براونيز بكريما الخمس دقايق السرية
4 بيض
فانيليا
كاسة و نصف سكر بودرة
2 كوب طحين
ثلاث ارباع كوب زبدة مذوبة على الميكروويف
كوب حليب دافي
2 ملعقة كبيرة عصير ليمون
2 ملعقة كبيرة كاكاو
2 ملعقة صغيرة بيكنغ بودر
رشة ملح
• يوضع الحليب و الليمون في طبق و يترك جانباً , ينخل الطحين و البيكنغ بودر و الملح مرتان . تدهن صينية متوسطة بسعة 10 كوب بالزبدة و ترش بالطحين .
• يخفق البيض حتى ينفش , يضاف السكر و الفانيليا و يخفق حتى يبيض المزيج لمدة عشر دقائق .
• يضاف الحليب و الزبدة و يقلب الكيك بلطف , يضاف الطحين المنخول و يقلب الكل بلطف .
• يقسم الخليط إلى قسمين قسم يترك سادة و القسم الثاني يمزج بلطف مع الكاكاو .
• يصب المزيج السادة في الصينية , ثم يصب مزيج الشوكولا بشكل عشوائي فوقه و باستخدام شوكة نمررها في الكيك لعمل اشكال دائرية .
• يخبز الكيك في الفرن المحمى على 180 و يترك لمدة 45 دقيقة او حتى ينضج .
ياسلام يامنوش هالكيك طاله معك بيطير العقل ماشاء الله وأنا بحب الشوكولاته أكتر من السدة معناها لازم ترفعيلي قطعة:p
بس أكيد قطاطك أكلوه صحتين وهنا عقلبن وعقلب كل اللي أكل منو أوحتى شم ريحتو
الله يعطيكي العافيه ست ايمان كتير حلو وانا بتبع طريقتك بتلوين الكيك وكتير بنال اعجاب الجمهور :roll
عفوا ست منى صار خطأ مطبعي فكرت انو ايمان يلي مساويته :upset
يا عين ما اطيب هالكاتو بعمل نفس الشكل باي طريقة كاتو عندي وبقسمه لنصفين قسم سادة وقسم بالشوكولا وبكثر ه اكتر لاننا كلنا من انصار الشوكولا وكتير حلو شكله وطيب شكرا منى
كنت عم أنتظر مقاديرها مع طريقتها من زمان
تضاف إلى قائمة الأطباق المميزة
)
يسلم دياتك منى
هلا سمسوم
ايه و الله , الله يرحموا كان طيب :grin
ان شاء الله تعمليه و يكون يمممم و كلي عني كم لقمة
هلا فروحة
و لا يهمك , ان شاء الله تجربيه شي مرة بطريقتي و يكون يممي و على زووء الجماهير
هلا غيوثة
في حدا بالعالم ما بيحب الشوكولا :zzz , الف صحة و هنا على الب القطط و تعيشي و تعملي يا حق
هلا باتي
ان شاء الله تجربيها و تكون مستاهلة و على زووءك , شرفتي اختي
هالكيك مبينتو كتير طيب من الكالوري الكتير اللي فيه
بس بنفس الوقت كتير مغذي وخصوصا للأطفال
الرد الجاية الكالوري
سمسوم تناعش حث=صة احسن :roll
كل هل الكالوري بقطعة واحدة , الله ستر اني ما بحب الحلو
مرحبا الله ما اطيبه شكرا شكرا على جهودك رائعةانابحبها كتيرماعندي ولا تعليق غير الله يوففك روعة هل كيك تسلم ايديكي
سلم دياتك منى كتير بيشهي
ايه والله منوش كتير دسم وغني بتعرفي الزبدة والسكر والطحين والبيض والحليب وين بدن يروحو :grin
بس بدي اسألك هو طلع 12 قطعةو ولا أقل
الله يسلم هاليدين يا حق انا عملت طريقتك هالمرة وكتير طيبة وسهلة ولذيذة شكرا منى على كل جديد تقديميه لنا ونحن نحب التغيير سلمت هالانامل يا رب
يسلم دياتك منمون عللى هالكيكة جربتا وطلعت لزيزة جدا وانا واحمد قضينا السهرة عليها
8)
انا قللت الحليب شوي وحطيت بشر ليمون بدال الليمون ششو رايك؟
هلا ام خليل
كلك زووء اختي و يا ريت تجربيها و تكون يمممم :zzz
هلا ام نور
من زووءك يا عسل
السلام عليكم كيفكو ياجماعة وكيفك اختي منى انشاءالله كلكو تمام بدي اشكرك كتييييييييير على هالوصفةالرهيبة بجد عملتها 5مرات في اقل من شهر والكل اعجب فيها انشاءالله بفرجيكو اياها لقدام وبدي طلب منك اختي منى تحكيلي كيف احط صور في الرد؟ بلليز ردي بسرعة متشوقة كتيير تشوفي الكيك واخد رايك فيها:)
صحتين و الف الف عافية يا رب على البك و الب كل مين داق
و انا كمان اتحمست شوف الصور , ممكن تحمليهم على ايا موقع لتحميل الصور و بعدها حطي الرابط هون
ما ئاء الله يا ست منى باين عليه روعة
وفعلاً أنا بخلط هيك ساة وكاكاو وبيطلع روعة
الله يسلمك دمدومة
بعد زمان القمر ما بان , ان شاء الله خير
ان شاء الله تجربي الفكرة بخلطتي و يكون يمممي
ما شاء الله يشكله يشهي.. :upset
من زووءك ايناس
مرسي ممممممم شي طيب
ان شاء الله تجربيه او تجي لعندي لدوقك ياه
السلام عليكم كل عام وانتم بخير ينعادعليناوعليكم بالف خير يارب :zzz
و عليك ان شاء الله حنان و انت مر رب العالمين ااقرب و احب
رهيبة كتير
بس تعبت واني انسخ المقادير والطريقة عشان اكتبها عدي بدفتر لانو الخط صغير ومش واضح 8)
اسفة للازعاج , رح كبر الخط من هون و رايح لحتى ترتاوحوا اكتر
مية اهلا و سهلا فيك اختي شرفتينا
مممممممم شو لذييييييذ
ذكرتيني بكاتو ماما نفس الطريقة تقريبا بس كانت تحط مقدار فنجان قهوة زيت نباتي بدل الزبدة
و اكتر الاحيان كانت قبل ما تسكبه بالقالب تضيف عليه ربع ملعقة صغيرة توابل مربى البانجان ….وكان مين ما يدوقه يطلب وصفته
الله يسلم ايدكي شي اكتر من رائع
مرحبا
ممكن اسالك خمسطعشر سؤال قبل ما اعمل هالكيكة ؟؟؟؟؟؟
هلق شو العبرة من وضع الليمون فوق الحليب لانو مرة شفت نفس الفكرة بس بشي عجينة ماني متزكرة وين بالضبط بس عندك بالموقع
شغلة تانية انا عندي وصفة قريبة كتير على وصفتك عملتني ياها وحدة يوغسلافية بس بتعرف تحكي احسن مني ههههههههه
بس هيي بتغلي شي فنجان او فنجانين صغار مي واخر شي بترش البيكنغ بودر فوق المزيج وبتجيب المي المغلية
بتكتها فوق البيكنغ بودر بقوم بيعمل فقاعات وبفور ولمابخلص فوران منحرك المي مع المزيج ومنقلب المزيج بقالب كيك وبيطلع غيرر شكل
بقا فيني اعمل نفس وصفتك بس اني اخد قسم من الحليب واغليه وصبه فوق البيكنغ بودر ؟؟؟؟
وشكرا كتير
هلا لولي
ممممم , البهارات فكرتها حلوة كتير و رح تعمل نكهة اضافية
رح جربها المرة التانية هيك ان شاء الله , نورتي اختي :zzz
هلا اسراء
العبرة انه نعمل شي متل الساور كريم بس بمقادير بسيطة و متوفرة في كل بيت و هو رح يخلي الكيك غيررر شكل :zzz
ايه اكيد فيك تجربي الفكرة هون , و الفكرة عجبتني كتير اذا ضبطت ممكن تخبرينيب لان حبيت جربها
كم سعه الصحن ؟
وكمان نخلط الكيك بالخلاط الكهربائي ولا بملعقه خشب
؟
اي لين نخلط الكيك الساده والكاكاو كيف نحرك الشوكه الى اعلي ولا نعمل دوائر
……………….
وانا بتشكرك كتير وسامحين ع كتر الاسئله
مع خاااااااااااااااالص تحياتي
Ahmed
السلام عليكم
عندي استفسار عن درجات الفرن يعني درجة 180 هي وسط لما عالية لما اخف شي وشكرا عالوصفات الشهية والانيقة
:zzz
180 هيا الدرجه الوسط بالفرن واول ما تشغليه يصير عاااااااااااالي مره بس اذا بتلاحظي انه في كل وصفه يسجلوا يشعل الفرن قبل بربع ساعه يعني يصير بعد ربع ساعه ع درجه حراااااره لانها تخف شي فشي حتى تصير مظبوطه
…..
ان شاء الله يكون هذا قصدك
وتقبلي خااااالص تحياتي
AHMED
السلام عليكم .. كيفكم ؟
ما اشتقتولي؟ :p صار زمان ما كتبت هون، أنا اشتقتلكم :zzz .
بس طبعا عم تابع ممارسة الوصفات من هون، لو أن آخر إيام الحمل ما عاد إلي مراء لشي :cry .
منوشة الحلوة :zzz هالكيكة بتعقققققققد صار عملتها مرتين وبالمرتين عم تطلع بتجنن وبتسطل وناجحة وكتير طرية وطيبة وغير !
يا معلمتنا.
تاني مرة اليوم بدال الكاكاو حطيتلها ملون أحمر وأصانص طعمة الفراولة، بتجنن كمان طلعت تغيير شكل. الأهم من كل شي طبعا انها نافشة وطيبة كتير كتير. يسلمو دياتك
هلئ بدي اسأل … ليش بالكاتويات يلي بتنحشى كريما وفواكه منستخدم الوصفة الاسفنجية وما منستخدم هي مثلا؟ :؟ آه ليش ؟
والسلام عليكم
مرحبا منى
حابة بس خبرك تجربتي مع هالكاتو الظريف, من فترة كنت قاعدة لحالي وضايجة (تخيلي!) وجاي عبالي اتسلى بالمطبخ بشي شغلة. قلت لحالي وعند منوش الخبر اليقين, فتحت الموقع وبلشت بحبش حتى وصلت لهالكاتو المحترم، عجبني وحسيته بسيط ولذيذ وابن عالم وناس. نطيت عالمطبخ ونخلت الطحين فتحت البراد لطالع زبدة، قمت اكتشفت إنو ما بقيان بالعلبة إلا نتفة زغيرة، قلت يالله معلش بحط زيت نباتي، اجيت بدي اخفق البيض .. طلع ما في غير 3 بيضات ووحدة منهن كان فيها نقطة حمرا من جوا ما ارتحتلها، فـ كبيتها, قلت معلش بعمل نص الكمية احسن ما يطلع كتير. كملت الخفق وتحضير المزيج الأبيض وحطيته بالصينية. فتحت الخزانة ضربت ايدي على علبة الكاكاو.. طلع ماكو كاكاو!!!! :roll فانطلق البخار من ادنيي، بس ما استسلمت، زدت شوية عصير ليمون وشوية عصير برتقال وبرش ليمونتين، وخبزت القالب، وللمفاجأة طلع اطيب كاتو بسيط بعمله بحياتيّ! وتوتة توتة
منى
تجربتي الأولى ما وقفت بطريقي، لأنو هالكاتو مغري كتير.
اليوم حضرت الوصفة المزبوطة وكتير طلع حلو وطيب وخفيف وأنيق,
شكرا منوش
دلوش كانو عم شوف شي مشهد من مطبخي حي و مباشر :grin
كتير بتصدف احيانا بتنقص على اكتر من مقدار و طبعا ما بكتشف غير بنص المعمعة و الله يخليلنا عمو الي جنبنا الي بيسعفني بهيك مرات ( عمو الي جنبنا هو الاسم الحركي للسبور ماركت )
برافو عليك انو قدرت تعدلي المقادير لحتى تمشي الحال , صحتين و هنا على المرتين :zzz