كرات الشوكولا


         وصفة : ام جنى عبيدات                 2010/03/17                 23 تعليقات
كرات الشوكولا

كرات الشوكولا

بسكوت ساده مطحون
نص قالب زبده
علبه قشطه
4 ملعقه كبيره كاكاو بودره
9 ملعقه كبيره سكر

للزينه:

فستق حلبي مطحون
كاكاو بودره
كورن فلكس
جوز الهند





• تذوب الزبده على نار هادئه مع السكر حتى يتمازج الخليط..يضاف الكاكاو ويحرك بسرعه لمده ثواني ثم تطفا النار

• نضيف القشطه.. يبرد قليلا قبل اضافه الالبسكوت المطحون

• ملاحظه:كميه البسكوت المطحون تحددها كثافه الخليط..نستمر باضافه البسكوت حتى تتكون ما يشبه العجينه التي تشكل باليد

• نضع مواد التزيين باطباق منفصله ونضع صحن به ماء لسهوله تكوير العجينه

• نضع بباطن الكف قليل من الماء ثم نقطع جزء من العجينه ونكور ثم نضع كميه بجوز الهند وكميه اخرى بالكاكاو واخرى بالفستق و صحتين وعافيه

• يمكن مشاركه الاطفال بالعمليه الاخيره.. وضع الكرات بالزينه المحببه لديهم
  • وصفات تانية ممكن تعجبك


التعليقات

  1. منى 17 March 2010

    ويا عيني عليك يا ام جنى , هل الوصفة شو بتشهي و سهللللللة و منظرها يممم :)

    رايحة خبي هل الصفحة عن الاولاد احلى ما يعملوا مظاهرة و يطالبوني باني قوم هلا على المطبخ :zzz

  2. بشرى 17 March 2010

    فعلاً سهلة كتير ومفيدة في الحالات الطارئة .. يسلمو إيديكي أم جنى والله يحفظلك جنى ..

    بس سؤالي عزيزتي إديه ممكن تدوم هالكرات ؟ يعني إذا حبيت احفظهن :zzz وشكؤاً إلك كتير ولمنونة الي عرفتنا على هالوجه الطيبة متلها :)

  3. ام الفوارس 17 March 2010

    الله يسلم هالايدين يارب
    كتير منظرها بيشهي انا بساويها بس على طريقة امي بسكوت مكسر و علبة قشطة وسكر و كاكاو اذا بتحبي بتحطي معها مكسرات و بلفها بكيس نايلون وبحطها بالفريزر نحن بالشام منسميها سوكسيه بساويها وبخبيها للضيوف يلي بيجوا فجأة :)

  4. منال 17 March 2010

    الله يعطيك العافيه كتير شي طيب انا كل شي في شوكولا بعشقه بس انا كمان متل الاخت بشرى حابه اعرف فترة استعماله لاني بساويها سوكسيه بس ما بيمشي الحال بدون فريزر ابدا ومشكوره

  5. ام جنى عبيدات 17 March 2010

    اهلين بالطيبين وبجد يسلم البها منى بتعرفنا عالناس الطيبين… اختي بشرى هاي بتنعمل وبتناكل دغري صدقي ما بعرف ازا بتضاين لانه ولا مره عملتها وضل منها لتاني يوم… بس اتوقع تضل يومين ازا مغلفه بنايلون وبالتلاجه تضل.. صحتين وعافيه على البكم :zzz

  6. huda81 17 March 2010

    يسلم ايديكي يا منى…شكلهم كتير حلو…أنا بعرف أديش انتي مشغوله بس كنت بدي اطلب منك هلطلب…بدي طريقه فته الدجاج الأصليه، عندي أكتر من وصفه لإلها و كل وحده شكل…وقلت لحالي ما إلي غيرك يحكيلي كيف

  7. منى 18 March 2010

    تكرم عيونك هدى , ان شاء الله ما باخرها عليك ;)

  8. huda81 18 March 2010

    كلك ذوء يا منى…بالفعل ست بيت عن حق وحقيق

  9. منال 18 March 2010

    سلام عليكم اختي ام جنى اليوم ساويتها انا وبنتي وكتير انبسطنا في الشغل كتير سهله بس كمان كتير طيبه وعجبت الجميع بشكلها الجديد عن السوكسيه مشكوره

  10. ام جنى عبيدات 19 March 2010

    اهلين ومرحبتين اختي منال.. صحتين والف عافيه يارب وكتير انبسطت انها عجبتك.. الحلو انه الصغار بساعدو فيها.. لما تكون عندي عزيمه زفيها صغار كتير بجمعهم بالمطبخ وبنعملها اول شي بساعدوني وتاني شي بنرتاح احنا الكبار من ازعاجهم :grin

  11. ام جنى عبيدات 19 March 2010

    عزيزتي منى انا بدي اشكرك لتنزيل الوصفه على موقعك الحلووووو .. ما بتعرفي شو انا مبسوطه على تجاوب الاخوات معي وهلا عرفت سر نشاطك الدائم الله يعطيكي الصحه وهوه رد فعل المشاركين وتشجيعهم.. بتمنالك المزيد من النجاح دايما.. يمكن انا مبسوطه زياده بس لانها اول مشاركه الي واكيد مو الاخيره انشالله

  12. marim 19 March 2010

    شلونك مدام منى وكل عام وانتي بخير وكل ام بخير ويخلي كل ام لاولادها بدي اطلب منك طلب بليز بس لاتطولي علي بدي طريقة كيك الجوزهندبس مايكون ناشف وفطيرة التفاح كتيير بحبها بس ماعم تزبط معي الله يوفقك رايحة اعتمدعليكي

  13. marim 19 March 2010

    بدي شارك معكن بها الوصفة وبتمنى لكل واحدة بتجربها وبتزبط معها تدعيلي هاي الوصفة نقلتها من كتاب النخبة بس كتيرطيبة المقادير الطبقةالاولى تنينونص باكيت بسكوت سامي ونص قالب زبدة يفرك مع بعض ونعمله طبقة بالجاط البايريكس قياس وسط ونعمل الطبقة التانية بالخلاط نضع نص كوب لبن و5فناجين نيدو و3فناجين سكر يخلط ويوضع فوق طبقة البسكوت ويوضع شوي بالفرن حتى يجمد ثم نتركه حتى يبردتماما تعمل على النار الطبقة التالتةوهي عبارة عن تلتين كوب ماء نتركهم حتى يبداو بالغليان ثم نضيف 1باكيت كريم كرلميل وملعقة صغيرة نسكافيه ويغلو قليلا ويتركو حتى يبردو شوي ويسكب فوق الطبقة التانية ويضع بالبراد حتى يبردوصحة وهنا

  14. لمياء 20 March 2010

    جزاكى الله كل خير يا أم جنى على الوصفه السهله واللذيذه[B]null[/B]

  15. TENDERNESS 20 March 2010

    يعطيكِ العافية اختي ام جتى عالوصفه ، كتير سهله ولذيذه، وبنفس الوقت منقذ الك اذا اجو ضيوف على غفله بتكون ضيافتهن حاضرة.بس كأنو 9 ملاعق سكر كبار كتير شوي ولا شو رأيكن؟ :zzz

  16. TENDERNESS 20 March 2010

    اختي marimوصفتك متل وصفة موجودة هون بالموقع وهي التشيز كيك بس الاختلاف بالطبقة الاخيرة انتي بتحطي كريم كراميل ونسكافيه، المشكلة هالطبق بتطلع حموضته ظاهرة بسبب اللبن ومع الجلي بتخف شوي ، ما بعرف كيف رح يكون الطعم مع الكريم كراميل ، وفي ملاحظة اختي ما حددتي فنجان النيدو والسكر شو هو بس بظن انو قصدك فنجان قهوة :roll

  17. semo 20 March 2010

    مممممممممممم كتير سهل وطيب الله يعطيكي العافية
    ذكرني بكاتو الموزاييك عطريقة منى الله يخلينا ياها

  18. ام جنى عبيدات 20 March 2010

    يخليلي عينك شو كلك زوء يالمياء وصحتين والف عافيه :zzz

  19. ام جنى عبيدات 21 March 2010

    اهلين بالكل ويسلمو على تعليقاتكم الحلوه.. بالنسبه للسكر اختي tenderness المقدار كافي ليحلي الكاكاو لانه البودره بتكون مو محلايه ابدا انتي جربيها وشوفي يمكن مع اصابعك الحلوين ما يلزمها المقدار كله وصحتين وعافيه مقدما :grin

  20. marim 23 March 2010

    مرحبا بس بدي رد على الاخت يلي قالت انه الاكلة يلي كتبتها بيطلعلها حموضة اختي اللبن يلي رح تستخدميه مولازم يكون حامض يكون طازج وبعدين جربيها والله رح تدعيلي لانها كتير طيبة وقصدي بالفنجان فنجان القهوة المرة

  21. karamela 9 May 2010

    شكرا الك ام جنى لانك حابة الخير النا متل مو حاببتيه لحالك
    انا مبارح عملتا للأكلة متل مو كاتبتيا بحذافيرهاوطلعت شكل رائع وطعمة أروع
    دائما بدنا من مطبخك الاكلات المميزة متلك

  22. amoula 24 March 2011

    روووووعة يسلم ايديكي يارب , سهلة وطيبة وشكلها حلو , الله يعطيكي العافية ياارب

  23. abir5 25 March 2011

    تسلم ايديك حبيبتي عن جد طبق لديد وسهل كثير ومثل ماقلتي بصير بتكةعلى قد ماحبه ابني كلما بيخلص الطبق منعمل الثاني :roll شكر الك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)