براونيز بكريما الخمس دقايق السرية
· يحفر الكوسا لتحضير الكوسا محشي و يحفظ اللب لتحضير المثومة .
· يفرم لب الكوسا فرما ناعما ثم يوضع على مصفاة و يرش بالملح ثم يترك جانباً لمدة ساعة كي يتم التخلص من ماءه .
· يفرم البصل مكعبات صغيرة ثم يقلى بزيت الزيتون حتى يطرى .
· يضاف لب الكوسا للبصل و يقلب لمدة 10 دقائق ثم يضاف الثوم و يقلب الكل لبضع دقائق أخرى ثم تهدى النار و يغطى القدر و يترك حتى يجف كل ماء الخضار مع التقليب من وقت لأخر .
· يرش الملح حسب الرغبة في أخر دقيقة ثم تسكب المثومة في طبق التقديم و ترش بالفليلفة الحمراء و تقدم فاترة أو بارد مع الخبز العربي .
كيلو كوسا
ثلث كوب زيت زيتون
حبة بصل متوسطة الحجم
2 فص كبير ثوم
نصف ملعقة صغيرة ملح
فليلفة حمراء ناعمة
• يحفر الكوسا لتحضير الكوسا محشي و يحفظ اللب لتحضير المثومة .
• يفرم لب الكوسا فرما ناعما ثم يوضع على مصفاة و يرش بالملح ثم يترك جانباً لمدة ساعة كي يتم التخلص من ماءه .
• يفرم البصل مكعبات صغيرة ثم يقلى بزيت الزيتون حتى يطرى .
• يضاف لب الكوسا للبصل و يقلب لمدة 10 دقائق ثم يضاف الثوم و يقلب الكل لبضع دقائق أخرى ثم تهدى النار و يغطى القدر و يترك حتى يجف كل ماء الخضار مع التقليب من وقت لأخر .
• يرش الملح حسب الرغبة في أخر دقيقة ثم تسكب المثومة في طبق التقديم و ترش بالفليلفة الحمراء و تقدم فاترة أو بارد مع الخبز العربي .
سلم دياتك منعملا كتير هيدي الاكلة حتى ما نكب اللب حرام وكمان منستعملو مع عجة الخضار او منقلي عادي مع بيض منحط بهار ونعنع يابس كتير بيطلع طيب
ان شاء الله عوافي و صحة
انا بحبها كتير كتير و كتير احيان بسويها بالكوسا بدل اللب لما بتكون جاية على بالي
هلا ام نور
يسلمو أختي منى على الوصفة ، من شوي عملتها وجهزتها مشان لما فيق ما أشتغل فيها، ولما طلعت ريحتها ما قدرت قاوم مادوقها، وبعد مادقت لقمتين ،ماقدرت قاوم ما أسكب صحن، وهيك لخلصت نص الطبخة :p.
يعني يدوب تكفي زوجي بكرة.
هي أول مرة إلي بجرب هالأكلة ،عملتها لأستغل لب الكوسا اللي عملته شيخ المحشي،وفعلا طلعت طيبة ولذيذة،بس شفت وصفة تانية للب اسمها متبل الكوسا،شو رأيك فيها؟ ومين برأيك أطيب؟
بدي خليك تجربي قبلي مشان ما أتورط :grin ، ولأنو كلشي من إيدك بيطلع طيب.
كمان عندي سؤال تاني،مين أطيب شيخ المحشي بلبن ولا بدون لبن على طريقتناالتقليدية؟
المشكلة جديدة على الكار وبخاف يطلع معي تخبيص. :upset
هلا أمولة حبيبتي
صحتين و هنا و عوافي يا رب , كأنك متلي :grin أنا بخبيها تخبياة لحتى ما شوفها ادامي و خلصها ..
متبل الكوسا كمان طيب و أنا بتبله متل المتبل العادي , بسلق الكوسا وبهرسه بالشوكة بخليه ليصفى تمام و بعده بحط معه طحينة ة ليمون و شوية توم ,, شو خفيف و طيب..
امي بتضيف عليه زيادة شوية لبن لحتى طلع لونه كاشف و كمان طيب ..
بس الصراحة بحس المتومة أطيب
شيخ المحشي بالطريقتين طيب , أما إذا كان جوزك ما بيحب الاشياء الجديدة على الطبخات الي بيعرفها فنصيحة ما تجربيه إلا متل ما بيحبه و إلا بعدها ممكن يفكر ان الطبخة نفسها طلعت مو طيبة معك..
هلأ محشي كوسا بلبن أنا بحبه مع اللبن أكتر بكتير من دونه , و شيخ المحشي بحبه بالطريقتين
ياعين اديش بحب هالاكله وللاسف الكوسا كتير كبير عنا وما بينعمل محشي لينحفر… بس من اسبوع جبت الكوسا وعملت عمليه جراحيه واقطع الكوسايه بالنص واحفر واحشي وعملت محشي كان لذيذ بس اخد وقت طويل بالطبخ
بس اكتر شي جوزي انبسط على المثومه كار عقلو كانو عملت يبرق
بس للاسف مادائما بيجي الكوسا طويل ورفيع لاعملو عمليه تجميل ويصير متل الكوسا بسوريا
و الله و الله انا هل الاكلة لو اكلت منها شو ما بشبع منها , الف صحة و هنا على قلبك و قلب جوزك , و ريتو عوافي يا حق
أكلة طيبة كتير إذا انوجدت على السفرة بترك المحشي وباكل منها
و انا متلك و الله , اذا انوجدت ما بعرف شو بيصير الي , لازم يرجع الصحن نظيف لحتى ارتاح :grin
اهلين منونة
انا من شوي عملت المتومة ماما دائما كنت تعملنا ياها وانا بآكلها بدال المحشي مو بإيدي بموت بأكلات الزيت بسبح فيها سباحة بس ما بقى اتذكر شو بينحطلها بس هلق عملتها وحطيتها على النار إن شاء الله تطلع طيبة بس انا ضفت من عندي معلقة صغيرة دبس فليفلة قولك مو بطلع طيب انا هل يومين شهيتي مفتوحة على أكلات الزيت شي فاصولية بزيت شي لبنة مكبوسة شي متومة ههههههه صايرة نباتية ما تواخذيني طولت عليك ويسلموا إيديك على هل الاكلات الطيبة
و الله انا لما بتنوجد المتومة ضميري ما بيرتاح الا لحتى يرجع الطبق نظيف :grin
مممم ما بعرف على دبس الفليفلة , يا ترى كيف طلعت ؟
يا ستي طلعت كتيير طيبة ولذيذة وطبعا متل ما حكيتي رجع الصحن نضيف زوجي قعد ياكل من المحشي وانا حاطة هل المتومة ونازلة فيها :grin بس عن جد كتيير حبيتها بتشبه تبعت ماما :p والله يا منونة الله يخليلنا ياكي ويخليلك ولادك دائما موجودة لما نحتاجك
ان شاء الله الف صحة و هنا يا رب , يمووووو هل الاكلة عندي غراام غرااام , ان شاء الله ما تكوني نسيتي تاكلي عني كم لقمة :zzz
السلام عليكم
برمضان لأول مرة بعمل محشي كوسا لحالي، بس كان الموقع متوقف فما عرفت بالضبط شو اعمل بالبواقي أمت قليتون مع توم وفليفلة وكمون بس طلعت خبييييييييييصة ومو هالقد طيبة، ضلت يومين بالبراد .. وبعدين بليلة ما فيها ضو قمر ما كان عنا أكل عالسحور أمت التهمتها.
امبارح عملت محشي وقلت بعمل اليوم عطريقة منى … وأنا عم بقلبها قعدت بعدين اقرأ الردود وقول لحالي : (معقول هيك البنات ما عم يقدروا يقاوموا الصحن وما بعرف شو ؟ شو هالشغلة العظيمة يعني كلها كوسا وشوية بصل ..)
لكن من شوي لما سكبتها عالصحن هههههههه وما كنت جوعانة بنوب لأن وانا عم اطبخ قبلها آخد لقمة من هون ولقمة من هون .. لكن لما وصلت لهالصحن ….. وبعد أول لقمة حسيت الدنيا دارت حوالي وجعت كتير وفهمت كل وحدة ردت بهالرد هون ههههههه … ياي مو طبيعي شو طييييييييبة … خالص نص الصحن وإذا جوزي لسه تأخر بالاجتماع رح اعمل حالي ما كنت عاملة متومة أصلا هههههه.
يسلمو منوووووش الحلّوش (الحلوة يعني) .. بتعقدي :zzz
والسلام عليكم
يا عيني عليك , في اطيب من المتومة بهل الصيف , مع انه بسيطة و مكوناته سهلى بس الي اخترعها عبقري بلا شك , لا ايا زيادة او نقصان باتلوصفة رح تتغير :zzz
عوافي و الف صحة على البك و الب البيبي , عم ياكل هل الصغنون على كل ضرس لون :grin
السلام عليكم ورحمة الله
الله يسلمك منى خانم ويخليلنا ياكي عراسنا خيتو !
بتعرفوا شو صار امبارح بعد ما كتبت الرد اجا جوزي .. واستلم صحن المتومة :grin ترك المحشي والمقالي والسمبوسك .. ولما بقيت لقمة طيبة وحدة قلي: ” بدك ؟ ” :grin
السلام عليكم
:grin منيح حسبتي حسابك و سبقتيه
صحتينو الف الف عافية على البك و البه يا حق
مساء الخير
بدي اسأل اذا حدا بيعرف شي بيشبه هي الأكلة .. بس فيها دبس رمان .. انا بتذكر ماما كانت تعملها يطلع لونها غامق ..اظني كان فيها دبس رمان :grin
لا و الله ما بعرفها لاروش , اول مرة اسمع متومة مع دبس رمان , وصفة حلبية و الا شو ؟
اتوجه بجزيل الشكر الى طبخة المتومة اللي خلتني اتعرف على هالموقع الرائع وصاحبتو البرنسيس منى
:grin
و انا كمان بشكرها لهل الوصفة الي عرفتني على اخت دمها عسل , متلك