كاتو رأس العبد


         وصفة : غيث                 2008/07/26                 51 تعليقات
كاتو رأس العبد

بسم الله الرحمن الرحيم :

هذا النوع من الكاتو معروف جدا بحلب وقد تستغربون من شكله و أنني صنفته من أنواع الكاتو رغم أنه لا يوجد في مقاديره طحين أو بيض أووو و قوامه الرئيسي هو السميد و لكننا نجده يباع في حلب بكل المحلات التي تختص ببيع الكاتو كنوع من أنواع الكاتو بدأ من منيون وانتهاء بالميني ماركت ..

أما طريقة صنعه فقد أخذتها من أختي الحبيبة و الغالية هناء الله يجزيها الخير يا رب و أتمنى ان تجربوها فهي سهلة و بسيطة و سريعة و إن شاء الله تنال إعجابكم و تدعو لنا .

هذا النوع من الكاتو معروف جدا بحلب وقد تستغربون من شكله و أنني صنفته من أنواع الكاتو رغم أنه لا يوجد في مقاديره طحين أو بيض أووو و قوامه الرئيسي هو السميد و لكننا نجده يباع في حلب بكل المحلات التي تختص ببيع الكاتو كنوع من أنواع الكاتو بدأ من منيون وانتهاء بالميني ماركت ..

أما طريقة صنعه فقد أخذتها من أختي الحبيبة و الغالية هناء الله يجزيها الخير يا رب و أتمنى ان تجربوها فهي سهلة و بسيطة و سريعة و إن شاء الله تنال إعجابكم و تدعو لنا

- المقادير :

2 كوب حليب سائل
كوب سميد
ثلاثة أرباع كوب سكر
ثلاثة أرباع كوب جوز هند
ملعقة صغيرة فانيليا
ثلاث ملاعق كبيرة ممتلئة سمنة بنكهة الزبدة
خمسة ملاعق كبيرة كاكاو
- طريقة التحضير :

• يوضع الحليب في قدر مع السكر و الفانيليا و السمنة و يوضع على النار مع التحريك حتى تسيح السمنة فقط (و لا يشترط أن يغلي) .

• يضاف السميد مع التحريك لثواني فقط حتى يبدأ قوام السميد يصبح سميكاً (متل المامونية السميكة ) .

• يضاف جوز الهند أيضاً مع التحريك لثواني مع تهدئة النار طبعاً (كي لا يعلق بالوعاء) .

• أخيراً تضاف الكاكاو مع التحريك حتى يتجانس اللون بالبني و نطفئ النار فوراً .

• يبرد المزيج قليلا ثم نبدأ بعمل الكرات بالحجم الذي نحب مع ملاحظة دعك الكرة جيدا بأيدينا قبل تكويرها وهذا يفيد بمنع تفتتها أو تشققها عندما تبرد .

• يرش سطح الكرات بجوز هند أو فستق مبشور أو ندهنها بشوكولا سائلة أو أي زينة للكاتو .

أفكار مفيدة :

• الوصفة لا يستغرق اعدادها سوى 5 – 10 دقائق على النار و خاصة في فصل الصيف لأن السمنة تسيح فوراً لذلك مهم جدا وضع المقادير بجانب القدر كي نضعهم فوراً بسرعة و دون تلكؤ كي لا تعلق بالطنجرة .

• القوام سيصبح سميك و تقيل على التحريك أثناء العمل فلا تكترثي أختي عادي.

• ممكن أن نطفئ الموقد قبل وضع جوز الهند ثم نضعه دون نار المهم تحريكه جيدا و هذا لا يؤثر ولو دون نار .

• أخيرا ممكن وضع رشة قرفة أو قرنفل مع المقادير أثناء التحضير أو حتى ممكن أن يحشى بالجوز وهذا اختياري .



التعليقات

  1. منى 26 July 2008

    وصفة لذيذة و مرتبة كتير غيوثة , تسلم دياتك الحلوة و ديات هناء و ربي يجزيكم الخير ..

    عندي مناسبة ليوم الاثنين , إن شاء الله رح حضرها و بخبرك شو بيصير معي إذا الله راد :)

    الصور فيك تحمليهم على أي موقع لتحميل الصور و تبعتيهم و ان شاء الله رح ضيفهم للوصفة ..

    الله يعطيكي الف عافية و بانتظار وصفات لذيذة منك كمان

  2. غيث 26 July 2008

    الله يعافي قلبك يا رب وان شاء الله رح تحبيها كتير واذا رح يكون في ضيوف عندك الافضل تغطسي القطع بالشوكولا السائلة الغامقة فتبدو كالجاهزة تماما وكتير طيبة اما لما بعملها لنا بدون ضيوف بفضل تكون دون شوكولا كمان طيبة بتعرفي منشان قصة الحريرات والميزان وشكرا لك على تواضعك وتشجيعك لنا .أختي انا بعتت لك الصور بعد تحميلها على موقع كوم انشاء الله تكون وصلت بشكل صحيح لأنني أول مرة بشارك بهكذا اشياء وما عندي خبرة لذلك لا تؤاخذيني ان عذبتك او كان في خطأ بالارسال ارجو ابلاغي لاعيد الارسال ثانية وشكرا جزيلا مرة ثانية

  3. omtasneem 28 July 2008

    السلام عليكم ورحمة الله وبركاته. بصراحة رجعتيني لايام الدراسة كنت دائما اشتريها جربتها مبارح وطلعت كتير طيبة وسهلة كتير شكرا لك عزيزتي غيث وبانتظار وصفاتك الشهية تسلم دياتك

  4. منى 29 July 2008

    هلا غيوثة :)

    و انا كمان جربتها , وصفة مضبوطة تمام و لا ألذ و لا أسهل

    التعديل الوحيد اني دوبت الكاكاو بالحليب لحتى يصير اسهل في الإمتزاج ببقية المقادير ;)

    الصور ما ضبطوا , ما طلعوا :roll , إذا بتسمحي ممكن نزل صور لتطبيقي لحتى تعيدي تحميل الصور :zzz بانتظار اجابتك غيوثة

  5. غيث 29 July 2008

    انا اسفة يا جماعة على التأخير بس اليوم كنت مشغولة كتيرعموما كتير انبسطت بأن الوصفة مشي حالها معكم وارحب بالاخت الغالية ام تسنيم وشكرا لذوقك وتشجيعك لي وفرصة سعيدة ان نتحاور معا ولو بأسطر قليلة اهلا بك اخت عزيزة وكلك ذوق . اما الغالية والمبدعة منى اشكرك كتير على لطفك والله فكرة حلوة ما خطرت لي اني اضع الكاكاومع الحليب شكرا لابداعك نحن دائما بحاجة لخبرتك وشكرا لنصيحتك رح اعمل بها من الان فصاعدالانها اسهل ولانها من افكار ام الفن منىواسفة ما بعرف ليش الصور ما وصلت ما عندي خبرة بهذه الاشياء لذلك اتمنى ان تزيني وصفتي بما عملت يدك لأن ديات منى غير بالعكس انبسط كتير اذا نزلتي الصور من عند ك بيكون لها غير طابع عندي وبالنهاية شكرا جزيلا لك ولكل العاملين بهالموقع وحتى الاخوات المشاركات المذوقات والذواقات :)

  6. ام نور 30 July 2008

    سلم هالديات اخت غيث الله يبارك فيكي ممكن لو سمحت تقوليلي شو نوع السميد الي استعملتي ناعم او وسط ولا ما بتفرؤ

  7. منى 31 July 2008

    هلا غيوثة :)

    هي صورة لتطبيقة للوصفة و على قد الصورة مو حلوة , الطعم ألذ , انا أضفت معها شوية قرفة و قرنفل , و يممي ..

    خجلتيني غيوثة بكل هل الكلام الله يديم المحبة و المعروف و ما انحرم من أخت غالية متلك ;) ألف شكر ليك على الوصفة و سلم دياتك الحلوة يا حق

  8. غيث 31 July 2008

    السلام عليكم ارحب بالاخت ام نور يلي نورت لي الوصفة بتعليقها المذوق وانا سعيدة اختي بوجودك معي بالنسبة للسميد فيك تضعي اي نوع متوفر عندك لا فرق بس اذا بدك ياها تكون ناعمة بيكون السميد الناعم افضل لانه بالسوق بتكون القطعة ناعمة وملساء فتكون اقرب للجاهزة وبالنسبة لي شو متوفر عندي بستعمله وكله بينجح والحمد لله وشكرا لمرورك على وصفتي :)

  9. غيث 31 July 2008

    الله يسلمك عزيزتي منى الله يسلم هالايدين المرتبة فعلا والمبدعة حقا يلي زينت لي الوصفة بما ابدعت وصحة وهنا على قلب كل من اكل منهاوشكرا لك على تعاونك معنا وتشجيعك لنا صحيح ما خبرتك انو كاتو الشوكولا كولا نجح تمام معي الله يعطيك العافيةواليوم عملت لهم فروج البطاطا بالزعتر الاخضر من وصفاتك وكان تمام ايضا الله يجزيك الخير يا رب :)

  10. Iman 2 August 2008

    سلم هالايدين يا منى منظر هالكاتو بيجنن ما شاء الله و الصوره رائعه بعجبني كتير كتير طريقه عرضك للطبق و شكلهم اسمالله بيلمعوا مع القرفه على الوجه رائع سوءالي حبيبتي هل ممكن استعمال الزبده بدل السمنه? و شو استعملتي لتغطيتهم شوكولا غامقه والا فاتحه و هل اضفتي زبده لها لانوا اسمالله لمعتهم بتلفت النظر و في الصوره هل انتي مقدمتيهم على مرايه هههههه اسئله كتير ها?? هههه معليش بكره عندى عزومه و بدي اعملهم لانو شكلهم بيبيضوا الوش و يسلموا ايديكي حبيبتي على كل وصفاتك المميزه ربنا يعطيكي الصحه و يخليلك عيلتك

  11. منى 2 August 2008

    هلا أمونة :)

    هادا بس من لطفك حبيبتي , كلك زوء ..

    أكيد فينا نستبدل السمنة بالزبدة , و الصوص الي عاملته هو مزيج من شوكولا غامقة مع قشطة و ملعقة صغيرة زبدة , و الصوص بالتفصيل رح نزله قريب ان شاء الله , دوبتهم كلهم على حمام مائي و بعدها غمست فيهم الكرات و صفيتهم على طبق و بس ما نزل الشوكولا الزيادة صفيتهم بالطيق و الي هو عبارة عن صينية متل المراية :zzz

    انا رووح قلبي الاسئلة و انا بخدمة الناس الطيبة , و نصيحة صغيرة كمية جوز الهند ضيفيها حسب زووء عيلتك , ممكن ما تستعملي كل الكمية , أنا عندي جنوا عليها , بس ممكن ناس تفضل تكون طعمة الشوكولا هي الغالبة ;)

    الي على الوجه مو قرفة , هي كاكاو بودرة , بس انا حطيت بقلبهم قرفة و قرنفل ,, يمممي عن جد

  12. Iman 4 August 2008

    منمن امبارح كان عندي عزومه عشا و عملت راس العبد و حشيت نصه مربى التوت الغامق و النص التاني جوز و غطيته بالشوكولا الغامعقه و اللي مع جوز رشيت عليه شوكولا سبرنكلز و قدمت كل نوع على مرايه صغيره وااااااو منى ما حدا صدق انو شغل بيت و انصرعوا على شكله بس بدك المظبوت كان احسن لو اني ما حشيته انا حبيته اكتر بدون حشي بس حاولت اعمل حركه يعني هههه على العموم حبيبتي حبيت اشكرك على هالوصفات الحلوه يلى عم بتنزليها يعطيك الف عافيه
    لك كل الحب

  13. ام نور 6 August 2008

    انا حابة اتشكر الاخت غيث على هالوصفة الي ولا اسهل واطيب مشكورة اختي جربتا واتفننت فيون غطسطون بالشوكولا وبعدان بالبندق المحمص والمفروم وكان عند ي ضيوف حلبين قالولي اسمو عين الجمل :grin المهم الف شكر

  14. منى 7 August 2008

    هنا و عوافي أمونة :) و الشكر لحبيبة قلبي غيث صاحبة الوصفة على هيك وصفة سهلة و بتبيض الوج..

    كتير انبسطت انها نجحت و عجبت ضيوفك , و أكيبدة يمكن الي حشيتيها بالمربى طلعت حللوة زيادة ..

    هنا و عوافي يا حق

  15. غيث 7 August 2008

    هلا ام نور صحة وهنا على قلبك وقلب ضيوفك يا رب بالنسبة للوصفة فيك تتفنني متل ما بدك حتى بمقاديرها يعني بتزيدي او بتنقصي حسب ذوقك وذوق العيلة بالسكر مثلا او بجوز الهند المهم الواحد يعرف القواعد الاساسية للطبخة وبيعدل على ذوقه وصحة على قلبكم يا رب وشكرا لك وللاخت منى اللي خجلتني واللي رايدة اقول لها والله القلب على القلب والله بيعلم وشكرا لذوقك منى

  16. منى 7 August 2008

    الشكر ليك غيوثة , على شو عم تشكريني :roll , و انا بقلك كمان القلب على القلب ;)

  17. Iman 14 August 2008

    العزيزه غيث شكرا كتير على الوصفه متل ما شفتي انو طبقتها و طلعت بتجنن يسلموا ايديكي عزيزتي ما صحلي اني اشكرك من قبل فعلا كل الضيوف حبوها و ما صدقوا انا شغل بيت وصفه جيده و بتنعاد ان شاء الله يعطيك العافيه حبيبتي :)

  18. غيث 14 August 2008

    الله يعافي قلبك يا حق وصحة وهنا على قلبك وقلب ضيوفك والشكر لمنى على كل هالموقع الصادق والمفيد بحق وانبسطت كتير انكم حبيتوها وشكرا لذوقك مرة تانية وان سعيدة بالحوار معك ومع الاخوات العزيزات والمذوقات كلكن

  19. fofosam 1 September 2008

    الله يعطيك العافي ة و شكرا على كل الوصفات الرا ئعة بس بدي أسألك لو سمحت بقدر أستبدل ال سمنة بز بد ة لورباك؟ ويلا ض روري سمنة؟ شكرا

  20. منى 2 September 2008

    هلا اختي :)
    اسمحليلي جاوب عواض غيوثة , أكيدة فيك و انا حضرتها بالزبدة و السمنة و التنين ممتازات ;)

  21. سارونات 15 September 2008

    السلام عليكم و رحمة الله و بركاته
    جازاكم الله خيرا اختي غيث و اختي هناء و الله يجعلو في ميزان حسناتكم
    الطريقة سهلة و واضحة و ان شاء الله راح جربو و خبركم بالنتيجة
    بالتوفيق
    سلام

  22. غيث 20 September 2008

    عليكم السلام ورحمة الله وبركاته الله يسلمك اختي جربيها وما بتندمي ان شاء الله وادعي لنا بهالايام الفضيلة وبالمناسبة شكرا كتير منى يا ام الذوق بتفضلك الكريم واجابتك على الاخوات عوضا عني لاني وقتها والعذر منكم ما انتبهت علىهذه الاسئلة اسفة مرة تانية على تقصيري وطبعا منى اعلم بالاجابات اكتر مني لذلك هذا ما ريحني شكرا للجميع على لطفهم :) :)

  23. منى 21 September 2008

    هلا غيوثة:) ان شاء الله تكون الاجابات صح لان اكيدة انتي اعلم ما دامها وصفتك و برجع بكرر شكري على الوصفة السهلة كتير و اليممي

  24. نوارة 18 October 2008

    بدي أسأل عندكن فكرة كم قطعة بيطلع المقادير
    تقريبا

  25. منى 19 October 2008

    هلا نوراة :) الصراحة مو متذكرة بس يمكن بين 25 – 30 قطعة , بس مو متاكدة :roll

  26. نوارة 22 October 2008

    عملتهن كتير طلعو طيبات وفعلا تحضيرهن سهل وما بياخد وقت ابدا
    غطستهن بشوكولا ولاوز وفستق مطحون طلع شكلهن كتير حلو
    انا كنت مالي رايدة اعملهن لأنو مافي حدا ياكلهن غير انا ومحمدبس حسبي الله ونعم الوكيل عملتهن ونازلين اكل فيهن

  27. منى 23 October 2008

    هنا و هنونة على قلبك نوارة و على قلب محمدكمان , هيك لحتى يقول عنك فنانة غير شكل ;)

    على فكرة سمسومة المرة الماضية عملتنلنا التمر على طريقتك :eek بيجنن , هلا عم اعمل مربى برتقال لحتى حضر الوصفة و نزلها ;)

  28. منامينو 8 November 2008

    اللـــــــــه، يعيشو هالإيدين يا رب. من زمان كنت بدي هالوصفة، وأتاريها سهلة كتير :zzz . الله يعطيكي العافية يا رب

    كل الشكر لهالموقع المبدع، الله يخليلنا اياكن..

  29. الدمشقية 17 November 2008

    يسلم ايدك يا أروع غيث شو هالأكلة تصوري وأنا عم ساويها ولساتها سخنة بالطنجرة ولاد اخواتي اجوا واكلوا منها وحبوها كتير :) وأول يوم عملت العيار كاسة وحدة :grin وثاني يوم فوراً عملت كاستين وما شاء الله مشيو كلهم :grin طبعاً لأنه كان فيه ضيوف عند اخي وحبهم ما تركوا ولا حبة منهم :grin
    وعلى فكرة يا اخت منى عرفت مين عم يدخل على الموقع ويخربه 8) هذا واحد من اثنين :eek إما شخص زاد وزنه بسبب هالأكلات الطيبة فعلاً :cry أو واحد مرته ما عم تعرف تعمله هيك اكل طيب :zzz
    شو رأيك ؟؟؟؟؟؟؟؟؟؟؟؟؟؟؟ 8)

  30. عيون ريم 8 March 2009

    تسلم الايادي حبيبتي غيث وصاحبة التطبيق الفنانه منى انا عملت الخليط وجمدوبنفس المقادير وتركتها تبرد بس ماجمدت للحد اني اكورها واحشيها مثل ماحكو البنات والله اني مقهورة حطيتها على الغاز اكتر من مرة هي جمدت لدرجة انه المعلقه صعب اني احرك فيها الخلطة ايش المشكله حبيبتي منى اوغيث اناغطيتها وتركتهاللصبح وكتبتلكم عشان اعرف ايش اعمل عشان تزبط وطعمها وااااااو بس للاسف ماعرفت اكورها كيف لازم يكون قوامها وايش لازم ازيد ولا لازم ارجعها على النار اكتر رجاء ردو علي والله زعلانه خاصه انه في بنات جربوها وزبطت معهم وهي سهلة مابدها شغل بس ما بعرف وين الغلط اتحملوني طولت عليكم بانتظااااار الحل تسلمولي :? :cry :sigh

  31. منى 10 March 2009

    هلا ريومة :)
    مشان الله لا تزعلي , حقك علي

    المشكلة الي قلتيها اتوقعا ان كان في غلط غير مقصود بالمعيارات , اما زيادة في السوائل أو تقليل من السميد :roll

    ما دامك حطيتيها بالبراد , ان شاء الله ممكن تسممك اكتر و تساعدك , ممكن تبلي ايدك بشوية مي و تحاولي تشكليها , و اذا ما مشي الحال رصيها بطبق بايركس و غطيها بالشوكولا المدوبة و بتصير كمان احلى طبق حلو لكل العيلة ;)

  32. حنان 15 April 2009

    تسلم ايدك اخت منى انا جربت راس العبد وردة الجوري وكثير طبخات وكانت لذيذة وممتعة واولاد كثير حبوها وشكرا

  33. منى 16 April 2009

    الف هنا و عافية اختي حنان على كل شي جربتيه و عجبك و عجب العيلة :)
    نورتينا

  34. حنان 29 April 2009

    شكرا اخت غيوثه على هالوصفه الحلوة على فكره الاولاد كثير حبوها انا حبيت كثير الا بكتبوا التعليقات

  35. غيث 3 May 2009

    صخة وهنا حبيبتي حنان على قلوبكم يا رب واسفة لتاخيري بالرد لاني كنت مسافرة ولا ادخل النت وكمان من قبل كان الموقع عندي ما عم يشتغل كتير احيان ما بيدخل على هذا الموقع والحمد لله الان الامور افضل لذلك بعتذر عن عدم الاجابات وبشكر منى على تفضلها وتكرمها بالاجابات وهو من حظكم لان المعلمة بحالها عبتجاوبكم الله يعطيها الف عافية وشكرا لكم جميعا

  36. منى 4 May 2009

    خليلي عينك غيوثة على زووءك اليبيخجلني و الله , و لا معلمة و لا شي الله يوفقك , انا لسا عم اتعلم و في بداية الطريق :zzz

  37. larooo 18 March 2010

    ممممم أول مرة أعرف انو راس العبد بينعمل من السميد
    طول عمرها ماما بتضحك علينا وبتعمله لما بكون عنا
    كاتو قديم يعني شي يومين ومامشي سوقه ..بتقوم بتعجنه مع شوية حليب سائل وكاكاو ورشة قرفة
    وبتقلنا كلو ..اتاريها عم تضحك علينا :( :x
    هههههههه بس كنا ننبسط فيه والله:grin
    يسلمو كتير غيث عالتوضيح ..ومنى اللي مافي منها
    مابتخلي حدا الا وبتجاوب عليه ..والله مافي منكن

  38. منى 18 March 2010

    لارا انا كنت اعمل متل ماماتك قبل ما تعلمني غيث وصفتها , لو مع العافية طيب :grin

  39. hajar 17 May 2010

    هاي انا بعمل كرات العبد بغير طريقة وكتير لذيذ وناجح بحط كوب سميد وكوب سكر وكوب جوز الهند وكوب حليب ونص قالب زبدة وظرف فانيليا وعلبة كاكاو اي ما يعادل 5 ملاعق كبيرة كاكاو و3 بيضات وقرفة واذا بتحبي ضيفي جوزة الطيب او قرنفل حسب ذوقك والنكهة الي بتحبيها بحطن كلن بطنجرة عالنار وبحرك لحتى يغلي المزيج ويسمك بتركه لحتى يبردشوي وبعدين بكون حاطة للزينة جوز هند وصوص شوكولا على طريقة منى بعمل كور مغلفة بجوز الهند وكور مغطسة بشوكولا يمممممم كتير طيب بتمنى تجربي طريقتي منى وتعجبك لحسن الحظ طلع عندي صورة للكرات [img]http://http://dc06.arabsh.com/i/01504/8j36bm1cwha0.JPG[/img]

  40. منى 18 May 2010

    ممم , كمان بتشهي :)

    ان شاء الله بجربها مرة تانية على طريقتك

    يسلموا كتير هاجر للاضافة ;)

  41. أمــ نــــدى 25 October 2010

    يمي يمي
    شي بيشهي والله
    ان شاء الله بجربها
    ومتأكده بتطلع بتطير العقل
    يسلمو ايديكي اخت غيث

  42. أمــ نــــدى 25 October 2010

    الله يجزيك خير غيث
    ما قدرت أنتظر بدون تجربتها
    قمت ع طول وسويتها ويالله شو طيبه
    غطستها بالشوكولاه السائله وزينتها بالفيرماسيل المبشوره وشكلها بيطير العقل
    وعلى فكره أخت منى مانك بحاجه الى تذويب الكاكاو لانه على طول بيدوب مع التقليب والحراره والله يجزيك خير على هالموقع الطيب استفدت منه كتير

  43. أم المنذر 7 November 2010

    يمسيكم بالخيرحبيباتي انا بعرف بدال السميدبحط بسكويت اول مرة بسمع بالسميد بطحنالبسكويت السادة شي أربع باكيتات وبضيف المواد الجافة متل الكاكاو وجوزالهندوالسكرالبودرةوبعدين بضيف الحليب شوي شوي حتى ما تمرق العجينة وما بحط سمنة بشوفا مو ضروري وبعدين بكورها وبغطها بالشيكولاته وبعين بجوزالهند وبحطا بالبراد عشردقايق وبتطلع طيبة كتير شو رأيك أخت منى

  44. منى 8 November 2010

    انا كنت اعملها متلك ام المنذر بس بالزبدة عواض السمنة , بتطلع كتير طيبة , بس مع طريقة غيث صارت تطلع متل الجاهزة تمام و حتى على اطيب

    جربي مو خسرانة شي :zzz

  45. Lost spoon 19 November 2010

    جربت نصف المقدار لأني جبانه شوي . استعملت الزبده بدل السمنه، و لأن ولادي مو صحاب مع جوز الهند. حطيت جوز خشن. وكرات كتير زغيره ….شكلن كتير حلو أما الطعم (أكلت نصون قبل ما يصيروا بلصحن)

    المهم بالموضوع إن الشغله كلها ربع ساعة. شكراً

  46. منى 20 November 2010

    صحتين و الف الف هنا رولا على البك و اليب الكتاكيت , بالفعل وصفة مميزة :zzz

  47. غيث 4 December 2010

    السلام عليكم يا اخواتي العزيزات واسفة لانني لم ارد على تعليقات البعض منكن بسبب بعض المشاغل والظروف واشكر منى الغالية جدا بتفضلها وذوقها وحتى فنها بالاجابات الاكثر من ذكية وانا انبسطت انها رادة عليكن جزاها الله خيرا واشكر كل الاخوات اللواتي جربو الاكلة وقدمو لي شكرهن اقول لهن ان شاء الله الف صحة وهنا على قلوبكم وقلوب كل اللي اكل وذاق وشكرا مرة تانية من القلب لمنى الغالية اللي بلطفها فعلا خلت الموقع يستاهل عشر نجوم بتصنيفه :)

  48. بيبو 23 September 2014

    شكرااا كتير عالوصفة السهلة وبنفس الوقت مابتاخد من وقتك ابدا وفينا نعملا كنوع حلو زيادة بين الحلويات لما يكون في مناسبة وبرجع بكرر اهم شي ما بدو تعب ووقت :)

    بس سؤالي يمكن كاستين حليب كتير لهالوصفة لانو عملت نفس المقادير تماااام بس ما تماسكت العجينة وما قدرت اعملن طابات وحتى بعد ما بردت حاولت وما زبطو وطلع شكلن متل الطابة المكبوسة :D

    • منى 28 September 2014

      هههههههه حبيت التعبير

      مممم غريب انا جربت الوصفة حرفيها و نجحت , طيب ممكن يكون نوعية السميد؟

  49. نسرين 7 December 2014

    يسلمهن على هالوصفه عملتها انا وبنوتتي الصغيرة كنوع من انواع النشاط الاسري وكتييييير انبسطت وكتييييير حبتها وانا كمان طار عقلي فيها و طعمتها رجعتلي ذكريات كتيير حلوة …..طبقت الوصفه بحذافيرها بس بظن انو المرة الجايه حضيف الكاكاو مع السميد ليكون خلطه اسهل ولاحظت انو طعمتها تاني يوم اطيب النكهات وضحت اكتر وتجانست اكتر

    • منى 7 December 2014

      صحتين و الف عافية نسرين ع قلبك و قلب بنتك الحلوة
      هو ايا شي فيه بهارات لما ياخد وقته و يرتاح بتطلع طعمته اطيب .. شكرا للاضافة

تقييم الوصفة
عاديةقد أحضرهاجيدةممتازةأكثر من رائعة (2 votes, average: 5.00 out of 5)