فاهيتا الدجاج


         وصفة : منى                 2007/10/04                 23 تعليقات
فاهيتا الدجاج
نصف كيلو من فيليه دجاج مسحّب منزوع عنه الجلد و مقطع شرائح
حبّة كبيرة فليفلة حمراء
حبّة كبيرة فليفلة خضراء
حبة بصلة متوسطة الحجم
ملعقة كبيرة زبدة
ملعقة كبيرة زيت ذرة
كوب مرق دجاج
ملعقة كبيرة دقيق ذرة ( كورن فلاور )

صلصة النقع :

ربع كوب خل أو عصير ليمون حامض
ربع كوب زيت زيتون
3 فصّ ثوم مدقوق
2 – 3 ملعقة كبيرة كتشاب
ملعقة صغيرة فليلفة حمراء ناعمة
نصف ملعقة صغيرة كمون مطحون
نصف ملعقة صغيرة فلفل أسود
نصف ملعقة صغيرة أوريغانو





• تمزج مقادير صلصة النقع في وعاء ثم تضاف شرائح الدجاج و تقلب حتى تتغطى بالصلصة , يغطى الوعاء و تترك الشرائح لتنقع مدة 8 ساعات أو طول الليل ,

• تفرم الفليفلة الحمراء والخضراء إلى عيدان و البصل إلى شرائح البصل .

• تسخن الزبدة و الزيت في مقلاة التورتيلا الخاصة أو في مقلاة غير لاصقة و تُضاف الفليلفة و البصل و تقلب حتى تنضج من دون أن يتغير لون الفليلفة ثم ترفع جانباً .

• ترفع شرائح الدجاج من التتبيلة و تضاف لنفس المقلاة و تقلب بالباقي من الزبدة و الزيت على نار متوسطة حتى تحمر و تنضج .

• ترجع الفليلفة الحمراء و الخضراء للمقلاة و تقلب مع الدجاج لبضع دقائق إضافية .

• يذوب الكورن فلاور مع مرق الدجاج و يسكب المزيج فوق الفاهيتا ثم تترك لتغلي لبضع دقائق أو حتى تسمك الصلصة ثم تقدم مع الأرز المفلفل .

التعليقات

  1. nidaa84 4 October 2007

    السلام عليكم يسلك ايديك يارب بس بدى اسالك عن نقطة مافهمته انت كاتبه يذوب الكورن فلاور مع مرق الدجاج و يسكب المزيج فوق الفاهيتا ثم تترك لتغلي لبضع دقائق أو حتى تسمك الصلصة ثم تقدم مع الأرز المفلفل شو هى الفاهيتا

  2. nidaa84 4 October 2007

    خلص خلص مشى الحال وصلت الفكرة ماتواخذينى الظاهر اخد على الصيام

  3. منى 4 October 2007

    :grin و لا يهمك نداء

    نور الموقع أختي

  4. linda 4 October 2007

    يمييييييييييييي
    الله يخلينا ياكي يا منى
    صرت من وراكي اسمع مديح من جوزي
    و هي الاكلة من وقت اتجوزنا و هوي يقلي اختو بتعملها وكتير شاطرة فيها
    بدي جرب طريقتك ان شاء الله و بتكون اول مرة بعملها
    يسلم ايديكي

  5. منى 4 October 2007

    الله يجبر بخاطرك ليندا و لا يحرمني هل الطلة الحلوة :)
    و ان شاء الله تساويها و تعجبك و تعجب جوزك :)

  6. Asmaa 30 October 2007

    شكرا كتيييييييييييير أخت منى على هالوصفة الطيبة
    اليوم ساويتها

    ولاحقت استحسان ابن العم :roll

    زوجي كتير بيخاف من الوصفات الجديدة يلي بساويها من الإنترنت :x

    وكان خايف ما تعجبه :upset
    وخاصة أنه هو جاية جوعان من شغله :(

    بس ما ما ذاقها سألته ” تعاد؟(يعني ساويها مرة تانية ابقى )” :?
    آم ألي : إيه تعاد.
    :zzz
    يسلمو إيديكي.

    موقعك عجبني كتير والله
    8)
    سواء بتصميمه الجميل :)
    أو بمضمونه الرائع
    الله يعطيكي الصحة والقوة

  7. منى 30 October 2007

    هلا اسما :)

    الف شكر ليك على الكلام الجميل و كتير انبسطت لان جربت الوصفة و عجبتك و عجبت جوزك

    كان جوزك بيقرب جوزي :grin
    لأن نفس الكلمة بقولها اله لما بكون عم جرب وصفة جديدة

    هو كتير منفنف على الاكل :roll

    لهيك بساوي بالعادة الوصفة الجديدة بكمية قليلة بجنب شي بيعرفه لحتى اذا ما عجبتوا الاكلة ما يزعل ;)

    نور الموقع فيك أخت جديدة و غالية

  8. أم عباده 22 January 2008

    عندما تذوقها زوجي قال لي والله أطيب من اللي أكلنها بالمطعم بكتير عن جد مميزة وقلي حطيها بقائمة الاكلات المفضلةلانو خفيفه ومفيدة تسلم أيديك يا عزيزتي منى :eek

  9. منى 23 January 2008

    هلا يا عسل يا ام عبادة :)

    صحتين و هنا , كتير مبسوطة فيك أختي لان عم تجربي من وصفاتي و هل الحكي ما دام عم يطلع من واحدة نفسها طيب متلك فبيعني لي كتير ;)

  10. هوايتي الطبخ 20 April 2008

    ما هو الاوريغانو واين اجده؟
    وهل من الممكن استبدا مرق الدجاج ب كوب ماء مذاب فيه مكعب مرقه الدجاج ماجي

  11. منى 18 September 2008

    هلا أختي :) الاوريغانو يشبه الزعتر و يمكن استبداله بالزعتر الاخضر العادي و اكيدة كوب المرق ممكن استبداله بماء مع مكعب دجاج ;)

  12. violet 26 June 2010

    كنت ناوية أعملها اليوم عالغدا بس طلع بدها نقع 8 ساعات يلا بأجلها :sigh
    بس هلأ نشا الذرة مو هو نفسه بقلولو عرعروط اللي للبيبي ؟؟ :zzz

  13. violet 26 June 2010

    صح نسيت أسأل الاوريغانو كمان مو هو زعتر أخضر يابس :? اللي بنرشه فوق البيتزا

  14. منى 26 June 2010

    هلا اختي :)
    ما بعرف شو بيقولوله بالليبي , بس هو معروف عنا بالكورن فلاور و بيجي بعلب صفرا .

    الاوريغانو نوع من انواع الزعتر و هو الي منرشه على البيتزا :zzz

    اتمنى تجربيها و تعجبك , خطيرة هل الاكلة

  15. violet 28 June 2010

    ههههه أنا ماقلت بالليبي قلت للبيبي أنا كمان من حلب بس فهمت عليكي
    عبسألك لأنو في عندي منو مكتوب نشاء الذرة محطوط بكيس مو بعلبه كنت أعملها منو لبنتي مهلبيه

  16. منى 28 June 2010

    :grin

    ايه هادا هو , بس كلمة عرعوط مو معدية علي بحياتي لهيك ما فهمت عليك , و انا بعرف انك من حلب , بس قلت بلكي ;)

  17. violet 11 July 2010

    طلعت طيبة كتير
    وتعلمت منكم كلمة ( تعاد )
    قلي اي تعاد ;) :roll

  18. منى 11 July 2010

    هنا و الف عافية :)

  19. هالة 31 January 2011

    جربتها كتير طلعت طيبة وتحضيرها سهل وريحتها كتير طيبة
    انا استبدلت مرق الدجاج بمي لانو ما كتير بحبو
    وضفتلها فطر وذرة
    وبعد ما طفيت عليها رشيت موزريلا وحركتها فشبكت الموزريلا مع الجاج
    طلعت كتير طيبة بلخبز الفرنجي :zzz
    يسلم ايديكي على الوصفة :)

  20. هالة 31 January 2011

    يسلمو ايديكي على الوصفة كتير طيبة وسهلة التحضير وريحتها كتير طيبة
    استبدلت مرق الجاج بمي لانو ما بحبو
    وضفتلها درة وفطر
    وبعد ما طفيت عليها ضفتلها موزريلا وحركتها فشبكت الموزريلا بلجاج وطلعت كتير لذيذة بلخبز الفرنجي :zzz

    • منى 23 December 2013

      هنا و الف الف صحة و هنا يا هالة على قلبك , ريتو مطرح ما سرى مرى , عوافي

  21. ayla 24 August 2012

    بصير ابدل كورن فلاور بالطحين متل مكسيكانو ولا لآ
    شكراااااااااا ياموني مقدمااااااا

    • منى 22 December 2013

      هلا ايلا , اي بيصير حبيبتي , مية هلا فيك

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)