كبسة الدجاج السريعة


         وصفة : منى                 2013/05/09                 6 تعليقات
كبسة الدجاج السريعة

أحلى شي بوصفتي اليوم انو بتاخد وقت قليل للتجهيز و كمان أنها بتاخد طنجرة واحدة لتحضير الطبخة كلها من الاول للأخير و انا صايرة عم حب كتير الوصفات الحبابات متل هي . كلو بنفس الطنجرة , خليها تكتك على نار هادية على رواق و الطعم بالاخر يممممم


عملنا من قبل كبسة على طريقتي و اليوم كمان كبسة على طريقتي بس بطريقة أسهل و الطعمة مختلفة و التنتين طيبيبن و ما بيتفوتوا , انت شوفي الي بيعجبك بس حطي براسك انو لااازم تجربي الطريقتين .


هل الكبسة بتقدري تحضريها باللحمة الشقف الغنم أو العجل و فيك تحضريها بالدجاج , حسب الرأي العام عندك , نحنا جماعة منحب اللحم الأبيض المتوسط لهيك منميل للدجاج كتير :) بتاخدي بالحساب انو اللحمة بتاخد وقت اكتر لتستوي , اما باقي الخطوات و المقادير فنفسها . و متل كل الوصفات البهارات أساس , لهيك كتير مهم ان بهارت الكبسة الي عندك ريحتهن حلوة لان هنن رح يعطروا الكبسة . أخر شغلة أنا بحضر طبخاتي دوماً زيت زيتون , اذا مو متعودة عليه فيك تستعملي الي بيريحك . بس المهم زيت مو زبدة أو سمنة .


بالصحة و الهنا

شو لازمنا ؟

نصف كوب زيت زيتون أو زيت عادي
1 كيلو دجاج أو لحم غنم , مقطع قطع كبيرة , مشفى أو بعظمه حسب الرغبة
بضعة حبات هال و قرنفل و فلفل أسود , صحيح
1 عود قرفة
1 ورق غار
3 حبة كبيرة بندورة ، مقشرة و منزوعة البذور و مفرومة
1 ملعقة كبيرة معجون الطماطم
1 حبة لومي
1 ملعقة كبيرة مسطحة بهارات كبسة
4 كوب و نصف ماء
3 كوب رز بسمتي
طريقة التحضير

ツ يقلب البصل بنصف كمية الزيت على نار متوسطة حتى يشقر . تضاف قطع الدجاج أو اللحمة و تقلب على نار قوية لبضع دقائق حتى تحمر . قطعت الدجاج , جهزت البهارات الصحيحة
ツ تضاف البهارات الصحيحة ( الهال و القرنفل و الفلفل الأسود و ورق الغار و عود القرفة ) و تقلب لمدة دقيقتان حتى تظهر رائحة البهارات اللذيذة .
ツ تضاف البندورة المفرومة و معجون الطماطم، و يقلب الكل لمدة دقيقتان . يضاف الماء و اللومي و يغطى القدر و يترك حتى ينضج الدجاج أو اللحم , حوالي 30 د للدجاج و 75 د للحم . قليت البصل ليشقر , ضفت الدجاج و البهارات الصيحة , و بالاخير ضفت البندورة
ツ في هذه الأثناء يغسل الرز و ينقع لمدة نصف ساعة , يصفى جيداً ثم تضاف بهارات الكبسة و الملح و باقي الزيت و يقلب حتى تتغلف حبات الرز بالبهارات .
ツ يضاف الرز المتبل للمرق و يقلب بلطف , المفروض أن تكون كمية المرق فوق الرز بحوالي نصف سم , يضاف القليل من الماء المغلي إذا دعت الحاجة .
ツ توضع القدر على نار متوسطة حتى يغلي , يغطى القدر و تهدى النار و يترك لمدة 20 دقيقة تقريباً أو حتى يتشرب الرز كل المرق .
ツ يترك الأرز حتى يرتاح و يتفلفل لبضع دقائق , يصب في طبق التقديم و يقدم مع سلطة الكبسة .

التعليقات

  1. Amoolah 2 July 2013

    مزيد من التقدم ان شاء الله

    • منى 2 July 2013

      شكرا حبيبتي

  2. ديما 26 March 2014

    أنا بعملا نفس طريقتك بالزبط بس بزيادة انو بقلي توم مع البصلة وبحط جزرة بقطعا متل عيدان الكبريت وقرن فليفلة حدة بيعطيا حدودية طيبة كتير طبعا ما بكتر وشوي فليلفة حلوة كمان بقطعا عيدان واذا في زنجبيل اخضر بحط شوي وكمان بحط زبيب قدر كمشة لكل كاسة رز انا بحبا كتير مع الزبيب كتير بيفرق الطعم يمكن تستغربي من الجزر بس انا مرة اكلتا بالسعودية كانو حاطين فيها جزر :)

    • منى 4 April 2014

      ممممم , اكلاتك كتيرر بتشهي , بحس حالي عبشم ريحتها الله وكيلك من الوصف
      شكرا كتيرر للاضافات , الهي تعيشي و تعملي

  3. ديما 5 April 2014

    تسلمي يا رب يا منى الله ما يحرمنا من هالطلة اشتقنالك :)

    • منى 5 April 2014

      الله يسلمك ديما و انا كمان اشتاتلك , تسال عليك العافية دوما :)

تقييم الوصفة
عاديةقد أحضرهاجيدةممتازةأكثر من رائعة (5 votes, average: 3.20 out of 5)