مكسرات هندية


         وصفة : لارا مينا                 2010/05/18                 8 تعليقات
مكسرات هندية

·         ينقع الحمص بماء مدة 24 ساعة ويغير الماء كل فترة .

·         يوضع الحمص في مصفاة ويترك ليتصفى تماما من الماء .

·         نحمي الزيت في مقلاة عميقة ونقلي فيه الحمص على دفعتين  أولا على نار عالية مدة دقيقة ثم نهدئ النار بحيث تكون وسط إلى هادئة  ويترك حتى تطفو حبات الحمص على الوجه أو حتى تصبح مقرمشة. (بالإمكان تذوق حبةواحدة للتأكد من نضجها)

·         نضع الحمص في مصفاة ونضع عليه مباشرة وهو لايزال ساخن ملعقتين أو ثلاث من البهارات حتى تلتصق حبات البهارات به ونحركه جيدا .

·         نتركها حتى تبرد تماماوتقدم .

·         هذه صورة بهار شات ماسالا  وهو نوع من البهارات لايمكن تحضيره بالبيت مثل الكاري وغيره لأن من ضمن مكوناته ملح البارود او الملح الأسود 
إضافات :

يمكن إضافة ملح _ كركم _ بودرة الفلفل الأحمر الحار ( تشيلي ) حسب الذوق العام على الحمص وهو لايزال ساخن .

تحذير :

يجب الحذر والإنتباه من حبات الحمص عندما تطفو على السطح لأنها ممكن ان تنفجر في الوجه او على اليد  ومعها الزيت الساخن . 



2كوب حمص جاف
بهار شات ماسالا الجاهز
زيت للقلي





• ينقع الحمص بماء مدة 24 ساعة ويغير الماء كل فترة .

• يوضع الحمص في مصفاة ويترك ليتصفى تماما من الماء .

• نحمي الزيت في مقلاة عميقة ونقلي فيه الحمص على دفعتين أولا على نار عالية مدة دقيقة ثم نهدئ النار بحيث تكون وسط إلى هادئة ويترك حتى تطفو حبات الحمص على الوجه أو حتى تصبح مقرمشة. (بالإمكان تذوق حبةواحدة للتأكد من نضجها)

• نضع الحمص في مصفاة ونضع عليه مباشرة وهو لايزال ساخن ملعقتين أو ثلاث من البهارات حتى تلتصق حبات البهارات به ونحركه جيدا .

• نتركها حتى تبرد تماماوتقدم .

• هذه صورة بهار شات ماسالا وهو نوع من البهارات لايمكن تحضيره بالبيت مثل الكاري وغيره لأن من ضمن مكوناته ملح البارود او الملح الأسود
إضافات :

يمكن إضافة ملح _ كركم _ بودرة الفلفل الأحمر الحار ( تشيلي ) حسب الذوق العام على الحمص وهو لايزال ساخن .


تحذير :

يجب الحذر والإنتباه من حبات الحمص عندما تطفو على السطح لأنها ممكن ان تنفجر في الوجه او على اليد ومعها الزيت الساخن .
  • وصفات تانية ممكن تعجبك


التعليقات

  1. منى 18 May 2010

    ووواو كبيرة لارا , يعني و الله مو مبالغة , بس كل وصفة نزلتيها مميزة اكتر من الي قبلها و كلها كلها بدها تحية و سلام .

    اول مرة اسمع بهيك وصفة و هدولة البهارات اكيد ما عنا منهم بسوريا , بينفع حط مجموعة بهارات على كيفي و اذا اي , شو بتقترحي

    ممنوتك لارا اكتر ما بتتخيلي على هيك وصفات , سلم هل الايدين :)

  2. semo 18 May 2010

    ياترى بيكون مقرمش متل الشيبس ولا لأ :?
    بس كتير الفكرة حلوة وجديدة ماشاء الله يالارامينا مقدمة مينيو كامل الله يعطيكي العافية
    ويخليلنا منى يارب

  3. farah 19 May 2010

    عن جد ابداع وطريقة تقديمك رائعة يا ستي الله يعطيكي ألف عافية بس خوفتيني من قصة الزيت :eek
    انا مجربة حرق صغييير كتير الله يجيرنا من حر جهنم فكيف ما يفقع بوجهي :cry الله يستر بس بدي جربها وأبعد مترين عن المقلاية دخلك بدهم وقت ولا بيتحمرو بسرعة؟؟

  4. لارا مينا 21 May 2010

    والله يا أخت منى إنت إلي وصفاتك مميزة بالأساس, ولو ما كان عندك هالموقع الطيب ما كنت فكرت أبدا أكتب وصفة وانشرها لدرجة إنها ممكن توصل لناس ما يخطر على بالنا إنهم يعرفوها , لأن عادة نتبادل الوصفات بين الأهل و الأصحاب المقربين بس ..وبالنسبة للبهارات والله أنا مش مجربة حط نوع ثاني لأن هي كمان عطتني وصفتين ثانية لمكسرات مختلفة وكل نوع له بهاراته شي لقيته وشي ما لقيته ,, عالعموم رح أكتب لك مكونات الشات ماسالا الموجود عالعبوة وممكن تعمليها وتخلطيها بالمتوفر عندك والمكونات كلها بودرة وهي : ( فلفل أحمر حار ( شيلي ) – كزبرة ناشفة – كركم – كمون – ثوم مجفف بودرة – زنجبيل مجفف بودرة – الفص – قرفة – هيل هندي – محمص غرام المانجو المجففة _ ملح البارود ) . أما نسبة الخلط بينهم مش موضحة بس هو من النوع الحار وفيه حموضة يمكن من المانجو.
    وهذا لونه وشكله.

    http://www3.0zz0.com/2010/05/21/08/873160224.jpg

    أهلين مرة ثانية وثالثة بالأخت سيمو مزبوط كلامك هو مقرمش مثل المكسرات يلي بنعرفها وصحة وهنا على قلبكم جميعا :zzz

    يامرحبا بفرح .. خليك قبضاية وقوي قلبك ومافيه داعي للخوف أنا عادة بقليها وماعمرها فرقعت بوجهي إلا هالمرة يمكن حست إني رح أصورها و أنزلها بالنت فكانت مبسوطة وعملت حفلة , والوقت تقريبا من 10 دقايق أو ربع ساعة حسب …إنتي ذوقي وحدة وشوفي,, وعلى فكرة الحمص مابيتحمر أبدا مهما طول على النارمش مثل الشيبس بس بيصير لونه يبهت وكأنه بدا ييبس ,, وكمان بإمكانك تحتفظي فيها بعلبة بعد مايبرد تماما مدة شهر ويمكن أكثر مابيضر لأن عملية قليه مثل عملية التجفيف تمام وصحة على قلبك. :) :)

  5. farah 26 May 2010

    حبيبتي لارا اليوم جربتها وطلعت ظريفة أول وجبة يمكن زدت عليها القلي فشوي قسيت بس كانت لذيذة بالذات بعد ما ضفتلها مجموعة بهارات بخلطتي الخاصة والمهم انهم ما فرقعوا بالزيت والحمد لله واللي بقي خبيتهم بمطربان زجاجي بالبراد بينفعوا وقت طلب التسالي مشكورة يا قمر :zzz

  6. لارا مينا 27 May 2010

    أهلين بفرح … جدا مبسوطة إنك جربتيها وعقبال الباقين وشوي شوي بيستفيد الواحد من تجاربه وخبرته. ألف صحة وألف هنا
    :) :)

  7. Amar 10 August 2010

    الوصفه حلوه وغريبه وأنا دايما بحب التجريب، والمشكله انو حبات الحمص بلشت تنط من الزيت وتطير شي على الأرض وشي على الغاز هنن مو كتار اللي نطوا بس طرطشوا وعبوا الدنيا وعملت حفلة تنظيف بعدها.
    تحذير مهم إخلاء المطبخ من الأطفال عند القلي.

  8. لارا مينا 3 September 2010

    مساء الخير أخت قمر .. ألف صحة وهناوشكرا لتجريبك الوصفة , وصدقيني الحبات نطت من الفرحة أكيد… وإذا عملتي حفلة تنظيف أنا دايما عندي بالمطبخ حفلات تنظيف وقريبا جدا رح أصير متعهد حفلات رسمي :grin
    تحياتي.

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)