براونيز بكريما الخمس دقايق السرية
هي الوصفة كنت عم دور عليها ما بتعرفوا من اديه , و كنت جرب و جرب و جرب و كمان جرب و يطلع معي بالاخير شي طيب , خبز حلو بس مو معروك ابدا الي كلنا منعرفه . المعروك الي بيزين سفرة رمضان , المعروك الي ما بينوجد الا في رمضان لهيك كتير من الغربتلية انحرموا منه , المعروك الي لما كنا صغار كنا نستنى رمضان مشانه , المعروك الي كتير كتير انطلبت وصفته مني و من دون ما ااقدر ساعد ..
لهيك لما السنة الماضية اجتمعت مع شيف حلواني , و كان في مجال انو اساله و يجاوبني اجوبة صادقة و حقيقية , طلبت منه وصفة المعروك السوري . الوصفة الي عطاني ياها كانت كتير بسيطة , بس كتير منطقية . بس مشكلتها انو كان فيها محسن عجين و كان فيها خميرة فريش , و انا بدي وصفة نقدر نعملها كل يوم بمقادير متوفرة دوما و بمراعاة اختلاف افران البيت عن افران المحلات . المهم . جربت و كل مرة عدل شي من هون و زيد شي من هون , و كنت حاطة براسي انو يطلع معي معروك يتفقوا عليه الكل , النقاقين و الحبابين
لهيك هل الوصفة من اكتر الوصفات الي اخدة معي تجارب بهل الموقع اليمي لحتى وصلن لنفس المعروك , على الضبط , ريحته الرائعة , طعمته الحلوة المميزة , نعومته و لونه الابيض الي يتشبه القطن . الله يديم النعم و الرزق الحلال .
استعملنا لتنكيه المعروك يانسون و شمرة و محلب , ظاهريين بالصورة على التسلسل , بكمية قليلة لأن المطلوب نكهة خفيفة و غامضة لحتى ما تطغى على كل الطعمة
بمناسبة الحديث عن الخميرة الفريش , اذا كانت متوفرة , رح تخلي الوصفة روعة ,عواض الخمبرة الحبيبات استعملي مقدار بيعادل نص حبة جوز لهل الوصفة , بتدوبيها بالحليب و بتعجنيها مع بقية المقادير . و اذا مو متوفرة عندك رح نستعمل خميرة حبيبات عادية بكمية قليلة و منعطيها وقت طويل لتتخمر على راحتها , و هي خطوة بسيطة بس مهمة .
أخر الشي هل المقدار رح يعطينا قرصيين معروك كبار , أو ضفيرتيين متل هي ,
او 14معروكة صغيرة متل هل الشباب الطيبة
إذا حضرتي القرص الكبير ممكن بعد ما يبرد تقطعيه بالنص و تحشيه الي بدك ياه , شوكولا دهن , جبنة مشلشلة , كريم باتيسير و شرايح موز , و ممكن تقدموا صادة و انا هيك بحبه اكتر الشي .
رمضان كريم على كل امة محمد و يا رب سوريا الحلوة الحزينة تمسح دموعها و تفرح قريب
بالصحة و الهنا
نصف ملعقة كبيرة خميرة حبيبات
ثلثي كوب سكر
ثلاث ارباع الى كوب و نصف حليب سائل أو ماء . فاتر
4 كوب طحين
ربع كوب زيت عادي
ملعقة كبيرة زبدة , طرية
نصف كوب حليب بودرة
ملعقة صغيرة بيكنغ بودر
أقل من ربع ملعقة صغيرة من كل من , محلب مطحون, يانسون مطحون, شمرة مطحونة
ربع ملعقة صغيرة فانيليا
نصف ملعقة صغيرة ملح
الوجه :
صفار بيضة
ربع معلقة صغيرة نسكافيه
بضع نقاط زيت
سمسم و حبة بركة
القطر :
ربع كوب سكر
ربع كوب ماء
• تقلب ملعقتان من السكر و الخميرة و نصف كوب من الحليب الفاتر و نصف كوب من الطحين في وعاء كبير , يغطى الوعاء بشكل محكم و يترك جانباً لمدة ساعة أو حتى تنتفخ و تظهر فقاعات على السطح .
• يفرك الطحين بالزبدة و الزيت جيداً في وعاء كبير .
• يضاف باقي السكر و الحليب البودرة و البيكنغ بودر و اليانسون و الشمرة و المحلب و الفانيليا و الملح على الطحين المفروك , تضاف التخميرة الأولية و تعجن , يضاف باقي الحليب السائل بالتدريج حتى الحصول على عجينة طرية و لينة , تعجن لمدة عشر دقائق و يضاف المزيد من الحليب السائل كلما تشربت العجينة الحليب حتى تصبح العجينة ناعمة .
• تغطى العجينة بشكل محكم و تترك حتى تختمر و يتضاعف حجمها , يختلف الوقت حسب الجو .
• تقطع العجينة حسب الرغبة و تشكل اما بهيئة قرص او ضفيرة او خلية نحل او بشكل المعروك العادي و توضع في صينية غير لاصقة
, • تغطى بشكل محكم و تترك حتى تتخمر مرة ثانية و يتضاعف حجمها .
• يمزج صفار البيض مع النسكافيه و الزيت و يدهن وجه المعروك بالمزيج , ترش حبة البركة و السمسم الابيض و يخبز المعروك في الفرن المحمى مسبقاً على درجة حرارة 160 على الرف السفلي لمدة 10 – 15 دقيقة , يشعل الفرن من فوق لبضع دقائق حتى يحمر الوجه .
• في هذه الأثناء يوضع السكر و الماء على النار و يغلى لمدة 5 دقائق . يدهن وجه المعروك بعد اخراجه من الفرن بالقطر الساخن , ثم يترك حتى يبرد و يقدم .
-
وصفات تانية ممكن تعجبك
(36 votes, average: 4.14 out of 5)
مرحباً منوش رمضان كريم عليكي والجميع الله يعيننا عالصيام والقيام
اما المعروكات شي بيطير العقل ماشاء الله ما بتصدقي اديش نحن بالغربة مفتقدين هي الأكلات الطيبة ومشتاقين لرائحة رمضان والمعروك مممممممم
عندي سؤال لوحبيت استخدم خميرة فريش كم بتكون الكمية وكيف استخدامها
و انت بالف الف خير سمسومة و ينعاد على كل عيلتك الصغيرة و الكبيرة و نحنا بالف خير
سمسومة الكمية لكل كيلو طحين بقدر حبة بيض , رح اتاكدلك من المقدار بالغرام لحتى يكون الكلام ادق , بس هلا وصفة عمو الشيف مو تحت ايدي
اما طريقة استخدامها فهي انو مندوبها بشوية مي مفترة و منضيفها لبقة المقادير
نور الموقع يا جميل
الله يسلم إيديك يارب.. وأنا كمان كنت دايخة نفس الدوخة تبع المعروك من رمضانين مضوا وما كان يطلع معي شي.. أنا بحبه كتير مع التمر ومع الزبيب وجوز الهند… يمممممممممممممي.. هلأ بدي جربها على ثقة.. :sigh :sigh 8)
السلام عليكم ورحمة الله وبركاته
هل هلال رمضان، وهلت معه بشاير الخير والفرحة للشعب السوري… الله يتم فضله علينا يارب …
رمضان كريم وكل عام وانتم بخير ست منى ولكل أعضاء الموقع الكرام…
مشكورة عالوصفة اللي بتشهي من منظرها وكتييير بحبها…وان شاء الله عالتنفيذ خلال الايام القادمة…
عطيتينا كذا طريقة لتشكيل العجينة لكن ما قلتيلنا الطريقة يللي بالصورة كيف ؟انا حبيتها
سلمت يداكي يارب
منى الغالية اشتقنالك
كل عام و انت و عيلتك الحلوة و اهلك بخير
بالفعل المعروك بشهي كتير بس الضفرة شكلا صعبة الا انت شو رأيك؟ رح اجربه عن قريب انشالله :zzz
رمضان كريم للأخت منى الحبيبه , ولكل الأعضاء الأعزاء.
وكل عام والجميع بألف خير, والله يحفظ لكم هالبلد الكريم , وينصره على كل مين ناوي ياذيه, ويبقى شامخ حتى يرث الله الأرض ومن عليهاجميعا, والله اشتقنا للموقع العزيز, بس الظروف هي إلي بتحكم وما بتنحكم.
عملت الوصفه من فترة من قناة فتافيت مطبخنا العربي , والمقادير فيها من البريوش , وكانت كمية الزبده فيها كبيره , وفورا عملت ديليت للوصفه من المفضله , حسيتها عاديه ومش واو , وأكيد رح جرب وصفتك شكلها أخف وألذ , وسلمي ع كل الأهل وعيلتك الكريمة.
باي
هلا كاندي
الله يسلمك يا قمر , و انا بحبه سادة أو مع جبنة بيضا مسيخة , يمممم
ان شاء الله تجربيه و يعجبك و ان شاء الله بتدعيلي دعوة حاوة على الافطار
للللليش لك يسلم ايدكي يارب مارح احكي ولا كلمة لانه قايمة عالمطبخ فوووورا
سلم ايديكي يا ست الكل على هالوصفة اللي بتشهي , بدي اسألك عن التمر اذا حبيت احشيه تمر مو المفروض قبل الشوي وكيف فيني مده لأن بيكون متل العجينة القاسية
انا بجيب خميرة تازة بتكون وزن 50 غرام حطها كلها لهالمقدار ولا كتيرة يا ترى ؟؟
نسيت خبرك ما عندي لا شمرة ولا محلب ولا يانسون اللي اصلا ما بحبه شو في حط بدائل ؟؟
محلب يمكن عندي هاد نفسه اللي بيحطوه للملفوف ؟؟
هو شكله متل حب اللوز المدعبلة وصغيرة كتييير
الله يسلم هالايدين هي الوصفه اللي بدي اياها
شكرا كتييييييييييير وكل عام وانت وعائلتك وسوريا واهلها بالف خير ان شاء الله
كل عام وانت واحبابك واهل الموقع واسرته وكل المسلمين بالف خير وبلدنا الغالي الحبيب بأمن وسلام وخير وامان يارب فرجك قريب الله يسلم الايدين يا حق والله منظر بيفتح النفس واكيد اكيد على التجريب القريب هلق وقتو برمضان كلك ذوق يا منى وشكرا على الوصفة المميزة اللي ناطرينها من زمان
و عليكم السلام و رحمة الله و بركاته لبنى
و رمضان مبارك على اهل بيتك و عليك و الله يتقبل منا .
الطريقة لتشكيل المعروكات الصغار انو منقسم العجينة ل 15 او 14 قطعة بنفس الحجم , بعدها منبر كل قطعة لحتى تصير متل اسطوانة طويلة نوعا ما و بعدها منلف الاسطوانة على بعضها البعض
انا فكرت انو شغلتها سهلة , فما خطراي صورها , بس ان شاء الله رح ارجع حضرهن و ارجع صور طريقة تشكيلهن
يا هلا فيك
و انت بالف الف خير لارا:)
و انا كمان اشتقتلك كتير يا قمر :zzz
لا مو صعبة ابدا , منقطع العجينة لتلات قطع , منبرمهم حتى يصير عنا 3 اسطوانات طويلة و بعدها نحطهن جنب بعضهن و نضفرهن
رح نزل الطريقة بالتفصيل ان شاء الله
الله يعطيكي الف عافية مدام منى اليوم جربته وطلع كتيير طيب بس العجينة عزبتني شوي اول شي وقت العجن طلع ناشف وضفت شي نص كاسة حليب مع انه مشيت بنفس المقادير بس انتي بشرح الطريقة كاتبة بعد تخمير الخميرة مع الحليب وربعكاسة طحين نضيف الحليب فهل يوجد كمية حليب غير مذكورة بلوصفة والعجينة ماكانت طرية ولينة متل موانتي كاتبة يعني وقت التشكيل تعذبت معها كمان بقا اذا عرفتي شو غلطي ياريت تشرحيلي لانه كتير حبيت طعمته وبدي ارجع عيد التجربة بس اذا كان في شي غلط ياريت تصححيلي وشكرا الك على كل شي والله يجزيكي الخير
هلا غيوثة
و انت كمان بالف خير انت و عيلتك كلها , الله يسمع منك , ان شاء الله بتنزاح هل الغمة قريب :roll
طعمته متل منظره , نممم . بتستاهل تجربيها , ان شاء الله بتحبيها
شو رنون , خبريني شو صار معك
تسلم ايديكي يا مدام منى عهالوصفة الرائعة…صرلي زمان عبدور عمعروك متل تبع حلب و شكلو هاد هو.
بس عندي سؤالين من بعداذنك:
- أول سؤال أنا ما عندي شمرة, عندي بس محلب و يانسون, و فانيليا بودرة تبع الكيك بيمشي الحال فيون؟؟
- تاني سؤال اليانسون و الشمرة عندي ياهن عشكل حبوب صغيرة…يا ترى هدول اللي بستخدمن وللا لازم اطحنن؟؟
و مشكورة على جهودك
وصفة لذيذة كتير و مغرية كتير
و البيض عنا الو 4 قياسات كمان :upset
و بصراحة ريحة المعروك برمضان عالافطار او السحور بتعطيني شعور حلو و هادي و باكله و انا مستمتعة كتيييير 8)
و كنت حابة اسألك عن المنكهات ..الشمرة و اليانسون طحنتيهم قبل ما تضيفيهم للعجين ؟ لانو لاحظت انو العجينة اثناء التشكيل و التخمير ناعمة كتيير من برا
و تسلم ايديكي الحلوة ع كل وصفة بتقدميلنا ياها
و بالنسبة للخميرة الفريش انا ممكن الاقي منها هون بس حابه اعرف الوزن اللي لازمني لهالوصفة بالغرام اذا مافيها ثقلة :roll لانو ما بعرف حجم الجوزة
هلأ طلعت صورة المحلب تمام هو اللي عندي بالنسبة للشمرة كأني شايفتها قبل يمكن بيحطوها مع خبز التنور هي وحبة البركة ؟؟ يا ترى هي نفسها ؟ منى بدي اسألك المحلب لازم يكون ناعم وكيف بتطحنيه ناعم لأن الكمية اللي عندي قليلة كتير يا دوب ملعقة كبيرة اكيد ما بيدوروا بالمطحنة الكهربائية , انا بالعادة بحطه بكيس وبنزل فيه بالشوبك بس ما بينعم انا بستعمله عادة للملفوف متل ما كتبت فوق ..
مراحب منووش
المعروك شكله بيشهي وناوية جربه بلكي بعد بكرة
كتير بحب المعجنات بكل أصنافها وهي ما بتسمن بنوووووب
:cry
كنت في صفحة اليبرق على الطريقة السورية وسألتك عن الحصرم وما جاوبتيني :sigh
عمستنى اجابتك بعد اذنك
و انت بالف الف خير لاروش , صار الك زمان غاطة هون و على الفيس بوك , ان شاء الله امورك كلها بخير انت و عيلتك الحلوة
امين امين يارب الله يسمع منك , ان شاء الله لا يصح الا الصحيح
ان شاء الله هل الوصفة بتعجبك , بسيطة و طعمتها ممممممم , حتى انا صاحبة الضميرالريجيمي الحي , باكل منها و انا مرتاحة :zzz
رح استنى اخبار طيبة منك
هلا بست الكل فروحة
المر بتعجنيه بشوية زبدة و بعدا بتحشيه قبل الخبز بالطريقة الي بتناسبك , طلعت على وصفة الشيف , ما في مقدار للخميرة و هلا ما في خميرة تحت ايدي لاعطيك الوزن المضبوط , فيكي تقدريها تقدير لان لو ااقل او اكتر شوي ما رح تفرق
نزلت الصور لحتى تكون البهارات واضحة , اذا شي منهم مو متوفر ما في اله بديل , بس استغني عنه في الوصفة
ما عندي فكرة عن الشمرة اذا كانوا بيحطوها بخبز التنور , و كمان ما بعرف اسمها بالانكليزي , كنت ساعدتك :roll
انا عم حط البهارات كلها بالهون و دقها مع شوية سكر , بتطلع تمام
رح استنى تجربتك و يا رب تعجبك
و انت بالف الف خير مزهرة , انت و كل عيلتك و اصحابك و احبابك
ان شاء الله تجربيها و تعجبك و خبريني شو بيصير معك :zzz
هلا اماني
حبيبتي لازم تبقي تضيفي حليب لحتى تصير العجينة كتير طرية و متل القطنة تحت ايدك , مقدار السائل بيختلف حسب نوعية الطحين و حسب الجو , لهيك المرة التانية ان شاء الله ابقي زيدي سائل لحتى تحسي انو العجينة اخدت كفايتها
صحتين و الف عافية و هنا على قلبك و ان شاء الله المرة التانية رح تطلع معك مية على مية :zzz
هلا lilithia
حبيبتي البهارات الناقصة استغني عنهم , بيمشي الحال بيطلع طيب , س حطي هل البهارات بزهنك و حاولي تامنيهم لغير مرة
الهارات اطحنيهم ناعم كتير , انا بحطهن بالهاون و بطحنهم مع شوية سكر
ايا سؤال تاني من عيوني
يا عين لولي على الوصف , فعلا ريحة المعروك بتدفي سهرات رمضان
كل البهارات بطحنها ناعم كتير قبل اضافتها
ممم ما في بين ايدي هلا خميرة فريش , كنت زنتلك الوزن على الضبط , انت قدري تقدير و ما رح تفرق كتير , اذا نقصتي بتطول اكتر في التخمير و اذا زدتي بتختمر بشكل اسرع :zzz
اذا جربتيها خبريني يا قمر
هلا محبوبة
ان شاء الله تجربيه و تحبيه , رح استنى رايك و ان شاء الله يطلع معم يممي
فاتني السؤال هلا بشوفه
السلام عليكم
كيفك منى رمضان مبارك عليك وعلى عيلتك وعلى سوريا وان شاء الله نقضي العيد بسوريا يارب
اشتقنالك كتييير كنت كل يومين ادخل وشوف اذا حاطة شي جديد وشفت وصفاتك الرائعة بس ما كان عبيفتح معي غير الصفحة الرئيسية من الجوال اليوم قلت لازم قوماشعل هالكمبيوتر وشوف مقادير المعروك اللي صورته تشهي
الله يعطيك الف عافية وصفة بتجنن شكلها رائع وحاسة طعمتها بتمي عبفكر قوم هلق جربها لأن كل المكونات عندي
يسلمو هالايدين وبتوصلك الصورة قريبا ان شاء الله
الي زمان ما قدرت اكتب شي ولا اعمل اي مداخلة… بس جملتك (يا رب سوريا الحلوة الحزينة تمسح دموعها وتفرح قريب) جبرتني قلك يا منوش انها نزلت مني دموع كتـــــير!!
كل سنة وانت وعيلتك سالمين حبيبتي.
ممممممممممم ياسلام فعلا طلع شي بشهييي جدااا ..اليوم جربتن .. كتير طيبين .. بس شوي طلعوا غامقين ..يمكن كانت رشة النسكافيه زيادة تكة .. بس جدا اعجبت فين ..يسلمو ايديك يارب
اليوم عملتو كتير ناجح ما توقعت لهد الدرجة لاني مو شاطرة بالمعجنات
بس يلي صار في طعة شوي للخميرة مابعرف ليه
سئلت ياي داوقها ما حسوا بهل الشي
سؤالي غريبة مافي بالمقادير ملح
منى تقربيا اجمالي ساعات التخمير كام؟؟؟
نسيت قول شكرا كتير لو مو منى مجربتوا كنت مارح جربوا :zzz
واخيرا رجع موقعنا لللللللللللللللللللللييييييييييش يسلمو منوشة عملت المعروكات وحشيتن تمر واخدتن معي ععزيمة وبيضولي وشي يسلمو كتير
بالأول ينعاد على الجميع بالصحة والعافية والايمان وـأكيد أنا لازم اكون من أول المجربين وأنا واثقة من النتيجة الحلوةبس كمية الطحين هي واحد كيلو؟
ااخت مني. السلام. عليكم. كيفك. كيف. احوالك ان شاالله بخير. انت. واهل في حلب. وفي. سوريا. كلها. يا. رب. تنصرك. يا. الله طمنيمي عليك
اهلين منى. كل عام و انتي و حبايبك بالف خير. وصفه رااائعه. على التجريب قريبا باذن الله. اتمنى لسوريا الحبيبه و اهلها و لدولنا العربيه الامان و الاستقرار. اهنيء كل الاخوات في الموقع الحبيب و القريب لقلبي بعيد الفطر.
هلا ايمان , ينعاد عليك بالف خير يا رب ,انت و كل عيلتك و الغوالي على قلبك . شكرا الك لدعواتك الكريمة
أتمنى تجربي المعروكات و يعجبوك و رح استنى رايك ان شاء الله
السلام عليكم
والله عيدنا مو عيد وكل يوم بسوريا 100 و 200 شهيد!!
يارب نصرك
ست منى بالنا عندك وعند كل أهل حلب وسائر المحافظات السورية
الله يطمنا عنكم قريبا ويرجع الأمن للدار
شكرا يا لبنى , الله الحامي ان شاء الله , و الله يتقبل الشهدا راحوا لمكان احلى من هون بكتير .
أمين يا رب , شكرا حبيبتي للسؤال
رح جربه عن قريب …دليت جارتي عالموقع وجربته طلع رووووووعة ..تماما نفس اللي كنا ناكله بسورية
رووووعة جربتها طلعت نفس اللي بسورية
مشكووورة
مرحبا كيفكن [*]null
لك ربي يسلم هالايدين…لو تعرفي اديش كنت مشتهية المعروك وخصوصي اني بالسعودية ومافي متل معروك سويا ..جربته فووورا طلع راااائع شكلو وطعمتو
الله يجزيكي كل خير
مرحبا منى, كيفك؟ الله يعطيكي العافية ع هالوصفات الحلوة. عندي سؤال إذا بتريدي, المحلب غير متوفر هون فيني استخدم شي تاني بنوب عنو. او استغني عنو نهائيا؟ كل الشكر مقدما
هلا ام ترتيل , الله يعافي قلبك و بدنك , مية هلا فيك
هلا هو حيعطي الطعم للمعروكة , بس اذا مو متوفر فيك تستغني عنه
منى, عم حاول سجل بالموقع و ما عم يمشي الحال, في مشكلة بتسجيل اعضاء جدد؟
في مشكلة هلا , و عم نحلها , ان شا الله ما بطول
كلك ذوق منى, شكرا كتير ع الوصفة و ع الرد. عملت المعروك اليوم بدون محلب و كان بجنن. طعمتو كانت راح تكون اطيب لو توفر المحلب. بس حتى هيك كان كتير ناجح. يسلم ايديكي
عوافي و الف الف هنا يا رب ع قلبك
انا كتير مشتاقة لاكلات حلب وسورية وخاصة المعروك بكرة رح جربو واكيد رح ادعيلك شكرا
ان شاء الله تجربيه و يكون ع زوءك , رح استنى رايك
مرحبا انا اول مرة بشارك بس حبيت اسال الزيت اللي بلوصفه نباتي او حلو وشكرا
زيت نباتي لهل الوصفة , ايا سؤال تاني من عيوني
مرحبا منى شكرا عالوصفة بس كانت كتير عبتلزق عالايد واضطريت زيد طحين حتى ادرت اشتغلا فطلعت ناشفة شوي شو الحل حتى ماتلزق عالايد ؟؟
هلا ديما ,
المفروض تضيفي مي او حليب ع حسب حاجتك , مدامها لزقت معناها ضفتي سوائل زيادة عن حاجة الطحين ..
اديه استعملتي سائل ؟
والله رووووعة انا رح درب هالوصفة بعد ما صابني يأس من عمل المعروووووك وكتير ينجح وسلمو وووووووووو سلفا
ان شا الله رح تنسي الياس كله مع لقمة طيبة , رح استنى رايك
اناعملت هالوصفة وطلعت زابطة كتيرورائعة وطعمتابتشهي.مع انوماضفت المحلب لانوماعندي,بس غيرت فيها شوي لتطلع متل خبزالعيد ضفت شومر ويانسون مدقوقين شوي وكركم حتى يعطي لون أصفرللخبز وفانيلا ورشق قرفة وجوزة
الطيب وسمس محمص وحبة بركة,بس مابعرف اذا القطر بدو عصرة ليمون لانوبعدمادهنتو على المعروك صارسكر قاسي.شكرا الك منى ويسلم ايدك
عوافي و الف الف صحة نور ع قلبك بكل لقمة
لا معناها زدتي عليه على النار و ع كل ما في مانع تحطيله نقطة ليمون
الله يسلمك و منورة دوما الموقع روح قلبي
شكلها روعة جدا
من زوءك يا قمر
كيفك مدام منى ليش طلع معي المعروك مو هش كتير من جوا واسفنجي مع انو طلع متل معروك سوريا بس مو متل القطن هش .ليش ياترى، بس الطعمة بتجنن والريحة بتاخدالعقل وكل يلي داقو حبو وزعت الطريقة لكل حدا بعرفو وقلتلون هي وصفة المبدعة منى صابوني، يخليلنا ياكي يارب
صباح الخير نور
صحتين و الف هنا ع المعروك , بدي اسالك يا ترى نفش معك في المرتين و الا بقي على حجمه ؟
كيفك منى يسلمو دياتك شكله بشهي
انا اليوم جربته اول مرحلة نجحت كتييير و اتخمرت بس التانية بقيت العجينة ع حالها و انا حطيت تقريبا 3/4 كاسة حليب بالمرحلة التانية هيك صح؟؟
انا حزينة
لا تحزني ميس , طولي بالك , ما دام اول مرحلة نجحت , التانية حتنجح كمان ان شا الله , بس بدك تطولي بالك ع العجينة لحتى تاخد وقتها و ترتاح و تنتفخ
المهم ان الحليب الي ضفتيه كانت حرارته مفترة , مو هيك ؟
تسلميلي و شكرا عردك السريع بصراحة بالمرحلة الاولى الحليب كان مفتر بس بالتانية عادي بحرارة الغرفة و هلا قسمت العجينة نصين عملت قرص هو بالفرن حاليا و النص التاني تركته قلت بطول بالي عليه وان شاء الله يصير
اااه , معناها هادا هو الغلط , هلا هو وقت يكون الحليب مو مفتر بيطول أكتر بالتخمير , هلا الي بالفرن ممكن ما تنجح معك تمام , رح تطلع غصيصة شوي و مو هشة , استني ع القسم التاني لحتى يتضاعف حجمه , و بعدها خبزيه
منورة ميس
الوصفه قيد التطبيق و صارت بالفرن بس انا ضفتلها لبن و تركتها مرتاحه كل الليل لانه ما صربي خبزتها يومتها
شكرا الك لانه انا من عشاق المعروك و مقدرها تعبك بالبحث عنها
و حقك تعترضي لما حدى بحطها تحت اسمه
صحتين و الف الف هنا يا قمر
ريتو عافية و بانتظار النتائج الطيبة
شكرا للتشجيع
هلئ سؤالي على شكل الضفيرة ..كيف اعملو خصوصا انا بدي احشيه تمر قبل الخبز بيزبط ؟؟
الضفيرة بتقطعي العجينة 3 قطع , و بتبرمي كل قطعة لتصير ع شكل اسطواني طويل , بعدها بتضفري التلات حبال مع بعض متل ما منعمل ضفرة الشعر و بتشيليها بلطف ع الصينية
اذا بدك تحشيها تمر فيكي قبل الخبز , بس غير اشكال اسهل من الضفرة للحشوات
منوشة يا ست الكل .. المعروك عالتجريب بكرا إن شاء الله
ان شا الله , رح استنىىىى
السلام عليكم
انا حبيت ساوي طريقه المعروك وبما انه انا بتركيا فما لقيت حليب بودره
فالسؤال بقدر استغني عنه او استعيض عنه بشي تاني
ولك الف شكر
هلا هو رح يعطي طراوة و هشاشة للمعروكة , بيطلع طيب من دونه , اذا انوجد احسن بكتير
لو سمحتي مدام منى الحليب البودرة اساسي الا بصير بلاه؟؟؟
مسا الخير نور
اذا عندك بيعطي المعروك طرواة و هشاشة و لون بيجنن متل معروك السوق تمام , اذا ما عندك بيمشي الحال بلاه , بيطلع كمان طيب
السلام عليكم …الصور بتجنن تسلم ايدك ان شاء الله حجربو قريبا بس لو سمحتي عندي سؤال كيف فيي احشيه جوز هند وزبيب متل يلي كنا نشتريه من السوق
اهلا و سهلا نسرين
لو حابة تحشيه زبيب باخر العجن وقت تجهز عجينتك و تصير طرية و ناعمة , عودي ضيفيعليها زبيب و ارجعي اعجني , و بالنسبة لجوز الهند فيكي اما ترشيه ع الوج مع حبة البركة و السمسم , او تحطي نص كاسة بقلب العجينة
منى هلأ عملت العجينة بس لزقت معي كتير بالعجن فضفت طحين
شو رح يأثر عالنتيجة ؟
وبيتضيفي بالاول الحليب مع الخمير عالطحين المفروك بالزيت والزبدة ومن بعدها بتكملي الحليب السائل؟
رح يصير قاسي شوي , ما بيصير نضيف طحين ابدا , لهيك اضافة السائل بالتدريج حتى ما نحط زيادة و تنتزع عجينتنا
ايا حليب عبتقصدي ، ما كتير فهمت السؤال التاني
ماشاء الله عليكي، الله يبارك بهالنفسية الرائعة وبهالإيدين يلي بينلفوا بحرير.
كتير ناس بيحتفظوا بالطريقة والمقادير الصحيحة لنفسهم وبس، بس إنت ما شاء الله كريمة بنت كرام
الله يسلمك نوراة ع هيك كلام مزوء ، شكرا حبيبتي كتير و يا ريت تجربيها و تكون ع زووءك
منورة و الله
جربتها وطلعت بتجنن تسلم ايدك بس عندي تصور بتمنى تقوليلي رايك فيه
اذا قمت السكر يلي بنحطو مع الطحين وحطيت اعشاب مجففه اوريكانو وريحان وهيك او زيتون كمان وزودت الملح تكه بتظبط؟؟؟يعني بتطلع خبز مالح
لانو العجينه كتيييير عجبتني وانا بحب الخبز بالاعشاب والزيتون كتيير و هون بايطاليا فيه هيك اصناف بس على الاغلب بيدخل الكحول بمكوناتها
ممممممم ليش لا أكيد بتزبط , إذا خليتي السكر شي 3 معالق بس و ضفتي ايا شي بيخطر ببالك , رح تطلع فخمة ..
شو مفكرة تضيفي عليها ؟
تسلميلي يارب ان شاء الله بس لجربها بخبرك بالنتيجه
حجرب حطلها اعشاب مجففه وزيتون وان شاء تطلع طيبه …ادعيلي
بالنسبه للزيتون ممكن يكون مقطع واعجنو مع العجينه بالاخر متل ماقلتيلي بالنسبه للزبيب او حضر حشو منو واحشي الخبز قبل خبزه
ان شا الله بانتظار النتيجة
ما كتير فهمت اخر جملة ، هي سؤال ؟
تسلم ايدك منى ان شاء الله رح جربها و اقلك كيف طلعت
سؤال لو سمحتي… كيف فيني استعيض عن الخميرة الحبيبات بالخميرة الفورية؟
اهللين غنى منورة حبيبتي
الخميرة الحبيبات الفورية نفس الشي , و هي بتختلف عن الخميرة الجافة , انتي شو حتستعملي ؟
هلا انا اختلطت التسميات عندي
رح استعمل الفورية الي بتنحط مع الطحين
مو الي بتنحط مع ألمي الدافية و بتنترك لتتخمر فيها
طيب هي اسمها خميرة جافة
المهم انو بهي الحالة بتتجاوزي مرحلة التخميرة الاولية و بتقلبي المقادير كلهن مع بعض
بشهي المعروك شكلووووو
بس شوفينا نستخدم بدال حليب البودرة؟؟؟
أهليين رزان
ما في بديل عنه هيك الوصفة بتطلع برفيكتو , البدائل بتطلع طيبة بس مو معروك معروك
السلام عليكم ورحمة الله وبركاته
تسلم أيدك بالفعل الوصفة ناجحة 100% وأطيب من السوق أنا عملتها وحشيتها شوي قشلميش وجوز هند وشوي حشيتها عجوة والكل داقوها وقالو أنها طيبة كتيييير
وعلى فكرة ما خليتهم يشتروا معروك من السوق وقت بدهم أنا عم ساويه وبطير عقلهم فيه طبعاً والفضل كله بيرجع ألك ست منى
الله يجزيك كل خير
و عليكم السلام و رحمة الله و بركاته
ان شا الله مليون صحة و الف الف هنا و عافية و الفضل لرب العالمين و لثقتك في الغالية كتير ع قلبي , شكرا كتير ع ردك و كلامك
ألف شكر للوصفة الرائعة
بصراحة جربتها من اول مرة وعملت معروكتين كبار وكانت النكهة ولا اشهى من هيك
شكرا جزيلا
هنااا و الف الف صحة نزار , مبسوطة كتير انك جربت الوصفة و انها كانت ع زوءك و انها نجحت معك من اول مرة , نور
السلام عليكم ورحمة الله وبركاته
تسلم ايديكي عهالوصفة باين عليها طيبة كتير
صرلي من أول رمضان عم دور لهلأ حتى لقيت هالوصفة وعجبتني
هلأ بس سؤالين بعد اذنك
اول شي نصف كوب حليب بودرة يعني استعملو وهو بودرة ولا دوبو بمي؟
تاني سؤال القطر لازم استعملو كلو ولا دهنة خفيفة ؟؟
ويسلمو ايديكي مرة تانية
اهلا و سهلا ام كرم نورتي و شرفتي
الحليب بتستعمليه متل ما هو من دون تدويب , و القطر دهنة خفيفة بس رح تخلص كمية القطر على كمية المعروك , ما رح يبقى نقطة زيادة
ان شا الله تعجبك و ايا سؤال من عيوني
العجينة رائعة سلمت يداك خلص رمضان وما زلت اعملها
ﻷنها ﻻقت استحسانا وقبوﻻ شكرآ لجهودك
صحتين و الف عافية و هنا سهر
ما شاء الله هالوصفة ما بينشبع منها
اليوم رجعت ساويتها
احلى شي عملتها بالغربة واخدتها مرات معي كضيافة برمضان
الكل صار بدو هالوصفة
يقول والله معرووك سوريا
الله يعطيكون العافية
دوما بالتوفيق
مية هلا نزار شرفت الموقع و نورته و ما بتعرف اديه هل الكلام بيسعدني ، الف عافية ع قلبك و قلب كل مين داقهن
hhhhhhhhhhhhhhhhhhhhhhhhh
يسلموا ايديكي عن جد منظرو بيشهي رح جربو اليوم اأن شاء الله ومتأكدة رح ينجح بتمنى تقبلوني معكون
مية هلا نورتي وشرفتي
من اروع الوصفات والله شفت حالي ع بيت حماية بهل الوصفة وصرت مشهورة فيا كمان الله يسلم هالايدين ست منى ست الستات بالمطبخ موقعك من مواقع معتمدة عندي ومين ما يسالني عن مطبخ سوري ركض بدلو ع هالموقع وانا مطمنة من نتيجة شكراااا
شكرا يا ميرنا الله يكرمك وان شا الله وجهك ابيض دااايما داايما