البامية باللحمة على الطريقة الديرية


         وصفة : منى                 2008/06/22                 9 تعليقات
البامية باللحمة على الطريقة الديرية

·          تسلق اللحمة ثم تحمس بالسمنة و تكون كمية السمنة كثيرة نوعاً ما .

·          تستخدم بندورة حمراء و كبيرة و غير قاسية و تكون كمية البندورة كبيرة لان طعمة هل الوصفة بأن تكون كل مقاديرها طازجة , ممكن أن تقشر البندورة و نضرب بالخلاط أو ممكن أن توضع مع ماء وملح على النار ثم تصفي بالمصفاية لتحضير صلصة البندورة .

·          توضع صلصة البندورة على النار مع كمية مناسبة من الماء و ملح حتى تسخن ثم توضع على اللحمة المحموسة ويضاف القليل من معجون الطماطم حتى يكون يكون اللون احمر غامق و تترك حتى تغلي .

·          تغسل البامية ثم تزرر بدون ان تخرج ثقوبها ثم تضاف لصلصة البندورة و اللحمة بعد أن تغلي .

·          يضاف الثوم المدقوق و تكون كميته كبيرة نوعاً ما مع الملح و الفلفل الأسود و الفليفلة الحمرا و تترك البامية حتى تنضج مدة نصف ساعة الى ثلاثة ارباع الساعة حسب كمية البامية على نار قوية ثم نهدي النار و تذاق الطبخة و يعدل الملح حسب الذوق ثم يضاف ملح الليمون حسب حموضة البندورة طبعا هذه العملية تحتاج لخبرة , تترك على النار الهادية و الغطاء المفتوح نصفه لمدة 20 دقيقة تقريباً حتى تستوي البامية من دون أن تنهرس و لكن يجب أن تشعري بطعمة البامية بالمرقة .

·          تطفى النار و تترك الطنجرة حتى تتهدى و يمكن أن تقدم مع الخبز العربي أو مع الأرز المفلفل .

·          إذا أردنا تقديمها على الخبز العربي , يفرد الخبز في صينية نحاس , ترفع طبقة السمنة من الطنجرة بزبدية و يسقي الخبز بالمرقة ثم ترفع اللحم و البامية بالكفكير و تصف على الصينية بالتساوي ثم ترش السمنة التي رفعناها على البامية و اللحمة و الخبز لان هذه الوصفة يجب أن تكون دسمة ثم يرش القليل من الفلفل الأسود و تقدم فورا حارة و بجانبها زبدية مرقة مع البصل الأخضر و فليفلة و لبن يكون مخفف بماء و ملح و نحنا نسميه (شنينة)  . 




لحم غنم بعظمه
بامية ديرية
سمنة
بندورة حمراء كبيرة و طازجة
القليل من معجون طماطم
ثوم مدقوق
ملح وفلفل اسود و فليفلة حمراء ناعمة
ملح ليمون





• تسلق اللحمة ثم تحمس بالسمنة و تكون كمية السمنة كثيرة نوعاً ما .

• تستخدم بندورة حمراء و كبيرة و غير قاسية و تكون كمية البندورة كبيرة لان طعمة هل الوصفة بأن تكون كل مقاديرها طازجة , ممكن أن تقشر البندورة و نضرب بالخلاط أو ممكن أن توضع مع ماء وملح على النار ثم تصفي بالمصفاية لتحضير صلصة البندورة .

• توضع صلصة البندورة على النار مع كمية مناسبة من الماء و ملح حتى تسخن ثم توضع على اللحمة المحموسة ويضاف القليل من معجون الطماطم حتى يكون يكون اللون احمر غامق و تترك حتى تغلي .

• تغسل البامية ثم تزرر بدون ان تخرج ثقوبها ثم تضاف لصلصة البندورة و اللحمة بعد أن تغلي .

• يضاف الثوم المدقوق و تكون كميته كبيرة نوعاً ما مع الملح و الفلفل الأسود و الفليفلة الحمرا و تترك البامية حتى تنضج مدة نصف ساعة الى ثلاثة ارباع الساعة حسب كمية البامية على نار قوية ثم نهدي النار و تذاق الطبخة و يعدل الملح حسب الذوق ثم يضاف ملح الليمون حسب حموضة البندورة طبعا هذه العملية تحتاج لخبرة , تترك على النار الهادية و الغطاء المفتوح نصفه لمدة 20 دقيقة تقريباً حتى تستوي البامية من دون أن تنهرس و لكن يجب أن تشعري بطعمة البامية بالمرقة .

• تطفى النار و تترك الطنجرة حتى تتهدى و يمكن أن تقدم مع الخبز العربي أو مع الأرز المفلفل .

• إذا أردنا تقديمها على الخبز العربي , يفرد الخبز في صينية نحاس , ترفع طبقة السمنة من الطنجرة بزبدية و يسقي الخبز بالمرقة ثم ترفع اللحم و البامية بالكفكير و تصف على الصينية بالتساوي ثم ترش السمنة التي رفعناها على البامية و اللحمة و الخبز لان هذه الوصفة يجب أن تكون دسمة ثم يرش القليل من الفلفل الأسود و تقدم فورا حارة و بجانبها زبدية مرقة مع البصل الأخضر و فليفلة و لبن يكون مخفف بماء و ملح و نحنا نسميه (شنينة) .


  • وصفات تانية ممكن تعجبك


التعليقات

  1. منى 22 June 2008

    شو هل الاكلة يا عبورة , الله وكيلك شفت اللون من وصفك و شميت الريحة , بس شوي تقلت على معدتي :grin

    عن جد بتشهي و شي جديد علي , كان صارت متل الفتة بطريقة التقديم مع الخبز , كتير عجبتني هل الفكرة مميزة , يا ستي مين قدكم , خلي طبخ البامة لأهلها

  2. abeer 23 June 2008

    هلا حبيبتي منى كيفك انا والله فرحانة كتير انها عجبتك 0 انا هلا كتير مشتاقة على اكلة البامية 0 تصوري انا بعملها بامية ضغط بالمرطبانات وباخذها معي 0انا اتمنى اني التقي فيك في سوريا على اكلة بامية 0وتشوفيني شوصرت شاطرة بالكبب الحلبية طبعا الفضل الك 0 انت فعلا ست بيت شاطرة وذكية0
    انا اهنيك فعلا على هالموقع الرائع اللي عم نستفيد منه كتير واتمنى لك المزيد من التقدم والنجاح

  3. abeer 23 June 2008

    على فكرة البامية على الخبزالعربي طيبة كتير لكن دسمة :roll

  4. منى 24 June 2008

    هلا عبورة :)
    ان شاء الله بترجعي بالسلامة يا حق , و باكل من تحت دياتك , صح هي دسمة شكلها , بس بتشهي و جديدة

    الله يسلمك عبورة و الحمد لله ان الكبب ظبطت معك , و لو ما كنت شطورة ما كانت نجحت ;)

    نورتي حبيبتي

  5. linda 24 June 2008

    طريقة جديدة تماما
    و شكلها طيب كتير
    تقريبا كل وصفات البامية المقادير فيها متشابهة كتير
    يلي بيختلف الطريقة او شوية اضافات

    يعطيكي الف عافية على الوصفة الحلوة

  6. abeer 25 June 2008

    اهلين منى 0 الحلو انو عم تحطي الاكلات بموسمها وتذكرينا فيها وهلا موسم البامية والباذنجان بدنا شي اكلة بادنجان حلوة من تحت دياتك

  7. abeer 25 June 2008

    اهلين لولو حبيبتي ملاحظتك صحيحة المقادير ما بتختلف كتير لكن الطريقة غير ومتل ما قالت منى الطريقة بتاثر عالطعمة جربيها وانشاء الله بتحبيها ونورتي

  8. منى 25 June 2008

    من عيوني أحلى أكلة بانجان , و الأكلات بموسمها لأنها بث حي و مباشر من مطبخي و انا كتير قليل استعمل شي مو بموسمه ;)

  9. بشرى 28 September 2009

    مرحبا عبورة ,, يعي أنا أكلت بامة كتير بس متل اللي أكلتها بالدير عند جيران بيت جدي ما رجعت دقت مرة تانية ..

    رحت عالدير يمكن عشر تيام بس كانت رحلة ولا أروع وأكلت فيها أكلات ما دقت بحياتي أطيب منها .. خاصة أكلة المشحمية :p يممممي يمممييي

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)