أطيب كيك شوكولا


         وصفة : منى                 2008/04/03                 32 تعليقات
أطيب كيك شوكولا

تحضير الحشوة : 

·          يوضع الحليب و الطحين في وعاء صغير و يخفق الكل على البارد حتى يذوب كل الطحين في الحليب .

·          يضاف السكر و يوضع على النار و يحرك الكل بمضرب سلك على نار متوسطة حتى يغلي المزيج و يسمك لبضع دقائق  .

·          يبعد القدر عن النار ثم تضاف الشوكولا و يحرك الكل حتى  تذوب الشوكولا تماماً .

·           تضاف  الزبدة و يحرك المزيج حتى تذوب الزبدة و تختلط بالكريما .

تحضير الكريما :

·          تخفق الكريما البودرة مع الحليب حتى تسمك و تشتد .

·          تضاف علبة القشطة و تخفق حتى تتجانس الكريما , أصبحت الكريما جاهزة .

·          إذا توفرت عندك كريما السائلة الخاصة بالحلويات تخفق مع السكر البودرة لتحضير الكريما الشانتيه و يزيين بها الكاتو و طعمة و نكهة هذه الكريما ألذ بكثير من كريما البودرة .

تطبيق الوصفة : 

·          يحضر قالب الشوكولا قبل بيوم من موعد التقديم كي يسهل قسمه و العمل به .

·          في اليوم التالي يقسم القالب لنصفيين باستخدام سكينة حادة .

·          يوضع أول نصف من القالب على طبق التقديم ثم بسقى ببضع ملاعق من عصير الأناناس .

·          تدهن الحشوة على أول نصف ثم تنثر فوقها شرائح الأناناس المفروم في حال استخدامه .

·          يوضع النصف الثاني من القالب فوق الحشوة ثم يسقى ببضع ملاعق من عصير الأناناس .

·          تدهن الكريما على القالب و تمسد باستخدام سكين عريضة .

·          تنثر الشوكولا المبشورة أو بالكاكاو البودرة على وجه القالب ثم يزين بحبات من الفريز أو الكرز لعمل تضارب جميل بالألوان و يمكن التزيين بشرائح من الأناناس .

   




وصفة كاتو الشوكولا بالزبادي

الحشوة :

2 كوب حليب
3 حبة مارس صغيرة أو شوكولا على حليب
3 ملعقة كبيرة سكر
4 ملعقة كبيرة طحين
2 ملعقة كبيرة زبدة

لتطبيق الوصفة :

3 شرائح أناناس ( اختياري )
بضع ملاعق من عصير الأناناس
علبة كاملة كريما بودرة على شوكولا
ثلاث أرباع كوب حليب بارد جداً
علبة قشطة ( اختياري )
شوكولا مبشورة أو كاكاو بودرة
حبات فريز أو كرز أو توت





تحضير الحشوة :

• يوضع الحليب و الطحين في وعاء صغير و يخفق الكل على البارد حتى يذوب كل الطحين في الحليب .

• يضاف السكر و يوضع على النار و يحرك الكل بمضرب سلك على نار متوسطة حتى يغلي المزيج و يسمك لبضع دقائق .

• يبعد القدر عن النار ثم تضاف الشوكولا و يحرك الكل حتى تذوب الشوكولا تماماً .

• تضاف الزبدة و يحرك المزيج حتى تذوب الزبدة و تختلط بالكريما .

تحضير الكريما :

• تخفق الكريما البودرة مع الحليب حتى تسمك و تشتد .

• تضاف علبة القشطة و تخفق حتى تتجانس الكريما , أصبحت الكريما جاهزة .

• إذا توفرت عندك كريما السائلة الخاصة بالحلويات تخفق مع السكر البودرة لتحضير الكريما الشانتيه و يزيين بها الكاتو و طعمة و نكهة هذه الكريما ألذ بكثير من كريما البودرة .


تطبيق الوصفة :

• يحضر قالب الشوكولا قبل بيوم من موعد التقديم كي يسهل قسمه و العمل به .

• في اليوم التالي يقسم القالب لنصفيين باستخدام سكينة حادة .

• يوضع أول نصف من القالب على طبق التقديم ثم بسقى ببضع ملاعق من عصير الأناناس .

• تدهن الحشوة على أول نصف ثم تنثر فوقها شرائح الأناناس المفروم في حال استخدامه .

• يوضع النصف الثاني من القالب فوق الحشوة ثم يسقى ببضع ملاعق من عصير الأناناس .

• تدهن الكريما على القالب و تمسد باستخدام سكين عريضة .

• تنثر الشوكولا المبشورة أو بالكاكاو البودرة على وجه القالب ثم يزين بحبات من الفريز أو الكرز لعمل تضارب جميل بالألوان و يمكن التزيين بشرائح من الأناناس .


  • وصفات تانية ممكن تعجبك


التعليقات

  1. ام نور 8 April 2008

    هالقالب شكلو ولا اروع كلك زوء اختي منى

  2. منى 9 April 2008

    انت الي زووء ام نور :)

    ان شاء الله تجربيه و يعجبك ;)

  3. غيث 11 April 2008

    اول شي تسلم دياتك يا حلوة ورح اجربه انشاء الله قريبا لأنني عدت بحمد الله من اجازتي الجميلة التي قضيتها بحلب الحبيبة خلال شهر اذار وصار لي 10 ايام منذ عودتي والموقع لا يفتح عندي حتى اليوم مشي حاله الحمد لله انبسطت كتير لما اشتغل اليوم الموقع عندي ورجعت لاكلاتكم اللذيذة الله يعطيكم العافية جميعا

  4. منى 13 April 2008

    هلا غيث :) بعد زمان عنك أختي
    الحمد الله على السلامة , ان شاء الله كانت سفرتكم ميسرة..

    الحمد لله هلأ انحلت كل مشاكل الموقع , و أكيدة لو جربتي هل القالب رح يعجبك كتير ;)

    الله يعافيكي يا رب و نور الموقع فيك من جديد

  5. سمسمة 14 April 2008

    الله يسلم هالأيدين
    استني علي منى لأخلص ريجيم وجرب هالكيك لأنه من منظره بياخد العقل

  6. منى 14 April 2008

    الله يسلمك سممسومة :) يلا عم استنى , و ان شاء الله اكيد رح تحبيها ;)

  7. أم مــــالــــك 16 April 2008

    يمي يمي أحترنا يا منى اي وصفه نعمل كلهم الذ واروع من بعض :grin شكرا حبيبتي

  8. منى 16 April 2008

    اعملي هي الوصفة و إذا ما بتبعتيلي ست مية بوسة ما بكون أسمي منى :grin

    مضمونة ان الكل رح يموت عليه , أتمنى انك تجربيه ام مالك ;)

  9. بدور 16 April 2008

    يعني والله يا منى اكلاتك بتفسد الأخلاق و ما بعود بيعجبك أي شي ولا أي كاتو بتدوئيه ;)

    بس أنا مشكلتي بكاتوياتك الطيبين كتير إني لا أنا ولا إخواتي منصبر ناكلو تاني يوم بعد ما يخلص بالكامل..
    بيئلولي خلص مو هاد صار كاتو بلا تكملي بكرة و تحطيلو شوكولا و هالشغلات,
    متعودين عبعمل كاتو اليوم معناتا لازم ناكلو اليوم :p

  10. لارا مينا 17 April 2008

    مساء الخير أخت منى،هاذي أول مرة أرسلك بس حبيت أشكرك جزيل الشكر على هذا الموقع المتميز حيث أنه أعطاني معلومات مهمة ودقيقة عن بعض الأكلات الشاميةالرائعة.

  11. منى 17 April 2008

    هلا بدورة:) خلص ساوويه و خبيه عندي و إن شاااااااء الله إن شاااء الله برجعلك ياه تاني يوم :grin

  12. منى 17 April 2008

    هلا لارا:)
    الشكر ليك أختي على الكلام الجميل و الرد الحلو , و إن شاء الله تجربي وصفة منهم و تعجبك و كمان لا تنسي تخبريني ;)

  13. رنا 28 April 2008

    شكرا كتير يامدام منى على هالوصفة بس بدي اسألك هلأ انتي عم تقولي انه نستخدم كاتو اللبن وبوصفة هالكاتو انتي حاطة انه لازم نغطيها بشوكولا مارس ….طيب كبف اذا حطينالها صوص بدنا نرجع نحشيها ونحط كريما ؟؟
    وبصير اعمل الكاتو ابيض يعني بدون كاكاو بس احط اناناس :zzz
    وشكرا كتير الك

  14. منى 28 April 2008

    هلا رنونة :)

    انا قصدي تحضري الكاتو من دون صوص أكيد ;) و كمان بيصير تحضري اي كاتو أبيض بيعجبك و تحشيه و انت و خيالك و زوووءك يا عسل , بس لو رح تعمليه ابيض الاحلى انك تزينيه بكريما بيضا 8)

  15. رنا 29 April 2008

    دخيلك ماتواخذيني بس والله لانه انا جديدة عالمطبخ وعم حب جرب شغلات جديدة وخايفة بنفس الوقت بس جربت كاتو قدرة قادر وعجب الجمهور كتير وطار عقلهن فيه بقا هلأ حابة اتطور وساوي هالكاتو بس خلص بدي ساويه اليوم لانه علبة الاناناس صارلها عندي عشر ايام …وشكرا كتير لاهتمامك عزيزتي

  16. منى 1 May 2008

    و لا يهمك رنونة :) انا هون تحت الخدمة و الامر و اي سؤال من عيوني أختي 8)

    و هنا و عوافي على قدرة قادر ;)

  17. WAFAA 3 July 2008

    تعرفي انا جربته وطلع مثل الصورة تمام وزينته كمان بحبات الشوكولا
    وبالحشوة مالقيت مارس بس حطيت نوع ثاني من الشكولا على مكسرات وطلع الكاتو طيييييب كثيرر وعجب دار عمو كثييير كمان .

  18. منى 3 July 2008

    هنا و عوافي وفا :)
    انبسطت كتير ان جربتيه و عجبك و عجب أهلك , ريتو هنا يا حق :zzz

  19. ام محمد 4 October 2008

    السلام عليكم والله كتير اشتقت للموقع وخاصة لاختي الغالية منى :) كنت بحلب كتير احكي ع الموقع وعن اكلاته الطيبه وطبخت كم وصفة من عندك ونالت الاعجاب :zzz الله يعطيكي العافية

  20. منى 5 October 2008

    هلا ام محمد :) تشتاق الك العافية من زمان القمر ما بان, مية هلا فيك و مية الف صحة و هنا على كل شي جربتيه و عجبك ;)

  21. ام اسامة 21 February 2009

    والله لما شفت شكلو اشتهيت عليه بقا شلون اذا شفتو قدامي يسلم هالايدين عل الوصفات الطيبة والاحلى من هيك كلو مجرب

  22. منى 22 February 2009

    هلا ام اسامة :)
    يلا اتفضلي بسم الله و الاكل على قد المحبة :zzz
    ان شاء الله تجربيه و يعجبك و مية هلا فيك , على فكرة اسم اسامة احلى اسم بالعالم بالنسبة الي , الله يحفظه و يخليه يا رب

  23. سارونات 2 March 2009

    السلام عليكم و رحمة الله و بركاته

    بعد النجاح الساحق و المبهر لكاتو البرتقال بكريما البرتقال عبالي جرب هالكاتو بس عندي شوية اسئلة

    كاتو الشوكولا بالزبادي طالع صغير في صورته الاصلية و قلت الصينية قطرها 22 او 24 بس هون عم شوف ان الكاتو كتير كبير يعني انت ساويتي نفس مقادير الكاتو الاصلي او ضاعفتيها و بدي اعرف طول و عرض هالصينية المستطيلة اللي ساويتيه فيها

    كمان هل ضروري عصير اناناس يعني ما بينفع نحط عصير تاني و كمان قصدك بعصير الاناناس اللي بيجي معاه في العلبة او ممكن عصير اناناس عادي
    بالتوفيق
    سلام

    اختي منى شو اخبار صوص الشوكولا الخفيف اللي خبرتيني عنه :?

  24. منى 3 March 2009

    هلا سارونات :)
    انا ضاعفت الكمية بهل الوصفة لان كان عندنا عزيمة كبيرة , بس الصراحة ما بقى اذكر ايا صينية استعملت :roll

    ممكن تستعملي ايا عصير بتحبيه , بس الاناناس مع الشوكولا خطير بيطلع و العصير الي ااقصده هو العصير الي في العلب ;)

    ايا صوص ! نسيت اختي و انا صار واعدتك بكتير وصفات ممكن تذكريني بس بايا وصفة لحتى ارجع اقرا ردي و اتذكر شو كنت عم ااقصد 8)

  25. سارونات 3 March 2009

    السلام عليكم و رحمة الله و بركاته

    يخليلي ياكي اختي منى انا راح ساوي الوصفة بمقاديرها الاصلية يعني 2 بيض و هيك بس بدي اسألك عن مقادير الحشوة اللي انت كاتبتها هون مشان اتأكد هل هي للوصفة الاصلية الصغيرة او لضعف الكمية

    بالنسبة للصوص هو مشان كيكة الشوكولا بالزبادي لان قلتلك ان صوص المارس ثقيل بالنسبة لي لان فيه قشطة فقلتيلي راح حطلك وصفة صوص سهل و خفيف
    جازاك الله خيرا اختي منى خصوصا خصوصا خصوصا على كاتو البرتقال المميز جدا و اللي كسر جميع المقاييس

    بالتوفيق
    سلام

  26. منى 3 March 2009

    الف هنا و عافية سارونات :)
    و لو ما انت شطورة ما كان كسر الدنيا ;)

    الحشوة لهل الكمية و صوص الشوكولا المقصود هو صوص [URL=http://www.l2ma.com/content/view/515/2/]الشوكولا[/URL]
    و هو فيه قشطة بس اخف من صوص المارس لان ما فيه زبدة و الشوكولا المستخدمة شوكولا سادة :)

  27. سارونات 11 March 2009

    السلام عليكم و رحمة الله و بركاته
    يخليلي ياكي اختي منى و ربنا يوفقك و يرزقك الصحة و راحة البال

    اختي منى المشكلة عندي صينية قياسها 26 و اخرى قياسها 27 بقى شو قولك ساوي مقدار و نصف من الوصفة يعني الكيكة فيها 2 بيض و انا حط 3 بيض و ساوي نفس الشي مع باقي المكونات مشان تطلع عقد احدى الصينيتين

    كمان عندي سؤال بالنسبة للصواني اللي تفتح من تحت اذا غلفتها من تحت بورق المنيوم بس الجزء السفلي مشان ما تسيح هل هالشي راح يؤثر على نضجها يعني ما راح تنضج منيح او ما راح تحمر او لازم زيد درجة الحرارة مشان تصير كانها من غير المنيوم و قصدي الالمنيوم بس من تحت

    بالتوفيق
    سلام

  28. منى 12 March 2009

    اختي بالنسبة للصواني ما فيني احكم من عندي , عينك هي ميزانك ;)

    اذا غلفت الصواني ما رح يأثر على النضج ابدا , و هي الفكرة نستعملها اكتر الشي لما احضر التشيز كيك

  29. سارونات 12 March 2009

    السلام عليكم و رحمة الله و بركاته

    الحمد لله فرحتيني كتير لكان هلأ خلصت من مشكلة الصينية و راح استعملها و انا مطمنة
    و بالنسبة للمقادير راح جرب و شوف شو راح يطلع معي

    بالتوفيق
    سلام

  30. منى 12 March 2009

    ان شاء الله و انا بانتظارك

  31. سارونات 18 March 2009

    السلام عليكم و رحمة الله و بركاته

    اختي منى قديش بتطلع كمية الشوكولا بالغرام :? لان راح استعمل شوكولا على حليب

    و ناطرين كيكة الفواكه باقرب وقت لحتى شوف اذا راح ساويها هي او راح ارجع ساوي كيكة البرتقالبكريما البرتقال مرة ثانية

    بالتوفيق
    سلام

  32. omislam 19 April 2011

    السلام عليكم اخت منى
    امبارح عملت هالقالب وطلع كتير رهيب شكلا وطعما بس دسم كتير كتير وكمان انا حطيت كرز بدل الاناناس
    تسلم ايديك فعلا كل وصفاتك طيبة ومضبوطة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)