براونيز بكريما الخمس دقايق السرية
كرات الشوكولا
بسكوت ساده مطحون
نص قالب زبده
علبه قشطه
4 ملعقه كبيره كاكاو بودره
9 ملعقه كبيره سكر
للزينه:
فستق حلبي مطحون
كاكاو بودره
كورن فلكس
جوز الهند
نص قالب زبده
علبه قشطه
4 ملعقه كبيره كاكاو بودره
9 ملعقه كبيره سكر
للزينه:
فستق حلبي مطحون
كاكاو بودره
كورن فلكس
جوز الهند
• تذوب الزبده على نار هادئه مع السكر حتى يتمازج الخليط..يضاف الكاكاو ويحرك بسرعه لمده ثواني ثم تطفا النار
• نضيف القشطه.. يبرد قليلا قبل اضافه الالبسكوت المطحون
• ملاحظه:كميه البسكوت المطحون تحددها كثافه الخليط..نستمر باضافه البسكوت حتى تتكون ما يشبه العجينه التي تشكل باليد
• نضع مواد التزيين باطباق منفصله ونضع صحن به ماء لسهوله تكوير العجينه
• نضع بباطن الكف قليل من الماء ثم نقطع جزء من العجينه ونكور ثم نضع كميه بجوز الهند وكميه اخرى بالكاكاو واخرى بالفستق و صحتين وعافيه
• يمكن مشاركه الاطفال بالعمليه الاخيره.. وضع الكرات بالزينه المحببه لديهم
ويا عيني عليك يا ام جنى , هل الوصفة شو بتشهي و سهللللللة و منظرها يممم
رايحة خبي هل الصفحة عن الاولاد احلى ما يعملوا مظاهرة و يطالبوني باني قوم هلا على المطبخ :zzz
فعلاً سهلة كتير ومفيدة في الحالات الطارئة .. يسلمو إيديكي أم جنى والله يحفظلك جنى ..
بس سؤالي عزيزتي إديه ممكن تدوم هالكرات ؟ يعني إذا حبيت احفظهن :zzz وشكؤاً إلك كتير ولمنونة الي عرفتنا على هالوجه الطيبة متلها
الله يسلم هالايدين يارب
كتير منظرها بيشهي انا بساويها بس على طريقة امي بسكوت مكسر و علبة قشطة وسكر و كاكاو اذا بتحبي بتحطي معها مكسرات و بلفها بكيس نايلون وبحطها بالفريزر نحن بالشام منسميها سوكسيه بساويها وبخبيها للضيوف يلي بيجوا فجأة
الله يعطيك العافيه كتير شي طيب انا كل شي في شوكولا بعشقه بس انا كمان متل الاخت بشرى حابه اعرف فترة استعماله لاني بساويها سوكسيه بس ما بيمشي الحال بدون فريزر ابدا ومشكوره
اهلين بالطيبين وبجد يسلم البها منى بتعرفنا عالناس الطيبين… اختي بشرى هاي بتنعمل وبتناكل دغري صدقي ما بعرف ازا بتضاين لانه ولا مره عملتها وضل منها لتاني يوم… بس اتوقع تضل يومين ازا مغلفه بنايلون وبالتلاجه تضل.. صحتين وعافيه على البكم :zzz
يسلم ايديكي يا منى…شكلهم كتير حلو…أنا بعرف أديش انتي مشغوله بس كنت بدي اطلب منك هلطلب…بدي طريقه فته الدجاج الأصليه، عندي أكتر من وصفه لإلها و كل وحده شكل…وقلت لحالي ما إلي غيرك يحكيلي كيف
تكرم عيونك هدى , ان شاء الله ما باخرها عليك
كلك ذوء يا منى…بالفعل ست بيت عن حق وحقيق
سلام عليكم اختي ام جنى اليوم ساويتها انا وبنتي وكتير انبسطنا في الشغل كتير سهله بس كمان كتير طيبه وعجبت الجميع بشكلها الجديد عن السوكسيه مشكوره
اهلين ومرحبتين اختي منال.. صحتين والف عافيه يارب وكتير انبسطت انها عجبتك.. الحلو انه الصغار بساعدو فيها.. لما تكون عندي عزيمه زفيها صغار كتير بجمعهم بالمطبخ وبنعملها اول شي بساعدوني وتاني شي بنرتاح احنا الكبار من ازعاجهم :grin
عزيزتي منى انا بدي اشكرك لتنزيل الوصفه على موقعك الحلووووو .. ما بتعرفي شو انا مبسوطه على تجاوب الاخوات معي وهلا عرفت سر نشاطك الدائم الله يعطيكي الصحه وهوه رد فعل المشاركين وتشجيعهم.. بتمنالك المزيد من النجاح دايما.. يمكن انا مبسوطه زياده بس لانها اول مشاركه الي واكيد مو الاخيره انشالله
شلونك مدام منى وكل عام وانتي بخير وكل ام بخير ويخلي كل ام لاولادها بدي اطلب منك طلب بليز بس لاتطولي علي بدي طريقة كيك الجوزهندبس مايكون ناشف وفطيرة التفاح كتيير بحبها بس ماعم تزبط معي الله يوفقك رايحة اعتمدعليكي
بدي شارك معكن بها الوصفة وبتمنى لكل واحدة بتجربها وبتزبط معها تدعيلي هاي الوصفة نقلتها من كتاب النخبة بس كتيرطيبة المقادير الطبقةالاولى تنينونص باكيت بسكوت سامي ونص قالب زبدة يفرك مع بعض ونعمله طبقة بالجاط البايريكس قياس وسط ونعمل الطبقة التانية بالخلاط نضع نص كوب لبن و5فناجين نيدو و3فناجين سكر يخلط ويوضع فوق طبقة البسكوت ويوضع شوي بالفرن حتى يجمد ثم نتركه حتى يبردتماما تعمل على النار الطبقة التالتةوهي عبارة عن تلتين كوب ماء نتركهم حتى يبداو بالغليان ثم نضيف 1باكيت كريم كرلميل وملعقة صغيرة نسكافيه ويغلو قليلا ويتركو حتى يبردو شوي ويسكب فوق الطبقة التانية ويضع بالبراد حتى يبردوصحة وهنا
جزاكى الله كل خير يا أم جنى على الوصفه السهله واللذيذه[B]null[/B]
يعطيكِ العافية اختي ام جتى عالوصفه ، كتير سهله ولذيذه، وبنفس الوقت منقذ الك اذا اجو ضيوف على غفله بتكون ضيافتهن حاضرة.بس كأنو 9 ملاعق سكر كبار كتير شوي ولا شو رأيكن؟ :zzz
اختي marimوصفتك متل وصفة موجودة هون بالموقع وهي التشيز كيك بس الاختلاف بالطبقة الاخيرة انتي بتحطي كريم كراميل ونسكافيه، المشكلة هالطبق بتطلع حموضته ظاهرة بسبب اللبن ومع الجلي بتخف شوي ، ما بعرف كيف رح يكون الطعم مع الكريم كراميل ، وفي ملاحظة اختي ما حددتي فنجان النيدو والسكر شو هو بس بظن انو قصدك فنجان قهوة :roll
مممممممممممم كتير سهل وطيب الله يعطيكي العافية
ذكرني بكاتو الموزاييك عطريقة منى الله يخلينا ياها
يخليلي عينك شو كلك زوء يالمياء وصحتين والف عافيه :zzz
اهلين بالكل ويسلمو على تعليقاتكم الحلوه.. بالنسبه للسكر اختي tenderness المقدار كافي ليحلي الكاكاو لانه البودره بتكون مو محلايه ابدا انتي جربيها وشوفي يمكن مع اصابعك الحلوين ما يلزمها المقدار كله وصحتين وعافيه مقدما :grin
مرحبا بس بدي رد على الاخت يلي قالت انه الاكلة يلي كتبتها بيطلعلها حموضة اختي اللبن يلي رح تستخدميه مولازم يكون حامض يكون طازج وبعدين جربيها والله رح تدعيلي لانها كتير طيبة وقصدي بالفنجان فنجان القهوة المرة
شكرا الك ام جنى لانك حابة الخير النا متل مو حاببتيه لحالك
انا مبارح عملتا للأكلة متل مو كاتبتيا بحذافيرهاوطلعت شكل رائع وطعمة أروع
دائما بدنا من مطبخك الاكلات المميزة متلك
روووووعة يسلم ايديكي يارب , سهلة وطيبة وشكلها حلو , الله يعطيكي العافية ياارب
تسلم ايديك حبيبتي عن جد طبق لديد وسهل كثير ومثل ماقلتي بصير بتكةعلى قد ماحبه ابني كلما بيخلص الطبق منعمل الثاني :roll شكر الك