براونيز بكريما الخمس دقايق السرية
· يقلب البصل بالزيت على نار متوسطة حتى يطرى من دون أن يتغير لونه , يضاف الفول و يقلب لدقيقتين أو ثلاث دقائق .
· يغسل البرغل و يصفى ثم يضاف للفول مع البهار والقرفة و الفليلفة الحمراء الناعمة و يحمص لبضع دقائق أخرى , مع الانتباه كي لا تتكسر حبات الفول .
· بأخر دقيقة يضاف الثوم و الكزبرة اليابسة و يقلب الكل لدقيقة أخرى .
· يغمر البرغل و الفول بالمرق المغلي و بعد أن تغلي مرة أخرى تهدى النار و يغطى القدر يترك حتى تمتص حبات البرغل كل المرق .
· تضاف الكزبرة المفرومة و تقلب ثم يقدم البرغل بالفول مع اللبن أو السلطة الحامضة .
أفكار و تنويعات :
· يمكن تحضير الوصفة بالفريكة بنفس طريقة الطبخ و التحضير .
· يمكن اضافة اللحمة المفرومة أو اللحمة المقطعة رأس عصفور و المسلوقة مسبقاً لقلية البصل و متابعة الوصفة كالسابق .
5 - 6 ملعقة كبيرة زيت زيتون
حبة متوسطة بصل مفروم
2 كوب فول مقشور
كوب برغل خشن
ملح
رشة بهار مشكل
نصف ملعقة صغيرة فليلفة حمراء ناعمة
رشة قرفة
فص ثوم مهروس
رشة كزبرة يابسة
2 كوب ماء أو مرق مغلي
2 ملعقة كبيرة كزبرة خضراء
• يقلب البصل بالزيت على نار متوسطة حتى يطرى من دون أن يتغير لونه , يضاف الفول و يقلب لدقيقتين أو ثلاث دقائق .
• يغسل البرغل و يصفى ثم يضاف للفول مع البهار والقرفة و الفليلفة الحمراء الناعمة و يحمص لبضع دقائق أخرى , مع الانتباه كي لا تتكسر حبات الفول .
• بأخر دقيقة يضاف الثوم و الكزبرة اليابسة و يقلب الكل لدقيقة أخرى .
• يغمر البرغل و الفول بالمرق المغلي و بعد أن تغلي مرة أخرى تهدى النار و يغطى القدر يترك حتى تمتص حبات البرغل كل المرق .
• تضاف الكزبرة المفرومة و تقلب ثم يقدم البرغل بالفول مع اللبن أو السلطة الحامضة .
أفكار و تنويعات :
• يمكن تحضير الوصفة بالفريكة بنفس طريقة الطبخ و التحضير .
• يمكن اضافة اللحمة المفرومة أو اللحمة المقطعة رأس عصفور و المسلوقة مسبقاً لقلية البصل و متابعة الوصفة كالسابق .
السلام عليكم طبق غيرررررشكل انا جربت الرز بالفول بس لسا ماجربت البرغل اي والله الله يديم النعمه يارب اللهم ما اصبح وما امسى بي من نعمة فمنك وحدك لا شريك لك فلك الحمد والشكر الله يديم النعمه والصحة على الجميع يارب :zzz
ااامين اممين نور
دعاء رائع , و ربي يعرفنا نعمه بتمامها مو بزوالها أممين يا رب ..
ان شاء الله تجربيها و تحبيها و هي بتفرق عن الرز بفول , غير طعم و غير نكهة
الله يا منى انا اول مرةبسمع فيها بالبرغل بفول بعرف الرز بفول وكتير بحبه بالرز ما بعرف بقى رح جربه مع البرغل انا مثلي بقى العز للرز والبرغل شنق حاله الظاهر الرز رح يطق لانو البرغل طور حاله وصار ينطبخ مع الفول متله ومن كتر ما نزلتي لنا اكلات فول لذيذة بدي قلك انو الفول الفريش الطازة افضل من المعلب لانه لا يحوي مواد حافظة او دهنية او ملح وهذا اهم شي منشان قصة الضغط عدا بقى عن انو الفول مصدر بروتيني غني خاصة ان اكلناه مع رز اسمر يصبح محتواه من البروتين متل اللحم تماما(لذايقال عن الفول والعدس بانهم لحم الفقراء)وطبعا البروتين عنصر مهم للكبار والصغار لنموجسمهم ودماغهم واسفة للاطالة
مرحبا يا منى شو هالاطباق اللذيذة هي شكلي بدي اجربها هذه كمان لأنه من الصورة بتعطي احساس انها شهية كثير بس بدي اسألك انت قلت انه نستعمل فول مقشور طيب الفول الاخضر يعني انزع عنه القشرة ولا قصدك انو بس نستعمل الحب
تسلم ايدك ياقمر ويسلملنا حكيك وامثالك الروعة اللي زي العسل ودقة تصويرك للنكهات ينم عن ذكاء وانسانة ذواقة فعلا تسلم ايدك ياقمر احنا بالعادة بمصر عندنا اطباق رائعة من غير لحوم زي الكشري المصري الشهير والكشري الاصفر مع الباذنجان والفليلفة المقلية والتحابيش الحلوة اللي بتدوخ الراس :upset الله لايضحك علينا نسوان الحارة ابدا طالما بنتبع وصفات منمون بدقة :zzz والبرغل الصراحة مستخدمتوش غير مع الكبة والتبولة واضيف القليل منه لبعض انواع المحاشي باذن الله بجرب الوصفات دي اعتقد يناسبها سلطة زبادي او صحن لبن بنعنع ع قولتكم ياقمر
هلا غيوثة يا أحلى دكتورة في موقعنا
هي غير الرز و فول و طعمتها ما بتشبهها , و خليه الرز يطق , اصلا من طول عمرن جوددنا بياكلو برغل و الرز هو الدخيل , اجا مع الاستعمار يعني :grin
الف الف شكر الك للمعلومات القيمة جدا و المفيدة , و الاطالة فيها المنفعة و الافادة ان شاء الله .
الله يعطيكي الف عافية و ان شاء الله تجربيها و تكون على زووءك
هلا هيا
نستعمل الحب المقشور الي ظاهر بالصورة و وصفتنا بدنا كوبيين منه
ان شاء الله تجربيه و تكون على زووءك
هلا يا سكرة يا ام ياسمين
الله يسلمك حبيبتي و يخليلي ياكي منورة بالموقع و بقلبي كمان ..
من الاطباق الي ذكرتيها ما بعرف الا الكشري , يمممي شو كشري اصفر ؟ ليكون قصدك الكشري الاسكندراني , و كمان التحابيش , يييمممي , عقبال ما دوق الكشري شي مرة من ديات مصريية حقيقة
البرغل كتيررر طيب و كانه طبق تاني و نكهة تانية ما اله علاقة لا بالكبة و لا بالتبولة و البرغل الي المفروض نستخدمه هو برغل خشن
كلام صح , اكتر الشي نقدم مع هل الطبق لبن بخيار أو لبن سادة أو سلطة خضراء حسب الرغبة :zzz
ان شاء الله تجربيه و يكون على زووءك و متل ما بتحبي حبيبتي
نورتي و انستي و شرفتي
الله يسلم هالأيدين البرغل بفول بيجنن من تحت دياتك يامنى
ماما بتساوي معه سلطة طيبة كتير وهي خس مفروم مع ثوم وخل ونعنع يابس وشوية ماء ودوقي البرغل معها
مممم هلا سمسمة
و الله شكلها هل السلطة تغيير شكل معها , رح جربها اسمي بمووت على هل الأكلة
مرحبا ميمو أنا جربت شوربة البنفسج وكتير طلعت طيبةأما سلطة الفول المدمس الحلبية والبرغل بفول طلعوا كتيركتيررررررررررررررررر طيبين وعملوا ضجة بالبيت وصرنا نتخاطفهن أنا وبنتي وأكلنا أصابعنا وراهن والله حرام عليك هلق صار رايح لنا اصبعين يعني 8 وصفات من هالعيار الطيب رح نصير بالبيت كلنا بلا أصابع :cry يسلمو دياتك ويخليلنا ياكي يا رب
السلا عليكم يا منى بدي اسألك سؤال انا بعرف اني بسأل كثير بس بحب اني اطبق الاكلة بطريقة صحيحة اتمنى انك ما تملي من كثرة اسألتي سؤالي هو البرغل بننقعه ولا على طول بنغسله ونستعملة والسؤال الثاني هذه الكمية بتكفي تقريبا لكم شخص وشكرا الك على تحملك لأسئلتي
هلا ميوسة
عواافي يا ستي و مليون صحة على قلبك و قلب الاميرة الصغيرة , لا تنسي تلبسي كفوف تاني مرة :roll
:grin
الله يسلمك و يحفظ و نورتي يا قمر
هلا هيا
الله يسامحك و الله اسئلتك على عيني و راسي من فوق
البرغل من دون نقع و الوصفة ممكن تكفي شخصين تقريباً 
الف شكر الك للوصفة , غمرتيني بكرمك اختي :zzz
يم يمممممم شوبحبها هالاكلة هية الوحيدة من بين اكلات البرغل بحبها طعمتها لذيذة كتير مع الكزبرة والتوم بس شوي مختلفة طريقتي عن طريقتك ومالي مجربتها مع القرفة بدي جربها انشالله ..يسلمو ايديكي يامنى ويعطيكي الف عافية يااحلى شيف
مية هلا فيك اختي
انا كمان بحبها كتير كتير , يا ترى ممكن تخبريني شو الاختلاف لحتى جربها مرة متل ما بتعمليها :zzz
نورتينا اختي مية السلامة بهل القامة
بتجنن…… عاشت الايادي
الف شكر لكم
الف صحة و هنا الك , شكرا كتير لتواجدك الطيب في الموقع روشن , كلك زووء
الفليفلة الحمراء الناعمة هي نفس الببريكا ؟؟؟
اي نفس القوام , بس فيك تستعملي البابريكا الي طعمتها حلوة أو التشيلي الي طعمتها حرّة .