فوليّة بزيت


         وصفة : منى                 2013/04/22                 4 تعليقات
فوليّة بزيت

اليوم وصفتنا على طريقة أم عبدو الحلبية الأصلية , هي الأكلة ما في أطيب منها من أكلات الربيع ، أنا بالعادة بحضرها من دون سلق بس لما شفت خالة أم عبدو الحلبية الأصيلة و الأصلية محضرتها قلت يلا على المطبخ … الطريقة مختلفة عن الطريقة الا معوديين نحضرها فيها بحلب ، فيها سلق و كزبرة خضرا ، جربتها و شو طلعت طيبة و خفيفة و سهلة و بس ما بديت فيها ما بقى تشيلي إيدك الا ليخلص الصحن مع عصرة ليمون مبحبحة …كتير طيبة و تغيير شكل و أهما شي مغذية و مفيدة و بتنفع بأيام قطع الكهربا الطويلة … سلم دياتك يا أم عبدو :)


جربتها أكتر من مرة شي بكزبرة يابسة و شي بكزبرة خضراء ، و مرة ما ضفت كزبرة أبداً و انا حبيتها بكل الطرق لأن أكلات الزيت غرامي بقى كلو مع أم عبدو طيب


بالعادة بحب أفرم الفول خشن ، بس لأكلات التغميس بحبه ناعم شوي لحتى نتهنى فيه وقت اللت و الأكل ، أنت حضريها بالطريقة إلي بتحبيها .


بالصحة و الهنا

- المقادير:
ربع كوب زيت زيتون
كيلو فول بلدي طري و ناعم , منظف و مفروم ناعماً
2 باقة صغيرة سلق ، 10 أوراق كبيرة ، منظف و مفروم ناعماً
1 حبة كبيرة بصل ، مفروم
2 فص ثوم ، مهروس
رشة كزبرة يابسة أو 2معلقة كبيرة كزبرة خضراء مفرومة
ملح

للتقديم :
فليفلة حمراء ناعمة
- طريقة التحضير:
ツ في قدر غير لاصق حتى يقلب البصل و الثوم بزيت الزيتون حتى يصفر .
ツيضاف الفول المجهز و يغطى القدر و تهدى النار و يترك على نار هادئة جداً حتى ينضج الفول ثلاث أرباع الإستواء .
ツيضاف السلق و يقلب الكل بلطف ، يغطى القدر و يترك لمدة 5 – 10 دقائق حتى ينضج .
ツتسكب الفولية في طبق التقديم , تترك حتى تبرد , ترش بالفليفلة الحمراء الناعمة و تقدم مع الخبز و عصير الليمون .

التعليقات

  1. Um Faisal 4 July 2013

    يسلمو ايديكي، شكلها يشهي و رح أجربها ان شاء الله
    بس عندي سؤال ايش ( السلف ) ؟

    • منى 9 July 2013

      هلا ام فيصل , السلق هو شي اخضر متل ورق الجرجير و اسمه بالانكليزي swiss chared , و اذا مو متوفر فيكي تستبدليه بالسبانخ :)

  2. Um Faisal 4 July 2013

    عفواً اقصد السلق

    • منى 23 April 2014

      ان شا الله تكون وضحت الفكرة :)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)