الكاتو الرخامي على طريقتي


         وصفة : منى                 2009/05/23                 42 تعليقات
الكاتو الرخامي على طريقتي



4 بيض
فانيليا
كاسة و نصف سكر بودرة
2 كوب طحين
ثلاث ارباع كوب زبدة مذوبة على الميكروويف
كوب حليب دافي
2 ملعقة كبيرة عصير ليمون
2 ملعقة كبيرة كاكاو
2 ملعقة صغيرة بيكنغ بودر
رشة ملح









• يوضع الحليب و الليمون في طبق و يترك جانباً , ينخل الطحين و البيكنغ بودر و الملح مرتان . تدهن صينية متوسطة بسعة 10 كوب بالزبدة و ترش بالطحين .

• يخفق البيض حتى ينفش , يضاف السكر و الفانيليا و يخفق حتى يبيض المزيج لمدة عشر دقائق .

• يضاف الحليب و الزبدة و يقلب الكيك بلطف , يضاف الطحين المنخول و يقلب الكل بلطف .

• يقسم الخليط إلى قسمين قسم يترك سادة و القسم الثاني يمزج بلطف مع الكاكاو .

• يصب المزيج السادة في الصينية , ثم يصب مزيج الشوكولا بشكل عشوائي فوقه و باستخدام شوكة نمررها في الكيك لعمل اشكال دائرية .

• يخبز الكيك في الفرن المحمى على 180 و يترك لمدة 45 دقيقة او حتى ينضج .
  • وصفات تانية ممكن تعجبك


التعليقات

  1. semo 9 July 2010

    ياسلام يامنوش هالكيك طاله معك بيطير العقل ماشاء الله وأنا بحب الشوكولاته أكتر من السدة معناها لازم ترفعيلي قطعة:p
    بس أكيد قطاطك أكلوه صحتين وهنا عقلبن وعقلب كل اللي أكل منو أوحتى شم ريحتو

  2. foforose 9 July 2010

    الله يعطيكي العافيه ست ايمان كتير حلو وانا بتبع طريقتك بتلوين الكيك وكتير بنال اعجاب الجمهور :roll

  3. foforose 9 July 2010

    عفوا ست منى صار خطأ مطبعي فكرت انو ايمان يلي مساويته :upset

  4. غيث 9 July 2010

    يا عين ما اطيب هالكاتو بعمل نفس الشكل باي طريقة كاتو عندي وبقسمه لنصفين قسم سادة وقسم بالشوكولا وبكثر ه اكتر لاننا كلنا من انصار الشوكولا وكتير حلو شكله وطيب شكرا منى :)

  5. Baty 9 July 2010

    كنت عم أنتظر مقاديرها مع طريقتها من زمان

    تضاف إلى قائمة الأطباق المميزة :) )

    يسلم دياتك منى

  6. منى 9 July 2010

    هلا سمسوم :)
    ايه و الله , الله يرحموا كان طيب :grin

    ان شاء الله تعمليه و يكون يمممم و كلي عني كم لقمة ;)

  7. منى 9 July 2010

    هلا فروحة :)
    و لا يهمك , ان شاء الله تجربيه شي مرة بطريقتي و يكون يممي و على زووء الجماهير

  8. منى 9 July 2010

    هلا غيوثة :)
    في حدا بالعالم ما بيحب الشوكولا :zzz , الف صحة و هنا على الب القطط و تعيشي و تعملي يا حق ;)

  9. منى 9 July 2010

    هلا باتي :)
    ان شاء الله تجربيها و تكون مستاهلة و على زووءك , شرفتي اختي

  10. semo 10 July 2010

    هالكيك مبينتو كتير طيب من الكالوري الكتير اللي فيه
    بس بنفس الوقت كتير مغذي وخصوصا للأطفال
    الرد الجاية الكالوري :)

  11. منى 10 July 2010

    سمسوم تناعش حث=صة احسن :roll

    كل هل الكالوري بقطعة واحدة , الله ستر اني ما بحب الحلو ;)

  12. ام خليل 10 July 2010

    مرحبا الله ما اطيبه شكرا شكرا على جهودك رائعةانابحبها كتيرماعندي ولا تعليق غير الله يوففك روعة هل كيك تسلم ايديكي

  13. ام نور 10 July 2010

    سلم دياتك منى كتير بيشهي

  14. semo 11 July 2010

    ايه والله منوش كتير دسم وغني بتعرفي الزبدة والسكر والطحين والبيض والحليب وين بدن يروحو :grin
    بس بدي اسألك هو طلع 12 قطعةو ولا أقل :?

  15. غيث 14 July 2010

    الله يسلم هاليدين يا حق انا عملت طريقتك هالمرة وكتير طيبة وسهلة ولذيذة شكرا منى على كل جديد تقديميه لنا ونحن نحب التغيير سلمت هالانامل يا رب

  16. ام احمد الغالي 15 July 2010

    يسلم دياتك منمون عللى هالكيكة جربتا وطلعت لزيزة جدا وانا واحمد قضينا السهرة عليها
    8)

  17. ام احمد الغالي 15 July 2010

    انا قللت الحليب شوي وحطيت بشر ليمون بدال الليمون ششو رايك؟

  18. منى 18 July 2010

    هلا ام خليل :)
    كلك زووء اختي و يا ريت تجربيها و تكون يمممم :zzz

  19. منى 18 July 2010

    هلا ام نور :)
    من زووءك يا عسل ;)

  20. shimOoO 20 July 2010

    السلام عليكم كيفكو ياجماعة وكيفك اختي منى انشاءالله كلكو تمام بدي اشكرك كتييييييييير على هالوصفةالرهيبة بجد عملتها 5مرات في اقل من شهر والكل اعجب فيها انشاءالله بفرجيكو اياها لقدام وبدي طلب منك اختي منى تحكيلي كيف احط صور في الرد؟ بلليز ردي بسرعة متشوقة كتيير تشوفي الكيك واخد رايك فيها:)

  21. منى 20 July 2010

    صحتين و الف الف عافية يا رب على البك و الب كل مين داق :)

    و انا كمان اتحمست شوف الصور , ممكن تحمليهم على ايا موقع لتحميل الصور و بعدها حطي الرابط هون ;)

  22. الدمشقية 25 July 2010

    ما ئاء الله يا ست منى باين عليه روعة
    وفعلاً أنا بخلط هيك ساة وكاكاو وبيطلع روعة

  23. منى 25 July 2010

    الله يسلمك دمدومة :)
    بعد زمان القمر ما بان , ان شاء الله خير ;)

    ان شاء الله تجربي الفكرة بخلطتي و يكون يمممي :)

  24. ايناس حمود 31 July 2010

    ما شاء الله يشكله يشهي.. :upset

  25. منى 1 August 2010

    من زووءك ايناس :)

  26. عالم آخر 14 August 2010

    مرسي ممممممم شي طيب

  27. منى 15 August 2010

    ان شاء الله تجربيه او تجي لعندي لدوقك ياه ;)

  28. حنان 20 August 2010

    السلام عليكم كل عام وانتم بخير ينعادعليناوعليكم بالف خير يارب :zzz :)

  29. منى 20 August 2010

    و عليك ان شاء الله حنان و انت مر رب العالمين ااقرب و احب :)

  30. أجمل أيام العمر 25 September 2010

    رهيبة كتير
    بس تعبت واني انسخ المقادير والطريقة عشان اكتبها عدي بدفتر لانو الخط صغير ومش واضح 8)

  31. منى 28 September 2010

    اسفة للازعاج , رح كبر الخط من هون و رايح لحتى ترتاوحوا اكتر ;)

    مية اهلا و سهلا فيك اختي شرفتينا

  32. lolli 25 October 2010

    مممممممم شو لذييييييذ
    ذكرتيني بكاتو ماما نفس الطريقة تقريبا بس كانت تحط مقدار فنجان قهوة زيت نباتي بدل الزبدة
    و اكتر الاحيان كانت قبل ما تسكبه بالقالب تضيف عليه ربع ملعقة صغيرة توابل مربى البانجان ….وكان مين ما يدوقه يطلب وصفته
    الله يسلم ايدكي شي اكتر من رائع

  33. إسراء 5 November 2010

    مرحبا
    ممكن اسالك خمسطعشر سؤال قبل ما اعمل هالكيكة ؟؟؟؟؟؟
    هلق شو العبرة من وضع الليمون فوق الحليب لانو مرة شفت نفس الفكرة بس بشي عجينة ماني متزكرة وين بالضبط بس عندك بالموقع
    شغلة تانية انا عندي وصفة قريبة كتير على وصفتك عملتني ياها وحدة يوغسلافية بس بتعرف تحكي احسن مني ههههههههه
    بس هيي بتغلي شي فنجان او فنجانين صغار مي واخر شي بترش البيكنغ بودر فوق المزيج وبتجيب المي المغلية
    بتكتها فوق البيكنغ بودر بقوم بيعمل فقاعات وبفور ولمابخلص فوران منحرك المي مع المزيج ومنقلب المزيج بقالب كيك وبيطلع غيرر شكل
    بقا فيني اعمل نفس وصفتك بس اني اخد قسم من الحليب واغليه وصبه فوق البيكنغ بودر ؟؟؟؟
    وشكرا كتير

    ;)

  34. منى 8 November 2010

    هلا لولي :)
    ممممم , البهارات فكرتها حلوة كتير و رح تعمل نكهة اضافية
    رح جربها المرة التانية هيك ان شاء الله , نورتي اختي :zzz

  35. منى 9 November 2010

    هلا اسراء :)
    العبرة انه نعمل شي متل الساور كريم بس بمقادير بسيطة و متوفرة في كل بيت و هو رح يخلي الكيك غيررر شكل :zzz

    ايه اكيد فيك تجربي الفكرة هون , و الفكرة عجبتني كتير اذا ضبطت ممكن تخبرينيب لان حبيت جربها ;)

  36. حمودي 12 January 2011

    كم سعه الصحن ؟
    وكمان نخلط الكيك بالخلاط الكهربائي ولا بملعقه خشب
    ؟
    اي لين نخلط الكيك الساده والكاكاو كيف نحرك الشوكه الى اعلي ولا نعمل دوائر
    ……………….
    وانا بتشكرك كتير وسامحين ع كتر الاسئله
    مع خاااااااااااااااالص تحياتي
    Ahmed

  37. NOURIANA 16 February 2011

    السلام عليكم
    عندي استفسار عن درجات الفرن يعني درجة 180 هي وسط لما عالية لما اخف شي وشكرا عالوصفات الشهية والانيقة
    :zzz

  38. حمودي 18 February 2011

    180 هيا الدرجه الوسط بالفرن واول ما تشغليه يصير عاااااااااااالي مره بس اذا بتلاحظي انه في كل وصفه يسجلوا يشعل الفرن قبل بربع ساعه يعني يصير بعد ربع ساعه ع درجه حراااااره لانها تخف شي فشي حتى تصير مظبوطه
    …..
    ان شاء الله يكون هذا قصدك
    وتقبلي خااااالص تحياتي
    AHMED

  39. Jassy 7 March 2011

    السلام عليكم .. كيفكم ؟
    ما اشتقتولي؟ :p صار زمان ما كتبت هون، أنا اشتقتلكم :zzz .
    بس طبعا عم تابع ممارسة الوصفات من هون، لو أن آخر إيام الحمل ما عاد إلي مراء لشي :cry .

    منوشة الحلوة :zzz هالكيكة بتعقققققققد صار عملتها مرتين وبالمرتين عم تطلع بتجنن وبتسطل وناجحة وكتير طرية وطيبة وغير !
    تاني مرة اليوم بدال الكاكاو حطيتلها ملون أحمر وأصانص طعمة الفراولة، بتجنن كمان طلعت تغيير شكل. الأهم من كل شي طبعا انها نافشة وطيبة كتير كتير. يسلمو دياتك ;) يا معلمتنا.

    هلئ بدي اسأل … ليش بالكاتويات يلي بتنحشى كريما وفواكه منستخدم الوصفة الاسفنجية وما منستخدم هي مثلا؟ :؟ آه ليش ؟

    والسلام عليكم :)

  40. dado 18 April 2011

    مرحبا منى
    حابة بس خبرك تجربتي مع هالكاتو الظريف, من فترة كنت قاعدة لحالي وضايجة (تخيلي!) وجاي عبالي اتسلى بالمطبخ بشي شغلة. قلت لحالي وعند منوش الخبر اليقين, فتحت الموقع وبلشت بحبش حتى وصلت لهالكاتو المحترم، عجبني وحسيته بسيط ولذيذ وابن عالم وناس. نطيت عالمطبخ ونخلت الطحين فتحت البراد لطالع زبدة، قمت اكتشفت إنو ما بقيان بالعلبة إلا نتفة زغيرة، قلت يالله معلش بحط زيت نباتي، اجيت بدي اخفق البيض .. طلع ما في غير 3 بيضات ووحدة منهن كان فيها نقطة حمرا من جوا ما ارتحتلها، فـ كبيتها, قلت معلش بعمل نص الكمية احسن ما يطلع كتير. كملت الخفق وتحضير المزيج الأبيض وحطيته بالصينية. فتحت الخزانة ضربت ايدي على علبة الكاكاو.. طلع ماكو كاكاو!!!! :roll فانطلق البخار من ادنيي، بس ما استسلمت، زدت شوية عصير ليمون وشوية عصير برتقال وبرش ليمونتين، وخبزت القالب، وللمفاجأة طلع اطيب كاتو بسيط بعمله بحياتيّ! وتوتة توتة :)

  41. dado 23 April 2011

    منى
    تجربتي الأولى ما وقفت بطريقي، لأنو هالكاتو مغري كتير.
    اليوم حضرت الوصفة المزبوطة وكتير طلع حلو وطيب وخفيف وأنيق,
    شكرا منوش :)

  42. منى 24 April 2011

    دلوش كانو عم شوف شي مشهد من مطبخي حي و مباشر :grin
    كتير بتصدف احيانا بتنقص على اكتر من مقدار و طبعا ما بكتشف غير بنص المعمعة و الله يخليلنا عمو الي جنبنا الي بيسعفني بهيك مرات ( عمو الي جنبنا هو الاسم الحركي للسبور ماركت )

    برافو عليك انو قدرت تعدلي المقادير لحتى تمشي الحال , صحتين و هنا على المرتين :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)