أرز بالجزر و الكاجو


         وصفة : منى                 2007/11/19                 21 تعليقات
أرز بالجزر و الكاجو

·          يغسل الأرز و ينقع بماء بارد لمدة عشر دقائق ثم يغلى المرق و يضاف له الأرز و بعد أن يغلي تهدى النار و تغطى الطنجرة و يترك حتى يقارب النضج .

·          أثناء طبخ الرز تحضر الخلطة : يقلى البصل بالسمنة حتى يطرى قليلاً , تضاف حبات الكاجو و الكمون و الفلفل الأخضر و يقلب الكل لمدة دقيقة .

·          يضاف الكركم و الفليلفة الحمراء و الجزر المبشور و يقلب الكل حتى يتغلف الجزر بالبهارات و يطرى .

·          يضاف الغرام ماسالا و الكزبرة الخضراء و تقلب كل المقادير تقليبة واحدة ثم تضاف للأرز بحيث يكون الأرز قد قارب النضج و لم يمتص كل المرق و تقلب بالشوكة , ستلاحظين أن الأرز قد بدأ باكتساب لون أصفر جميل .

·          تغطى الطنجرة و تترك حتى ينضج الأرز تماماً و يمتص كل المرق ثم يبعد القدر عن النار و يترك ليتهدى لمدة عشر دقائق .

·          يضاف عصير الليمون للأرز و يقدم ساخناً مع سلطة الرايتا كوجبة خفيفة أو مع مختلف أطباق المشاوي حسب الرغبة .

فكرة سريعة :

إذا لم يتوفر لديك بهار الغرام ماسالا استبدليه في هذه الوصفة بالكاري .  




كوب أرز بسمتي
2 كوب مرق
نصف ملعقة صغيرة عصير ليمون

الخلطة ( الكشنة ) :

ملعقة كبيرة سمنة
حبة صغيرة جداً بصل
5 – 6 ملعقة كبيرة كاجو مفروم خشناً
نصف ملعقة صغيرة كمون حب
حبة صغيرة جداً فلفل أخضر حرّ ( يمكن استبداله بالفليلفة الحلوة حسب الرغبة )
ربع ملعقة صغيرة فليلفة حمراء ناعمة
ربع ملعقة صغيرة كركم
كوب جزر مبشور
نصف ملعقة صغيرة بهارات غرام ماسالا
2 ملعقة كبيرة كزبرة خضراء مفرومة ناعم





• يغسل الأرز و ينقع بماء بارد لمدة عشر دقائق ثم يغلى المرق و يضاف له الأرز و بعد أن يغلي تهدى النار و تغطى الطنجرة و يترك حتى يقارب النضج .

• أثناء طبخ الرز تحضر الخلطة : يقلى البصل بالسمنة حتى يطرى قليلاً , تضاف حبات الكاجو و الكمون و الفلفل الأخضر و يقلب الكل لمدة دقيقة .

• يضاف الكركم و الفليلفة الحمراء و الجزر المبشور و يقلب الكل حتى يتغلف الجزر بالبهارات و يطرى .

• يضاف الغرام ماسالا و الكزبرة الخضراء و تقلب كل المقادير تقليبة واحدة ثم تضاف للأرز بحيث يكون الأرز قد قارب النضج و لم يمتص كل المرق و تقلب بالشوكة , ستلاحظين أن الأرز قد بدأ باكتساب لون أصفر جميل .

• تغطى الطنجرة و تترك حتى ينضج الأرز تماماً و يمتص كل المرق ثم يبعد القدر عن النار و يترك ليتهدى لمدة عشر دقائق .

• يضاف عصير الليمون للأرز و يقدم ساخناً مع سلطة الرايتا كوجبة خفيفة أو مع مختلف أطباق المشاوي حسب الرغبة .


فكرة سريعة :

إذا لم يتوفر لديك بهار الغرام ماسالا استبدليه في هذه الوصفة بالكاري .
  • وصفات تانية ممكن تعجبك


التعليقات

  1. تورتاية بالكريز 16 December 2007

    ماشاء الله صورة الطبق تحفة فنية والوانه بديعةومغرية للتامل
    والطريقة حلوة ومشهية
    تسلمي يارب عليها الله يعطكي العافية دايما ياقمر

  2. منى 16 December 2007

    كلك ززء ام ياسمين :)

    عن جد بعد ما اقرأ ردودك مابعرف شو جاوب و باي كلمات شكر ممكن رد عليك :)

    هاد بس من لطفك و طيبتك أختي :)

  3. أم عباده 22 January 2008

    شو رائعه لا والله أكتر من رائعه عن جد كتير مميز وطيب وحبو عبادة وأبو عباده كمان جربتو اليوم مع الفاهيتا وشوربه البروكلي طلعت السفرة بدا صورة على هالوصفات الرائعه والالوان الزاهيه وطبعا الطعم الشهي
    تسلم ايديك وماننحرم هالوصفات الطيبه

  4. منى 23 January 2008

    صحتين و هنا يا رب على قلبك و قلب عبادة الصغنون و قلب كل العيلة :)

    الله يسلمك أختي و كتير انبسطت انها بيضت لك وجهك :)

  5. بدور 14 November 2008

    شي بيجنن و للنظر قبل الاكل 8)

    كتير الصورة حلوة والوصفة مشهية الله لا يضيعلك تعب ويسلم دياتك على هالذوق واللمسات السحرية
    والله انت ست بيت درجة اولى الله يهني زوجك و اولادك فيك :zzz

  6. سارونات 14 November 2008

    السلام عليكم و رحمة الله و بركاته
    جازاك الله خيرا اختي منى الصورة بدا تحكي
    للاسف انا مؤجلة الوصفة الى ان يتوفر الغرام ماسالا او الكاري بس هالش يما بيمنع ازعجك باسئلتي :grin لحتى وقت يتوفرو عطول ساويه
    شو قولك ازا جربتو اول مرة بس بالجزر و من غير كاجو لاني مو متعودة ضيف المكسرات للاكل و بخاف ما يتقبلوها و كمان هل فينا نستبدل الكاجو بغير مكسرات مثلا الفول السوداني peanuts لان بحس طعمتهم قريبة لبعض مع ان الكاجو اطيب
    و هل فينا نستبدل الكركم بالزعفران
    كمان الكاجو بينباع املح بكتير من بقية المكسرات انا هيك لاحظت المهم يعني هل هيدا السبب لانك ما ضفتي ملح و كمان ازا استعملت الفول السوداني هل بحمصو و بملحو او لا
    بالتوفيق
    سلام

  7. سارونات 14 November 2008

    السلام عليكم و رحمة الله و بركاته
    اختي منى الفليفلة الحر خليتيها متل ما هي يعني من غير تقطيع تحتى تعطي طعمة و لما خلصت الطبخة شلتيها او فرمتيها ناعما
    بالتوفيق
    سلام

  8. منى 17 November 2008

    هلا بدورة :)
    هدا بس من زووءك يا أطيب عسل و الله يهني صاحب النصيب فيك كمان :zzz

  9. منى 17 November 2008

    هلا سارونات :)
    و لو اختي انت تامري , ممكن تحضريها اكيد من دون كاجو و ما اعتقد انك ممكن تستعملي الفول السوداني , يس جربي ليش لا
    الملح نسيت اكتبه بين المقادير و الكاجو الي استعملته هو كاجو عادي و مو مملح و نستعمله من دون تحميص

    الحر فرمته ناعم و إذا ما بتحبي طعمته كتير ممكن تخليهم بحالهم و ترفعيهم بعد ما تخلص الطبخة

  10. نادين 17 November 2008

    السلام عليكم
    شكرا منى على هالوصفة الظريفة
    انا عندي جزر كتير ومحتارة شو اطبخ …..من اسبوع عملت جزرية و كاير حبيتها(ما بعرف اذا منزلة بالموقع بس اذا مو موجودة بيشرفني اشارك فيها :roll )
    وكنت حابة اعمل شي بالجزر و لاقيت هي الاكلة بس سؤالي اديش كمية الجزر الي لازم اضيفها للطبخة و مشكورة :)

  11. منى 17 November 2008

    لا و الله نادين ما بعرفها و انا بمووت على الجزر , عم استناها ;)
    الجزر كوب مبشور و فيك تظيفي كوب و نص على كيفك

  12. عيون ريم 10 March 2009

    تسلم هالايادي الحلوة انتي جدا رااااائعه موسوعه ماشاء الله عنك الله يحميكي :roll

  13. منى 11 March 2009

    هلا ريومة :)
    هادا بس من زووءك و لطفك اختي , مية هلا فيك نورتينا

  14. سارونات 22 May 2009

    السلام عليكم و رحمة الله و بركاته

    اختي منى اشتريت مكعبات ماجي مشان جربها بعرف ان المكعبات اللي بتنعمل في البيت احسن بس قلت خليني جربهم تشوف بقى بدي اعرف قديش بدي حط ماء لكل مكعب و هل دوب المكعب في الماء و استعمله او حط ما ءبالطنجرة للرز و بعدي فتت المكعب و اخلط
    بالتوفيق
    سلام

  15. منى 22 May 2009

    لكل مكعب كوبين مي و بتدوبيهم على النار مع المي قبل اضافتهم للرز لحتى ما يبقى كتل ما دابت ;)

  16. سارونات 23 May 2009

    السلام عليكم و رحمة الله و بركاته
    جازاك الله خيرا اختي منى
    ربي يوفقك و يسهل دربك
    سلام

  17. سارونات 23 June 2009

    السلام عليكم و رحمة الله و بركاته

    ساويته و طلع كتير طيب متل ما وصفتيه

    جازاك الله خيرا اختي منى

    بالتوفيق

    سلام

  18. شفاء 6 March 2010
  19. شفاء 6 March 2010

    شلونك منى ان شاء الله تمام

    عملت اليوم هالرز لأنه كان عندي مشاوي من امبارح
    فحبيت أعمل معهن شي

    بصراحة طلع كتييييير لذيذ
    حتى اني مو قدرانة أصبر ليجي جوزي فتغديت من هلأ

    وعملت السلطة كمان :grin

    بصراحة كله لذيذ

    الله يجزيك الخير ويسلم ايديكي

  20. منى 6 March 2010

    هلا سارونات :)
    الف صحة و هنا و عافية يا حق بكل لقمة ;)

  21. منى 7 March 2010

    هلا شفاء :)
    هنا و عافية حبيبتي على البك و الب القطط الحلوة , كتير بحب هل الوصفة لانها سهلة و نكهتها غنية , عوافي على البك ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)