الفاصوليا البيضاء باللحمة


         وصفة : منى                 2007/07/05                 10 تعليقات
الفاصوليا البيضاء باللحمة

·          تنقع الفاصوليا طول الليل ثم تغسل و تصفى , توضع في وعاء كبير و تغمر بالماء ( فقط من دون ملح ) و تسلق لمدة نصف ساعة ثم تصفى و تغسل بالماء البارد .

·          في أثناء سلق الفاصوليا , تحمى السمنة على نار متوسطة ثم يقلب فيها البصل المفروم حتى يطرى , تضاف اللحمة و تقلب حتى يتغير لونها و يختفي اللون الزهري تماماً و يجف مرقها , يمكن اضافة الجزر و الفليلفة في هذه المرحلة و تقليبه لبضع دقائق .

·          تضاف البهارات و تقلب لمدة دقيقة ثم تضاف البندورة المفرومة أو معجون البندورة مع ماء يكفي لغمر اللحمة و بعد أن تغلي تهدى النار و يغطى الوعاء و تترك اللحمة حتى تقارب النضج .

·          تضاف الفاصوليا المسلوقة للحمة و يتبل الكل بالملح و يتابع طهو الفاصوليا و اللحمة حتى يستويان .

·          تقدم الفاصوليا مع الرز المفلفل أو البرغل المفلفل .   





3 كوب فاصوليا بيضاء جافة
2 ملعقة كبيرة سمنة أو زبدة
2 حبة كبيرة بصل مفروم
حبة جزر ( اختياري )
حبة فليلفة حمراء ناعمة ( ختياري )
نصف كيلو لحمة مقطعة شقف كبيرة
4 حبة بندورة كبيرة مقشرة و مفرومة أو 3 ملعقة كبيرة معجون بندورة
ملعقة صغيرة فليفلة حمراء ناعمة
نصف أو ملعقة صغيرة بهار مشكل
ملح
2 لتر ماء و يمكن اضافة المزيد من الماء المغلي عند اللزوم





• تنقع الفاصوليا طول الليل ثم تغسل و تصفى , توضع في وعاء كبير و تغمر بالماء ( فقط من دون ملح ) و تسلق لمدة نصف ساعة ثم تصفى و تغسل بالماء البارد .

• في أثناء سلق الفاصوليا , تحمى السمنة على نار متوسطة ثم يقلب فيها البصل المفروم حتى يطرى , تضاف اللحمة و تقلب حتى يتغير لونها و يختفي اللون الزهري تماماً و يجف مرقها , يمكن اضافة الجزر و الفليلفة في هذه المرحلة و تقليبه لبضع دقائق .

• تضاف البهارات و تقلب لمدة دقيقة ثم تضاف البندورة المفرومة أو معجون البندورة مع ماء يكفي لغمر اللحمة و بعد أن تغلي تهدى النار و يغطى الوعاء و تترك اللحمة حتى تقارب النضج .

• تضاف الفاصوليا المسلوقة للحمة و يتبل الكل بالملح و يتابع طهو الفاصوليا و اللحمة حتى يستويان .

• تقدم الفاصوليا مع الرز المفلفل أو البرغل المفلفل .
  • وصفات تانية ممكن تعجبك


التعليقات

  1. هنون 15 October 2008

    انشاالله اليوم ناوية اعمل فاصوليا بالحمة بس هلمرة ع طريقتك كل مرة بعملها بس ما بتطلع متل فاصوليا امي و بظل قاسية شوي لكن ما ياست لانه زوجي بحبها كتير من شان هيك دورت عليها بموقعك منشان اتعلمها منك وانشاالله تزبط
    السلام :roll

  2. منى 15 October 2008

    ان شاء الله بتعجبك كتير , هي سهلة و ما بدها شي , و اذا حابة ممكن كمان تجربي شوية فاصوليا بيضاء بزيت اتعلمته من صديقتي التركية , يممي ;)

  3. هنون 15 October 2008

    مرحبا منى الله يعطيك العافية على هالموقع الحلواليوم عملت الفاصوليا البيضا بالحمة متل ما كاتبة بالزبط وطلعت بتشهي قد ما هي طيبة حتى زوجي عجبته كتيروقلي انه اكلي كل ماله ماعم بيصير اطيب وهو ما عرفان شو السر
    اللهيسلم ايديك ع هالموقع اللي بجنن وانشا الله يكون كله في ميزان حسناتك
    السلام :)

  4. منى 15 October 2008

    اامين اختي , هي احلى دعوة :) هنا و مية الف عافية على قلبك و قلب زوجك , نورتي اختي :)

  5. أم نوران 14 October 2009

    السلام عليكم و رحمة الله و بركاته
    يسلمو الأيادي اختي منى و الله يعطيكي العافية جوزي كتير بحب هالاكلة و ما كنت كتير بعرف اساويها بس هلا بعرف :)
    مشكورة خيتو و الله يجزيكي الخير على تعبك وتقبليني اخت جديدة بالموقع.. ;)
    سلام

  6. منى 16 October 2009

    مية السلامة بهل القامة , نورني و شرفتي الموقع اختي , اخت كريمة و غالية و عزيزة :)
    يا رب تجربي الوصفة و تحبيها و تكون على زووء و زوءه لابو الشباب ;)

  7. 7ayah 6 March 2011

    قصة الفاصوليا البيضا عندي قصة
    عندي زوجي بحبا كتيـــر
    و كتير بيطلبا مني
    و أنا ما كتير بتشجع ساويا لأني مو من أنصارها كتير
    ما بعرف ليش ما كتير بحبا
    بس لما شفت طريقتك قلت لجربا
    و جربتا
    و من يومها صرت أنا قلو لزوجي:ما بدك اطبخلك فاصوليا بيضا؟ :grin
    عنجد كتير كتير كتير كتير حبيتا :zzz
    و إضافة الجزر كتير طيبة
    و أحيانا بساوي طريقتك للفاصوليا بزيت كمان
    و كمان كتير حبيناها
    و من فترة جربت نفس الطريقة مع فاصوليا حمرا (لأنو فيها فوائد أكتر بما انو أنا هلأ حامل) و طلعت كمان يـمييييي
    يسلمو ايديكي يا منى على هالأكلات الطيبة متلك :)

    7ayah Dayyen

    • منى 29 December 2013

      هلا حياة

      ممممم , ما في اطيب من هل الاكلة عندي و الله و منيح الي غيرتي رايك فيها

      حبيت كتير فكرة الفاصوليا الحمرا , غير شكل

      منورة حياة دوما

  8. خالد من كندا 29 December 2013

    ماشالله الوصفه روعه. استعمت بندوره بدل المعجون وكانت النتيجه مرضيه جدا

    • منى 29 December 2013

      صحتين و الف عافية خالد , الف صحة و هنا و عافية على قلبك

تقييم الوصفة
عاديةقد أحضرهاجيدةممتازةأكثر من رائعة (1 votes, average: 4.00 out of 5)