القرنبيط المقلي بالتتبيلة الخاصة


         وصفة : منى                 2007/10/09                 16 تعليقات
القرنبيط المقلي بالتتبيلة الخاصة

·          يقطع رأس القرنبيط إلى زهرات صغيرة ثم تقلى بالزيت حتى تشقر ثم ترفع على ورق ماص , و للتقليل من الدسم  يمكن أن تقلب بالقليل من زيت الزيتون و تشوى في الفرن لمدة ربع أو ثلث ساعة أو حتى تشقر .

·          يحمص الجوز أو اللوز في الفرن حتى يتحمص و تظهر رائحته من دون أن يتغير لونه ثم يدق حتى ينعم قليلاً .

·          تضاف باقي مكونات التتبيلة و يقلب الكل ثم ترش فوق القرنبيط و تقدم فوراً مع مخلل اللفت و الخبز العربي كوجبة مقبلات لذيذة أو كوجبة غذاء خفيفة .  




رأس كبير قرنبيط
زيت نباتي

التتبيلة :

2 ملعقة كبيرة جوز أو لوز مقشر
نصف ملعقة كبيرة فليلفة حمراء ناعمة
نصف صغيرة كمون
ربع ملعقة صغيرة بهار مشكل
ربع ملعقة صغيرة ملح
بشر نصف ليمونة
رشة من بودرة الثوم أو فص ثوم مفروم ( اختياري )





• يقطع رأس القرنبيط إلى زهرات صغيرة ثم تقلى بالزيت حتى تشقر ثم ترفع على ورق ماص , و للتقليل من الدسم يمكن أن تقلب بالقليل من زيت الزيتون و تشوى في الفرن لمدة ربع أو ثلث ساعة أو حتى تشقر .

• يحمص الجوز أو اللوز في الفرن حتى يتحمص و تظهر رائحته من دون أن يتغير لونه ثم يدق حتى ينعم قليلاً .

• تضاف باقي مكونات التتبيلة و يقلب الكل ثم ترش فوق القرنبيط و تقدم فوراً مع مخلل اللفت و الخبز العربي كوجبة مقبلات لذيذة أو كوجبة غذاء خفيفة .
  • وصفات تانية ممكن تعجبك


التعليقات

  1. linda 10 October 2007

    يا ستي روح البي الزهرة المقلية
    و انا حامل بشام يمكن ما كنت اكول غيرا
    كانت ستي تدق توم و كمون وتعصر حامض وتحطون على الزهرة المقلية كتير تطلع طيبة
    يمي شهيتيني

    بدي البس واطلع اشتري :zzz

  2. منى 10 October 2007

    أول ما قرات ردك فكرت انك هلا حامل , قلت ولي على ألبي :roll

    ممم , ما في أطيب و لا أسهل منها

    صحة و هنا مقدما ليندا و لا تنسي تاكلي عني كم لقمة ;)

  3. linda 10 October 2007

    فال الله ولا فالك يا شيخة
    هو انا نائصة :upset
    يا دوب بائي شوية عقل براسي
    بخاف يطيروا بكرة وتطلع الجنونة

    رح اكل عنك كم لقمة تكرم عينك شو كم منى عنا

  4. منى 10 October 2007

    الله يجبر بخاطرك يا عسل و ان شاء الله صحة و هنا و عوافي
    و الله يخليلك ولادك و يبرك لك فيهم ;)

  5. بدور 11 October 2007

    يا سلاااااااام والله شتهيت جربا بس شو هو بودرة الثوم؟ :roll

    يلي بيلفتلي نظري فيكي غير أكلاتك, المقدمة يلي بتبدي فيا أبل وصفاتك عنجد بتشد كتير و بتلفت نظر :zzz

    لك والله ما في متلك الله يحميكي يارب ;)

  6. منى 12 October 2007

    :) هلا بدور

    كلك زووء و الله

    بورة التوم هي عبارة عن ثوم مجفف وبعدها مطحون لحتى يصير متل البودرة
    منلاقيه جاهز بالسوبرماركات الكبيرة

    و اي سؤال تاني انا تحت امرك ;)

  7. تورتاية بالكريز 27 November 2008

    يسلموا ايدكي ياغالية وصفة روعة
    وشكلها مشهي واكيد اضافة المكسرات بتخليها طيبة حابة اقولك على طريقتنا المصرية بنسلق القرنبيط في ماء وكمون ثم يبهر بالكمون والكزبرة الناشفة والبابريكا والتوم بس منكتر التوم ودا سر الطعم بيعطي طعم روعة للقرنبيط
    بعدين بتغطسيه بالبيض المتبل بنفس البهار والتوم وسنة مسترد ثم بقسماط ثم يحمر بالزيت والطعم ولااحلى
    بس يجد طريقتك شكلها الصراحة اخف وارقى كمقبلات الف شكر على الوصفات غير شكل ياست الكل الله لايحرمنا منك ومن ابداعتك الحلوة

  8. منى 27 November 2008

    مممم شكل هل الطريقة طيبة كتير :)
    كان ام ياسيمن ان المصريين دايما يسلقوا القرنبيط قبل الطبخ ؟

    طريقة شكلها جميل و انا امووت على القرنبيط ان شاء الله اجربها و اخبرك يا قمر :zzz

  9. تورتاية بالكريز 29 November 2008

    منمون حبيبتي فعلا احنا في مصر بنسلق القرنبيط نص سلقة عشان يختصر وقت الطهي
    كمان نسيت اقولك الطحين افضل من البقسماط عند القلي مع القرنبيط
    انا كمان بعمله سوتيه وسلطات
    جبت قرنبيط الاسبوع اللي فات خليت نصهعشان اجرب طريقتك الحلوة وباذن الله تكون روعة
    سلامي لك ولاطفالك الحلوين ياسكرة

  10. منى 29 November 2008

    ان شاء الله بجربها على الطريقة المصرية و رح نزلها وصفة من بعد اذنك ;)
    ان شاء الله تجربي القرنبيط و يكون على زووءك و سلامك وصل و هم بيبعتولك بووسات كمان ;)

  11. الدمشقية 30 November 2008

    الزهرة طيبة ولذيييييييييييييذة جداً :grin بس عنجد بعد هالوصفات اللذيذة ويلي لا تقاوم :zzz لازم وصفات ريجيم تقابلها :grin هههههههههههههههه

  12. منى 30 November 2008

    :grin و الله لازم , هلا عم حضر مجموعة من وصفااات الريجيم لان رح اعمل قسم جديد لاطباق الصحة و الريجيم , ان شاء الله بيعجبك :zzz

  13. سارونات 28 January 2009

    السلام عليكم و رحمة الله و بركاته
    اختي منى اول مرة قريت الوصفة قلت ما بعتقد راح يتقبلوها يعني قرنبيط مقلي بس هيك و فوقه خلطة بس مع هيك كتبت الوصفة و قلت بلكي بجربها شي يوم. و اليوم واليوم بعد ما قليت قرنبيط دقته لحاله بس مقلي و شو طيب و ريحته كمان كتير حلوة فقلت اكيد مع الخلطة اللي ساويتيها راح يطلع اطيب. و لهيك قررت جربو قريبا ان شاء الله. بعد هالخبر المفرح :grin الحقيني اختي منى على خبري المحزن في القرنبيط بالطحينة :cry
    بالتوفيق
    سلام

  14. منى 29 January 2009

    هنا مقدما اختي :) ان شاء الله بيعجبك و لا تنسي تقدمي معه مخلل و لو مخللل لفت بيكون يممي

  15. سارونات 29 January 2009

    السلام عليكم و رحمة الله وبركاته
    نسيت اسألك اختي منى عن قلي القرنبيط
    انت عطول بتقليه يعني ما بتغليه و لا بتغمسيه ببيض و بعدين بتقليه لان هاي هي الطريقة اللي بساويه فيها فهل انت عطول بتقليه متل ما هو و كيف بتكون طعمته يعني راح ينضج منيح او راح تظل فيه قرمشة
    و هل فيني اغليه و اقليه مباشرة يعني من دون غمسه في البيض :?
    بالتوفيق
    سلام

  16. منى 29 January 2009

    انا لا بسلق و لا بغمس على طول للقلي و بيستوي كتير منيح من دون قرشة ;)

    اكيد فيك تسلقيه و بعدها تقليه حسب رغبتك , بس انتبهي ان ما تسلقيه زيادة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)