براونيز بكريما الخمس دقايق السرية
· توضع الفاكهة مع السكر في خلاط الكوكتيل و تمزج حتى تصبح ناعمة تماماً .
· يضاف الزبادي مع الفانيليا بالتدريج حتى يمتزج الكل .
· يوضع المزيج في الفريزر و يقلب كل نصف ساعة بالملعقة , بعد ساعتين أو ثلاثة سيشتد قوام الايس كريم .
· يترك الأيس كريم من دون تقليب في الفريزر لمدة 4 ساعات متتالية ثم يسكب في أطباق صغيرة و يزين بشرائح من الفاكهة أو بالمكسرات .
فكرة مفيدة :
للأخوات في سوريا يستبدل اللبن الزبادي بلبنة بقرية معلبة ممزوجة بالقليل من الماء حتى الحصول على قوام اللبن ثم تتابع الوصفة كالسابق .
300 غرام زبادي ( 3 علب )
نصف كيلو فاكهة مقشرة و مقطعة ( انا استخدمت فراولة )
نصف كوب سكر أو أقل
رشة فانيليا ( اختياري )
• توضع الفاكهة مع السكر في خلاط الكوكتيل و تمزج حتى تصبح ناعمة تماماً .
• يضاف الزبادي مع الفانيليا بالتدريج حتى يمتزج الكل .
• يوضع المزيج في الفريزر و يقلب كل نصف ساعة بالملعقة , بعد ساعتين أو ثلاثة سيشتد قوام الايس كريم .
• يترك الأيس كريم من دون تقليب في الفريزر لمدة 4 ساعات متتالية ثم يسكب في أطباق صغيرة و يزين بشرائح من الفاكهة أو بالمكسرات .
فكرة مفيدة :
للأخوات في سوريا يستبدل اللبن الزبادي بلبنة بقرية معلبة ممزوجة بالقليل من الماء حتى الحصول على قوام اللبن ثم تتابع الوصفة كالسابق .
ماشالله على افكارك يا منى روعة هالبوظة وسهلة كتير
الله يخليكي يا قمر
ناناناااااااااااا
انا اول وحدة جربتوا حتى ابل ما ينزل بالموقع عنجد يا صبايا ايس كريم تحفة وهي شهادتي :zzz
هلا ام نور
بالفعل سهلة و طيبة و خفيييفة و خصوصا لما الواحد بيحسبها للريجيم :roll
الله يسلمك ام نور و يخليلي هل الطلة الحلوة
هنااااااااا
امبارحة كنت رح اتصل فيك و شوف شو صار معك , قلت ما دام كا خبرتيني معناها ما عجبك :zzz
هلا كتير انبسطت و عوافي ضحى على قلبك يا رب
شو قصة الفريز هل اليومين معك يا موني
بس كيف بتطلع طعم اللبن الحامض مع الفريز
هون في هيك شي جاهز بس انا ما بحب اللبن يلي عليه فواكي او سكر
بحبو حامض متل ما هو
بس الولاد بحبوه حلو
رح اعمل و اكيد رح يحبوه
يسلمو ايديكي
هلا لنوشة انا قصتي مع الفريز قصة , يعني لا مانع عندي اتغدى منه أو اشرب قهوتي الصبح و تكون على فريز :grin .
لنوشة حتى لو كنت ما بتحبي اللبن مع الفواكة أو الي مع سكر هادا رح تحبيه , لان مو مبين أصلا ان فيه لبن
هههههههههههههههههههه
يحرء حريشك
حلوة هي قهوة بفريز
يالله عمليها وخدي عليها براءة اختراع
حاكم ماضل شي ما اخترعوه
سمعانة بالشوكلا يلي بطعم الفليفلة الحرة
بتضل فكرة القهوة بفريز مقبولة اكتر قدامها
ان شالله صحة وهنا اصلا الفريز ما في اطيب منو
حبيبتي منى تسلم دياتك الحلوة امبارح جربتها وطلعت طيبة كتير طعمها جدا رائع يا سلام عليك
:grin هلا لنوشة, والله امبارحة طول الوقت عم فكر كيف ممكن ساوي قهوة بس على فريز :roll ..
اسا الشوكولا على فليلفة نص مصيبة , المصيبة الكاملة الشوكولا على كاري
, يلا اذا سويت القهوة على فريز نص براءة الاختراع ال لانك فنيتيها براسي :grin
هنااا ام الهدى على قلبك يا حق , الدعوات للاخت شهد الملكة على الوصفة المميزة
طيب جربي تحطي عصر فريز مع شوية سكر وغليهون مع القهوة
و شوفي شو بيصير
يا اما حطي شي حبتين فريز بقلب دلة القهوة و هي عم تغلي
شو بيعرفني انا
انتي ام الافكار
دبري راسك :grin
بس ازا طلعت طيبة لا تنسي تعطينا الطريقة :roll
هلا لنوشة
و الله فكرة , ما بتعرفي بيصير تطلع طيبة , اصلا المطبخ كله هو تجارب
هلا رايحة روح للمطبخ و إذا ظبطت معزومة بكرة عندي الصبحية على فنجان قهوة غيرر شكل :zzz
ان شالله يا منى شي يوم نلتقي على قهوة سواء بفريز او بدونو
يالله جربي بتوقعها بتطلع طيبة
انتي ام الحركات والنفس الطيب
جربي و خبرينا
:grin لسا ما جربتها , قلبي ما طاوعني , بس رح جربها قبل ما يخلص وقت الفريز
ان شاء الله المرة التانية الي رح تجي فيها لسوريامنشوف بعض و منشرب قهوة مع بعض
والله شي بيفسد الاخلاق و ما بعود بيعجبك شي من السوق 8)
شئد حبيتيا لبنتك وئت تمرجحت عالبراد؟ :grin
الله يخليلك ياها يا رب و يسلم ايديكي الحلوين يا ميمو القمر
كمان لازم جربا نشالله ما بئى عندي عذر امتحان و خلص الحمدلله :zzz
و انااا حبيتها اكتر , كل الكمية راااحت و مابقي الا هل التلات كاسات الصغيرة الي صاررر عليهم معارك اثبات ملكية :grin
جربيها بدورة , هي سهلللة و طيبة و بتستاهل التجربة
على سيرة البوظة عاموز فعلا انا جربتا كان عندي كتير موز واحترت شو اعمل في وخطرلي اعمل بوظة عطريقتك وبالفعل طلعت بوظة كتير طيبة ومميزة ورح كل مرة جربا بنوع فواكه انشالله
هناااااا يا رب احلى ام نور
كمان شجعتيني جربها بالموز , نور الموضوع يا عسل
السلام عليكم و رحمة الله و بركاته
و اخيييييييييييرا لقيت ايس كريم من دون كريمة و بالزبادي كمان يا سلام ما في اسهل من هيك
ربنا يجازيك كل خير اختي منى راح جربو اكيد ان شاء الله بس قوليلي شو الشروط اللي لازم تتوفر في الفاكهة و هل فيني اعمله بالتفاح او الاجاص الاخضر او ما بينفع و الفاكهة منقطعها زغيره كتير او قديش بيكون حجماو هل لازم اللي راح نحط فيه الايسكريم في لفريزريكون مصنوع من الزجاج او ممكن شي تاني
ربي يوفقك
سلام
اختي منى شو حطيتي فوق الفريز تحتى عم يلمع هل هو جيلاتين او شو لان طالع كتير حلو ما شاء الله و نسيت نعيما على الدوش :grin الفواكي مفيدة للبشرة
هلا أختي
ان شاء تجربيه و يعجبك لان مميز بالفعل , ممكن تستعمليه باي فواكه بس تكون ناضجة و تقطعيه قطع وسط , و الاناء ما بتفرق شو ما كان , بس الاحسن بلور او بلااستيك لان فيه لبن
حاطة فوقه شوية من مربى الفريز و هو عطاه لمعة حلوة و كمان طعم
الله ينعم عليك , بس مش رح قوول عقبالك :grin
السلام عليكم و رحمة الله و بركاته
ساويتو بالموز لانو الفاكهة اللي كانت متوفرة عندي ياويت كمية صغيرة و ضبط و الحمد لله بس قبل ما تمر ساعتين على وضعه في الثلاجة و تقليبه في كل مرة صار جاهز منطقيا هالشي صار لان الكمية قليلة و بالتالي بتاخد وقت اقل المهم انو بعدين جمد كتير حتى اني غطيتو لان استعملت علبة بلاستيك فغطيتو بغطاءها على امل انو ما يجمد اكتر و مبارحة لما اجيت تحتى اسكبو لقيتو كتير جامد و صعب ينشال بالملعقة و تحتى تقدري تاكليه لازم تنطري تحتى يدوب يا ترى هالشي طبيعي و شو الحل برأيك بس مع هيك انا كتير مبسوطة اني عملت ايسكريم بالبيت جازاك الله خيرا اختي منى
بالتوفيق
سلام
هادا طبيعي , اتركيه بره الفريزر شوية قبل ما تغرفييه في أكواب التقديم
مية هلا اختي
حبيبتي منى ممكن توضحيلي المقصود بعبارة (يستبدل اللبن الزبادي بلبنة بقرية معلبة) يعني (اللبن المصفى) أم (اللبن العادي) وإذا كان من عند البقال يعني غير المعلب ما بيشمي الحال
أسفة على عذابك حبيبتي
بقصد فيها لبنة متل مستر ميلك بس ما ذكرت اسم لحتى ما يقولوا عم اعمل دعاية
اللبنة العادية ما طلعت طيبة لما جربتها و نزعت كل البوظة :roll
هلأ شكلها لذيذ كتير
بس بدي اسألك بالبنسبة للبن هون كللللللللللله بقري ومبستر يعني من سابع المستحيلات تلاقي فيه طعمة حموضة …السؤال ياترى بينفع استعمل اللبن العادي يعني الروب متل مابيقولوله ولا اجيب العلب الصغيرة السادة او المنكهة ؟؟؟يعني انتي بتستعملي المستر ميلك اللبنة ؟لانه بتصور بسوريا مو موجود الزبادي؟؟
انا استعمل المستر ميلك و أخففه بشوية حليب
جربيها رنونة و على ضمانتي رح تصير من وصفات عيلتك , و لا تنسي تخبريني :zzz
لأأأأأأأأ معناها هون في سر …ليش بتخففيها بالحليب ؟؟اساسا هي مو حامضة ؟
طيب انا مبارح رحت عالسوبر ماركت بس احترت بأمري
لقيت شي مكتوب عليه زبادي
وشي مكتوب عليه لبنة بقرية
ايهما استعمل ؟؟؟والمطلوب يكون شي متل اللبن بس مو حامض؟؟
المطلوب شي يكون متل اللبن و مو حامض و انا بخففها بالحليب مو لانها حامضة لانها سميكة شوي , اتوقع الأحسن انك تستعملي الزبادي
مرحبا منى كيفك عذرا لاني عم بكتبلك كتير سامحيني لازعاجي اناساويت هلايسكريم بالبرتقال لكن طلع جامد متل لمتلج مو ناعم وكمان بقيت قشور حزوز البرتقال ظاهره كان لازم قشرها بس ماخطرلي رح جربو بالموز يمكن يطلع اطيب
هلا نور
و لا يهمك انا تحت الامر بكل سؤال
طلع جامد معناها تركتيه لوقت زيادة بالفريز , و ما بعرف كيف ما خطر ببالك ان تقشري البرتقال
بس كمان فكرة لذلذة انك حضرتي الايس كريم بالبرتقال , ان شاء الله رح جربه هيك
جربيه بالموز أو بالفريز , يممم ما اطيبه
اناقشرة حبات البرتفال طبعا انا بقصد حزوزالبرتقال اي القشرة الداخليةالرقيقة.ممكن لازم نصفي العصير من بقايا القشور الناعمة انا عم وضح الطريقة علشان الي بحب يساوي الإيس كريم بالبرتقال يتجنب الخطا بالطريق.
هذه ملاحظة فقط وتسلميلي يا ست منى تحياتي.
الله يجازكي كل الخير نور , ان شاء الله ناوية جربها بالبرتقال لان كتير عجبتني فكرته و باذن الله رح انتبه للقشرة
تسلم ايديكي يامنى بجد روعة..
جربته بالفراولة وبالكنتلوب طلع حلو اوى
بس كنت عاوزة اعرف ازاى اعمل منه بالفانيليا او الشوكولا
و الله اختي انا ما جربت منه الا بالفواكة , بس جاري التجارب من دونها و ان شاء الله تزبط معي :zzz
والله شكلها كتير طيبة
كنت عم دور على وصفة ايس كريم
ان شاء الله بجربها
يسلمو هالديات منى
هلا سوسنة
ان شاء الله رح يعجبك كتير , يمكن هي اكتر وصفة عم عيدها بالموقع , بتلاقيني كل كم يوم عدتها بفواكهة جديدة :zzz
اليوم ساويت هالبوظة بالتوت
وطلعت طيبة كتير خاصة انه طعمة الفواكة مبينة طبيعية
بس انا خبصت شوي بالمقادير يعني ماعرفت كيف بدي
اجيب 300 غرام لبن فقدرت تقدير ونفس الشي التوت
بس المهم انها طلعت طيبة حتى انه رفيقتي طلبت تاخد صحن لجوزا من كتر ماحبتا
فيسلمو ايديك يافنانة
هلا شفاء
صحة ريتو و الف الف هنا على قلبك و قلب رفيقتك , و كل مين داقها او رح يدوقها , كتير انبسطت انها عجبتك و كمان ان جربتيها , بتعرفي أنا امبارحة خلصت بوظة التوت من عندي :zzz
منى بدي أسألك مع أني قريت التعليقات بس ما وصلت لجواب
المستر ميلك لبنة؟؟؟ ما بينفع لبن عااادي؟؟؟
وإن شاء الله رح أجربها وأدعيلك كتيييييييييير اذا نجحت معي
لا ما بينفع لبن عادي ابدا , بس اللبن المعلب الي من دون ملح , انتبهي لحتى تطلع معك الوصفة .
انا كنت استعمل المستر ميلك بس اخر كم مرة صارت تجي مالحة و ما عادت تظبط .
ممكن تستعملي اللبنة التركية .
المهم شغلتين , انو تكون معلبة و انو ما تكون مالحة
تسلمي يا منووووووووووووووش
السلام عليكم منونة
أول شي الله يسلم ايديك و يجزيك كل خير عالوصفات الرائعة اللي ماببدلن بأي وصفة من الشاورما للشوربات للمعروك للوصفات الحلبية الأصليةو لكل الوصفات اللذيذة المكسيكانو البطاطا و غيرن القائمة طويلة
حبيت إني اتشكرك و كل وصفة بدعيلك وراها كومة دعوات
وعاشوا هالايدين و هالاختراعات و نضل نشوف وصفات مبدعة
عفكرة كل مابقرا وصفات بكتشف انو النا نفس الذوق بالنكهات بس لسا بدي ماراتونات لاوصل لعندك ما شاءالله
صح كنا زملاء بالجامعة و لا مرة التقينا بس عن جد بتمنى نلتقي ان شاء الله و تكون حلب مضوية و عامرة
سلامات
فرح
اهلييين فرح
منورة يا ست الزووء , ان شا الله الف الف صحة و هنا على كل وصفة جربتيها , ان شا الله كل دعوة حلوة دعيتيها الك متلها و أكتر , الله كريم منلتقي و منكون ع خير كلياتنا ..
تعليقك عمل نهاري حلو , شكرا كتير
عفكرة اليوم نزلت كذا وصفة رح جربن ان شاءالله بس حبيت اوصف الشعور الخطيراللي بتعطيه تتبيلة الهني مسترد رهيب كل لقمةاقول ما شاءالله لا قوة الا بالله( انا جربته تتبيلة سلطة ذرة و لب النخيل و تشكيلة بتلبق مع هالمكونين و طلعت لذيذة جدا لا تقاوم للصراحة ما قدرت استنى لوقت اساوي الدجاج) :):) و احلى شي انو اليوم اول مرة بحياتي بكتب تعليقات عالوصفات هون لانو فعلا شي يستحق التقديرو الشكر
شكرا كتير فرح لثقتك في , و شكرا لتواجدك هون , ان شا الله الف هنا و صحة و عافية ع قلبك بكل لقمة , رح استنى رايك بباقي الوصفات