أيس كريم الزبادي و الفواكة


         وصفة : منى                 2008/05/22                 47 تعليقات
أيس كريم الزبادي و الفواكة

·          توضع الفاكهة مع السكر في خلاط الكوكتيل و تمزج حتى تصبح ناعمة تماماً .

·          يضاف الزبادي مع الفانيليا بالتدريج حتى يمتزج الكل .

·          يوضع المزيج في الفريزر و يقلب كل نصف ساعة بالملعقة , بعد ساعتين أو ثلاثة سيشتد  قوام الايس كريم .
 ·          يترك الأيس كريم من دون تقليب في الفريزر لمدة 4 ساعات متتالية ثم يسكب في أطباق صغيرة و يزين بشرائح من الفاكهة أو بالمكسرات .

فكرة مفيدة :

للأخوات في سوريا يستبدل اللبن الزبادي بلبنة بقرية معلبة ممزوجة بالقليل من الماء حتى الحصول على قوام اللبن ثم تتابع الوصفة كالسابق .  

   




300 غرام زبادي ( 3 علب )
نصف كيلو فاكهة مقشرة و مقطعة ( انا استخدمت فراولة )
نصف كوب سكر أو أقل
رشة فانيليا ( اختياري )





• توضع الفاكهة مع السكر في خلاط الكوكتيل و تمزج حتى تصبح ناعمة تماماً .

• يضاف الزبادي مع الفانيليا بالتدريج حتى يمتزج الكل .

• يوضع المزيج في الفريزر و يقلب كل نصف ساعة بالملعقة , بعد ساعتين أو ثلاثة سيشتد قوام الايس كريم .
• يترك الأيس كريم من دون تقليب في الفريزر لمدة 4 ساعات متتالية ثم يسكب في أطباق صغيرة و يزين بشرائح من الفاكهة أو بالمكسرات .

فكرة مفيدة :

للأخوات في سوريا يستبدل اللبن الزبادي بلبنة بقرية معلبة ممزوجة بالقليل من الماء حتى الحصول على قوام اللبن ثم تتابع الوصفة كالسابق .


  • وصفات تانية ممكن تعجبك


التعليقات

  1. ام نور 25 May 2008

    ماشالله على افكارك يا منى روعة هالبوظة وسهلة كتير :) الله يخليكي يا قمر

  2. DOUHA 25 May 2008

    ناناناااااااااااا

    انا اول وحدة جربتوا حتى ابل ما ينزل بالموقع عنجد يا صبايا ايس كريم تحفة وهي شهادتي :zzz

  3. منى 25 May 2008

    هلا ام نور :) بالفعل سهلة و طيبة و خفيييفة و خصوصا لما الواحد بيحسبها للريجيم :roll
    الله يسلمك ام نور و يخليلي هل الطلة الحلوة ;)

  4. منى 25 May 2008

    هنااااااااا

    امبارحة كنت رح اتصل فيك و شوف شو صار معك , قلت ما دام كا خبرتيني معناها ما عجبك :zzz

    هلا كتير انبسطت و عوافي ضحى على قلبك يا رب

  5. linda 28 May 2008

    شو قصة الفريز هل اليومين معك يا موني

    بس كيف بتطلع طعم اللبن الحامض مع الفريز
    هون في هيك شي جاهز بس انا ما بحب اللبن يلي عليه فواكي او سكر

    بحبو حامض متل ما هو

    بس الولاد بحبوه حلو
    رح اعمل و اكيد رح يحبوه

    يسلمو ايديكي

  6. منى 29 May 2008

    هلا لنوشة انا قصتي مع الفريز قصة , يعني لا مانع عندي اتغدى منه أو اشرب قهوتي الصبح و تكون على فريز :grin .

    لنوشة حتى لو كنت ما بتحبي اللبن مع الفواكة أو الي مع سكر هادا رح تحبيه , لان مو مبين أصلا ان فيه لبن

  7. linda 30 May 2008

    هههههههههههههههههههه
    يحرء حريشك
    حلوة هي قهوة بفريز

    يالله عمليها وخدي عليها براءة اختراع
    حاكم ماضل شي ما اخترعوه
    سمعانة بالشوكلا يلي بطعم الفليفلة الحرة
    بتضل فكرة القهوة بفريز مقبولة اكتر قدامها

    ان شالله صحة وهنا اصلا الفريز ما في اطيب منو

  8. أم الهدى 1 June 2008

    حبيبتي منى تسلم دياتك الحلوة امبارح جربتها وطلعت طيبة كتير طعمها جدا رائع يا سلام عليك

  9. منى 1 June 2008

    :grin هلا لنوشة, والله امبارحة طول الوقت عم فكر كيف ممكن ساوي قهوة بس على فريز :roll ..

    اسا الشوكولا على فليلفة نص مصيبة , المصيبة الكاملة الشوكولا على كاري ;) , يلا اذا سويت القهوة على فريز نص براءة الاختراع ال لانك فنيتيها براسي :grin

  10. منى 1 June 2008

    هنااا ام الهدى على قلبك يا حق , الدعوات للاخت شهد الملكة على الوصفة المميزة ;)

  11. linda 1 June 2008

    طيب جربي تحطي عصر فريز مع شوية سكر وغليهون مع القهوة
    و شوفي شو بيصير
    يا اما حطي شي حبتين فريز بقلب دلة القهوة و هي عم تغلي
    شو بيعرفني انا
    انتي ام الافكار
    دبري راسك :grin

    بس ازا طلعت طيبة لا تنسي تعطينا الطريقة :roll

  12. منى 1 June 2008

    هلا لنوشة :)
    و الله فكرة , ما بتعرفي بيصير تطلع طيبة , اصلا المطبخ كله هو تجارب

    هلا رايحة روح للمطبخ و إذا ظبطت معزومة بكرة عندي الصبحية على فنجان قهوة غيرر شكل :zzz

  13. linda 1 June 2008

    ان شالله يا منى شي يوم نلتقي على قهوة سواء بفريز او بدونو

    يالله جربي بتوقعها بتطلع طيبة
    انتي ام الحركات والنفس الطيب
    جربي و خبرينا

  14. منى 2 June 2008

    :grin لسا ما جربتها , قلبي ما طاوعني , بس رح جربها قبل ما يخلص وقت الفريز

    ان شاء الله المرة التانية الي رح تجي فيها لسوريامنشوف بعض و منشرب قهوة مع بعض ;)

  15. بدور 2 June 2008

    والله شي بيفسد الاخلاق و ما بعود بيعجبك شي من السوق 8)

    شئد حبيتيا لبنتك وئت تمرجحت عالبراد؟ :grin
    الله يخليلك ياها يا رب و يسلم ايديكي الحلوين يا ميمو القمر

    كمان لازم جربا نشالله ما بئى عندي عذر امتحان و خلص الحمدلله :zzz

  16. منى 2 June 2008

    و انااا حبيتها اكتر , كل الكمية راااحت و مابقي الا هل التلات كاسات الصغيرة الي صاررر عليهم معارك اثبات ملكية :grin

    جربيها بدورة , هي سهلللة و طيبة و بتستاهل التجربة ;)

  17. ام نور 3 June 2008

    على سيرة البوظة عاموز فعلا انا جربتا كان عندي كتير موز واحترت شو اعمل في وخطرلي اعمل بوظة عطريقتك وبالفعل طلعت بوظة كتير طيبة ومميزة ورح كل مرة جربا بنوع فواكه انشالله

  18. منى 5 June 2008

    هناااااا يا رب احلى ام نور :)

    كمان شجعتيني جربها بالموز , نور الموضوع يا عسل

  19. سارونات 17 July 2008

    السلام عليكم و رحمة الله و بركاته

    و اخيييييييييييرا لقيت ايس كريم من دون كريمة و بالزبادي كمان يا سلام ما في اسهل من هيك

    ربنا يجازيك كل خير اختي منى راح جربو اكيد ان شاء الله بس قوليلي شو الشروط اللي لازم تتوفر في الفاكهة و هل فيني اعمله بالتفاح او الاجاص الاخضر او ما بينفع و الفاكهة منقطعها زغيره كتير او قديش بيكون حجماو هل لازم اللي راح نحط فيه الايسكريم في لفريزريكون مصنوع من الزجاج او ممكن شي تاني

    ربي يوفقك

    سلام

  20. سارونات 17 July 2008

    اختي منى شو حطيتي فوق الفريز تحتى عم يلمع هل هو جيلاتين او شو لان طالع كتير حلو ما شاء الله و نسيت نعيما على الدوش :grin الفواكي مفيدة للبشرة

  21. منى 13 August 2008

    هلا أختي :)

    ان شاء تجربيه و يعجبك لان مميز بالفعل , ممكن تستعمليه باي فواكه بس تكون ناضجة و تقطعيه قطع وسط , و الاناء ما بتفرق شو ما كان , بس الاحسن بلور او بلااستيك لان فيه لبن
    حاطة فوقه شوية من مربى الفريز و هو عطاه لمعة حلوة و كمان طعم ;)

    الله ينعم عليك , بس مش رح قوول عقبالك :grin

  22. سارونات 18 September 2008

    السلام عليكم و رحمة الله و بركاته
    ساويتو بالموز لانو الفاكهة اللي كانت متوفرة عندي ياويت كمية صغيرة و ضبط و الحمد لله بس قبل ما تمر ساعتين على وضعه في الثلاجة و تقليبه في كل مرة صار جاهز منطقيا هالشي صار لان الكمية قليلة و بالتالي بتاخد وقت اقل المهم انو بعدين جمد كتير حتى اني غطيتو لان استعملت علبة بلاستيك فغطيتو بغطاءها على امل انو ما يجمد اكتر و مبارحة لما اجيت تحتى اسكبو لقيتو كتير جامد و صعب ينشال بالملعقة و تحتى تقدري تاكليه لازم تنطري تحتى يدوب يا ترى هالشي طبيعي و شو الحل برأيك بس مع هيك انا كتير مبسوطة اني عملت ايسكريم بالبيت جازاك الله خيرا اختي منى
    بالتوفيق
    سلام

  23. منى 19 September 2008

    هادا طبيعي , اتركيه بره الفريزر شوية قبل ما تغرفييه في أكواب التقديم ;) مية هلا اختي

  24. الدمشقية 17 November 2008

    حبيبتي منى ممكن توضحيلي المقصود بعبارة (يستبدل اللبن الزبادي بلبنة بقرية معلبة) يعني (اللبن المصفى) أم (اللبن العادي) وإذا كان من عند البقال يعني غير المعلب ما بيشمي الحال
    أسفة على عذابك حبيبتي ;)

  25. منى 17 November 2008

    بقصد فيها لبنة متل مستر ميلك بس ما ذكرت اسم لحتى ما يقولوا عم اعمل دعاية ;) اللبنة العادية ما طلعت طيبة لما جربتها و نزعت كل البوظة :roll

  26. رنا 26 November 2008

    هلأ شكلها لذيذ كتير
    بس بدي اسألك بالبنسبة للبن هون كللللللللللله بقري ومبستر يعني من سابع المستحيلات تلاقي فيه طعمة حموضة …السؤال ياترى بينفع استعمل اللبن العادي يعني الروب متل مابيقولوله ولا اجيب العلب الصغيرة السادة او المنكهة ؟؟؟يعني انتي بتستعملي المستر ميلك اللبنة ؟لانه بتصور بسوريا مو موجود الزبادي؟؟

  27. منى 26 November 2008

    انا استعمل المستر ميلك و أخففه بشوية حليب ;)
    جربيها رنونة و على ضمانتي رح تصير من وصفات عيلتك , و لا تنسي تخبريني :zzz

  28. رنا 27 November 2008

    لأأأأأأأأ معناها هون في سر …ليش بتخففيها بالحليب ؟؟اساسا هي مو حامضة ؟
    طيب انا مبارح رحت عالسوبر ماركت بس احترت بأمري
    لقيت شي مكتوب عليه زبادي
    وشي مكتوب عليه لبنة بقرية
    ايهما استعمل ؟؟؟والمطلوب يكون شي متل اللبن بس مو حامض؟؟

  29. منى 27 November 2008

    المطلوب شي يكون متل اللبن و مو حامض و انا بخففها بالحليب مو لانها حامضة لانها سميكة شوي , اتوقع الأحسن انك تستعملي الزبادي ;)

  30. نور الأسلام 25 February 2009

    مرحبا منى كيفك عذرا لاني عم بكتبلك كتير سامحيني لازعاجي اناساويت هلايسكريم بالبرتقال لكن طلع جامد متل لمتلج مو ناعم وكمان بقيت قشور حزوز البرتقال ظاهره كان لازم قشرها بس ماخطرلي رح جربو بالموز يمكن يطلع اطيب

  31. منى 26 February 2009

    هلا نور :)
    و لا يهمك انا تحت الامر بكل سؤال

    طلع جامد معناها تركتيه لوقت زيادة بالفريز , و ما بعرف كيف ما خطر ببالك ان تقشري البرتقال

    بس كمان فكرة لذلذة انك حضرتي الايس كريم بالبرتقال , ان شاء الله رح جربه هيك

    جربيه بالموز أو بالفريز , يممم ما اطيبه

  32. نور الأسلام 26 February 2009

    اناقشرة حبات البرتفال طبعا انا بقصد حزوزالبرتقال اي القشرة الداخليةالرقيقة.ممكن لازم نصفي العصير من بقايا القشور الناعمة انا عم وضح الطريقة علشان الي بحب يساوي الإيس كريم بالبرتقال يتجنب الخطا بالطريق.
    هذه ملاحظة فقط وتسلميلي يا ست منى تحياتي.

  33. منى 27 February 2009

    الله يجازكي كل الخير نور , ان شاء الله ناوية جربها بالبرتقال لان كتير عجبتني فكرته و باذن الله رح انتبه للقشرة :)

  34. نهى 12 April 2009

    تسلم ايديكي يامنى بجد روعة..
    جربته بالفراولة وبالكنتلوب طلع حلو اوى
    بس كنت عاوزة اعرف ازاى اعمل منه بالفانيليا او الشوكولا

  35. منى 12 April 2009

    و الله اختي انا ما جربت منه الا بالفواكة , بس جاري التجارب من دونها و ان شاء الله تزبط معي :zzz

  36. سوسنة 15 April 2009

    والله شكلها كتير طيبة

    كنت عم دور على وصفة ايس كريم

    ان شاء الله بجربها

    يسلمو هالديات منى

  37. منى 16 April 2009

    هلا سوسنة :)
    ان شاء الله رح يعجبك كتير , يمكن هي اكتر وصفة عم عيدها بالموقع , بتلاقيني كل كم يوم عدتها بفواكهة جديدة :zzz

  38. شفاء 29 May 2009

    اليوم ساويت هالبوظة بالتوت

    وطلعت طيبة كتير خاصة انه طعمة الفواكة مبينة طبيعية

    بس انا خبصت شوي بالمقادير يعني ماعرفت كيف بدي
    اجيب 300 غرام لبن فقدرت تقدير ونفس الشي التوت

    بس المهم انها طلعت طيبة حتى انه رفيقتي طلبت تاخد صحن لجوزا من كتر ماحبتا

    فيسلمو ايديك يافنانة

  39. منى 30 May 2009

    هلا شفاء :)
    صحة ريتو و الف الف هنا على قلبك و قلب رفيقتك , و كل مين داقها او رح يدوقها , كتير انبسطت انها عجبتك و كمان ان جربتيها , بتعرفي أنا امبارحة خلصت بوظة التوت من عندي :zzz

  40. محبةالمصطفى ملك 17 May 2010

    منى بدي أسألك مع أني قريت التعليقات بس ما وصلت لجواب :x
    المستر ميلك لبنة؟؟؟ ما بينفع لبن عااادي؟؟؟
    وإن شاء الله رح أجربها وأدعيلك كتيييييييييير اذا نجحت معي

  41. منى 18 May 2010

    لا ما بينفع لبن عادي ابدا , بس اللبن المعلب الي من دون ملح , انتبهي لحتى تطلع معك الوصفة .
    انا كنت استعمل المستر ميلك بس اخر كم مرة صارت تجي مالحة و ما عادت تظبط .

    ممكن تستعملي اللبنة التركية .

    المهم شغلتين , انو تكون معلبة و انو ما تكون مالحة ;)

  42. محبةالمصطفى ملك 18 May 2010

    تسلمي يا منووووووووووووووش

  43. منى 19 May 2010

    :)

  44. فرح 22 January 2014

    السلام عليكم منونة

    أول شي الله يسلم ايديك و يجزيك كل خير عالوصفات الرائعة اللي ماببدلن بأي وصفة من الشاورما للشوربات للمعروك للوصفات الحلبية الأصليةو لكل الوصفات اللذيذة المكسيكانو البطاطا و غيرن القائمة طويلة
    حبيت إني اتشكرك و كل وصفة بدعيلك وراها كومة دعوات
    وعاشوا هالايدين و هالاختراعات و نضل نشوف وصفات مبدعة
    عفكرة كل مابقرا وصفات بكتشف انو النا نفس الذوق بالنكهات بس لسا بدي ماراتونات لاوصل لعندك ما شاءالله
    صح كنا زملاء بالجامعة و لا مرة التقينا بس عن جد بتمنى نلتقي ان شاء الله و تكون حلب مضوية و عامرة
    سلامات
    فرح

    • منى 26 June 2014

      اهلييين فرح :)
      منورة يا ست الزووء , ان شا الله الف الف صحة و هنا على كل وصفة جربتيها , ان شا الله كل دعوة حلوة دعيتيها الك متلها و أكتر , الله كريم منلتقي و منكون ع خير كلياتنا ..
      تعليقك عمل نهاري حلو , شكرا كتير

  45. فرح 22 January 2014

    عفكرة اليوم نزلت كذا وصفة رح جربن ان شاءالله بس حبيت اوصف الشعور الخطيراللي بتعطيه تتبيلة الهني مسترد رهيب كل لقمةاقول ما شاءالله لا قوة الا بالله( انا جربته تتبيلة سلطة ذرة و لب النخيل و تشكيلة بتلبق مع هالمكونين و طلعت لذيذة جدا لا تقاوم للصراحة ما قدرت استنى لوقت اساوي الدجاج) ‎:)‎‎:)‎ و احلى شي انو اليوم اول مرة بحياتي بكتب تعليقات عالوصفات هون لانو فعلا شي يستحق التقديرو الشكر

    • منى 23 January 2014

      شكرا كتير فرح لثقتك في , و شكرا لتواجدك هون , ان شا الله الف هنا و صحة و عافية ع قلبك بكل لقمة , رح استنى رايك بباقي الوصفات :)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 1.00 out of 5)