتير اله علاقة بطعمة اقراص العيد , بس كتيرررر طيب و مستاهل تجربيه

  52. راضية 2 February 2014

    جزاك الله خيرا مدام منى … نحنا بالجزائر نسموه ” خبز الدار ” وتحضره ماما بنفس الطريقة خصوصا بشهر رمضان الكريم ريحتو كتيــــــــــــــــــــــــــر بتشهي ما بصدق امتى يأذن المغرب مشان افطر بيه….. ماما كتير بتسلم عليكي وبتقلك يعطيك ألف عافية على هاد الموقع الرائع

    • منى 3 February 2014

      ممممم , يا سلام ع خبز الدار و الطبخ المغربي :)

      منورتينا و مشرفتينا راضية و الله يخليلك ماما و يبارك فيها , سلميلي عليها كتيرر

تقييم الوصفة
عاديةقد أحضرهاجيدةممتازةأكثر من رائعة (1 votes, average: 4.00 out of 5)