براونيز بكريما الخمس دقايق السرية
التلاتاء الي مضى , كنت مشغولة بالمطبخ عم حضر كاتو و عم حروق دياتي بالكراميل . فجأة اتسللت ريحة بتاخد العقل و ملت البيت كلو , ريحة الارض . عرفت انو برة عم تمطر . ركضت على البلكون , ما هي اول مطرة بهل السنة . الشمس كانت طالعة و المطر غزير و الارض الطيبة المتواضعة الي منها الحياة و هي الحياة عطت هل الريحة الحلوة , ريحة التفاؤل و الامل و القوة الموجودة بس مخباية حتى اشعار اخر …
هادا هو الخريف و مع انو صوت فيروز من اكتر من شهور لاغي كل ارتباطاته العاطفية و النفسية مع صباحاتي حسيت حالي انو لازم اسمع ورقوا الاصفر , شهر ايلول الي ما عاد يذكرني بحدا غير بانو الخريف اد ما طول و السما اد ما رعدت و برقت و الطين اد ما ملى الارض و وسخنا , هادا كله حرث و زرع لبكرة الحلو كتير , ان شاء الله .
بهل الخريف عم حضر وصفات بالباذنجان , و رح نحضر اكتر من عشر وصفات مما لذ و طاب بهل النوع الي أخلاقه عظيمة , وين ما حطيتيه بيطلع طيب و كيف ما اكلتيه بيكون نممي . هل الوصفة مو بس طعمتها طيبة كمان شكلها غريب و ملفت للانتباه و حلو و اولادي بيسموها قبوعات البانجان .
بالصحة و الهنا
2 حبة متوسطة باذنجان , مقشرة درب و درب و مقطعة بشكل عرضي لاقراص سميكة قليلاً
زيت زيتون
خلطة الأجبان :
ثلاث أرباع كوب جبنة بيضاء , مبشورة
ربع كوب جبنة موتزاريلا , مبشورة
بيضة
ملعقة كبيرة نشاء الذرة
ربع كوب بقدونس , مفروم ( أو أي نوع اخر مفضل عندك كالشبت أو النعناع .... )
معلقة صغيرة نعناع
رشة زعتر أخضر
رشة فلفل أبيض
• تقلى أقراص الباذنجان بالزيت أو ترش بالقليل من زيت الزيتون و تشوى في الفرن على الوجههين حتى تنضج .
• تخلط مقادير خلطة الأجبان و تترك جانباً .
• يؤخذ القليل من خلطة الجبنة بالملعقة و توضع على اول وجه من قرص الباذنجان , تؤخذ ملعقة أخرى و توضع على الوجه الاخر . تصف الاقراص على طبق مسطح و تكرر العملية ختى انتهاء الكمية .
• يحمى زيت الزيتون في مقلاة غير لاصقة , توضع أقراص الباذنجان على أول وجه و تترك لبضع دقائق حتى يصبح لونها ذهبياً , تقلب على الوجه الاخر و تترك حتى تتلون .
• تقدم الاقراص فوراً مع سلطة خضراء كنوع لذيذ من المقبلات .
-
وصفات تانية ممكن تعجبك
الله الله على الفن الرائع ايه اشو هذا منى الله يسلم دياتك يا رب لسى المقدمة اعادت لي التفاؤل بعد حزن طويل انا كمان الله يفرح قلبك باولادك يا رب ويبل قلبك فيهم بالنسبة للفيس بوك انا بحب هالموقع هنا اكتر من اللي بالفيس مع احترامي للجميع هنا وهناك بس عندي حنين هون لاني لي قصة هنا حلوة معك من بدايات الموقع عايشين سوا وبنسولف سوا يعني لمتنا هنا اضبضب والاعضاء اللي هنا معروفين لنا وهيك انا بحب لمتنا هنا عذرا حتى انا ما حبيت الفيس بوك كلو على بعضو حسيت العالم قاعدة بقلب بعضها لذلك انا هنا وسابقى هنا ولو وصلتني المعلومة متاخرة شوية هو المهم ان تصل لي وشكرا كتير منى لسؤالك عني
ان شاء الله متفائلة دوما و اللهم اني اعوذ بك من اللهم و الغم و الحزن و غلبة الدين و قهر الرجال …
هي حالتنا كلنا غيوثة , الله يكشف هل الغمة باقرب و اسرع وقت
و الله كلامك مزبوط , الفيس بوك مع ايجابياته بس عم يلغي الخصوصية , انو واحد لو خك راسه عم تسمع فيه امة لا اله الا الله , بس حلو لانه بيجمعك مع عيلتك و رفقاتك المغتربين
امين امين , شكرا كتير للدعوة , الله يخليك اولادك و تشوفيهم باحسن و اعلى المراتب :zzz
رح استنى رايك بعد التجربة , ان شاء الله
بالنسبة للخريف هو من الاشهر اللي في كتير ناس بتدخل بالاكتئاب فيه بسبب اقتراب الشتاء مع اني بحس انه بالعكس هو بداية لتفاؤل جديد بالخير بالمطر متل ما حكيتي يا منى بالقوة والأمل اللي يمكن مخباية تحت الارض
انا شخصيا من الناس اللي بحب كل فصول السنة لأن كل فصل اله سحره اللي بيبعث فينا احساس جديد ونحنا الي بنتحكم فيه يا بنكون متفائلين ومتمسكين لآخر نفس بقناعتنا بأن بكرة احسن من اليوم يا بنصير متل ورق الخريف وبتسقط احلامنا ورقة ورا ورقة …بتنمى ان الكل يكون متفائل لأن رب العالمين معنا والشام الله حاميها
اما بالنسبة للوصفة فشكلها رووووعة بس بدي اسألك منى يا تري اذا بعد ما نضيف الجبنة بنقدر نصفهم على ورقة زبدة وندخلهم الفرن؟؟ ممكن تطلع اخف ؟ ولا شو رأيك؟