صباح الخير أخت منى .. وعذرا على التأخير بالوصفات كنت مسافرة , والله يبارك في موقعنا العزيز ومن تطور لتطور , وبالنسبة لتنزيل المواضيع أنا كنت مفكرتها أصعب , بس الحمد لله الأمور مشيت واتيسرت , يمكن إلى واجهته وعلى طول عدلته هي الكتابة ,أجيبها يمين تروح شمال , وبأدخل لها من الشمال بتراوغ لليمين :grin

أما ياستي اسم الموقع أنا مانسيته في بالي أكيد , بس البرنامج إلي عندي يعطيني كتابة بالألوان فقط , ومالقيت نفس طريقتك وهي الكتابة بطريقة شفافة عشان الصورة يكون منظرها أحلى . وكنت ناوية أبعث لك على الإيميل ..فياليت تعطيني اسم برنامجك هناأو على إيميلي ومجرد مايوصل رح أعدل الوصفات على طول .

بخصوص الكمبيوتر , أنا عندي نصيحة لكي أنا كنت أستخدم الكمبيوتر العادي واكتشفت إن الشغل على اللاب توب أفضل بكثيـــــــر منه واسرع , وايضا نظام التشغيل vista أحسن من نظام xp في السرعة , أما فتح الصفحات والهوتميل يعتمد على كل بلد, وعندنا أشوف إنه في آخر 4 سنوات صار ممتاز مع إن البعض في الخارج يقولون إنه أقل بكثير من الدول المتقدمة في أوروبا
وأمريكا

وإذا حبيتي ممكن أعطيكي أسماء شركات في أجهزة المحمول جدا ممتازة لأن النوعية الجيدة بتفرق.

أما القشر متوفر في كل المحلات عند العطارين ومحلات القهوة وحتي المولات الكبيرة , لأنه يستهلك بكميات كبيرة وفي أغلب المنازل .. خصوصا منطقة الجنوب والوسط أما باقي المناطق أتوقع يكون مش معروف عندهم أو مايستخدم .

أهلين وسهلين بالأخت فرفوشة.. غريبة إنك ذقتيه وإنتي صغيرة, لأنه بمرتبةالقهوة , مستحيل الأطفال يشربوه أو يذوقوه,ومن الأساس مافيه أحد يعزمهم عليه, ومزبوط كلامك وأنا ذكرته من قبل هو مش معروف بكل السعودية, وأتوقع حتى دول الخليج مش معروف فيها , لأنه بالأصل وصلنا من اليمن , بس أكيد موجود بالإمارات وقطر خصوصاإن فيه كثير من اليمنيين من تجار وغيره عايشين هناك,إن شاء الله تجربيه ويكون على ذوقك وصحتين وألف عافية :zzz

مساء الخيرات والمسرات بالأخت توتا, والحمد لله على سلامتكم , إحنا بالعكس الحين ابتدت إجازتنا 8)
والله يبارك فيكي وبالموقع وصاحبته وبكل الأعضاء من سادة وسيدات , وتحية لكي على مشاعرك الطيبة , والاسم رح يتعدل قريبا بإذن الله , وألف هنا وعافية وصحة سلف .
:zzz :zzz