باذنجان متبل بالأعشاب


         وصفة : منى                 2009/07/09                 19 تعليقات
باذنجان متبل  بالأعشاب

·         تغسل حبات الباذنجان و تجفف ثم تثقب بالشوكة و تشوى على النار و تقلب حتى تصبح قشرتها سوداء .

·         بعد أن يبرد الباذنجان قليلاً تقشر و يتم التخلص من كل القشرة السوداء .

·         يهرس الثوم في الهاون ثم يضاف الباذنجان و يدق حتى يصبح ناعماً .

·         يضاف البصل و النعناع و البقدونس و يقلب .

·         تضاف اللبنة و المايونيز و الطحينة و الملح و الكمون , يقلب الكل ثم يضاف عصير الليمون حتى نصل للنكهة المطلوبة .

·         يوضع المتبل في طبق مسطح ثم يزين بزيت الزيتون و أوراق النعناع الطازج أو رشة من النعناع اليابس و يقدم بارداً .

 






2 حبة كبيرة باذنجان مشوي
فص كبير ثوم
2 ملعقة كبيرة لبنة
ملعقة كبيرة طحينة
ملعقة كبيرة مايونيز
2 ملعقة كبيرة بقدونس مفروم
2 ملعقة كبيرة نعناع أخضر طازج مفروم
حبة بصل أخضر مفروم مع الجزء الأخضر
ملح
رشة كمون

للوجه :

زيت الزيتون
اوراق نعناع أخضر طازج





• تغسل حبات الباذنجان و تجفف ثم تثقب بالشوكة و تشوى على النار و تقلب حتى تصبح قشرتها سوداء .

• بعد أن يبرد الباذنجان قليلاً تقشر و يتم التخلص من كل القشرة السوداء .

• يهرس الثوم في الهاون ثم يضاف الباذنجان و يدق حتى يصبح ناعماً .

• يضاف البصل و النعناع و البقدونس و يقلب .

• تضاف اللبنة و المايونيز و الطحينة و الملح و الكمون , يقلب الكل ثم يضاف عصير الليمون حتى نصل للنكهة المطلوبة .

• يوضع المتبل في طبق مسطح ثم يزين بزيت الزيتون و أوراق النعناع الطازج أو رشة من النعناع اليابس و يقدم بارداً .




  • وصفات تانية ممكن تعجبك


التعليقات

  1. gsm 9 July 2009

    شكله كتيير طيب وبشهي فورا على التنفيذ ;)

  2. semo 9 July 2009

    يسلمو ايديكي على هالبيتنجانات
    او البانجانات على قولة اهل حلب يسلمولي ان شا الله
    وفكرة المايونيز جديدة رح جربها وقلك النتائج

  3. نور الأسلام 9 July 2009

    اهلين بالطله الحلوة وين هالغيبه اشتقنالك عم فوت واطلع علموقع ومنى موجوده عسى انوخير انشاءالله :)

  4. غيث 9 July 2009

    الله يسلم ايديك شي بيشهي اكيد عى التجريب شي لذيذ وخفيف بها لشوب اللي قاتلنا وخاصة هنا بالسعودية نار يا لطيف يا ستي اخيرا الله يسر لي الكبة الصاجية وكانت رائعة منى اشكرك من قلبي اكلنا اصابيعنا وراهاالله يجزيك الخير بس بدي اسالك ككل الاقراص كانو ممتازين شكلا وطعمة بس في عدد قليل حسيت كانوا في اثر تشققات على سطح القرص ومو كلها باقي الاقراص تمام عجب ليش هيك شقشقو مع انه نفس العجنة والحشوة بس كانت يعني قمة الروعة الكل كيفو عليها ودعينا لك ولاختك اية الله يجعلو من نصيبكم يا رب وكمان عملت ساندويتش التونة بالمايونيز كمان لذيذات شكرا لك ميمو ومزيد من التقدم بموقعك ان شاء الله

  5. منى 10 July 2009

    هلا gsm :)
    ان شاء الله تجربيها و تعجبك و تبقى خبريني رايك .

  6. منى 10 July 2009

    هلا سيمو :)
    و الله طلعوا هل البانجانات شي طيب , اشتهيت الاحباب معي .
    المايونيز مو كتير بس عطى طعمة طيبة , يا رب تجربيه و يعجبك

  7. منى 10 July 2009

    هلا نور :)
    سالت عليك العافية , كنت شوي مشغولة بضروف حلوة مع العيلة الحمد لله رب العالمين
    الف شكر الك حبيبتي و اتمنى تكون الوصفة عجبتك ;)

  8. منى 10 July 2009

    هلا غيوثة :)
    الف صحة و هنا على الكبة ريتو بكل لقمة و بكل قرص . اتوقع التشقشق اله هلاقة انك ما مسدتي الاقراص منيح وقت الي جهزتيهم , و على فكرة دايما بيطلع معي كم قرص مشقشق و حتى حماتي كمان , يعني عادي هل القصة :zzz

    الله يخليلي ياكي على الدعوات الحلوة ربي الك متلها و اغلى , و كمان هنا و عافية على السندويشات , شكرا غيوثة لردك الطيب

  9. سمسمة 10 July 2009

    يسلموا ايديك منى جاري التطبيق

  10. نور الأسلام 11 July 2009

    انشاءالله ايامك عالطول خير وفرح وسعاده ورضى من الرحمن الك ولعيلتك واولادك وجميع احبابك :zzz

  11. ام عبداله 11 July 2009

    تسلم يدك علي المتبل وانا بعمل نفس الشئ بس بضيف بدل اللبنة زبادي وراح اجرب البنة والله يعطيكي الف عافية علي الوصفات الحلوه

  12. منى 12 July 2009

    هلا نور :)
    و انت كمان يا قمر و اهم الشي رضى الرحمن , يا رب كلنا :)

    ابوسك على هل الدعوات الحلوة , الك متلها ان شاء الله

  13. منى 12 July 2009

    هلا ام عبد اله :)
    ممم , يعني فكرة قريبة , بقى ممكن الواحد يستعمل المتوفر و كل الأطباق بتأدي لأطيب متبل ;)

  14. wedadswed 12 July 2009

    مرحبا يا منى كيف الحال :من زمان ما حطيتي طبخة دسمة شكلك مشغولة بالصيف وفعالياته ومانك فاضية امهم يسلمو إيديك على هالوصفة وبتصير للريجيم كتير وللمستعجلين كمان المهم حبيبتي بدي منك خدمة لو سمحت أنا بعد شهر نازلة إجازة على سورية بإذن الله وبيكون موسم مية الحصرم خلص إذا بتعرفي وين ممكن لاقيه ويكون مضمون من ناحية النضافة والجودة طبعا وكمان وين ممكن لاقيه أي شي بيخص المونة كلها إذا حبيت أخد شي منها مع أني بعمل كل شي على إيدي بس الوقت ضيق وخايفة ما لحق لهيك حابة حط خطة إحتياط وشكرا كتير إلك

  15. منى 13 July 2009

    هلا وداد :)
    و الله مو مشغولة بالصيف , بس متل ما قلتلها لنور , عندي ظرف عائلي حلو لهيك مو فاضية حك راسي

    اختي مية الحصرم بعد الفصل الي صار مع واحدة بعرفها منيح السنة الماضية ما بقى اثق في ايا محل , جابته و علبى حسابها من محل مضمون , بس كله بعد فترة صار شي متل الخل و انتزعت المونة كلها .

    على كل من المحلات المنيحة , عندك لدبس البندورة و الفليلفة و الفليلفة الناعمة و مية الحصرم و هل الاشياء ابو عترو الحياني بالخالدية , اما اذا مربيات و هيك شي فعندك مربيات بيتوتية بالتلل , و الفريكة و البرغل و اخواتها من عند الجبضون بالملعب ;)

  16. ام اروى 28 July 2009

    تسلم ايدك وجزاكى الله خير :p

  17. haya 14 September 2009

    مرحبا يا منى تسلم ايدك على وصفة المتبل هذه عملتها البارحة وكانت كثير لذيذة حسيت طعمها مثل اللي بنأكلها بالمطعم شكرا الك

  18. منى 15 September 2009

    هلا ام اروى :)
    شرفتي و نورتي و الف شكر الك للدعوة الكريمة

  19. منى 15 September 2009

    هلا هيا :)
    الف الف صحة و هنا , و انا عن جد مبسوطة كتير فيك و بثقتك في , ربي يديم المعروف دوما ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)