القشر


         وصفة : لارا مينا                 2010/08/01                 16 تعليقات
القشر
2/1 1 كوب ماء مغلي ملعقة طعام قشر 2/1 ملعقة صغيرة زنجبيل مطحون أو طازج ( مبشور ) حسب الرغبة .يطحن القشر بشكل خشن نوعا ما . .يصب الماء المغلي على القشر ويترك ليغلي على نار هادئة 10 دقائق تقريبا..يضاف الزنجبيل ويغطى حتى يصبح دافئ ويقدم..وهذه صورة قشور القهوة. إضافات : .إذا كان المشروب ثقيل ممكن إضافة القليل من الماء المغلي. .ممكن إضافة القليل جدا من حبوب الشمار أو اليانسون أو المخوة . .قديما وحتى الآن يأكلون معه الرطب ( بشكل دائم ) ليكون كوجبة خفيفة وقت العصر. .عندنا يقدم في فناجين خاصة به تكون كبيرة مثل التي في الصورة..الكمية تقريبا لشخصين ..أجود أنواع القشر التي تأتي من القهوة اليمنية .
  • وصفات تانية ممكن تعجبك


التعليقات

  1. لارا مينا 3 August 2010

    صباح الخير أخت منى .. وعذرا على التأخير بالوصفات كنت مسافرة , والله يبارك في موقعنا العزيز ومن تطور لتطور , وبالنسبة لتنزيل المواضيع أنا كنت مفكرتها أصعب , بس الحمد لله الأمور مشيت واتيسرت , يمكن إلى واجهته وعلى طول عدلته هي الكتابة ,أجيبها يمين تروح شمال , وبأدخل لها من الشمال بتراوغ لليمين :grin

    أما ياستي اسم الموقع أنا مانسيته في بالي أكيد , بس البرنامج إلي عندي يعطيني كتابة بالألوان فقط , ومالقيت نفس طريقتك وهي الكتابة بطريقة شفافة عشان الصورة يكون منظرها أحلى . وكنت ناوية أبعث لك على الإيميل ..فياليت تعطيني اسم برنامجك هناأو على إيميلي ومجرد مايوصل رح أعدل الوصفات على طول .

    بخصوص الكمبيوتر , أنا عندي نصيحة لكي أنا كنت أستخدم الكمبيوتر العادي واكتشفت إن الشغل على اللاب توب أفضل بكثيـــــــر منه واسرع , وايضا نظام التشغيل vista أحسن من نظام xp في السرعة , أما فتح الصفحات والهوتميل يعتمد على كل بلد, وعندنا أشوف إنه في آخر 4 سنوات صار ممتاز مع إن البعض في الخارج يقولون إنه أقل بكثير من الدول المتقدمة في أوروبا
    وأمريكا :?

    وإذا حبيتي ممكن أعطيكي أسماء شركات في أجهزة المحمول جدا ممتازة لأن النوعية الجيدة بتفرق.

    أما القشر متوفر في كل المحلات عند العطارين ومحلات القهوة وحتي المولات الكبيرة , لأنه يستهلك بكميات كبيرة وفي أغلب المنازل .. خصوصا منطقة الجنوب والوسط أما باقي المناطق أتوقع يكون مش معروف عندهم أو مايستخدم .

  2. منى 4 August 2010

    اول الشي مبرووووك اول موضوع :)

    اول موضوع نزلته هون كان اسكندر كباب و على اد ما عصبت منه و عدل و ارجع ضبط و ما يزبط ارتفع ضغطي و احمروا داناتي و صرت بربر بالارمني :grin

    تاني شي , طبعا وصفة اول مرة اسمع فيها و بحياتي ما شفت هيك شي , عن جد انا مفتحة عيوني على الاخر و انا عم اقرا , وصفة مميزة و غنية بالفوائد , يا ترى القشر من وين بتجيبيه ؟ من العطاريين او من محلات القهوة :zzz

    يسلم ايديكي لاروش شي بياخد العقل

  3. منى 4 August 2010

    و لا يهمك لاروش , الصيف كل الوقت مشاوير و الواحدة فينا مو حرة حالها

    :grin صح و الله , لوقت ما كان يزبط الوصفة معي كنت اسمع طقطقة الشيب في شعري

    الخط مو زابط كتير , لو تستعملي tahoma لان هادا الخط الموحد في الموقع

    انا استعمل الفوتشوب العادي , بعد ما ازبط الاسم اعمل عليه فلتر emboss و بعدها اغير خاصية الاير للشفاف بيصير متل ختم الموقع الي استعمله ;)

    المشكلة اني عم استعمل لاب توب , بس كل فترة و فترة بيصير جنونة بالنت عنا بسوريا , يمكن فترة و بتعدي , حاليا ما عم ااقدر اعمل شي بالهوتميل غير التصفح :roll

    رح اسال عن القشر و يا ريت الاقيه , سلمن لاروش

  4. لارا مينا 5 August 2010

    أهلين أخت منى .. بالنسبة للخط كان في بالي من الأساس .. بس كتبت الوصفات على عجل وبعد ماخلصت اتذكرت بس رح أغيره أكيد قريبا.
    تحياتي .

  5. ام نور 5 August 2010

    سلم دياتك لارا على هالوصفة اول مرة بسمع فيا انشالله رح خلي اهلي يبعتولي قشر من لبنان وجربها الله يبارك فيكي

  6. غيث 6 August 2010

    يسلم ايديك لارا مع اني الي 5 سنوات في السعودية بس ما سمعت عنه هلق معلش انا شربت القهوة السعودية وهذا غير مكون لانو ما فيه هال ووو اعتقد معلش انا ما كتير اختلطت مع الناس هنا لان اولادي صغار وما بحب ازعج احد لذلك ما اطلعت كتير على الاشياء الحلوة اللي هنا بالسعودية ومعناها اذا الو هالفوائد رح اعمله ان شاء الله وعلى حكيك بيكوون موجود بالرياض بس عندي سؤال طعمته بتشبه القهوة ام غير نكهة لاني من مدمنات القهوة التركية وووو كل انواع المنبهات والحمد لله شكرا لارا على الفايدةومبروك القسم الجديد وبالتوفيق

  7. غيث 6 August 2010

    يسلم ايديك لارا مع اني الي 5 سنوات في السعودية بس ما سمعت عنه هلق معلش انا شربت القهوة السعودية وهذا غير مكون لانو ما فيه هال ووو اعتقد معلش انا ما كتير اختلطت مع الناس هنا لان اولادي صغار وما بحب ازعج احد لذلك ما اطلعت كتير على الاشياء الحلوة اللي هنا بالسعودية ومعناها اذا الو هالفوائد رح اعمله ان شاء الله وعلى حكيك بيكوون موجود بالرياض بس عندي سؤال طعمته بتشبه القهوة ام غير نكهة لاني من مدمنات القهوة التركية وووو كل انواع المنبهات والحمد لله شكرا لارا على الفايدةومبروك القسم الجديد وبالتوفيق

  8. semo 6 August 2010

    اول شي مبروك القسم لارا ومنى كمان الله يجمعنا بالجنة متل ماجمعنا هون
    وتاني شي كل عام وانتو بألف خير رمضان قرب والله يبلغكن رمضان على خير وطاعة الرحمن
    أما بالنسبة للقشر فهون بالسعودية كتير معروف اما بسوريا يكاد يكون مفقود ولا بحياتي سمعت حدا بسوريا بيعرفو ولما جيت عالسعودية كتير استغربت هالموضوع بس مشان القوائد بشرب أي شي انو التراب بينغلى وبينشرب رح تشربيه من دون تردد روح قلبي اشرب شي جديد ومفيد ماخليت شي ماشربتو عصير البقدونس والبقلو والملفوف والشاي الأخضر والميرمية والزعتر والكركم …..و………..و…… وكتير اذا بدي اكتبها بدي صفحات
    :grin
    يعطيكي ألف عافية لارامينا

  9. منال 7 August 2010

    سلام عليكم أخواتي رمضان مبارك عليكم الله يبارك لنا فيه ويتقبله منا ….امين
    هدا المشروب دوقتنا اياه حماتي جاها هدية من اليمن ولكن بصراحه كان شي جديد لم اجده لذيذ بس مو بهذه الطريقة رح اطلب منها شوي وجربها بهذه الطريقة وخبرك شو بيصير معي

  10. لارا مينا 7 August 2010

    أهلين بأم نور ويسلم إيديكي يارب , وإن شاء الله يكون موجود بلبنان وألف صحة وهناوعافية :)

    يامرحبا بغيث .. تسلمي يارب ,ومعك حق بقلة الإختلاط بالناس , خصوصا بالعاصمةونمط الحياة إلي فيها, وأختي عايشة بالعاصمة وتقريا نفس وضعك , وبالنسبة للقشر نكهته غيرالقهوة السعودية ولونه شفاف … والقشر ميه بالميه موجود بالرياض , وهو فوايده أكثر من جمال طعمه, مع إنك إذا أخذتي معه كم حبة تمر من النوع الجيد أكيد بتحبيه.
    تحياتي :)

    الله يبارك فيك أخت سيمو وعلى مشاعرك الطيبة , وأنا مثل حكايتك أي شيء فيه أعشاب أو مكوناته مافيها خطر, أويكون شبه متداول بين الناس , على طول أطبقه ومرة شربت على الريق عصير بطاطس نئ , ومرة أكلت ( قشر رمان يابس مطحون ومعجون بعسل ) وغيررررررررررره كثير على حسب فايدة كل وصفة والله العالم إيش آخرتها معنا, وطبعا مش القصد من كلامناعلشان ماحد يفهمنا خطأ إن الناس تجرب أي شيء خصوصا لو كانت الوحدة حامل أو الشخص مريض ويستخدم أدوية حتى لو بسيطة , لأن الأعشاب سلاح ذو حدين قد ماتنفع بتضر أكيد
    تحياتي.

    أهلين وسهلين بالأخت منال,أكيد مارح يكون لذيذمثل العصير او الكابوتشينو لأنه مشروب قشور بالنهاية , مع إن القشر طعمه مش قوي ولا ريحته , وإذا حبيتي زودي الزنجبيل المطحون يعني بالعادة نزود الزنجبيل أكثر لحد مايكون لاذع وخذي معه تمر بيعدل الطعم, وبتعرفي احنا متعودين عليه ونحس طعمه عادي جدا ..
    وكبداية جربي كمية صغيرة وبانتظار رأيك .
    تحياتي :)

  11. فرفوشة 8 August 2010

    يسلم إيديك لارا
    دقته لما كنت صغيرة بس ما بتذكر طعمته
    كأنه القشر بس معروف بالسعودية ومو بكل السعودية كمان
    لأني كنت بالإمارات وهلأ بقطر وما سمعت بحدا بيشربه
    إن شاء الله بحاول أحصل عليه بأقرب فرصة وبجربه ع طريقتك
    وكل عام والجميع بألف خير

  12. tota2010 9 August 2010

    مرحبا صبايا انا رجعت من الاجازة الحمدلله طبعا كنت طلطل عالموقع بس مع العجقة الواحد ما بيقدر يكتبله شي تعليق :sigh
    اول شي بدي بارك للأمورة لارو بمناسبة القسم الجديد بس كأنه لسه ما تعدل الاسم :?
    اشتأتلكم كتيييييييييييير وانشالله رح وصي جوزي يجبلي القشر وعالتجريب عطوووووووول :zzz

  13. لارا مينا 9 August 2010

    أهلين وسهلين بالأخت فرفوشة.. غريبة إنك ذقتيه وإنتي صغيرة, لأنه بمرتبةالقهوة , مستحيل الأطفال يشربوه أو يذوقوه,ومن الأساس مافيه أحد يعزمهم عليه, ومزبوط كلامك وأنا ذكرته من قبل هو مش معروف بكل السعودية, وأتوقع حتى دول الخليج مش معروف فيها , لأنه بالأصل وصلنا من اليمن , بس أكيد موجود بالإمارات وقطر خصوصاإن فيه كثير من اليمنيين من تجار وغيره عايشين هناك,إن شاء الله تجربيه ويكون على ذوقك وصحتين وألف عافية :zzz

    مساء الخيرات والمسرات بالأخت توتا, والحمد لله على سلامتكم , إحنا بالعكس الحين ابتدت إجازتنا 8)
    والله يبارك فيكي وبالموقع وصاحبته وبكل الأعضاء من سادة وسيدات , وتحية لكي على مشاعرك الطيبة , والاسم رح يتعدل قريبا بإذن الله , وألف هنا وعافية وصحة سلف .
    :zzz :zzz

  14. farah 11 August 2010

    يسعد صباحكم وانشاء الله رمضان مبارك على الجميع والف مبروك القسم الجديد واضح انه غني جدا بالفوائد والنصائح المهمة وآسفة على تغيبي عن الموقع الفترة الماضية مشاغل الصيفية كتييييييرة كتير وانشاء الله ما بنغيب عن موقعنا الغالي
    عزيزتي لارا والله هي اول مرة بسمع بهالقشور يا ترى بتتواجد عندنا في دمشق :? بدي اسأل عنها واذا انوجدت اكيد رح جربها سلم دياتك يا رب
    عزيزتي منى والله ليكي وحشة سامحيني على التقصير بس ما بروء على النت ليرجع النظام الشتوي والاولاد للمدارس الله يسلمهم بس اكيد مالي غنى وبدي طلطل كل فترة عالموقع

  15. هانيا 12 August 2010

    شكرا علي الوصفة الهايلة ولكن رجاء انا من مصر ولاأعلم ماهو القشر لذا ارجو المساعدة في كيفية الحصول عليه ولوارسلت الي مكة اوجدة هل سأجده هناك ارجو الرد وجزاكم الله خيرا

  16. لارا مينا 2 September 2010

    يامرحبا بالأخت فرح ,, الله يسلمك ويبارك فيك يارب , والقشر ماأتوقع يكون موجود بدمشق حسب إلي فهمته من كلام الأخوات , بس إسألي إلا مايكون موجود بمحل من المحلات , وصحة وألف هنا مقدما :zzz

    مساء الخير أخت هانيا, الشكر لكم على تواصلكم الطيب , والقشر هو قشور حبات القهوة المجففة ومصدره الأصلي من اليمن , لأنها معروفة بالأساس بزراعة القهوة والبن , ومكة وجدة أتوقع لازم يكون فيها مع إنهم ممكن مايستخدموه الناس هناك. وبتلاقيه يابمحلات العطارة أو البهارات , لأن نادرا ماأروح لهذه الأماكن لما أزور مكة أو جدة , إن شاء الله أكون أفدتك . تحياتي . :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)